鴻星中菜 (Closed)

老豆生日,全家總動員慶祝,見報紙有75折優惠劵,地點又方便,便訂枱試試.因是周末的關係,酒樓要求分頭尾輪,頭輪18:00,尾輪約20:30,因20:30太夜的關係,故選了頭輪,食一個"早"晚餐.菜式如下1) 鴻運乳豬全體: 幾脆,但豬幾肥.(2) 川椒雞帶子: 雞和帶子都幾鹹.(3) 百花炸釀松葉蟹腿: 其實即是炸蟹鉗,這個味道幾好.蝦膠幾好味.(4) 玉環瑤柱脯: 即是節瓜瑤柱,味道正常(5) 燕窩冬茸燴生翅: 這個最差,基本上看不見翅的影踪.(6) 清蒸大海斑: 魚幾滑,(7) 原隻鮑魚花菇: 原隻鮑魚幾吸引,雖然鮑魚味道不太濃.類(8) 脆皮烤野鴨: 鴨瘦廋小小,但入味,不過肉質幾韌(9) 飄香荷葉飯: 有兩個小荷葉飯,但是飯幾硬（食得多一定胃痛）。(10) 蔴沙糍: 即是芝麻糯米糍,不太甜,可以.我們有十三個大人,故要加番一個人頭錢,另兩樽啤酒,共$2,400　（已包加一，菜芥，酸菜）.價錢合理,食物可以,服務也算不錯,所以整體算幾滿意.

前幾日和朋友在這裡吃飯,由於朋友即將到歐洲學藝,所以今次要食餐好的.一行三人在晚上九點幾先到,叫了魚翅帶子餐.有燒腩和肴肉,蟹黃翅,蟹份小籠包,帶子皇,豉油王大蝦,炒雜箘,楊枝金露,紅豆糕和白兔先來燒腩和肴肉肴肉一貫水準,質地和味道都不錯.燒腩沒試.跟住就來蟹黃翅以為是飲宴的size,怎料到是double size,(過左九點學麥記??)用個大碗,好似裝湯咁.不過佢係碗翅! 味道很好,不馬虎,用料足,有蟹黃,翅,魚肚等. 食完碗翅都幾飽,感覺很好.蟹份小籠包,感覺不到很強的蟹味,蟹份不多.可能係晒碗翅度.利苑做的好好多.帶子皇,大隻,厚身,好似鋸排咁.好食.豉油王大蝦,到這道菜時,已經飽了.不過見隻蝦好吸引.再食.這也是做得好的,豉油味和蝦味並存.最後飲埋楊枝金露(用酒杯盛著)三人已經食不下紅豆糕和白兔.加上冷氣好大.吃完怱怱埋單走了.(建議大家去這間鴻星的話帶多件外套)一開始見這個餐每位338.心想都幾貴,不過有幾何.抱住一試心態.想不到喜出望外.可以說是物有所值.尾中不足是沒有叫碗白飯放落魚翅中,歎下魚翅撈飯.(如果食埋飯,兩個餐就夠三個人食).等朋友回港之時再去吧.

今晚同老公&奶奶食左一餐又凍、又谷住一肚氣的晚飯！首先，佢地個空調，凍到好似雪房，分明係趕客走！我地鎖定左三道（家常小）菜：薑汁炒芥蘭清蒸海班湖南雞煲當點菜時，我地問：部長條魚係養班定係海班？部長答：係養班黎！（冇耐性地）奶奶問：咁條魚咪好易過火，會（諧）！部長答：係呀！會呀！個部長竟然咁樣答，唔知佢係老實呀？定還是敷衍緊我地？最終，我地都照叫了呢三個菜等左半個鐘，係再三摧束下，諗都諗唔到第一樣到的是條魚！（完全唔合理）※條養班真係好（諧）※跟住再摧朿之下，個雞煲終於係大概十分鐘後到。※雞煲，味道還可以※到左我地D飯都食得七七八八時，個碟芥蘭仲未到！心諗：如果食晒所有野，碟菜仲未到就取消左佢！點知，真係一食完所有野，碟菜就來了！※但唔係薑汁炒，而係蒜蓉炒※大家計一計，由點菜 到 碟芥蘭到達，係不斷摧朿之下，都要成粒鐘先齊晒！離晒大譜就連賣單都要十分鐘！成餐飯都背脊骨落！三個菜+三個飯賣單＄500 有找又貴！服務咁差！唔駛指意我地再又幫襯！

