SUKIYA すき家 (金龍中心)

Open Now

Now Closed

一入到舖頭打算去counter落單外賣takeaway，原本係想人工落單個熱熔三色芝士牛丼可以走tabasco，但係有位企counter嘅女員工係極無禮兼黑口黑面咁叫我用機落單，話tabasco會分開上😅取外賣後回到家發現廚房幫個飯落左tabasco…勁無奈，部機又冇得㩒唔要tabasco，員工又唔肯人工幫人落外賣，咁嘅服務態度難怪冇乜人肯排隊食，同其他分店大排長龍等差別勁大😅奉勸大家千祈唔好去呢間食，除非你想受氣🙏

食完個烏冬，過了4小時，覺得肚餓，叫了一個外賣回公司吃，早點吃夜餐，晚上不用吃😂以紅黃白為主題😂入面都算闊落、位與位還可以😁比自己動手做溫泉蛋非常出色韓式牛肉拌飯 $49🌟🌟🌟🌟🌟在於牛肉的醃製入味，口感嫩滑多汁，搭配蔬菜和泡菜的爽脆口感，增添層次豐富的風味，再加上特製的辣椒醬和芝麻油的調味，讓整體更加香氣四溢。這道料理綜合了韓式烹飪的精髓，辣中帶甜、酸中帶辣。

日式丼專門店，每次行過餐廳都好多時排隊，我都係等冇人排隊我才會入內食野。最喜歡它的咖喱飯及牛肉飯。好香濃、美味😋SUKIYA 家以價錢又實惠及親民。每次店員都好有禮貌。今次叫咗燒肉丼都配上炸雞。燒肉好夠味，配上醬汁好食😋

昨天晚上8:35想去買外賣回家，排隊在cashier點單，點到一半的時候有一個女服務生走過來同正在幫我cashier說，你知道現在是繁忙時間嗎，叫她用門口的外賣機。說實話，我排隊的時候後面也沒有人在我後面，餐廳也沒有很忙碌，只是剛好我在點單的時候有一個人來站在我後面排隊。這個女服務生非常沒有禮貌，或許妳可以一開始就和我說可以使用外賣機，又或者可以告訴我下次使用外賣機，而不是我已經要付款的時候終止服務。難怪沒有人想留在香港消費，這種服務態度是其中一個很大的原因。最後我轉身就走了。

平時想食平啲都會揀sukiya! 不嬲食嘢都好細食，食好少就好快飽。Sukiya有個好好嘅地方，就係佢嘅飯會分為大/中/細三款size🥹岩晒我呢啲細食人士，唔洗浪費食物☺️❁ 香炸蒜頭京蔥絲牛丼 (S-$39)見到佢新出呢款飯，覺得好開心🥹因為炸蒜同埋京蔥都係賣飛佛🥹🤎炸蒜仲要有成七粒，京蔥絲都係大量🙈正👍🏻+$10，會有青菜套餐，加多$5會有豚肉味噌湯，味噌湯入面好多豬肉👍🏻仲有紅蘿蔔、淮山! 估佢唔到咁多料👍🏻

平日晚上差唔多九點左右，兩個人以上都仲要等下位，我一個人好彩唔使等～天氣凍唔使諗即刻叫左個牛肉壽喜燒鍋，大食嘅我仲要加多$20 order 雙份牛肉～其實材料同味道上同吉野家打邊爐分別唔大，但佢竟然本身跟左烏冬，再另上左飯，雙重碳水真係估佢唔到，所以一般食量嘅朋友仔唔使order雙份牛肉就足夠。值得提下嘅係有一小碗另上嘅生菜，後來上網睇話係放入鍋煮，我當時唔知所以冇咁做，但我個做法大家都可以參考下～因為打邊爐啖啖肉而且熱辣辣,不如唔好將啲菜放入去，而係每啖牛同生菜撈埋一齊食，咁樣又冇咁熱又解到膩～

11:30早餐時段唔係好多人唔洗排隊 自己揾位按鐘仔有人幫你落單薑，七味粉，鼓油，餐具都係係台自由取用衞生一般， 有紙巾提供，環境係個地下有少少油立立🙈講番個吃食物先由於，本身想再加多啲嘢食，但係都未食得落於是叫咗一個最抵嘅套餐$39有碟菜有杯茶或者麵豉湯29牛肉飯都好多飯 肉算ok 最點係可以加牛肉汁😋😋😋，加10蚊有 個菜係有心機用蒜容炒 好好味 ， 重要可以要miso soup 或菜 總評：8/10真心糧尾之選😋😋😋下次會選埋個壽喜燒😍

