太二老壇子酸菜魚

Open Now

Now Closed

依家食酸菜魚唔使再北上，今日就試咗呢間近期喺香港開咗四間分店 (九龍塘、啟德、沙田、尖沙咀) 嘅太二酸菜魚。餐廳裝修同國內差唔多，陳皮同洛神花都可以出去自助吧無限添飲。點餐方面都係用 QR code 落單，每款食物都有圖非常好，叫咗脆椒小皮蛋、蝦仁娃娃菜、大滿貫拼盤、老壇子酸菜魚。脆椒小皮蛋第一次食，小皮蛋口感煙靭，配搭中間嘅脆椒醬，小小辣非常惹味，配白飯一流。大滿貫拼盤必叫，因為可以食到大部份小食，有炸雞翼、蝦片、炸薯粒同小酥肉，另外仲有辣粉同芥末醬提供。蝦仁娃娃菜比我預期中出色，其一係用蝦仁唔係用蝦米，另外仲多咗午餐肉粒，雖然唔係啲咩貴食材，但係以呢個價錢嚟講已經唔錯。酸菜魚份量夠多之餘肉質嫩滑，自己覺得比另外一間酸菜魚品牌仲出色啲，味道唔算太麻同辣，而且佢哋啲酸菜都真係幾好食，非常適合我口味。

🌟喺疫情前返過大陸，幫襯過太二酸菜魚，回味無窮🌟發現太二酸菜魚終於開到嚟香港，仲要一年開咗四間分店，於是去咗好就腳嘅沙田市中心到🌟店面好大，有大圓枱同埋卡位坐，喺平日晚市都有九成滿，建議可以上網book位先🐟老壇子酸菜魚（1至2人份） （$258）-有特定嘅辣度，同埋特定嘅魚-用咗老罈子酸菜，即係醃製咗起碼30日以上嘅酸菜，好入味-一至兩人份嘅魚片數量都好多-魚片滑嫩，唔會太薄切-酸菜魚金湯濃郁，有淡淡的白胡椒香-餐廳採用開放式櫥窗，可以見住師傅煮魚，讚油，上菜一目了然，食得放心-仲可以加錢加配菜，加咗$20要咗金針菇-細食嘅女仔可以加$6要半碗飯添😋藤椒撈汁海鮮雞 （$68）-藤椒汁另上，可以根據個人喜好添加-重麻辣藤椒風味-有清爽青瓜，雞肉絲，同埋蝦😋大滿貫小吃拼盤 （$82）-分別有印尼蝦片、煎雞翼、炸薯粒跟炸酥肉，份量幾多-仲可以配埋孜然辣粉跟蜜蜂芥末醬🧋楊桃百香果檸茶 （$28）-清新水果香茶，配川味菜一級夾

這間酸菜魚餐廳成日都聽朋友講話好好食，終於在香港開了分店，當然要去試下啦！餐廳由入門口去到上菜都有職員叫出口號！餐廳有提供免費洛神花茶供大家飲用，而且仲會寫出比例，加埋陳皮甜甜地幾特別！餐枱既櫃桶亦有提供紙巾、電話差電線供客人使用！枱上仲有個求籤筒，等緊野食黎果陣可以玩下！老壇子酸菜魚，酸菜魚有兩個份量，我們點了1-2人份量，份量都好多！湯底味道酸甜，帶有微辣，酸得黎唔會嗆喉！魚肉份量好多，口感嫩滑冇骨，酸菜爽脆開胃！配上白飯一齊食令人停唔到口！我還加了薯粉，吸收了湯的味道，十分惹味！亂刀雙椒炒牛肉，這個小菜也是一個非常適合送飯的菜式！用上泡椒和辣椒一齊炒，加上牛肉碎、芹菜粒，味道辣得黎又好有口感，好正呀！夫妻肺片，味道不會好辣，涼浸浸得黎醬汁味道不錯，還灑有花生碎，口感豐富！楊桃百香果檸茶，楊桃味都幾特出，飲品味道酸酸甜甜，層次豐富！馬蹄好椰清補涼，重椰奶味，入面還有爆珠波波，非常適合解辣！