我和朋友看Menu，見到叫到 魚煲翅+魚煲飯 張相，十分之吸引！魚煲翅及魚煲飯 各自在一個沙窩煲內！魚煲翅是粉橙色，魚煲飯熱辣辣在則；而兩個煲仔的手挽更是相連的，甚有特色，於是order 了。過了一段時間，Waiter 送上的是一個大碗(裡面有灰色的湯)及兩個小碗(裡面也有灰色的湯)，另外有一隻碟上面盛着一些白菜，豆腐和魚片！我們異口同聲說：「我們沒有叫這個湯！」我說：「我們叫魚煲翅+魚煲飯！」誰料Waiter說：「這就是了！翅就是放在石頭魚湯裏面。」我說：「我不是order石頭魚湯翅喎！我們叫魚煲翅+魚煲飯！借個Menu來，我翻給你看，不是這樣子的！」儘管Menu的相片及上枱的魚煲翅，於全是兩回事，Waiter亦盡了本份告訴我們這就是我們order魚煲翅！唉！而魚煲飯亦在我們吃完「魚煲翅」後，約15-20分鐘到！味道淡，漁肉硬！給我們的豉油實在太鹹了！

同屋企人黎海港城食呢個信用卡套餐:四小碟: 幾好味~~不過阿媽話咸左D~~石頭魚燴翅: D魚翅得少少~~ 不過個湯唔錯~~石頭魚兩味: 蛋白炒球奇淡~~冇咩味~~蒜香骨腩凍凍地既~~NOT GOOD~~海棠炒野菌就幾好~~D野菌幾鮮味~~不過唔知點解同炒飯拼埋一碟~~賣相差左D~~石頭魚鮫: 呢個幾好~~熱辣辣~~棉花白兔仔幾好食~~我都好耐冇食棉花糖喇~~整體感覺麻麻地~~

哈哈...今次要介紹的...唔係食圍菜的翅...而係..足六兩的石頭魚煲翅 +石頭魚飯....第一次為咗煲翅等45分鐘....等到發呆之時....終於上場啦...石頭魚湯煲翅 (10分)：無得彈! 魚湯味濃，一支支的魚翅放入口...真係唔捨得吞... 魚煲飯(10分)：新鮮....仲要有飯焦...無得頂!! 抵我地等咗咁耐先有得食!

屋企人見到鴻星出左個 $199@ 石頭魚餐，諗住開開心心一齊去試下，點知換來一次極不愉快既經歷!!食物真係好一般：四小碟 - 7 個人既份量先真係 4 個「小碟」，1人份量應該係幾粒石頭魚羹 - 好腥石頭魚兩味 - 一邊係炒蛋白，一邊係類似避風塘炒法炒野菌 + 炒飯 - 成晚食得飽既，呢個炒飯都算最好食!!棉花白兔仔 - (見下文)蛋白杏仁茶 - 好杏仁霜味，好食與否就見人見智芝士餅 - 呢個都幾好食! 以下講返標題既「棉花白兔仔伴垃圾水」事件!! 呢間野 D 樓面，不論任何職位，都好似乜都唔識咁，反應又慢!食完個炒飯之後，叫佢上甜品 --「棉花白兔仔伴西式甜品」，等左一陣有個阿姐捧過黎，放低一碟 7 隻白兔，再放低 2 個兜仔 (見相片白兔後面係其中一兜)，入面有 D 好似水定糖水之類既野，佢放低 3 樣野就行開左。佢叫得做「棉花白兔仔伴西式甜品」，白兔仔就係人都睇到啦，在坐各人就睇果 2 兜係乜野「西式甜品」，有人見到有 D 好細既野飄浮，就估係咪桂花糖水，拎起聞落係無味既，有人好勇點左一點黎試...原來係水黎既! 咁飄浮果 D 係乜?! 就係花生皮碎!! 係隔離其他檯上、人地食完

