新興美食

Open Now

Now Closed

走進中環嘅「新興美食」，無論係熟客還是新面孔，都能夠體驗到地道嘅香港快餐風味。今次又唔例外，我揀了佢哋嘅招牌菜，先來一份咖喱牛腩飯。咖喱香氣飄逸，濃郁嘅配方個個都讚好，牛腩嫩滑得嚟唔使大力咬，真係入口即溶。同時那溫暖嘅咖喱汁澆在白飯上，簡直係雙重享受；每一啖都有種滿足感，好似暖笠笠嘅陽光鋪滿心房。🍛轉個口味，點咗個檸檬雞扒同埋孜然羊肉，正！雞扒酸甜中帶有嗰種微微苦澀嘅檸檬汁，喺口中爆發出一陣陣清新感；而孜然羊肉更加揚眉吐氣，孜然嘅香味同羊肉嘅鮮美完美結合，一啲唔膻，食落令人停唔到口。🍗🥩最後再來一款意想不到嘅小菜，豉油王炒麵，炒得飄香四溢，麵條彈牙，一咬即斷，伴隨著鮮脆嘅豆芽，成為幕後英雄，佐飯之選無誤。🍜「新興美食」就係咁，總能給你驚喜，喺忙碌一天之餘，為你帶來一點小確幸，啱哂做返工族嘅日常打氣站。下次再嚟，定必要嚐嚐其他仲有啲乜嘢潛藏佳肴等緊我！

有時行去中環，真系要食返啲地道快餐，我揀左「新興美食」，呢間我會同你講，正！最正就系佢哋個燴飯，啲汁香濃又夠哂味，搭埋足料既配搭，瞓身下就係一味！嘅，未食已流晒三筆口水🤤。記住啊，飯真系熱辣辣嚟架，飯粒既軟硬同濕度拿捏得好好，食落口真系心暖笠笠。又或者你想食輕啲，試吓佢哋個泰式河粉米線，辣辣地，夠晒kick，而啲湯麵嘅湯底都幾有層次，唔係啲水蜜桃味道，正！當日食咗個叉燒蛋飯，就覺得咁啱咁滯，叉燒唔夠香，蛋又少少乾，下次要留意少少。跟餐湯同飲品都唔錯，飲一啖汽水，清晰喉嚨，食完仲要拍拍肚子，話聲「飽晒」！真系，食喺中環又平又靚，新興美食就得其正👍。下次同事問邊度有好食快餐，一定大力推介，要佢哋知「新興美食」唔荒謬！

咁啱今日下晝要開會中午食個快飯繼續上路雖則中午時間中環周圍都要排隊但呢一間食店快得嚟 勁有鑊氣 係我嘅飯堂首選 .新興美食喺中環昭隆街地鐵站C出口行幾分鐘就到其實又唔係真係咁隱蔽中午時份成條昭隆街有唔少人買野食 .鋪入面唔係好多張枱晏晝好多人都係嚟買外賣炒粉麵飯 最重要當然係夠鑊氣廚房炒到著晒火嗰啲新興完全係無carbs不歡嘅我嘅選擇每日有唔同嘅精選比主餐牌平少少有時一點幾已經好快賣晒 .私心推介雪菜肉絲炆米乾炒牛河超有鑊氣 食完要出去跑返10個8個圈 .香港宜家好多茶餐廳普遍水準都大跌上枱唔凍唔熱就最無癮新興嘅鑊氣炒粉麵唔係好多度食到架

路經中環後巷，見到一間舊式茶餐廳，主力做外賣，價錢相宜，內裏得三張細圓枱，膽粗粗入内一試，叫了兩個平民早餐，煎牛扒太陽蛋爽面+熱咖啡及芝腿治+熱檸茶，6x幾蚊在中環算係非常扺，味道算唔錯，比現時好多冰室好食，亦有童年舊式茶記嘅味道。

做左半日野就已經好似做左全日野咁丫頭見甘忙就話請我地食tea 補下甘話吾知叫邊間問左老闆推介左叫呢間炸雞脾配沙律 熱杏仁霜做得一點都吾 hea沙律應該係自家做有好多芹菜雞脾下面超多沙律

🥢 如果中環朋友們想食啲有獲氣嘅外賣，可以考慮新興美食🫡👍🏻 外賣超級多選擇，每日都有特價menu，啱曬三心兩意嘅同事們，上至普通公仔麵，下至咖哩…⏳ 特別讚一讚呢間餐廳送外賣速度係激快！落完單15分鐘內一定到，基本上冇遲過 ✨ 椒鹽豬扒飯一打開已經有一陣好香個椒鹽味開啟你嘅味蕾！呢間野外賣份量唔洗擔心食唔飽，淨係豬扒都5-6塊，餐廳落料十足，每塊豬扒都好入味得黎唔老，配埋薑蓉比你撈飯一齊嘆，返工都享受到茶餐廳水準

Ordered a meal during tea set and was one of only two customers in the shop with at least 6 staff. Had to run out to grab something and told them not to throw it away as I will be right back. Left my umbrella at my table too. Came back four minutes later and they had tossed the food and drink which I had three bites and two sips of. Do not come here. They clearly don’t care about their customers.