🔸SUKIYA すき家🔸🔆🐭🦁大鄉里岀城，竟然第一次係香港食SUKIYA！係因為佢地啱啱開業個陣，實在太多人排隊啦，所以一直都冇想試🐒。終於依家嘅SUKIYA可以比我直入😂，即刻Gogogo！🔆W溫泉蛋牛丼(M) $38 +青菜套餐配蜆肉味噌湯 $15SUKIYA個牛丼最岀名，梗係要食牛丼啦。打左2隻溫泉蛋落去，撈到每粒飯都癡滿蛋汁，啖啖蛋香，係我最中意嘅食法！牛肉正常，同日本牛丼類似，都係偏甜口味，不過牛肉汁偏少。加購左個青菜套餐，青菜幾有驚喜，係蒜香炒，爽口清甜。蜆肉味噌湯細細碗有非常多蜆肉（有約8-10小隻），而且都幾鮮甜，不過個味噌湯就過咸，無辦法飲哂。🔆香辣炸蒜嫩滑雞脾咖哩(M) $55好想講🦁一直誤以為佢係炸雞脾依件事真係好好笑。講翻正題，唔好以為佢係日式個隻甜咖哩，佢都幾辣，🦁話有去到譚仔3/4小辣。個雞脾就一啲都唔嫩滑，隻雞就好似煲完湯嘅老雞一樣淋patpat又柴，無哂雞應有的口感，雞味亦都流失哂，完全NONONO。我仲係到笑🦁，去出名食牛飯嘅地方食雞，勇者!🔆士多啤梨牛奶特飲 $22係士多啤梨Jam加牛奶，士多啤梨Jam正常發揮，牛奶味淡，一般~🔆價錢都幾平，味道一般

喺趕時間既情況下，買Sukiya 既外賣牛肉飯係我既首選👍價錢合理👍快捷又方便，通常計埋付款、拎埋個飯10分鐘內搞掂哂👍味道及份量都不錯😋我通常都會加$5要隻溫泉蛋😋sukiya係繁忙既香港人一個唔錯既選擇

今次要同大家分享一間日式連鎖丼飯店嘅食評！🍽️🇯🇵我嚟到呢間飯店，嗌咗佢哋嘅三重芝士牛丼！🧀🥩🍚話說呢份菜式真係令人驚艷！牛肉煮得剛剛好，每一口都咬得到肉質鮮嫩多汁！而三重芝士融化喺牛肉上，帶嚟一陣濃郁嘅芝士香氣！配上香噴噴嘅白飯，味道真係絕配！🧀🥩🍚😋👌三重芝士牛丼嘅組合非常特別，每一口都帶嚟一種濃郁嘅芝士滋味，令人垂涎欲滴！肉質嘅鮮美同芝士嘅香濃完美結合，帶嚟一個令人難以忘懷嘅味覺體驗！🧀🥩🍚😍如果你鍾意日式料理同芝士嘅結合，呢個三重芝士牛丼絕對係你嘅首選！快啲嚟試吓呢個令人嘆為觀止嘅美食，享受一個滋味豐富嘅用餐體驗啦！🧀🥩🍚🇯🇵😊

之前幾乎每星期食一次 越做越差 我是堂食 青菜餐的青菜越來越咸 又多油 一啲都唔健康 食完半個鐘後極度頸渴 似乎落埋味精 啲炸雞係凍 不停趕客 你見尖沙咀依家冇人排隊就知啦 轉食其他嘅過

