一寿司 (Closed)

同朋友忽然發壽司痴，好想好想狂食壽司，但係月尾又有D手緊喎，所以就諗起呢度的黑夜壽司喇一直都聽人講呢度的黑夜壽司好搶手，每晚差唔多時間就會排哂長龍，但好好彩呀！我今次只係排左大約十五分鐘就可以入座嚕，加上呢度的staff都好好，會提早係我地排隊的時候比點餐紙我地寫定先，所以感覺上都唔係等左好耐姐我相信黑夜壽司時段都係想清左每日賣唔哂的食材，同埋做下gimmick吸引多D人幫襯但係估唔到半價左的壽司質素同水準都好高！三文魚係我的最愛，即使係黑夜壽司當然都唔可以放過啦XD 價錢半價但係份量仍然好足料，三文魚保持住平時咁厚，加上好有色澤，感覺上都幾新鮮既！其他壽司都同樣好食，如果話點樣可以進步D的話... 我諗如果D飯冇咁熱的話，一定會更好食！除左D傳統的壽司之外，上圖的呢幾款壽司都好好食！（食左好多款，我已經唔記得左呢幾款叫咩名喇XD）特別係綠色的軍纜壽司，用青瓜保住令到成舊壽司好fresh，一D都唔漏，好好食呀！另一樣要讚的就係，呢度上菜好快呀！最後我同一個女仔朋友食左三百幾蚊就走左，已經係跟埋drinks架喇，飽到飛起呀！！！正～

今天母親節，去了一寿司食放題，因為在openrice 看到評價都幾高。本來諗全食7:30 星期一的，點知全日都無哂位，咁問星期二7:30 啦，得返8:00，好，照要，如果唔係我驚陣間連8:00都無就慘啦8:00 準時去到，侍應好快就帶我地入去。原來入面是好大的，座位亦闊。一坐底，已經有兩盤刺身，不過份量好少，可能只想俾你試下味。這個份量對於我這個大胃王當然不夠啦，於是我拿著餐紙不停地點這裡的食物種類都幾多，特別是刺身，出面少有的甜蝦、北寄貝、蟹棒、海螺片呢度都有，我叫佐超多甜蝦、北寄貝和蟹棒，勁好味。之後黎熟食，其實大部分的熟食都麻麻，例如迷你甜番著、芝士年糕、燒八爪魚丸、炸蠔等，下次可以唔叫，只有牛肉粒、燒菠蘿係可以再叫。再來就是寿司，叫了好多火焰寿司，全部d飯整到細細舊，包你唔會太頂肚，海膽手卷的海膽都新鮮，唔會有腥味。食到呢到，肚皮已經很飽，但突然見到鄰座叫了蟹棒寿司，蟹棒很大，大過刺身，真後悔沒有多叫。最後還有乳酪雪糕、不過d topping 俾人搞到好核突，唯有剩食雪糕，唔加topping。

2年前因朋友介紹係旺角火車站食過! 當時係等10點後壽司有半價! 入面環境好,食物賣相都好靚,味道都好好! 所以等一個鐘我地都照等....火車站食過3次!太耐冇食今次帶表姐去試下,我仲講到幾咁好食! 點知邊食比佢邊話早知食返邊間邊間...由其佢至愛既海膽....但今時今日點解差左咁多?! 係因為分店問題? 火車站個間我可以比90分佢...但呢間我比唔落手......如果至在低食兼可以填飽個肚既話, 你可以早一個鐘去排定!無論佢環境,食物,賣相都比火車站分店差! D飯又散...紫菜林晒, 材料又唔夠新鮮,炸蝦天婦羅直頭難食,炸蝦又唔熱又林..D返又硬,硬到烈開左...蛋卷就OK海膽唔新鮮,味道怪怪地 都唔敢再加單了 但係有機會我都會再去旺角火車站個間試多次, 至於呢間就黑名單了我地叫左支98蚊既清酒所以2個人都食左$約250

是日是新一年開工大吉的大日子，可是一起飲食的一 team 人，群龍無首，只好兩個人走出去找地方食野。我倆說好，是日食好一點就當是一個小小的開年飯吧。我們行了去禮頓道，就在路邊選中了一寿司。我們不是被壽司吸引入來的，而是看中了這兒的午市定食。有一個前菜，有一個主食，仲有飲品，50多元一個日式定食，價錢上算是不錯。前菜有一個辣汁三文魚卷，辣汁，不甚辣，少許的幸辣感勝過 Wasabi，魚肉鮮甜，蝦子香甜，這一個卷物，既美觀又有水準。 胡麻鯛魚沙律，胡麻醬酸酸味味的，非常之開胃，可是不知什麼原因，這一個餐前小食變成了我的餐後小吃。這一客的鯛魚非常之爽甜，蔬菜十分之新鮮，有上等的生魚片，有上等的蔬菜，很值得一吃。 同事要了一個五色壽司，以十分新鮮的食材，縱使未是頂級的魚肉，也可以做出美味的壽司及刺身的，三文魚、鱆紅魚、蟹棒、蟹子同甜蝦，食材是絕對的新鮮，而且是即叫即製，鮮甜得只要輕輕點醬油就好好食。 我要吃飯，於是要了一個親子丼，雞扒配雞蛋，雞肉本身已經非常滑，再加上滑滑的半熟炒

