杉玉 (沙田中心) (Closed)

相約朋友在沙田，逛了商場一圈後，朋友選在杉玉晚飯。知道杉玉是壽司郎旗下的居酒屋，但之前一直都未有特意前來光顧。平日的5pm - 7pm是Happy Hour，可享指定飲品半價優惠！由於朋友幾乎不吃刺身，所以這次點的大都是熟食。狸貓豆腐高湯浴，狸貓豆腐是和風料理之一，將炸麵衣碎及蔥花灑在煮好的豆腐上。那些炸麵衣即天婦羅那脆脆的外層碎屑，豆腐的豆香配上味道溫和的醬油汁，是一道幾開胃的前菜。赤蝦蜆肉滿滿紙火鍋 ($88)，加$8追配烏冬，赤蝦是生食用刺身級別，生食或灼熟食均可，生食赤蝦刺身柔軟又鮮甜。紙火鍋內的蜆量足夠，配上野菜、大蔥及豆腐，是健康的一款火鍋。單吃火鍋絕對不夠飽肚，朋友追加了一碗烏冬，烏冬夠彈牙。屋台風魷魚炒麵，炒麵面層亦有灑上炸麵衣。魷魚軟稔而不韌，炒麵醬汁香甜，味道接近章魚燒的醬汁，蘸沙律醬來吃就更為滋味。鹽荔枝x西柚梳打酒，happy hour時段內落單，這杯酒才$24，都算抵飲。荔枝與西柚的味道平衡，酸酸甜甜加上杯緣上的鹽，味道清爽！雖然這頓晚飯所吃的食物不多，但每款的味道都不錯啊！

因為唔係太肚餓，2個人只叫左幾樣嘢。三文魚盛合 (唔記得個名)$8x呢個最好食，三文魚夠厚，充滿油脂杉肉特製南蠻炸雞$42一般水準，味道略咸海陸峰會天婦羅$58天婦羅夠脆，大概有5-6件屋台風魷魚炒麵$30份量太細，麵條太咸，但魷魚都幾多牛肉烏冬$38正常發揮可能下次試午餐，性價比更高。。。

杉玉的「吞拿魚盛り丼」一上桌便驚艷——厚切中腹與赤身鋪滿碗面，油花分布如大理石紋，入口即化帶微酸餘韻，搭配醋飯的溫潤平衡得剛好。隨附的蔥花與山葵提鮮不搶戲，海膽鮮甜無腥，份量足得每一勺都滿足。 壽司十貫水準穩定，醋飯鬆緊適中。推薦炙燒左口魚裙邊，油脂焦香逼人；甜蝦黏糯帶甘，穴子醬燒入味。惟三文魚子軍艦略鹹，可配紫菜中和。整體用料新鮮，$300內能嘗到中上環質素，沙田區難得的高性價比魚生盛宴！ 推薦大家去食！

呢間居酒屋版本嘅壽司郎，啱啱開嘅時候食過一次，當時好難訂位，到今時今日， Walk in已經唔使等。星期日嘅晏晝過嚟食，叫咗一個魚生飯，幾件壽司，南蠻炸雞，煮蜆魚生飯賣相幾好，好豐富，亦都新鮮。百幾蚊可以食到，算係質素唔錯。炸雞新鮮炸出嚟，都好好味，大大嚿。玉子豆腐配煮蜆都幾好食，不過等咗好耐，而且上到枱嘅時候都唔熱，唔知係咪漏單。食物質素算係OK，不過環境一般，枱面有幾隻小碟俾人用，但係黑色嘅小碟上邊好污糟，有油漬，又有好多塵，我哋都抹咗好多次先夠膽用。服務員嘅人手唔夠，我哋想加茶嘅時候，等咗好耐都唔見人。而且餐牌上面亦都有幾款主打嘅食物係售罄，令人失望。短期內應該都唔會再嚟食，沙田有更多其他嘅選擇。

杉玉📍沙田前排突然好想食壽司就嚟咗呢一間壽司郎集團旗下嘅姊妹居酒屋店 沙田呢間唔需要排好耐隊晚餐時間等咗大概10分鐘就有得入座我一個人叫咗好多嘢食，因為好多嘢都好平 最推介佢嘅炙燒海膽牛油鮟鱇魚乾壽司同炙燒鰈魚鰭邊壽司 因為燒到入口即溶 仲有淡淡炙燒嘅香氣🥢欲罷不能鹽燒厚切大吞拿魚腩壽司🥢超滿足天婦羅盛合【蝦、魷魚、茄子、蕃薯】🥢大啖滿足茶碗蒸🥢金碧輝煌烏魚子鯛魚壽司🥢稱霸四海海苔包🥢乾杯炙燒鰈魚鰭邊壽司🥢炙燒海膽牛油鮟鱇魚肝壽司🥢智利海膽魷魚拌海膽芥末🥢厚切三文魚🥢厚切油甘魚💰1人用餐 消費約$320杉玉📍沙田橫壆街2-16號沙田中心3樓32A及69A號舖