今朝我地去了這間酒樓飲茶，這度有個好處就係有得book枱，咁我地遲了到都冇問題，我地叫了炸饅頭、山竹牛肉、炸芝士蝦卷、魚湯津白雲吞、炸bb鴿、金銀菜燒骨粥、蝦餃、欖仁馬拉糕同埋個蟹粉小籠包。山竹牛肉我就冇食，就唔知道如何，但係食那個人都冇話唔好食，應該ok。炸饅頭就食到d油唔係咁新鮮但係又唔係去到"嗌"，只係個底脆，我係另一間食過好食d，係切到一片片炸的。個炸芝士蝦卷食到流出來的芝士，都幾有芝士味。蝦就唔係咁食到。個魚湯津白雲吞，來了一陣未食個部長本來想幫我地加水，點知佢件衫浸了落去，所以要換過 ，d 津白老d，d雲吞好細粒。個炸bb鴿真係好bb，不過都幾入味幾脆。個金銀菜燒骨粥，完全食唔到有d 燒骨粥味，只係食到d 菜乾味，咁都冇沙又唔咸。個蝦餃我就最like，因為個size好大粒，我係澳洲食過咁大粒，係hk 好難食到咁大粒呀!係利苑都冇咁大粒，個皮都幾薄。但係個欖仁馬拉糕就完全唔掂，又"鞋"呀!又唔香呀!真係好難食到細細個那時咁好食的馬拉糕呀!個蟹粉小籠包都幾大粒，食到好香的蟹粉味呀!都幾好食。d 侍應都冇記性，我地叫佢拿沙律醬俾我地，完全冇印象，要搵過第二個先有呀!咁佢d 茶都幾

晚市~極品四位車輪鮑魚宴食物:鮑片翠肉瓜 - 鮑片入味, 好鮮 . 蠔皇鮑脯 - 好小家咁 得果一兩.紅燒金錢鮑翅 : 三兩翅 , 好大疏 , 湯底好好味.海斑 : 太熟了鴛鴦蝦 : 一般帶子炒飯 : 太乾身杏汁蛋白露 : 呢個真係好好食 , 唔太甜 , 好滑身其實個餐唔係太多野食 , 收 $1,850就好似貴左d啦.另外重要叫左半隻chick : chick皮都算脆

昨天晚上跟舊同學來了這裏食生日飯,我們五個人,我先到,這裏都不算多人,仕應帶了我進入裏面,初初我以為只有出面一小部份那麼細,但仕應再帶我入了裏面,原來裏面仲有很大的地方的,一坐下仕應已問我需要入甚麼或開甚麼茶.都幾好服務.我在仔細看餐牌,有好多套餐,不是兩人就是四人或六人,十二人等等......我們五個人就比較難叫套餐,之前看到有食評說大閘蟹套餐好抵食,但找不到這個餐牌.我還以為已經冇左,但待她們到齊後,我們在點菜的時候發現有好多枱都叫大閘蟹套餐,好像好好味似的.不過我們最終都是決定叫小菜,這裏的小菜都不算平宜,平均都要約90幾蚊一碟,我們叫了四個小菜,有xo醬海參豆腐煲-初初食以為d海參係冬菇,其實呢個都幾好味,不過d汁好黏,好似一塊塊咁,干扁四季豆-呢個好味,不過都幾辣,他們說很辣,但我都可以接受,d四季豆好爽,不會太淋,拼盤-有豆腐,饅魚,燒肉,幾特別呀,有饅魚,細細件,仲以為係叉燒,但食食下有魚味先知係饅魚,豆腐好脆及都幾滑,湖南骨-呢個好好味呀,好爽化,但不是很油,甜甜地,辣辣地幾好,d餸都上得幾快,因其中一個同學仲未到,所以我們在等她,但d餸已到晒,不過好彩有個蓋蓋住都冇凍

年頭曾經同朋友黎食過覺得好食, 上星期六又行開呢度, 見差不多下午茶時段, 所以決定黎飲茶, 上次坐在近入口的area, 今次則坐入面, 如果是近窗口有view的枱會好d, 否則入口的燈光會舒服d.今次service都ok, 不過食物水準就似乎差咗, 叫了企鵝餃, 鳯凰燒賣, 翡翠餃, 煎馬蹄糕同豉油皇炒腸粉, 除咗豉油皇腸粉外, 其他點心真係麻麻地好食, 尤其係煎馬蹄糕冇乜馬蹄好多粉同好肥. 如果下午茶以呢個價錢同食物水準, 我諗都唔會再黎, 早知貴少少去八月居食啦, 果度d點心精緻d又好食d, 而且都唔係貴好多.

