小方糖甜品 (龍崗道)

Open Now

Now Closed

自從朋友帶過來食九龍城呢間「小方糖」，試左呢個椰皇燉蛋白之後，就不能自拔，佢蛋白濃稠幼滑，配料更有芋圓，小湯圓，西米等，好豐富，好有口感，每次來必點，冬天吃更溫暖另一款是心太軟加雪糕，濃濃的朱古力，燙熱的溫度，一切開朱古力漿已流出來，好療愈 🫶 配埋兩球冰凍既雪糕，口感好似冰火二重奏，驚喜既係佢地會係碟上用朱古力畫卡通公仔，每次都不同，又靚又可以打卡，夏天吃特別透心涼，又有視覺享受，就是客人比較多，有時要排隊等幾個字，坐位都比較迫，而且食完就要走，吾方便慢慢傾計的。

本身都知道呢間嘢好出名，出名難食不過今日喺附近行過又落大雨，冇計就入咗去叫咗個海鹽奶蓋龍眼椰子刨冰$50食第一啖已經覺得冇乜味食多幾啖，中間啲冰白雪雪冇味嘅，剩係得面嗰層有味問個呀姐，佢話係呀因為係擠糖水落去，啲糖水會滲落底，所以面嗰層咁樣係正常見識少，未食過啲冰咁淡口，完全唔值$50之前食金滿堂嘅龍眼椰汁冰都係真材實料好好食啲冰完全唔係加糖水就咁敷衍你建議下次都係唔好亂咁試伏⋯⋯⋯⋯⋯⋯⋯⋯⋯⋯

這家糖水店真的是甜品愛好者的天堂！環境乾淨舒適，服務員態度親切，點單後上菜速度快，體驗一流。菜單豐富，特別推薦芒果西米露，清新甜美，芒果粒鮮嫩多汁，西米Q彈，夏日消暑首選。紅豆沙濃郁順滑，甜度適中，溫暖人心，適合任何季節享用。其他如芝麻糊和綠豆沙同樣出色，口感細膩，材料新鮮。價格方面，總額255元，分量十足，性價比極高，特色甜品也很有創意，味道層次豐富。唯一小建議是座位稍顯擁擠，建議避開用餐高峰。總體來說，這裡的糖水不僅美味，還帶給人家的溫暖感覺，絕對值得一試！下次還會再來，期待試試其他口味。強烈推薦給愛好甜品的你，絕對不會失望！

喺九龍城食完泰國菜，要食返個甜品先夠完滿😋香蕉船⭐️⭐️⭐️⭐️香蕉船就正正常常啦，有三球好大球嘅雪糕🍦，叫咗曲奇味🍪、朱古力味🍫、香芋味，都係普通維記嗰種雪糕🍦，有一條香蕉切開一半🍌，再加朱古力醬同兩條黑白配🍫，係回憶嘅味道！😋

同朋友去九龍城食飯經過見到有間糖水舖都幾多人，所以入咗去幫襯吓，朋友嗌咗芒果樂園，我就嗌咗一個椰皇入面又有湯圓芋圓，好耐冇食過啲咁高質又平嘅甜品！椰皇有好香嘅椰香同蛋味，配芝麻湯圓一流！

上次去九龍城食飯食咗潮州糖水， 一碗潮式清心丸糖水索價$69， 唔可以話唔食不過非潮州人的我， 實在對清心丸無感， 所以今次嚟到九龍城食飯， 就搵咗間貼地嘅糖水舖小方糖。榴槤小丸子椰皇燉蛋白($65) 趁簡生不在香港就可以盡情食榴槤了！ 一球榴槤肉新鮮香甜，小丸子十分Q彈， 可惜奶凍椰皇燉蛋白椰皇味味唔多要扣少少分。心星($42)無論是命名或賣相都好吸引， 以士多啤梨沙冰作底都幾香甜， 再加上新鮮士多啤梨、芒果肉， 士多啤梨和芒果粿子心， 整個口感都幾豐富， 應該幾適合夏天。就定價而言比起附近的合成糖水親民， 選擇也更多元化，不想吃潮州糖水可以試試小方糖。#文迪漫遊慢生活

最近試咗間餐廳嘅香蕉朱古力拿破崙，上菜真係快，份量相當足夠。不過要留意，拿破崙內部有點空心，有種像在吃空氣的感覺。整體配搭還算協調，只是甜度稍嫌過高。如果你喜歡甜食且追求份量，這款香蕉朱古力拿破崙應該會合你口味。但如果不太喜歡太甜的食物，可能需要考慮一下。

小方堂嘅薑水番薯湯圓芋圓真係唔錯，首先，湯底係用薑水煲成，帶有淡淡嘅辛香味，飲落去好暖身❤️。番薯湯圓同芋圓質感軟糯，入口即化，但仲有啲韌性，食落去好過癮😋。番薯嘅天然甜味同薑水微辣完美結合，唔會太甜膩。芋圓有淡淡嘅芋香，湯圓同埋番薯好夾。份量適中，唔會覺得太飽，飯後甜品一流。😃😃

