Video
2-min walk from Exit C3, Mong Kok MTR Station
continue reading
Telephone
23950695
23946322
Introduction
新廣南餐廳看起來好像一般港式的茶餐廳,但是這裡包含了西式的情調,燈光柔和,讓人感覺舒服.而它以海南雞飯為主打.
continue reading
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
朋友好鍾意懷舊餐廳，而我就鍾意食鐵板餐，呢一日就帶佢過嚟一齊試吓呢間歷史悠久嘅新廣南餐室。餐廳樓高兩層，整體裝潢，格仔枱布，卡位枱凳，夠晒懷舊，朋友都好鍾意。我哋叫咗兩個扒餐，雜扒餐有雞扒、豬扒、牛脷、腸仔、火腿，食完好滿足。羅宋湯味道都唔錯，凍檸茶就一般。雜扒餐 $105 要收加一服務費，價錢唔算平，不過整體服務同味道都唔差，舊式餐廳買少見少，應該支持吓💪🏻。聽講呢度嘅海南雞飯都好出名，下次一於再嚟試吓。鐵板雜扒📍新廣南餐室 (旺角)旺角上海街631-633號地舖
continue reading
好味老牌餐廳旺角茶茶餐廳午餐都無乜特別，行過亞皆老街，遠望到哩個老招牌，記得佢食評都OK，咪入去試下。味道蒜蓉雞扒意大利粉午餐($52)3.5分- 吾會好似茶餐廳咁快，食落有機會系即煎，居然有兩大塊雞扒，雞肉好滑，吾會太大雪櫃味。蒜蓉味都好好。- 意大利粉吾彈口，-例湯好甜。焗椰子雞飯($65)4分- 椰子味好香，飯都好好- 雞胸都吾鞋，算有雞味- 薯仔如果可以淋d就更好。- 裝修(3.5分)-都系老牌餐廳味道，但幾乾淨服務(4分)- 要轉檯，分開幾次攞吾同餐具，都無問題，系無乜笑容或者親切感。- 只收現金系差小小抵食(4分)-系旺角邊，有咁食物分量同質數，算吾錯。
continue reading
這餐室成立於1946年, 比我父親還要年老, 這裡和馬華一樣, 到時很有歷史而又主打馬拉菜式, 海南雞飯, 咖喱牛腩飯以及串燒也是這裏著名的. 著名還著名, 好吃與否是另一回事, 雞肉偏淡色, 味道不濃, 而且肉味不濃而又帶雪藏味, 吃起來就像一般茶餐廳的貨色, 要不是有這樣的歷史, 就不會有任何的留名. 雞飯帶微微香茅味, 飯身油亮但吃起來有點糊化, 同樣表現也是一般.沙嗲牛肉串反而有驚喜, 將牛肉串烤好後再淋上沙嗲汁, 牛肉烤得外脆內嫩, 有些嚼勁但我完全不韌, 而且熟度較好, 帶微微焦比香, 沙嗲醬花生味較重, 不太鹹也不太辣, 每個位置都比海南雞飯表現更為OK!
continue reading
(回憶系列第一集)香港地經過疫情之後，好同差嘅餐廳都褶埋不少，究竟有幾多間餐廳，經營四十年仍然屹立不倒? 連牌頭都無轉?有嘅話請留言通知! 唔該哂!點解我有哩個念頭? 全因為近期要去旺角返學，經過上海街驚覺新廣南仍然營業! 一見到門面，滿懷回憶返哂嚟!回帶返到80年代! 當年係旺角讀小學，日日放學都會經過新廣南，再行去前少少嘅33A巴士站搭車，當年上海街仲係雙向行車，33A仲係大角咀碼頭開出!最最最難以忘記，就係當年暗戀嘅小情人都係搭33A，所以放學點屎都飛奔去33A巴士站，為的是見小情人一面! 每次見小情人都會心跳加速! 我純品又怕醜嘛..... 四十年過去，於是忽發奇想，究竟依家仲有幾多餐廳仍然生存緊呢? 當然鬼唔知 Peninsula 過百年歷史咩，但我想做一個回憶記錄，係小學時已經見過或者幫襯過嘅貼地餐廳，就算轉咗牌頭都好，就算唔好食服務差都好，做吓個人記錄.門面，四十年來無太大變動，入面裝修同待應有無變動我唔知，因為從來未幫襯過，但好明顯曾經翻新，睇到上半牆同天花思零新但牆身下半部舊.打開本 Menu，本 Menu 都好新吓，點咗羅宋湯，海南雞跟油飯，沙嗲牛肉半份，魚香茄子煲.見到甜品係什麼新廣南之寶，賣相唔錯，點咗一客.優點:1, 環境新淨闊落舒服.2, 沙嗲牛肉用鐵板上，一見到鐵板就必定要發出咋咋聲，眼前嘅鐵板咋咋聲，達標!3, 沙嗲牛肉算叫做 Juicy，再煮就過火，所以一上枱即刻抽起放埋一邊，唔好再接觸鐵板.4, 羅宋湯唔算優質，但最起碼唔係水汪汪.缺點一大堆!1, 加一服務費但係無服務，兩位阿姐臉黑悔氣又頭髮蓬鬆洗碗阿姐個 look 都優勝過佢! 放低個餐係掉落枱! 都算! 連落 order 都攪錯! 仲好意思收服務費?2, 早兩日先去土瓜灣來泰巷食海南雞同沙嗲，簡直天堂同十九層地獄! 先講海南雞，份量少偷工減料，雞肉同雞皮唔夠嫩滑，女友小熊咁奀皮D皮都滑過佢! 油飯好過隻雞，需要油飯外貌唔得，但食落又幾好味，好似我咁外貌唔得但食落幾得!3, 魚香茄子無魚香.4, 沙嗲牛肉 okay但沙嗲汁唔得，味唔夠濃.5, 叫得新廣南之寶，你以為係好嘢? 有相有真相啦! 只得兩個波 (女友小熊指正我話雪糕係叫兩球!) 雪糕，實物同相完全兩回事! 味道又一般，中坑中伏啦!6, 吸引力法則，D女待應古古怪怪，老板又似帶眼鏡馬雲，吸引咗D古怪人嚟幫襯，坐咗係女友小熊後面枱自言自語，又鬧政府又鬧財政司，又後又大大聲搵老板吹水，四眼馬雲愛理唔理，都算! 點知個古怪女待應放低個餐俾佢，話廚房攪錯雪菜變榨菜! 我幾驚古怪人會不滿發火殃及池魚，攪著女友小熊! 大家都知女友發火非同小可! 連佢自己都唔知後果會點......我唔想學你隆機咁要探女友監囉......所以.... 相信以後都唔會再幫襯了.
continue reading
If you like this old Hong Kong style restaurant, there are still one in Mong Kong, serving the favorite HK people dishes when we were young懷舊香港茶餐廳喺旺角嘅上海街，你仲可以搵到呢一間茶餐廳佢賣緊香港人以前最鍾意嘅海南雞飯同埋咖喱牛腩飯，你坐嘅係會有卡位，而背景板，好多時都係香港50年代60年代嘅一啲街景寫照！食物質素依然保持水準，亦都保持以前高嘅味道，嗰陣時嘅海南雞係仲有骨㗎！仲有兩個醬俾你點！一個係薑蔥，一個係佢特製嘅海南雞醬！
continue reading
You may be interested in