一粥麵

Open Now

Now Closed

今天，2024-04-15(星期一)，早上8時許，刻意付費坐巴士去杏花新城(一粥麵)，也不步行去柴灣地鐵站的新翠商場(一粥麵)。原因是我覺得杏花分店的店面夠大，出品應該不會差得去邊。去到收銀處看餐廳食物牌，款式很多，但是食物種類沒有編號(例如，粥類是A1，A2……公仔麵類是B1，B2等)，或數字編號，如1001，1002……等分類，好使顧客不用記住冗長的餐單內容……例如，我今早買的是(沙爹牛肉麵，配餐肉，煎蛋，牛油多士，熱檸檬茶)……及……(一粥兩件)的……(香茜魚粒粥，配叉燒飽及䜴油王炒麵)兩個外賣。若是餐廳能編上代號，我只需要同收銀員說一份A1及一份B2，……便快捷妥當。之後，我取了外賣單，等電子屏幕出了我的單號，便可以離開，誰知等了10分鐘也不見我的外賣單號碼出現，我行近去櫃檯看，居然有我的單號貼在外賣食物袋上。我問職員，為何沒有我的號碼出現在電子屏幕？亦沒有職員叫我的號碼？要我呆等10分鐘？職員支吾以對，只說可能是撳走了號碼……(明顯我不會接受這解釋)，應該是有人忘記了輸入取單號碼。之後，我再問收銀員，你們可以接受電話語音下單，或手機whatsapp下單嗎？收銀員回答説，只接受

今日不太肚餓，個牛腩麵size剛剛好！🎉杏花村店地方算大，也算裝修四正！腩肉算腍，大大件夠分量，肉質鮮美！籮白大大件，清甜，令人垂涎欲滴！😉有熱湯有葱香，也很正！店員细心送上清水一杯！

朋友説，今天的行程，去杏花邨，跟著去小西灣泳池暢泳。我話，有機鐵地鐵的時速，去那里都不是問題不出1小時已到杏花邨站，行幾分鍾就是杏花新城，進去逛逛見有，門面很寬，餐牌顯示在門口正中的牆壁上，有圖有價錢，粥、粉、面、飯有四大板。朋友選了鮮蝦雲吞面配一碟付乳通菜，我選勁爆葱油魚扒飯。想不到門面寬之余，里內仲咁闊落，樓底又高，又是玻璃幕牆，開陽之余仲系全部卡位，真系無得輸。.$43，太陽蛋煎得相當靚，配上葱油，餸飯超正，對魚扒反而不抱期望，雪藏嘛，但叉開扒肉又幾實淨，味道甜中帶香，又不是想象中更差，有咬口之余仲好好味。朋友的$43十$9，佢話通菜都幾韌，我試下，真系幾韌，應該系菜期過時了吧～總結：環境舒適，食物份量足，冷氣够凉。朋友話：早知選生菜

今晚在杏花邨店買了韭黃炒蛋伴蝦仁及西芹青衣球（附圖）炒蛋完全淡茂茂無味⋯⋯仲要係濕濕粒粒⋯⋯賣相唔可以接受⋯⋯西芹青衣球啲獻汁又杰又多，多到冚住晒啲餸！好似啲湯咁，完全非常失望⋯⋯回家要用清水洗左啲獻汁，才能入口。幫襯咗一粥麵很久，平均水準還可以😌⋯⋯但今次連職員👩🏻‍💼啲態度都差，生意好唔係代表服務態度可以下降！管理階層應該留意一下！價錢一啲都唔平⋯⋯食物簡直係超惡劣😨唔敢再幫襯😤破壞了我們一個晚餐🥣

自從之前禁堂食，已經習慣左成日要食外賣，就算依家開返堂食，有時都會外賣直接買返公司😆杏花邨出名地下多野食，而且疫情後真係好多食肆都有優惠今日就試左一粥麵既外賣試試先，平時堂食多數雲吞麵或粥或腸粉，今日試下佢既午餐😆😆😆😆我叫呢個飯仲要係凍熱飲同價，抵!!!😋😋😋當然叫返杯凍檸茶少甜😆福健炒飯，真係唔係間間好食，但呢間足料之餘味道適中，而且望落乾淨，份量勁充足，食晒真係包頂到晚飯，哈哈!

今天想吃點輕量食物，去了這家快餐店食稀飯～～～～～😄😄😄😄😄沒想到有驚喜，炸兩一般般，因為油炸鬼已經有點冧了～～～😔😔😔😔😔雲吞麵絕對想不到，完全不是快餐店出品🤗🤗🤗大地魚湯夠濃，有焦香，👍👍👍👍雲吞大小適中，一口雲吞，正宗，爽脆🥰🥰🥰🥰🥰經過可以食下，絕對推薦快餐店都可做到數十年老店出品既雲吞7、8成完全係意外～～～～～～😂😂😂😂😂😂😂😂😂😂😂

成日食西餐有點悶，所以今日去了一粥麵買粥食，早餐原來除了粥仲可選其他食物，今次我就買了粟米瘦肉早餐配燒賣和炒麵飲茶走三十三元，食物來到燒賣煮得太耐好濕而且是凍的，炒麵不夠乾身，味道有點淡，最後加了辣椒醬就比較好，炒麵不太油但就有點凍。粥方面有二款我就選擇了粟米瘦肉粥，粟米勁多而且瘦肉都不少，肉都夠咸不錯但比較大舊，粥口感就普通，口感覺得沒有米的感覺。飲品茶走的奶茶味都幾濃但不夠滑身。以三十三元可以食到不同食物同飲品都幾抵食，下次可以叫另一款粥品。

