8
1
0
Above information is for reference only. Please check details with the restaurant.
Recommended Dishes
成日聽人講元朗好多平靚正既野食~今日放假就專程撘車入黎睇下有咩正野!第一站去左食臭豆腐~記得細個街邊D臭豆腐$10一大舊,脆卜卜聞落好臭但食落又脆又香口!而家已經冇哂街邊檔，成日好恨食番果種味道!睇雜誌推介呢間臭豆腐，仲有唔同既醬汁有唔同既口味~就一於黎試下啦!係西鐵站落黎都要行一大段路，呢間小店係橫巷既一個小角落，如果唔係睇過介紹都未必識黎添~不過見到鋪面既相都已經流哂口水啦!我地叫左冬蔭功醬，雖然佢係即製但一路等唔知點解係聞唔到臭豆腐既”香”味既~😂等左陣好快一客三件既臭豆腐就送到我地手上!個賣相有80分啦~炸到好金黃好似好脆咁!!因為新鮮炸起真係好熱~食時要小心!第一啖食唔到醬汁部分，亦都因此食到臭豆腐既原味~食落比我想像中冇咁脆口，始終都未去到小時候係街邊食臭豆腐果種口感!😔😔不過冬蔭功醬好惹味!咸咸地配落本身淡味既豆腐度係Perfect池既!👍食完果陣臭味同冬蔭功味係口腔度纏繞住~😆老公驚我地個口太臭所以買多杯蜂蜜綠茶~味道就冇咩特別，但勝在冰涼解渴同真係沖淡到個口既臭味!
continue reading
佢喺千色店對面，通常我食完飯之後，都會買返份來做飯後甜品，佢價格一啲都唔貴，我通常會買美式青瓜醬味嘅臭豆腐，都係$13咋。原味傳統都係$13，感覺加咗啲醬會抵啲。落左單之後佢先會開始做，通常等七至10分鐘，佢一共有兩個Staff，個女仔負責落單，男仔負責煮，我睇咗佢幾次，佢真係接到單先開始煮，所以要預咗要等。佢係紙盒裝住，三件裝嚟嘅，你可以自己加醬，首先浸味唔覺得佢太臭，不過食落口，好脆邊，熱辣辣咁，夠豆腐唔係細，食落幾香口，如果兩份食，三件未必夠，可能要叫兩客。佢有幾種味，泰式冬陰公，台式泡菜，麻辣醬，黑松露等，食完可以過對面嗌珍珠奶茶
continue reading
元朗真係好多野食啊！依家仲開左間臭豆腐店一泊好車係街頭已經聞到一陣陣好香嘅臭豆腐味🤩🤩🤩 店主係即叫即做架，臭豆腐炸到金黃色😌脆卜卜得黎又唔會太油膩嘅感覺，我仲加咗啲辣椒醬同甜醬，夾埋一齊食真係好正啊！#尚品坊 #元朗美食 #臭豆腐 #臭豆腐專門店@superior_hk尚品坊元朗西菁街9號富盛大廈地下15號舖
continue reading
一直都想試呢間臭豆腐舖，之前經過2次都無開。今次終於試到了！ 行到門口其實都唔會聞到臭味。店內有很多特別口味的臭豆腐， 美式青瓜醬，泰式冬蔭功，泡菜等等。。。不過我都係揀左原味。即炸臭豆腐嘅等候時間為5-7分鐘。一般店家都會幫忙切開一半。店內提供辣豆瓣醬和甜醬自己落外皮薄而脆，不會太油膩。豆腐都ok 嘅，唯一不足就係唔夠臭
continue reading
最近天氣冷冷的，想吃點熱的小吃，剛好在元朗逛街看到「臭豆腐」呀！現炸的，外酥內軟不油膩！非常好吃😋這次試了原味的，想試試豆腐的原味😚還有很多口味，台式泡菜感覺很棒呢！還有冬蔭功跟黑松露，好有創意😆沒想過臭豆腐可以這麼特別🤩
continue reading