我最鍾意嘅酸菜魚，終於喺香港都可以食到啦，啱啱兩個禮拜前先去深圳食完，跟住比我知道原來香港都開咗分店，太好啦，方便好多！太二現時有4間分店 (九龍塘、啟德、沙田、尖沙咀）不過現時都仲未可以OpenRice或者電話訂位，要喺網站訂位，然後Show QR code先得我同阿囡兩條友食咗好多嘢，除咗酸菜魚仲有雞翼、灼菜心、小酥肉-酸菜魚鍾意嘅原因喺因為用鱸魚嘅精選部位、彈嫩又鮮甜、肉質緊實、完全零骨刺、口感好正-麻辣小酥肉呢個又係每次必食嘅，酥脆不膩，肉香四溢，真係會食到停唔到口，本身order嘅時候冇晒，跟住食到咁上下見到有人食，所以即刻落單-個個鍾意食雞翼外皮呈焦香，鮮嫩入味，配埋嗰醬好味-龫葱菌菇灼菜心灼菜心感覺良好啲，因為已經叫咗雞翼同埋小酥肉，兩樣都係炸，等個心理平衡返，乾蔥菌菇夠香-馬蹄好椰清補涼陣陣椰汁清香，甜度高適合解辣，包心馬蹄及涼粉多重口感，又脆又爽，不過對於我嚟講係甜咗少少-楊桃百香果檸茶山茶花烏龍茶底，有楊桃清香又有淡淡茶香、仲有檸檬和百香果嘅酸甜，層次豐富，輕盈又清爽付設自助茶水區(免費陳皮洛神花茶)無論環境裝修，氣氛同埋食物質素，都同喺深圳食嘅一模一樣👏🏻

星期日中午12點幾入到嚟，七個大人一個細路，安排咗圓形嘅枱， 坐得上算舒服，少少逼夾啦。🤫入嚟可以自己揀陳皮或者洛神花， 然後衝滾水， 自己調配啱味道的茶🫖。餐廳櫃桶有備獨立包裝嘅牙線，又有唔同頭嘅叉電線供應，俾你為自己部手機叉電，幾細心。仲有個求籤筒喺度，小朋友覺得好好玩💗，入面啲簽唔係吉就係大吉。我哋八個人嗌咗: 好冇骨氣鳳爪，蝦仁娃娃菜 ，笑茄茄芝士牛腩，夫婦肺片， 大滿貫小吃拼盤，馬蹄好椰清補涼， 乾蔥菌菇灼菜心， 蛋酥軟糍粑，奶凍綿綿紅豆沙，脆椒小皮蛋， 老壇子酸菜魚三至四人份，同埋一碗飯(12蚊)。大部分食物都係辣嘅🌶，唔食辣嘅朋友就冇咩菜式選擇喇~最好味係個酸菜魚😋，魚片非常之滑同埋軟綿綿咁， 份量十分足。嘢飲都好好飲🥤，嗰杯清補涼冇涼茶味，仲好有椰汁味道，個小食拼盤入面嘅蝦片出奇地好味，夫妻肺片辣得嚟都好惹味， 大致上食物above average💯， 8人 總共食咗1135蚊 (9個餸菜一碗白飯加3杯凍飲)。 8個人喺香港來講C P值算幾高啦~ 有機會下次再嚟。

太二有四間分店，分別位於九龍塘、Kaitak、沙田和尖沙咀今次去到沙田呢間分店有好出色既服務同舒適的用餐環境成個用餐體驗都好好😆.$258 老壇酸菜魚1至2人份這道經典既酸菜魚係餐廳招牌份量都頗多 新鮮既魚肉搭配酸菜同辣椒營造出濃郁既湯汁味道酸辣刺激好好食😍.+$20 紅薯粉紅薯製成既粉條口感好柔軟入口有豐富既口味層次🥳.+$20 脆豆腐豆腐既柔軟口感配搭埋酸菜魚既湯底好正.$52 麻辣小酥肉這道菜結合左麻辣風味同和酥脆口感食每一啖都感受到辣椒的香氣同肉質既鮮嫩😎.$38 幹蔥菌菇灼菜心脆爽既菜心搭配香氣四溢既幹蔥同菌菇呈現出豐富既口感同美味😁.$48 蛋酥軟糍粑以軟糍粑為基礎入口外層酥脆內部柔軟綿密並添加左蛋香味道有十分獨特既口感享受🥳.$28 馬蹄好椰清補涼以新鮮的馬蹄同椰子為主要成分呈現出清爽既口感同淡淡既椰香😆

之前食親太二酸菜魚都要北上🛤️依家唔洗啦😏係香港都食到🇭🇰仲有幾間分店📍尖沙咀 • 九龍塘 • 啟德 • 沙田📣𝐂𝟗 𝐌𝐨𝐝𝐞免茶位費🆓仲有免費洛神花陳皮茶任飲🆓~•~•~•~•~•~•~•~•~•~•~•~•~•~•~•~•~•~•~• ▪老壇子酸菜魚 ($258 • 1-2人份)熱辣辣🔥既酸菜魚上枱個陣店員會嗌口號 : 比魚好吃的酸菜來咯🗣️係唔係算儀式感？哈哈🤣餐廳自家研發酸菜，食落爽脆💥鱸魚🐟大片冇骨。魚肉好滑，舀比夾容易🥄湯頭加左青藤椒 • 花椒 • 辣椒乾 • 菊花....▫️紅薯粉 (加+$20)寛粉沾滿酸菜湯汁🍜.▪五常大米米飯 ($6/半碗 • $12/一碗)食落軟糯🍚睇落有光澤✨可以加埋酸菜魚湯一齊食🥣.▪麻辣小酥肉 ($52)炸得酥脆，但又唔油膩，香口野真係會食唔停🤭.▪藤椒撈汁海鮮雞 ($68)辣汁自己加🌶️雖然睇落細細碟但都幾豐富，有蟶子 • 蝦🦐 • 無骨雞肉🐓 • 青瓜🥒.以下𝟐款係解辣 / 解膩都岩呀😎▪楊桃百香檸檬茶($28)檸檬🍋 & 百香果酸酸甜甜 • 楊桃清香💛山茶花烏龍茶底唔會過濃，好𝐅𝐫𝐞𝐬𝐡💦.▪西瓜椰椰冰粉($22)椰奶🥥 • 𝐐彈冰粉 • 糯糯