想食椰皇燉旦白，但呢間野加左好多9唔搭8既配料，問個女人收銀，佢居然答：你咩都唔加，好“啩”嗰喎。阿姨姨呀，我唔係第一日食椰皇燉旦白，如果妳講到自己出品會因為冇左配料就“啩”，我都勸大家咪再食呢間野。完全冇話可說。最後叫左熱鮮奶旦白，難食到爆。唔熱，又起晒泡泡，爛過我塊面。隻匙又有污漬。絕對唔會再食呢間野，服務態度差到癲。收錢嗰陣問係咪只收cash, 佢答支付寶都得冇八達通，証明只做大6人生意。抵佢唔爆場，祝佢生意興隆

呢間位於九龍城比較有名氣嘅西式糖水店 試下佢👉🏻即撞木桶豆腐花 ($38) 💓💓💓💓💓呢個喺出面其他地方嘅糖水舖比較少見，因為其他好少地方會用木桶嚟裝住豆腐花，而且佢用木桶嚟裝住豆腐花佢可以keep住個溫度夠熱。不過食之前要計時，夠鐘就食得。佢啲豆腐花熱得來入口都好夠滑，不過呢個份量兩個人share都夠，性價比都高。👉🏻法式焦糖燉蛋 ($39) 💓💓💓💓💓呢個焦糖燉蛋裏面滑捋捋嘅燉蛋配上出面焦香嘅焦糖，真係好夾。而且甜而不漏👍🏻👍🏻好有蛋香。10分推介。五個心心最高分小方糖甜品 (龍崗道) (九龍城)地址 : 九龍城龍崗道23號地舖#foodporn #fooddiary #fooddie #hk #九龍城 #dessert #美食 #kamama_foodie

收工睇完戲之後就去九龍城搵甜品做宵夜估唔到夜晚靜嚶嚶嘅九龍城竟然唔少甜品舖出邊都要排隊。呢一間都唔例外。呢間喺香港都有唔少嘅分店。甜品鋪感覺比較擁擠 但係都算可以坐不少客人夜晚去排左一陣就有位餐廳職員熱情有禮貌～～～～～～～～～～～～～～～～～～～～～叫咗個榴槤小丸子燉椰皇$62小丸子煮得比較久食落去偏淋小小燉蛋白味道唔錯加上椰皇椰香成個糖水食落偏甜份量比較大個一個人食會好飽榴蓮味道好濃郁，份量大足料

話說食完飯同老婆嚟九龍城食糖水，見平時經過開都唔少人嚟食，咁就入去坐低試吓，點知中咗個大伏！叫咗碗綠豆沙唔係沙，直頭係綠豆水！食落得糖水味！好心唔夠就唔好攞出嚟賣啦！溝糖水溝到稀晒，淨係得糖水味！超級極差！！！

芋圓豆腐花仙草凍，第一次吃到這麼劣質的糖水！芋圓看照片都感覺到煮得非常之久，過火鞋身，唔滑身完全冇Q彈。豆腐花完全感受到石膏粉的味道，硬化沒豆味，口感完全不滑口，有點像急凍左未溶曬食緊磚既感覺。唯一比較正常是仙草，感覺到用糖水浸滿較甜的感覺。上面三樣野放埋一齊再加入椰汁，根本就係四不像，一間甜品店可以整到咁難食都係奇觀。其實本來對小方糖都沒有抱太大期望，連鎖店一般質素，但因為我個fd唔想排隊，附近其他糖水鋪都排曬長龍，所以直接入去，結果伏伏伏伏伏，好失望。隔離排長龍真係有原因。

飯後甜品！😉明明食到好飽，也會食個糖水潤一潤，女仔果然有另一個胃！哈哈一個叫咗金絲銀杏薏米腐竹糖水，甜度適中，轉天氣潤一潤，果然夠養生！😄而法式焦糖燉蛋，熱辣辣又夠滑溜！杏汁雪耳椰皇燉蛋白，清新好味，令人回味無窮！小方糖九龍城龍崗道23號東明樓號地下

中秋節賞完月之後🌕因為太熱嘅關係😂所以去左九龍城睇下有咩甜品食見到小方糖雖然滿晒人但啱啱好一拎飛 就有人走😆好好彩一入到去 已經聞到好大浸榴槤味😂對於唔係好食榴槤嘅我 就覺得有啲難聞😂😂😂但係男朋友就話好香啦😆不過唔緊要啦😙- 楊枝甘露 $38原本係諗住叫芒果蛋白燉鮮奶但係賣曬 所以就轉左要楊枝甘露😝啲芒果好甜 一啲都唔酸😯- 士樂多（益力多味）$40啲益力多冰好夠味😝而且有啲椰果喺下面啲珍珠亦都好煙韌