越嚟越難食😭咁就$42好貴呀黑椒牛柳絲煎蛋飯🤩一打開見到隻蛋，我已經好失望🫣點解隻蛋可以咁嘅樣㗎😭真係超難食，第一次食雞蛋都會覺得難食😭牛柳絲勁少，個汁仲多過d餸🥹D飯一堆嘢咁😭好難食，好難食，好難食重要嘅嘢真係要講三次😭咁我同事叫咗個咖喱牛腩飯佢竟然食咗一啖，之後大叫好難食，好難食，好難食之後竟然衝左落街去買個杯麵食🥹點解可以難食到咁😭真係以後唔再食啦😭不過如果對食嘢冇乜要求嘅話，佢喺中環區叫做大碟又會飽肚🤣但係味道就，你哋自己諗吓啦🥹

公司有包伙食嘅傳統（三餸一湯，白飯任裝），所以，放飯時間都喺晌公司食，就算疫情下，都照提供服務，只喺轉為兩餸飯盒，同事各自點、各自埋位食。最近，供應商進行大裝修，暫停供應幾日，其中一日就嗌咗「新興美食」，快閃寫番一篇短評。因為嗌外賣，環境、服務就唔講，只喺貼番出佢哋張外賣單俾大家參考，每日精選午餐賣$45-$49，中環啲外賣飯盒價，喺咁上下，但例湯、餐飲另計，不過，如果外賣自取就送汽水。香茅豬扒飯 $45一盒有兩件豬扒，又大又厚身，而且，炸得金香，又俾得多蔥油，睇到都覺得正呀喂。豬扒入口鬆化，又醃得入味，滲出陣陣香茅味，飯粒軟綿，撈埋啲蔥油，淨食飯都OK。一啖蔥油香茅豬，一口可樂，爽呀！講到明喺快閃食評，喺寫得簡單啲架喇，都喺當個記錄。不過，今次「新興」呢個香茅豬扒飯喺唔錯嘅。

今日走了入昭隆街新興美食叫了一個星洲炒米和一盒香茅豬扒。他是一間開放式的小廚，只見師傅們在廚房裏不停製造食物1，十分有鑊氣，以一間快餐店和價錢，這都是我覺得十分出色的香茅豬扒$36 而星洲炒米$52。而且味道也很好

前幾日lunch time唔係太肚餓 但係唔食的話又頂唔到六點幾收工 於是乎同事就極力推介我叫新興既「香茅雞翼粉絲」一打開個蓋係有驚喜既 雞翼有三隻 而粉絲既份量亦比想像中多 而且裏面仲有舊大大舊既白蘿蔔 冇想像中咁Hea 而且味道亦唔差 粉絲亦唔會過稔 只係略嫌味精重左少少 食完之後果幾個鐘要係咁飲水40蚊有找算係咁啦（仲要係中環喎！） 其他同事見到都話下次想試試 佢地話次次買新興外賣都係食焗豬扒飯雖然平靚正 但開始覺得悶wo!

前幾日返工好忙冇時間睇食乜 所以就搭左同事單嗌外賣 同事們成日嗌新興外賣 貪佢送餐準時 同事們就叫開佢個焗豬扒飯 話味道唔錯又抵食 但係因為我唔係太肚餓 所以就淨係叫左個泰式既香茅雞翼粉絲送到黎都幾驚喜 份量俾我想像中大 （$38蚊我冇期望佢咁大碗的）香茅雞翼仲有3隻tim 唔太大食既話都幾頂到肚餓既而味道方面就不過不失啦 唔難食 但又唔突出 一般茶餐廳質素啦總結：整體黎講不過不失啦 唔會自己主動嗌 但下次忙到爆都可能會搭單既

做運動打波前當然要補充好體力，新興嘅椒鹽豬扒飯公司同事已經食過好多次，而我就第一次叫，用apps落定order，一行到去就有得拎同大排檔嘅椒鹽豬扒唔同，其實新興嘅椒鹽豬扒會有多少少蔥油嘅感覺，豬扒唔會上粉拎去炸，冇左香脆嘅口感，但多左蔥油香。滿滿嘅一盒白飯配上蔥油黎食味道岩岩好，尤其適合我依種重口味人士，而且有些少炒到熟晒嘅洋蔥加入一點點甜味，以至辣味亦唔會好重。整體黎講性價比唔錯，不過如果唔做運動嘅話就唔推介喇，無謂令自己咁重罪疚感。

今日好肚餓，好想食飯，但係又好忙。去咗新興叫外賣set lunch 有湯送，加野飲好似要三至四蚊。我叫左燒雞飯，menu冇講咩汁。佢係香草蕃茄汁配雜菜同燒雞。價錢45蚊到黎講算合理水平。雞肉唔鞋，蕃茄汁加香草正常，菜小小焗林左。如果少汁d會好d。

滑蛋叉燒飯$43！既然可以難食到甘！一早煮定，一有單就「不」落飯度！佢既滑蛋真係「滑」到呢！！恐怖，一大埋芡汁！第一次食！亦係最後一次！叉燒好吾新鮮！唉！第一次一路食一路打差評！