228
7
5
7-min walk from Exit F, Admiralty MTR Station
continue reading
Introduction
The restaurant specializes in Omakase and offers two set menus, including seasonal sushi, hot dishes, ochazuke and desserts. They make use of special ingredients, and the menu is changed according to the seasonality to ensure the freshness.
continue reading
Opening Hours
Mon - Sat
12:00 - 14:30
18:00 - 22:30
Sun
Closed
Above information is for reference only. Please check details with the restaurant.
Recommended Dishes
以前食過一次印象OK，今日行過諗住食個午餐，發現可能已經轉左手。是旦啦，坐低係壽司檯叫左個12貫壽司定食。然後，等，等，等，等左幾乎半個鐘，除左杯茶乜都無黎，望住師傅叔叔，佢又好似好忙好努力，樓面姨姨又好緊張甘行出行入，但就係食物始終出得好慢，服務亦幾乎等於無。過多陣姨姨可能發現我面已經黑過檯面，先急急跟跟單然後手忙腳亂攞左份壽司黎，咦，得十件，唉，是旦啦，照食，難食未算，比超市外賣好少少咁多多。食左陣，定食的其他野無跟住黎，例如沙律呀麵鼓湯呀同埋個餐牌自己寫住有兩件剌身添，之後仲應該有甜品同餐飲，太忙漏左? 望下姨姨，佢繼續好緊張好忙甘係我身邊行出行入，又睇唔明佢忙左乜出黎，唯有揚手問佢個餐係咪仲有配菜未上，佢慌失失話係既，然後，等，等，等，等左一輪，佢攞左碗仔沙律黎，係，得碗仔沙律黎。心死，食物又唔係好，服務又完全唔識做，同佢磨落去都係同歸於盡，再揚手叫埋單算啦，188大元，十件壽司兩口沙律吽左大半個鐘。我知道世道艱難，搵食不易，但係唔識做個行就真係未學識就蝕到入骨都未天光個喎，何必呢?
continue reading
Monday lunch，對我而言，非常重要！星期一吃頓好的午餐，為自己打打氣，迎戰一星期的忙碌！2021年第39個 Monday lunch，到灣仔月街鮨月吃壽司。我自中學時期就喜歡吃日本料理，多年不變，年長後比較愛吃壽司，鮨月午市壽司定食，定價198元，包括以下的：#野菜沙律：份量不多，蔬菜算新鮮。#味噌湯：不會太鹹，不錯！#手握壽司10貫：帆立貝、赤身、甜虾、蟹籽軍艦、油甘魚，鮮味十足！好吃！三文魚和另外４件白身魚 (不知道名字，店員沒有介紹)，味道比較淡，不突出。#湯烏冬：另加20元/碗，味道一般，可以不點。#水果：橙、密瓜、火龍果各１塊，橙應該放了挺久，有點乾。#熱咖啡：很濃，不是人人喝得慣，但我 like！普普通通的用餐體驗。
continue reading
提早訂枱 準時到 沒有點omakase 散叫刺身-魴鮄$180 , 刺身7點盛$470 （拖羅、牡丹蝦、魷魚、油甘魚、鯛魚、三文魚，scallop) ,日本蠔約 $108 刺身好新鮮。熟食 - 西京銀鱈魚 兩客 ，惹味。雞肉棒 、牛舌（牛舌實在太靱，超費牙力去消化，這個燒得過晒龍，太熟）是今晚唯一敗筆炸蝦🍤頭 ….香脆