通常想食日本嘢就會去杉玉，覺得佢哋質素幾穩定，仲要周不時有期間限定，整體體驗好正！一入去就感受到濃厚嘅日式氛圍，服務人員態度都好好，令人覺得幾舒服。首先試咗海苔日式炸豆腐，外脆內嫩，豆腐質地滑溜，配上海苔嘅香味，真係好開胃。茶碗蒸亦唔錯，面頭有三文魚子，滑滑地，蛋香味十足，非常好食。然後就到天婦羅盛盒，配上抹茶海鹽，天婦羅炸得金黃酥脆，蝦幾鮮甜，抹茶海鹽更添風味，為傳統天婦羅帶來新意！今次試咗兩款新嘅期間限定，炸忌廉芝士香辣吞拿魚蓉卷就更加驚喜，炸得外脆內滑，芝士嘅香味同吞拿魚嘅鮮味幾match。雞腎天婦羅配咖喱鹽，雞腎炸得啱啱好，咖喱鹽添咗一層獨特風味，好特別。佢哋嘅壽司都非常好，三文魚新鮮，切得幾厚幾大舊整體來講，杉玉餐廳嘅食物質素高，味道出色，下一次一定會再來！

今次試咗兩款日式午市定食，第二次嚟， 不過今次感覺壽司飯細咗啲。天婦羅 壽司定食 鯛魚湯拉麵，壽司定食🍤 天婦羅壽司定食天婦羅炸得輕盈酥脆，咬下「咔嚓」作響，麵衣薄透不膩，蘸蘿蔔泥醬汁更開胃。附8貫壽司，醋飯溫潤，魚鮮有油花，整體份量足，性價比高。 🍜 鯛魚湯拉麵壽司定食** 湯頭濃郁，有鮮味，細麵吸湯力強， 仲有蜆肉。定食附10貫壽司，玉子燒微甜帶高湯香，與拉麵搭配平衡。 最愛蝦和三文？魚，一個字 ‘’鮮‘’坐位舒適， 空間寬敞，不過職員略少。總結：兩款定食新鮮抵食，天婦羅香脆，鯛魚湯鮮，午市大概200蚊，值得回頭。

一坐低用社交平台 follow 杉玉acc 先一個acc可以換一杯飲品我換左西柚汁同蘋果汁蘋果汁就普通 但西柚汁就超級酸同有少少澀池魚骨脆餅（$18）一碗滿滿既池骨魚份量都幾多，香口脆卜卜味道少少咸，魚骨都容易咬👍🏻冇話new 到口會痛就咁食有少少dry,可以吃店員另外加碗沙律醬口中沒休炸薯條（$25）薯條較幼身，連埋薯仔皮更加香口酥脆炸忌廉芝士細卷拌香辣吞拿魚蓉（$18）味道一般，勝在價錢夠平每件壽司面頭有粒類似酸青椒物體 比較似中菜既味道同個炸壽司唔夾大人的薯仔沙律（$48）薯仔蓉牛油味幾重又香滑，撈埋沙律醬、魷魚、洋蔥味道意外地幾夾 有驚喜海鰻青瓜（ $40 ）鰻魚既存在感極低，件青瓜又太大舊 ，淨係食到d青瓜同日式燒汁嘅味道😟完全唔值全吞宴（$113）同壽司郎嘅刺身質素差唔多，刺身有比較厚身大吞拿魚腩既脂肪紋路靚，食落魚油香味加埋醋飯係更加好味😋

又係下午茶時段，無所事事唔知食乜，咁啱經過杉玉又唔係好多人，所以入咗去試吓好唔好食，因為想靜靜地好怕嘈。首先入到舖頭，舖頭環境裝修都幾舒服，座位又唔會好迫，之後坐低見到Menu，啱啱好有下午茶，嗰個時候都仲可以叫lunch，但因為我唔係好肚餓，所以叫咗個下午茶。老公同我一人嗌咗一份壽司拼盤，兩款壽司拼盤嘅件數都唔同，其中一個拼盤啲壽司係多啲，另一個就少啲嘅，因為個餐跟一碗烏冬，又估佢唔到喎個烏冬湯底都幾清甜，仲有幾粒蜆肉幾好味。