#鼠尾草食飲玩 #sagefoodiehk多葱😍 × 微辛😳 × 濃郁😚如果屋企附近有連鎖日式丼飯舖頭嘅話🇯🇵，平時食嘢真係唔使點諗，因為有好多唔同款嘅日式丼飯🫶🏻，同埋仲要比起其他餐廳平好多🤑，抵食自然會瘋狂幫襯佢啦🤭。不過其實鼠尾草🌱去嘅地方好少有呢啲舖頭，今次心血來潮✨，又咁啱經過，先有機會去食。好多嘢食都同平時一樣，冇乜點變😌，可以食返本身鍾意食嘅丼飯。而今次就嗌返超級吸引嘅多葱辣辣丼🥰。有啲人嗌粉麵嘅時候要走青，不過鼠尾草🌱反而鍾意多葱，而且仲要一啖入面，食到咁多唔同嘅味道😳，真係好正！💰 香蔥溫泉蛋牛丼 (M $38)🥢 SUKIYA すき家🗺️ 尖沙咀金馬倫道38-40號金龍中心地舖

今晚到尖沙咀辦事，辦好後已快七點半，於是又要出動覓食啦！剛巧經過呢間牛丼專門店，見裡面仲有位，唔駛排隊喎！以往經過油麻地、旺角都常見長長長人龍而卻步！今晚真係機會嚟喇！飛雲！因此二話不說就入咗去喇！第一次幫襯，揭吓個餐牌，選擇都非常之多！有牛、豬、雞、鰻魚等選擇！有單點、套餐，飯量亦有分大中小，果然係照顧到不同人的需要！點餐後好快送上兩份餐，白米飯好香好軟熟！平時夜晚我只會吃小半碗飯，但今晚我居然可幹掉整碗飯呢！雖然牛肉份量唔算多，只有幾塊，但撈飯的溫泉蛋和燒汁都啱啱好可以送飯！蜆肉好鮮甜，冇沙，麵豉湯好好味呀唯一有少許介意就係那位落單的哥仔，竟然打住喊露為客人落單，雖然呢度唔需要加一服務費，亦唔期望有咩服務，但咁樣打住喊露嚟落單，我哋都係第一次見希望餐廳稍後可以增加QR CODE俾食客自助落單啦

Sukiya 是來自日本的平民價牛肉飯快餐店，也就是日本版的「頹飯」🤣，相信在尖沙咀區，也是這區打工仔的「糧尾恩物」吧！燒肉丼青菜套餐LL $79因為在之前吃過甜品，但又覺得有點餓，小鳥胃🐻🐻‍❄️只選了一個餐。只能說…這價錢有菜、有湯、有個可以兩人share的飯，牛肉是肥牛片但加上常見、甜甜的醬汁挺好吃的，而且牛肉份量也很多👍🏽菜也是有調味的，味道挺不錯…雖然確實炒得黃黃的，像🐻‍❄️下廚、炒得太久😅結論：有些S/M size的飯可能更便宜，想在尖沙咀吃便宜點的就選它吧！

#20230510 🤍📍 SUKIYA すき家 尖沙咀金馬倫道38-40號金龍中心地舖 🍽️旺角｜油麻地｜紅磡｜九龍灣｜將軍澳｜太古均有分店➖➖➖➖➖➖➖➖➖➖➖➖➖➖➖➖➖➖#香辣蒜芯牛丼 #M $38💭 一見到呢個🐷就無諗其他決定要叫呢個，因為🐷係勁鐘意食蒜芯偏偏街好少見，串燒都有機會見下，用佢尼整飯真係第一次🤤配左啲韓式辣醬，又ok夾到喎😎牛同蒜芯既份量都唔少，足夠可以撈飯撈到尾👍🏼.#牛肉燒肉雙拼丼 #L $61💭 叫L size明顯同M size有分別，無呃秤呀😏不過佢個燒肉就有啲tricky，唔好以為佢真係有燒過，其實係同一款牛肉，只不過用燒汁煮過咋，用肉眼基本睇唔出有咩分別，食落就係甜啲咁解😅另外碗飯仲跟左兩條小棠菜係凍既🥶超級唔夾，建議唔整熱都至少係暖先比客人食😒.#炸雞 #10件 $45💭 日式唐揚雞既整法，每件都好大件，唔多人🐷覺得5件都夠share，除非打算唔食飯齋食呢個飽肚😂雞肉咬落唔會鞋口，juicy有爆汁效果，整得唔錯😋.#烤鯖魚套餐 +$30💭 條鯖魚係鹽燒，表面有啲咸🥴不過勝在無骨，小心啲係可以撈飯食既，減輕啲咸味，平時驚骨唔敢食魚既朋友都可以試下🐟.#套