OT到晚上10點, 與同事們諗住快食壽司才返屋企, 點知等位都要等成20分鐘, 原來每晚10點後壽司刺身半價, 所以我地實行放縱狂叫, 最基本的三文魚刺身, 沒有像其他壽司店那麼薄, 有口感, 甜蝦, 帶子亦好鮮味, 但一些軍艦壽司未知是否一早整好, 紫菜很淋, 不太好. 半價十分超值, 難怪10點後還要等位啦!

今日得我同老豆食飯,咁就又食壽司啦.咁又唔想出街就叫啦,未試過呢間野既外賣WORD魚其實都算新鮮既,但係唔知點解,個賣相好差.你睇下D蛋.無厘頭又會有鴨胸個蝦壽司幾好,D肉都幾多,帶子都算係咁,唔細隻,D象拔X就真係灰左,得咁細舊肉但係點都好,都好過板長

我生日,阿媽陪我去了海洋公園,玩到晚上.我同阿媽講,今晚唔番去屋企食,阿媽就打電話俾工人叫佢整定飯俾老豆食.我同阿媽撐枱腳,食咩好呢阿媽鍾意食日本菜,原本諗住番去屋企附近既日本餐廳個度食,後尾,搭車去到銅鑼灣,行幾步就有間壽司舖,望真,原來係一壽司,跟住問阿媽呢間好唔好.阿媽話好,一於扑搥呢度食啦.我地到達既時候,應該係六點左右,個陣唔係咁多人,我同阿媽坐係吧枱,望住d迴轉壽司,阿媽第一時間已經攞起帶子同埋北寄貝壽司,佢話d北寄貝好鮮甜,好味喎.跟住再叫餘下的壽司 還叫了一客香芒蟹籽沙律,大大碗好抵食....吃到中途,看見張宣傳單張上說,如做會員,生日當天可以有七折,經我計一計,這50元係咪都要俾出黎,不如用這50元做member,一舉兩得.個度d service,亦好好,店員亦非常有禮.

都已經不知道第幾次食一壽司 每次都係離食黑夜壽司 一開始有呢個優惠時段時 勁多人排隊 差唔多要等成粒鐘 就算第二日係閒日都係一樣 可能質量變差了 或者壽司熱潮已過 今日同朋友係附近睇完戲 大概十點到 唸住食少少野 經過竟然無人排隊何況又好耐無食過 兩個朋友又想試 就入去啦 價錢同以往一樣 無加價 壽司同刺身半價 加一按原價計算 唔同既係款式少了 以往有三張壽司紙 宜家只有兩張鑑於頭先己食左少少野有喲飽 於是唸住唔嗡太多叫左既有:三文魚: 偏薄 但都算大塊 魚味一般 但最抵食 ($5)玉子:又厚又大件 蛋味濃郁 最抵食既壽司($5)蟹籽:蟹籽很多 可惜口感一般 唔夠大粒同唔夠鮮 鰻魚: 唔錯 燒汁惹味 頗新鮮帆立貝: 又大又新鮮 質感好好有入口即溶既感覺吞拿魚: 唔錯 金鎗吞拿魚腩手卷: 賣相幾好 魚腩新鮮 可惜紫菜有喲難咬金龍之卷: 兩件係軟殼蟹加牛油果 兩件係三文魚加金魚籽 軟殼蟹幾脆 幾好黑蜘蛛卷: 係鰻魚加牛油果蟹籽 配搭幾特別埋單每人百一蚊 抵食 質素都保持得唔錯 下次會再來

家住附近, 有時晚上成10點幾都仲有大排隊; 好奇心駒使, 今日和大豬上來食lunch~午市又不要等噃.咦, d 珊瑚魚好似少了咁多咁既... 之前好似超多, 睇到唔肯走... 咦, 或就是因為咁, 老闆減少魚的數目來增加turnover???看menu , 似乎都係d餐最抵;我同大豬一人一個d 餐喇!小食先上, 我揀了味噌湯,不太濃, 但味很不錯大豬的南瓜沙律, 和張相有點不同,多了兩塊pringle 薯片!!!!又幾好味, 南瓜好滑;卷物方面, 冇咩特別我的辣汁三文魚卷其實都幾辣.到主菜了; 我的係特上壽司拼盆,menu 張相唔覺但原來其中一壽司係蠔?! 真係未試過.其實其餘幾舊壽司係ok, 不過個蠔好腥, 真係食唔落, 上面加左料都闢唔倒...大豬的刺身飯, 刺身都係有點乾及有渣. 看來還須加油呢.服務方面呢, 漏左個卷物, 姐姐好快地入返單, 仲馬上回來通知我們, 一讚.在第二d地方漏單, 好多時都只會係一句 "幫係跟跟喇" 就算. 就是這個服務, 令本來因為刺身, 要喊的食評, 變返為"ok"~ 加油呀其實都係80蚊位, 也算唔貴呢...