最近同朋友一齊去咗 杉玉，餐廳環境帶有濃濃嘅日式風情，木系裝修同柔和燈光，營造出一個好Chill嘅用餐氣氛。池魚骨脆餅
呢款小食一上枱即刻令人驚喜！魚骨炸得金黃酥脆，咬落去「卡滋卡滋」，帶有淡淡嘅鹹香，完全唔會腥，食落好似零食咁過癮，係一個好開胃嘅開始。枝豆
枝豆簡單但好味，煮得啱啱好，豆子鮮嫩，灑上少少海鹽，入口清新又帶點鹹香，係日式餐廳嘅經典小食，百食不厭。柚子醋白子
白子入口即化，濃郁嘅奶香同柚子醋嘅清新酸味完美平衡，食落去完全唔膩，仲有種高雅嘅享受感，真是一個意想不到嘅驚喜！三文魚海苔包配蛋黃醬油
三文魚新鮮肥美，包裹喺脆口海苔入面，配上蛋黃醬油嘅濃郁香味，味道層次好豐富。咬落去，海苔嘅香脆同三文魚嘅軟嫩互相輝映，係一道好有創意嘅小品。鹽荔枝×西柚梳打酒
飲品清爽開胃，鹽荔枝嘅甜香同西柚嘅微酸好和諧，氣泡感十足，飲落去好似為味蕾洗個澡，解膩又解渴，配搭呢餐豐富嘅日式料理真係一流。杉玉號絕品舟盛
呢個舟盛係今晚嘅高光時刻！刺身新鮮到不得了，刀工精細，每款海鮮都閃閃發亮。赤貝爽脆、吞拿魚入口即溶、海膽濃郁香甜，食落去真係好似將海洋嘅精華送入口中，令人陶醉。王道3貫（吞拿魚、海鰻、蔥

今日同朋友去咗沙田杉玉居酒屋試吓，平時成日見人排長龍，難得今日唔使等位就入去食啦！ 食物方面算係中規中矩，冇乜驚喜但都算合格。**醬漬炙烤三文魚腹子飯**幾香口，魚腹油脂夠，但醬汁偏甜咗少少；**海陸峰會天婦羅**炸得幾脆，蝦同帆立貝都新鮮，不過粉漿有啲厚。**茶碗蒸**滑溜但味道偏淡，而**玉子燒拌蘿蔔蓉**就幾開胃，高湯甜味適中。 **魷魚炒麵**夠鑊氣，似街邊檔風味，幾惹味！**鰻魚玉子**同**炙燒芝士三文魚**就正常發揮，芝士控會鍾意。最失望係**炸豆腐**，外皮唔夠脆，口感有啲淋。 整體嚟講，可以一試但唔使特登排隊，價錢合理，如果唔使等位嘅話都可以試吓！

沙田好多好嘢食！同屋企人成日都去壽司郎同group嘅杉玉居酒屋叫得居酒屋屋企就就好多酒飲環境坐得舒服最重要係佢下午茶時間唔使排隊仲要佢嘅舖位夠大， 卡位又充足 坐得都幾舒服但我平時去得最多嘅，就係食佢嘅下午茶最平$35 仲要係好高質炸蝦烏冬，炸蝦蛋牙膏質素腐皮烏冬就甜甜地，有兩塊佢個南蠻炸雞反而普通，但係佢個醬就幾好食！可以有另外一個選擇就係池魚壽司，仲有三件呢個價錢，同埋呢個質素，呢個食物環境絕對係好抵玩！

這商場時不時都會去，今晚早了下班，試一間經過很多次的餐廳～彬玉，日式餐廳。選了壽司「上玉盛盒」$108、見到很多人叫的火鍋「寒獅魚腩白子紙火鍋+烏冬」$116、大啖滿足茶碗蒸$28、鹽荔枝x西柚梳打酒$24、荔枝梳打炭酸特飲$15。合共$351（連加一）食物質素整潔度好味程度

咁啱行開嚟沙田，就決定喺度搵吓嘢食通常都係喺新城市廣場嗰度攞嘢食今次行行下捐窿捐罅指下去咗另外一個商場發現呢度有一間杉玉見到唔使排隊所以就決定喺呢度食lunch 食物質素上面我覺得係中規中矩沒有太大嘅驚喜啲飯嘅size係比較細嘅反而係想講吓侍應嘅服務上仍然有好大嘅改善空間間舖頭比較大雖然我去嘅時候入座率大概得兩至三成但係我哋坐得比較入根本冇侍應會行過嚟我哋嗰邊幫我哋落單又或者我想要杯水都係要直接行出去搵侍應

原本以為杉玉嘅食物會貴過壽司郎好多，琴日第一次去試，食完發現原來價錢同壽司郎唔係差好遠，而且比較presentabel，俾多少少嘅價錢可以食得好過壽司郎，而且價錢亦都正常發揮唔會覺得性價比低。壽司種類唔算太多，不過每一款都好出色好高質，令人想不停想嗌多啲，不過因為夜晚時間去，想encore多個碟魚邊已經發現冇晒，我諗如果早少少去到會比較好啲，亦都多啲款式。至於飲品方面，酒類同埋有氣飲品比較多，其他就冇乜選擇。