經蘋果日報介紹上星期已和另外兩位朋友到同一間鴻星拆蟹三人激讚~立即告訴啤關於這$298套餐的抵食處令啤垂涎三尺,整個星期囉囉孿今天難得有空,又有位子高興得一入鴻星立刻洗定手,等拆蟹$298套餐包括:橙汁(偷看到是橙汁先生)或花鵰酒一杯冷盤: 口水皮蛋豆腐+燒肉兩件大閘蟹三隻(兩皇一后)勝瓜冬菇炒鮑粒燕窩翅蟹粉小籠包一隻臘味糯米飯薑茶麻沙糍一粒糖水激讚之處:一. 大閘蟹每兩隻兩隻上確保閣下完成一隻先熱辣辣奉上第二隻大閘蟹多羔,啤龜較偏愛皇吃完兩隻蟹已覺飽了六成二. 燕窩翅超大碗,燕窩份量亦多三. 啤形容薑茶為薑糖水,不太喜歡; 但本人和之前來過的朋友都極喜愛,老薑弄成的一杯濃茶,就像一股暖流衝進肚子,兼無限量供應,很窩心四. 蒸籠奉上的臘味糯米飯很很很好吃, 臘味舖滿面五.整餐飯吃足三個鐘,侍應們服務殷勤有耐性,環境舒適唯一不足就是他們電視播放是有線新聞台聽見隔鄰的顧客要求轉枱侍應解釋公司只可播有線想必是商業上的規條另建議三人或以上,都可叫人數減一的套餐,例如三人可叫兩個套餐(套餐兩位起),四人叫三個餐,因為此$298套餐食物份量較多, 大閘蟹每人兩隻亦非常足夠,若怕不夠吃,可另加一兩個

雙黃白蓮蓉月餅 ~ 每年都係食開美心或者榮華既傳統月餅 , 不過眼見榮華月餅越來越唔掂 , 所以今年決定買幾款其他月餅試下 , 其中鴻星出品既食落竟然有驚喜 , 月餅唔會好實 , 切出黎個陣蛋黃仲有d油流出黎 , 蓮蓉甜度亦適中 , 連媽咪都讚好食 , 兩個人忍唔住口一人食左半個 , 哈哈哈哈算啦 , 每年都係得呢段時間先會有機會食月餅既 , 肥都理唔到咁多囉。

今日放假,同仔女一齊試 20週年全包套餐,先一日已訂位,仲講明食呢一個餐.晚上一去到知客位,剛剛之前有二個客,知客當然先帶客去坐位先,跟住急急腳返嚟問我幾位,咁咪話咗已訂位,咁個知客就俾咗張咭我,話行前轉左,就有人帶入位,心諗之前佢又帶人入位,我就要自己行入去??我後面都無客吖~~入到去坐低,就叫可以上菜,先嚟靈芝菇蝦球,有水準吖,跟住上雞燉鳳尾翅,略淡,鳳尾翅即係裙翅,順德花蟹煲,蟹鮮粉絲入味,不錯!鮑魚花膠筒,我食咗之後塊面有小小痺,係我食味精後既反應.味道還不錯,但味精略多,酒釀脆皮鴨,話係得獎,但同一般既燒鴨差唔多.反而個伊麵同壽包有水準,甜品係腐竹白果薏米,一般喇~以680元來講,食物係合格的.但服務就得一分,之前已講過要我自己行入位,但之後都見到個知客都有帶客入嚟.標題我用個冷字,就因為由頭到尾,侍應們都不帶半點笑容,上菜時都不發一語,祇顧放下便走,因有個蟹煲,問佢攞蟹鉗,叫咗二次先有,全程未換個碟,大佬呀,我有俾錢,唔係乞嫁.最後結脹時,收銀的走嚟,都係冷冷的說~~680吖,唉~多謝都無句,咁就聽佢講,就680元,一亳子都唔俾多佢.

晚市~食物:E個故事教訓我唔係專門食和牛ge地方唔好食和牛 =(個翅普通,津白倒不錯服務:成日上錯菜不在話下,圖1中提到ge"芝士餅",竟然被換成圖4下方的小西餅,真實大細大約只是1/3個iPod.........味道亦未見突出,相信真正ge芝士餅會好d最慘係質疑d侍應時,佢地仲夠膽話"ed就係芝士餅"-.-抵食:唉,雖然之前食過和過10次,今經此一役,暫時Black List左