其實想去好耐ga la因為一到10pm 就好多人等呢日我地去街去到好夜, arm arm 好10:15去到無咩人,,,第一次, 入去試下不過原來有限最低消息, 人人$80...唔知係未一路都有呢..~入到去都ok, service 都算唔錯.大家要留意入面既小食係無半價但其他全部都係半價無縮水,keep到水準但10pm 兩個人食$160, 爬覺得未必真係好似大家甘諗甘抵食...當然, 第一次試下算係甘~我地叫左$340 既野食.走個時就170.2算ok^^happy night

尋晚響times附近好肚餓諗唔到食乜就揀左呢間黎食果時係晚飯時間八點幾，一去到大把位我就覺得出奇...通常壽司店最多人等位架嘛..坐低之後就叫野食，野食都上得算ＯＫ快，不過味道好似差左...貴價壽司普通左，反而三文魚壽司幾好味。我地叫左客帆立貝壽司，食晒其他都未黎所以咪同個侍應講話好耐都未到。點知跟住有個男人過黎，同我地講佢地MARK低晒，係出左比我地，重特燈拎個MENU比我地睇話我地知帆立貝壽司個樣，問我地有無食過....我同個FRIEND O 晒咀，唔係覺得我地唔知帆立貝咩樣食左落肚都唔知嘛....我話我知咩樣，我地無食過，佢仍然好似唔信我地咁，死話同事CHECK左MARK清楚係出左比我地...我心諗咁宜家係咪話我呃你地一碟帆立貝先？最後佢先話出番一碟比我地。後尾同朋友講番我地應該拎Ｄ相比佢睇，因為我地食Ｄ壽司之前都影晒相...壽司味道普通，唔算平，服務重要咁，唔怪得之大把位。漏左單唔梗要，但我覺得佢認為我地唔知帆立貝係咩樣所以食左都唔知，同埋唔好既態度令我感覺很差。應該唔會再去了。

went there for mid night sushi , maybe is CNY , so is starts at 10:30 . they give you the order form.I like the creative sushi very refreshing. is like cucumber instead of the seaweed. same as other belt sushi. everything is half price. i like the tuna sushi. the Tamago sushi is tasty. I read the openrice review before I went. will go back for the shrimp and crab creative sushi ( they name this on the menu )and the service is good ! i m surprise since not good service review I read

就係因為有得半價先黎食下,點知又食到我一肚氣海膽: 沒驚喜藍鰭吞拿魚: 味道一般蟹棒:好好三文魚:普通KingKongRoll:特別刺身: 蝦: OK帆立貝: 冇特別食物就普通,但服務就好差, 有個壽司未黎我就叫個人黎追下單, 佢話冇落到就咁我就叫佢加返單點知過一陣都仲未黎,我就再問多次,今次佢就咁印左張單俾我,叫我自己睇下真係好服務到......哩個都唔算激氣,最離譜係當我賣單,佢找返D錢俾我,咁我拎哂D零錢走,佢竟然就咁將張單整爛之後放向我張枱上,哩下真心嬲左下次都係冇必要都唔黎用錢買難受

下午一點半到，只剩吧台座，不過不用等位，真好。這家推出Mix & Match午間套餐，讓客人可以在小食、卷物、飯或壽司類別裡，搭配選擇自己喜歡吃的口味，每一項有5~6樣，可以來吃幾次都不會膩喔。我和朋友各點了不同的口味來share，所以就有六種東西可以吃，好豐盛。蜆仔麵鼓湯 -- 我朋友每次來必點，蜆仔的份量蠻有誠意的。特色鯖魚唐揚 -- 外面炸的不夠脆，肉身沒有油脂。芒果三文魚卷 -- 味道清爽，吃進嘴裡還有蝦卵一粒粒的口感。三文魚脆脆卷 -- 好奇是什麼東西脆脆才點的，原來是炸過的麵衣碎，淋上mayonnaise搭配壽司一起吃，我很喜歡這個味道。海鰻玉子蓋飯 -- 味道和日本的烤鰻還有醬汁很不一樣，但以這個價位來說，我覺得可以接受。什錦魚生飯 -- 魚生料多新鮮，值得推薦。我們兩個女仔吃到最後飯根本吃不完，另外還送飲品，真的抵食。壽司有水準又有創意，下次會再來幫襯。

偶爾隨筆，相識數載的朋友說鏡中人不善表達自己，他自知不善詞令，原則上除非說話會為大家帶來好處，否則選擇繼續沉默；記得國際攝影大師夏永康對鏡中人說過，要認真了解一個人，最佳的方法是由他的作品開始，相片是眼、文字是心，騙不了。p.s　和牛質素佳，卻不宜配蔥，影響味道。更多隨筆分享＠http://hk.myblog.yahoo.com/yahitemboy/article?new=1&mid=126