100
30
6
3-min walk from Exit B, Kennedy Town MTR Station
continue reading
Telephone
28160616
Introduction
西環人的夜茶店，其流沙包遠近馳名，早上店外會出現大條人龍，店內有人手叫賣點心，本土味道濃厚。
continue reading
Opening Hours
Today
03:00 - 16:00
Mon - Sun
03:00 - 16:00
Above information is for reference only. Please check details with the restaurant.
Recommended Dishes
兩個人八個點心一啲都唔誇張。蝦餃真係皮薄餡靚，入面隻蝦新鮮。牛肉腸嘅腸粉皮都幾滑，入面嘅牛肉唔係用梳打粉醃到冇晒肉味嘅牛肉。糯米包除咗而家好少地方食得到之外，佢入面嘅糯米好香，仲係一粒一粒唔係黐埋一舊。雞絲粉卷就差少少，主要係個腸粉皮做得同以前細個食到嘅好唔同，佢啲餡都好食嘅。鳳爪就中規中矩，都幾入味嘅。炸鮮奶係咁多人之中最好食，鮮奶又香又滑，不過就甜咗少少。燒賣味道唔錯，用嘅肉質素都幾好。鵪鶉蛋燒賣又係買少見少，粒鵪鶉蛋幾新鮮。
continue reading
週末早上跟家人到這間傳統的點心店飲茶，幸好時間尚早，所以無需等位就能入座。但9點後就開始出現人龍。點心店環境非常擠逼，一張小桌會被安排坐5-6人，衞生情況亦不佳，所以要到這裏飲茶，就必須做好心理準備。新鮮出籠的傳統點心是這裏的賣點，每次一出籠，很快就會被堂食和外賣客搶購一空，幸好很快又會有下一輪。雞絲粉卷很足料的點心，腸粉皮內包着肉餡和西芹紅蘿蔔木耳等蔬菜，調味適中、有咬口。咖哩金錢肚金錢肚蒸得很淋和入味，咖哩汁有少許甜味，吃來十分惹味。四寶扎蔬菜內包着豬肚、蟹柳、豬肉和芋頭，十分足料，也沒有雞扎油膩。這個點心在其他酒樓很少見，十分有特式。蛋黃流沙包這裏的招牌點心，但質素頗不穩定。今次的流沙包有少許爆餡，包被蛋黃浸淋，而內裏的蛋黃醬沒有很流心，有少許失望。
continue reading
一直聽過西環有兩間點心好出名，一間係叁去壹，一間係新興~叁去壹太污糟，尚需時間接受🤦♀️呢間好似唔錯咁😎襯今日下晝放假，就落來飲個茶食個包了😚去到餐廳大概係一點半左右，門口已經有幾個人排隊等位~等左十分鐘左右就有得入座👍舖面比較細，枱同枱之間都唔係有太多空位😐同埋個地下，唔肯定係因為今日特別潮濕，定餐廳原因，地下都比較跣，出入都要好小心🤦♀️姐姐招呼我地坐低時，係上一手茶客o岩o岩埋單未執枱，姐姐執枱速度好快，不過正如有D網友所講，抹枱布有D污糟🤦♀️呢度茶錢係 $8一位，我就叫左🍵龍井~就算只有一位，茶葉都幾濃，唔錯😝姐姐放低壺茶，就即刻同我地落單~大部分點心都係落完單即刻送上，唔洗點等👍🥢懷舊糯米包 (小點 - $21)呢個係同事好恨食嘅，本身我冇乜興趣，但見佢地咁恨食，加上唔係好多地方有，即管試下😂食落覺得一般般，唔太吸引到我😢我覺得只係一層🟡黃色嘅皮包住臘味飯，我會情願食一個個嘅臘味飯🙈不過皮好薄，呢個真係要讚一讚👍但糯米飯，我覺得只係一般般🤦♀️🦐蟹膏燒賣皇 (超點 - $27)、🦐新興蝦餃皇 (超點 - $27)蝦餃燒賣係飲茶必點，今次打孖上一齊來😏🦐燒賣皮薄，口感彈牙，但唔算太有驚喜😂🦐蝦餃反而唔錯，皮薄，唔似出面D酒樓咁厚😍同埋蝦餃入面有筍粒，出面好多地方都冇了😍🥛香脆炸鮮奶 (小點 - $21)呢個真係不得之了😝一開頭落單個陣，姐姐略帶猶疑，話唔知有冇🥛炸鮮奶 ~佢即刻問廚房，話要等⏱五至十分鐘~冇所謂啦，即炸仲好，等，一定等😎另外三個點心差唔多食完，🥛炸鮮奶就出了~上枱冇諗過咁大件😂即刻夾起一個，一咬落去，皮一D都唔厚，好薄😍🥛鮮奶好大舊，好滑，好正，好有幸福嘅感覺😍😍😍咬完第一啖即刻同同事講好好食，仲好有衝動想叫多碟🤣呢個真係必食，四個點心之首👍👍👍最後埋單，一位食左2個小點、2個超點加$8茶錢，冇收加一，總數 $104，幾抵食~食物質素方面，糯米包同燒賣比較一般，蝦餃同炸鮮奶幾出色😋自己感覺可以再幫襯，支持一下特色小店👍
continue reading
夜晚玩完 口痕想飲夜茶 食啲熱辣辣既點心🫖 新興食家紥根西環30年 係一間老字號🥰 見到傳統點心車就feel到個種情懷😋所有點心都係師傅親手整 保證足料🤫 因為真係新鮮出爐 想食真係要等啦～ 不得不提 個種人情味就係一有新鮮出爐既點心 伙記就會大嗌 問有冇人要🫣新興蝦餃皇 $26外皮晶瑩 咬落去個皮又唔會太淋 入面仲有啖啖蝦肉 一粒粒筍🦐香菇燒賣皇 $26燒賣既皮蒸得有小小乾 不過咬落去偏實 少少彈牙 食到豬肉既質感同埋好香🐷咖哩金錢肚 $23金錢肚口感好 唔會話太軟 亦都唔會太靭 不過個咖哩汁食落有少少咸 如果落重多少少咖哩會更加好～皇牌流沙包 $23一撕開個包 啲蛋黃汁就已經流緊出嚟 食落個汁好重蛋黃味 超好食 🍳 可惜個包可能蒸得耐左 略嫌有少少濕蜜汁叉燒腸 $21腸粉皮都算滑溜 但係食落去又未算係好煙韌 腸粉入面都有粒粒叉燒 每一啖都食到好多叉燒 加分✨山竹牛肉球 $20牛肉球唔鬆散 夾開佢都唔會成舊散哂食落去肉質彈牙 有汁有肉味 🐮 豉汁蒸鳳爪 $22鳳爪炆到好淋好入味 個汁略鹹 正常發揮茶錢點心價都好經濟 質素普通 但最緊要係夜晚都有得飲茶🤩 CP值高既點心老店 必定回頭新興食家📍西環堅尼地城士美非路8號地下C號舖
continue reading
大大個蔡瀾嘜頭、各大雜誌報章專訪、CNN推介… 通通都係上個世紀嘅事，宜家已經唔係嗰回事！一如往排隊嘅十居其九都係講普通話，本來猶豫想走，但同行友人話非食不可，排咗大約20分鐘… 近門口位置算是最乾淨，行入多幾步，地板是黑色痴笠笠的。放寬冇限每台人數後，回復從前一張圓枱坐爆人，膝頭碰膝頭，手踭撞手踭，這種情懷打從蓮香樓執咗之後，的確係世間罕有🙂 未執枱先叫你坐低，再睇住佢執枱，用塊污糟到抹地布咁嘅野抹枱，之後用同一對手拎餐具俾你😅基本上點心都係偏鹹，尤其燒賣…牛肉腸粉非常鞋口，饀料少得可憐，再差嘅茶樓都唔會厚粉到咁，差啲以為係齋腸😅棉花雞，舊豬肚係黑色嘅… 淨係食咗舊魚肚就算…跟住就開始肚痛…都好合理，個籠黑蚊蚊爛到咁，應該都藏咗好多菌，加上上一輪用完殘渣仲係到就蒸第二樣野，衛生真係好惡劣，我地食完肚痛真係唔出奇👍🏼持住舊式老字號食情懷，越做越差，咁嘅質素執咗一啲都唔會可惜！
continue reading