好耐冇食過一粥麵既早餐啦，今日湊左阿仔返學，經過杏花商場見到佢地既店舖，醒起之前見過佢地賣過廣告，有精選優惠早餐，由$32減到$27，可以入去一試，$27餐係鮮牛肉通粉，雙腸仔，炒蛋，多士跟餐飮，賣相唔錯，份量夠大，好飽

This is the first time I have dinner in 一粥麵. I order a dinner set of “dirty chicken” with soup takeaway. The takeaway counter is a bit mess and the staff confused if they packed the correct dish to me when I pick up.The chicken is average. Not overcooked but not very soft. The soup is the signature of this dinner set, but a bit salty. The rice is overcooked and hard. I will give 5 out of 10

杏花邨的餐廳一般都好早收,九點鐘已經係last order。一粥麵算係做得晏，九點半過去都仲可以order到嘢食。雲吞麵味道一般，麵煮得太軟，沒有鹼水麵的爽口，而雲吞味道很一般;腸粉還可以，夠滑，但香味不足。 另外建議可以在粥品上有多一點變化，增加選擇。如果夜晚想食得清淡可以考慮一粥麵。

好耐無食過一粥麵，行過見到佢做緊套餐免費升級凍柚子紅茶優惠，所以試試佢。見到堂食都好多人叫炒河，所以我都揀左豉椒排骨炒河配凍柚子紅茶($42)。因為即叫即炒，所以要比啲耐性等下，我都等左十分鐘左右就有。岩岩炒起既河粉，熱辣辣好香豉椒味，賣相唔錯，排骨都算多，味道適中，唔會過咸，都幾好食。杯凍柚子紅茶，裡面有一粒粒既柚子肉，但飲之前要用匙攪一攪底部既糖漿，唔係既話會上半部好淡下半部好甜，攪匀之後就甜度岩岩好，味道唔錯。

今天工作完畢，匆匆經過杏花新城，決定來個快閃午餐。中午時份的一粥麵也十分受歡迎，差不多滿座。我喜歡這裏的粉麵，水準一向不錯。今次也要了我喜愛的潮式魚蛋湯河粉配葱花炸腸，再加一杯凍檸茶。這裡是先付款買票，再等顯示屏出號碼，才自行拿取食物，所以效率也很快。河粉軟硬度剛好，潮式魚蛋和魚片份量也十足。只可惜蔥花炸腸已早早預備，所以粉皮已放涼了，而內裏的油條也更顯得韌，這個大大的把整份午餐扣分。整體來說，環境算是不錯，服務員的態度也很好，只是要注意一下部份食物的質素。

陪媽咪去杏花邨買波鞋後，兩母女就落商場地下食晚飯，最後我哋決定入『一粥麵』食飯。我哋叫咗個黯然蜜汁魚柳飯，配猴頭菇湯，以及一個無骨豬手菜飯套餐，配一碟仔嘅肉碎四季豆和一杯熱檸水，合共$103。俾咗錢之後，我哋就揀位坐，等職員送餐過嚟。我哋都覺得無骨豬手炆得好香，而且好軟，好啱老人家食，肉碎四季豆又唔會太鹹，菜飯多菜唔油，至於蜜汁魚柳飯，加埋蔥油及煎蛋，食落都幾好味，配埋清清哋嘅猴頭菇湯，就完全唔覺得油膩。總結：有一定嘅食物水準，而且值得一讚嘅係一位送餐女職員，佢嘅服務態度非常親切有禮，令到我哋兩個都食得好開心。

搬咗過嚟杏花邨呢度冇乜邊間野好食、兩間酒樓又唔掂、上次食八方雲集食到肚痛、crostini 係我常去嘅地方、因為咖啡平靚正、但係食得多都厭啦、試吓呢間一粥麵、琴日過嚟試咗個餐$28下午茶真係好鬼抵！個雞扒包好好食！個包仲好軟熟甜甜地、琴日就係加咗腸粉、就係覺得好好食所以我今日又過嚟食啦、今日我就加炒麵！一個包加個炒麵再加杯嘢飲都係$28真係好抵！我平時飲杯咖啡都要$28！但係今日非常之失望、個雞扒包嗰塊雞扒有啲怪味、好似隻雞死咗好耐唔新鮮開始就嚟變壞的感覺、衛生情況仲要唔係好OK、只叉唔知痴住啲乜嘢好明顯洗唔乾淨、但係呢度員工服務質素真係好好嘅！啲阿姐同哥哥仔都好有禮貌值得表揚！但係衛生情況需要改善！夠膽用呢支叉吃東西咩⋯⋯之後我畀返之差佢哋佢即刻同我比返筷子俾我、佢哋都知道唔啱真係好有禮貌嘅話唔好意思！但係個包真係有啲失望、因為塊雞扒係臭的！

上星期和朋友去杏花邨睇波鞋啲時候，覺得肚餓，於是就落咗一層睇下有咩下午餐好食，睇咗幾間餐牌後，就決定揀一粥麵嘅燒汁雞扒刈包、家鄉銀針粉配一杯熱檸水$24及細蓉(細碗鮮蝦雲吞麵)、雞全翼配冰鎮奶茶$32。俾錢後，才慢慢揀位坐，因店舖都算幾大，坐位都算多，坐低大約五分鐘就有嘢食啦，最大驚喜竟然係個燒汁雞扒刈包，雞肉咬落竟然有汁，唔覺得乾，而且好香，好好味，而個家鄉銀針粉亦唔錯，對比細蓉餐，就更加覺得前者非常抵食，至於環境及服務都算可以，總括我哋兩個都覺得無揀錯。