continue reading
價錢與食物質素相符， 味道也跟價錢成比例 ， 我個人覺得還是合理的 。但因為颱風與暴雨 的關係， 整個餐廳只有我們一台，感覺像包場， 但根據 menu菜單資料顯示, 包場 的價錢大概是HKD $10,000 －$18,000, 視乎時間( 例如視乎午餐還是晚餐 ；星期一到五與星期六、日、公眾假期又有分別)， 所以昨天晚上的服務特別好, 感覺是賺了。我個人特別重視健康， 見到沙律有比較多綠色蔬菜的選擇 ，我去order 了兩份不一樣的沙律, 價錢合理 , 而且份量也不少所以特別加分吧。
continue reading
好多時平日放假，都想搵啲靜啲嘅街道小店食下嘢，今次喺呢度搜尋灣仔師父發板，出咗 10 個選擇，就揀間最僻靜嘅試下。門口同圖入面嘅餐牌一樣，lunch time 就揀貴少少嘅壽司 set，$248 十件，冇乜好投訴，料夠新鮮嘅話，直頭係抵食。入座近一時正，店內大概七個客人，在我前面先入咗兩位，我一位被安排坐吧枱對住師父，十分正路。唯一一位侍應放低一杯茶一份餐牌，冇一粒聲就行咗去招呼另外兩位客人，冇所謂啦，你得一個人做。聽到兩位客人落咗單，侍應亦報咗俾師父知咩餐，我諗住佢識返唻問我啦，一等是五分鐘，冇人理過我侍應唔見咗，師父唔望我，存在感跌到人生最低。最後我揚一揚個餐牌擰晒轉面，先有人知我想落單，我問 lunch 最好係呢個餐嗎？口音原來唔係好正嘅唯一一位侍應就答我壽司係呢個，咁我話好啦唔該你呢個啦。一心以為坐吧枱，師父會慢慢上，食住正常麻汁沙律等，又睇下師父手勢，見佢一字排開三塊木板，三份餐一齊整，就知我自作多情了，吧枱唔代表會逐件做，一樣係成份出，不過收你 $248，算啦。兩位師父一齊玩咗十幾分鐘，玩齊三份餐，就叫出餐，其中一位師父在我面前遞俾我，問：你係呢個餐吖嘛？我心諗，我點知呢個係咪我叫嗰個餐？我哦咗一下佢就放低咗。我望咗一陣係咩魚先，師父已經冇再理我，由上左開始，是大拖，赤身，炙秋刀，炙間八，第二行係三款白身魚，我又不恥下問師父係咩，左起赤鯛，笛鯛，伊佐木，最後係筋子，唔知咩貝，同蝦。先食白魚，三款都係一樣味嘅，上面有放少少點綴調味但我真係分唔到。之後嘅我都唔想再寫，因為諗唔到點寫，淨係記得冇味囉，諗住最濃味嘅筋子我放到最後，一入口，吓？甜嘅？你玩我呀？真係估你唔到喎！喺我食緊最後兩件同時，侍應就已經上埋生果，師父就問我餐飲，叫了咖啡。講講個飯嘅份量，普通回轉壽司用飯機出，正常會係 18gm 一件，係過大嘅，呢度就過細，目測只有 10gm，可能細啲添，大食朋友一定唔會夠，我都唔係好夠飽所以問師父有冇咩特嘢可以加，佢立即答我海膽啦，北海道根室產 $108，我問仲有呢？佢猶豫咗十幾秒搵咗幾下，就答吉備奈子啦，我唔知係乜，照答好啦，就加咗各一件。原來成餐飯最有印象深刻就係呢兩件，海膽見得人，雖然偏細，飯只有三個五蚊銀疊起咁大，但海膽比飯多好多，亦明顯新鮮，鮮甜實淨膽味濃郁，抵讚！而呢件吉備奈子就犀利，不修邊幅開到呸晒邊，與飯之間放咗半塊大葉，入口冇味只有腥，加塊大葉撞一撞，可以算係我食過最難食嘅壽司，飲啖過咸帶苦嘅味噌湯沖一沖，飲埋啖好味嘅咖啡走人。最後仲有一嘢令我的起心肝寫下千字長文。我擰轉面叫侍應唔該埋單，佢 fill 緊啲嘢背住我，冇反應，我以為佢聽唔到，再大聲咗少少講多次，佢即刻答我：聽到！等等！比我大聲好多，第一下你又唔應，跟住咁樣應我？埋單 $440 幾，真係食咗一肚火。
continue reading