124
32
9
4-min walk from Exit B2, Wan Chai MTR Station
continue reading
Telephone
28652827
Opening Hours
Today
Closed
Mon - Sat
11:00 - 21:00
Sun
Closed
Public Holiday
Closed
Public Holiday Eve
11:00 - 21:00
Above information is for reference only. Please check details with the restaurant.
今日第一次去食,抱住搏一搏心態去試,因為睇到open rice 有負評;不過冇令我失望。之前有人投訴話個粥杰撻撻同冇味,但我就好喜歡呢種軟綿綿嘅粥底,而且都有味(我唔知有冇味精),我叫双并滑牛同豬潤,都好食唔鞋唔硬。叫咗個淨雲吞,系我鍾意嘅細細粒,系細個時食過果種。味道不過不失,但如果可以加多啲大地魚就好。有人曾經話過服務員態度差,但今日個哥哥仔好有禮貌,多謝晒、唔該不停講,而且做嘢好快手;阿姐都好醒目,客人一走就清理枱面,保持地方乾淨,令食客食得安心又舒服。我一向好少寫食評,但今次體驗令我覺得店主有心改善,希望大家可以再次幫襯,比多次機會小店,可以繼續經營落去。
continue reading
之前有望過食評寫得咁差,一直都唔敢入嚟食。不過今日病要食粥就試吓。鯪魚球粥 $46驚喜的是,每粒鯪魚球都超級大粒!仲要有六粒!!碗粥又大,好飽,其實性價比幾高。鯪魚球味道其實有啲似貢丸,可能加咗冬菇,仲要無我討厭的芫荽芹菜,所以我覺得特別好食。但可能調味料有啲重,雖然好味,但食完好渴⋯缺點:舖頭入面有個小空間,近廁所,好臭!!其實臭到本身唔想坐低食⋯⋯可能坐出面會好啲⋯喺灣仔返工,40幾蚊咁大碗粥都算係咁⋯如果大家要同「靠得住」去比,咁就真係搵野黎講⋯⋯😂總結,無我想像中咁差,有驚喜。下次會試下雞粥,聽到隔離枱大讚好正
continue reading
某日覺得飽飽滯滯咁,lunch time想食吓粥,但公司附近好似冇乜粥麵店,問同事介紹呢間粥麵店。入到去見師傅,店員都幾後生,諗住應該唔好食,點知有驚喜。皮蛋魚片粥,粥好綿,麵都做到舊式味道,之後食過幾次,柱侯牛腩夠入味,蝦籽撈麵ok,薑葱撈麵仲好食。可惜自己有痛風,所有雜都唔食得😭如果唔係一定試晒佢,店員雖然傾計比較粗魯大聲,但對客都有禮貌
continue reading
今晚放工唔係幾舒服😷無乜胃口,諗住食碗粥🍵上openrice 見到呢間♦️新九記粥麵世家♦️有好多個讚,未試過,雖然唔知係邊度🏖️要搵,不過咁多人like, 應該唔會伏瓜😳點知……..坐低叫左碗牛肉粥🥩粥底就杰撻撻,牛肉又鞋而且好難咬開🤢基本上都係要成塊吞😵💫成碗粥連牛肉都係淡而無味,成為$46,咁嘅價錢和質素,可以幫襯其他地方😴.最攪鬼係水都唔比杯,今時今日咁嘅服務態度,真係無下次😤
continue reading
難得嚟港島冇理由又食靠得住,搵到一間喺灣仔嘅小店,不過原來佢已經好出名咗好耐,仲想過米芝連掙扎咗好耐就放棄咗靠得住嚟食呢間其實價錢都唔平一碗及第粥都要成$56 !見評價咁好都好期待,但係食完之後覺得好普通,粥底非常面,可惜係白粥嘅味道,完全不像生滾粥,內臟合格好味,但係豬潤太薄,其實靠得住真係好味啲。而且價錢都唔平豬膶兩薄片,豬粉腸兩條,但係味道普通,發記粥品好好多!豬肚都係好似我阿媽整嘅質素特別少少有豬心爽口,但係都普通而且細件!整體而言材料好少 足夠好大碗,而且好keep到溫度反而朋友嘅牛筋腩撈麵,好好味!牛肉好多,而且煙靭程度啱啱好不會太肥,一嚿大牛筋店員幾親切,環境都係唔錯喎,仲有廁所 不過啲嘢食性價比比較低,而且普普通通 不會特別來吃
continue reading