2
1
0
1-min walk from Exit H, Tsim Sha Tsui / East Tsim Sha Tsui MTR Station continue reading
Opening Hours
Mon - Sun
11:30 - 21:30
Payment Methods
Visa Master AlipayHK Alipay Cash Octopus WeChat Pay
Other Info
May Bring Your Own Wine
Above information is for reference only. Please check details with the restaurant.
Review (4)
Level4 2023-05-02
118 views
打破重慶大廈,一直以來俾人嘅感覺,佢basement既Heath美食街超乾淨,呢間裝修好日式,除左有bar枱,仲有卡位。首先要讚下就係個茶壺同茶杯,超高質,好有心思,仲要有個暖爐坐熱d茶,包保一定夠熱,啱晒我!今次叫咗和牛稻庭烏冬 $128,日式豚骨湯叉燒拉麵 $108 同特上壽司盛 八貫 $228。我好欣賞和牛稻庭烏冬有得俾你揀牛肉嘅生熟程度,要幾多湯底同埋幾多鹽分,真係可以整一碗你心目中好味烏冬!另外壽司都好新鮮,我哋本身每人食咗一碗麵,兩個人再分八舊壽司,分量剛剛好! continue reading
(The above review is the personal opinion of a user which does not represent OpenRice's point of view.)
餐廳:一鮨地點:尖沙咀重慶大廈菜式:日本菜餐牌:刺身,壽司,軍艦,卷物,手卷,沙律,漬物,熱食,小食,燒物,甜品,無酒精飲品,酒精飲品。落單用QR code。蒜蓉辣椒雲耳青瓜先黎一份小食,係蒜蓉辣椒雲耳青瓜。味道少辣。北海道真蠔 $108一隻呢個北海道真蠔係時令海鮮。兩隻大大隻既蠔冰鎮住上枱,擺盤唔錯。上面各放一支花仔,伴有黃色菊花仔,同檸檬一片。下底墊有青瓜絲同蘿蔔絲。隻蠔質感係完美,唔會太散或者實,好新鮮,味道唔會過鹹,剛好。帆立貝刺身 $78帆立貝刺身一客三切,其實有6片,每兩片中間都夾住一片青瓜,伴有白蘿蔔絲同黃色小菊花。帆立貝都好鮮甜,而且唔會太薄。另上捲得靚靚既酸薑片同生磨日式芥末。牡丹蝦刺身 $98牡丹蝦刺身一客兩隻,捲好放係個高身兜,面頭加上一片楓葉,墊底有白蘿蔔絲。蝦肉都幾新鮮,而蝦頭有汁。大拖羅吞拿魚壽司 $48大拖羅吞拿魚壽司係最靚既拖羅腩,切得好厚身,有少少筋係邊位,不過唔韌,食落魚油味豐富,好肥美,壽司飯量適中,唔會太飽,亦都唔易散開。伴有楓葉一片裝飾。三文魚籽軍艦 $38三文魚籽軍艦有豐富三文魚籽,仲有唔少黃色花瓣點綴。三文魚籽手卷 $48三文魚籽手卷用個木座上枱,伴有生磨日式芥末,賣相不俗。三文魚籽都好大粒,絕不欺場。原條蒲燒鰻魚 $138原條蒲燒鰻魚一大條,係微溫上枱。鰻魚質感都唔錯,而鰻魚汁非常豐富,面頭灑上白芝麻粒,仲有兩片楓葉,伴有紅色蘿蔔漬物,同埋一朵黃色小菊花。鰻魚味濃,餸飯會好正。甜品食完仲有甜品送,係原味同士多啤梨味麻糬各一粒,伴有一粒忌廉泡芙,面頭灑上朱古力粉。麻糬塊皮薄薄不過都好煙韌,好正,而入面忌廉夠滑溜而豐富,食完都覺得輕盈不膩。泡芙都係薄皮而入面忌廉輕滑。朱古力味唔濃,只係輕輕點綴。總括而言,呢度環境高檔而卡位有私隱度,服務員態度友善,擺盤精緻。餐牌價錢都唔貴,值得一試。 continue reading
(The above review is the personal opinion of a user which does not represent OpenRice's point of view.)
最近尖沙咀開了一些類似Food Court的餐廳在一個新的地下Food Court名為 Health埋藏了很多餐廳,一入門口見到其中一個優惠寫上3月31日前做推廣優惠,午餐正價有75折便去試一試味道如何一鮨特上壽司配稻庭烏冬六件壽司加上一個迷你烏冬 有湯+沙律+前菜壽司很新鮮,烏冬略少,對我來說剛剛夠飽優惠期內連正價加一後約118 (原價138)日式叉燒豚骨湯拉麵配炸雞軟骨餃子有湯+沙律+前菜 拉麵用曲面,正常水準發揮優惠期內連正價加一後約75 (原價88)整體服務良好! 上菜速度快 continue reading
(The above review is the personal opinion of a user which does not represent OpenRice's point of view.)
Level1 2023-03-17
103 views
第一次食,叫咗一鮨特盛烏冬盛($138),則係一份六件壽司加個細烏冬既餐,另外再加了一份炸雞($18)。 烏冬份量太少,炸雞得三件,(無影到相)。新張期內有75折。加一後埋單$133。整體壽司都唔錯,係份量太少,本身算細吃,午餐嚟講,食完都唔覺飽。完咗優惠期應該唔會再吃。 continue reading
(The above review is the personal opinion of a user which does not represent OpenRice's point of view.)