期待已久嘅太二酸菜魚進入香港喇😍入到餐館內環境好闊落，接待員服務好好👍🏻，坐低就介紹點餐流程，茶水間供客人任飲熱茶，當中有洛神花及陳皮提供沖茶老壇子酸菜魚 $388（3-4人份量）大大盤熱辣辣既酸菜魚，魚肉好大舊，啖啖魚肉，酸菜酸微微，相當開胃😋，辣度偏辣左一點點，但能接受的，當中加了紅薯粉（好煙韌又彈牙），另外加了金針菇，整體份量都好多，4個人食唔晒，個湯撈白飯絕配好無骨氣雞爪 $68無骨雞爪有醬油麻辣浸住，下面有幾塊蓮藕配搭住，口感爽脆，呢個前菜小食必叫脆椒小皮蛋 $48小皮蛋用醬油香油浸著配搭著葱花食味道特別聖誕小食拼盤 $82拼盤內有香脆雞翼、小酥肉、蝦片、炸薯寶配埋個醬汁好好味，好香脆美味蛋酥軟糍粑 $48熱辣辣炸起，口感內脆外軟好煙韌，甜品之選

聽聞 太二 老闆 有個夢想要 將 酸菜魚 美味分享比全世界～終於 有香港🇭🇰站仲要一次過起沙田、尖沙咀、九龍塘、啟德連開4間店😆✨食品 推薦 優先次序：🐟老罈子酸菜魚3至4人份 $388加 硬豆腐 、紅薯粉 、粉絲、金針菇 各$20 比起深圳 辣🌶 又少酸店舖用酸菜 醃製約30天才能出壇的不過本人無對酸菜喜好 就覺得不過不失但魚肉 選用 鱸魚 的確是滑✨必叫指數：9.5/10😋🍉西瓜椰椰冰粉 $22超推薦！椰子味嘅奶凍加埋一片片椰子片真係好好味必叫指數：9.5/10😋🍠芝士紅薯波波 $48 超好食！ 好好味既軟綿芝士心～必叫指數：9.5/10😋🐥 好無骨氣雞爪 $68 無骨 好正 又只係小辣 必叫指數：8/10😋🍤蝦仁娃娃菜 $48 好味湯底有蛋蝦味 好似金銀蛋個湯必叫指數：8.5/10😋🍳蛋酥軟滋巴 $48 似平時普通食既滋巴 幾好食必叫指數：7.5/10😋🍽夫妻肺片 $58 正正常常～不過不失必叫指數：7/10😋🍬翻翻砂紅糖冰粉 $22 喜歡甜嘅人會好鍾意食好味既必叫指數：8/10😋🥬乾蔥菌菇灼菜心 $38 正正常常 不過不失必叫指數：7/10😋🍚一碗飯 $12

🎊每次上大陸玩都首選會食的「太二」酸菜魚來左香港了！終於唔洗上深圳都有得食！🫶🏻我率先去一試，究竟能唔能夠維持水準呢？🤔📔餐牌的種類很多，除左酸菜魚之外，仲有唔少小食、前菜、甜品款式，較內地的餐牌種類為多。除左酸菜魚之外，我地仲額外點左唔少小食。🐟首先講講個酸菜魚（3-4人份量）（$388），魚肉厚身滑嫩、酸菜大大塊，湯底除左酸辣外，亦都有不少麻子，所以麻麻辣辣都稍重的，唔食得辣的朋友要叫多杯解辣飲品！🥤雖然稍辣，但食得好過癮🌶️，配上白飯食好滿足。佢個飯煲得幾好食的🍚，飯粒好飽滿，建議叫上一碗（$12）或半碗（$6）試試。另外，我地再額外配左脆豆腐（$20）、紅薯粉（$20）、粉絲（$20）同金針菇（$20），呢幾樣配料我都好中意，尤其個脆豆腐食落同平時豆腐的質地唔一樣，係好似食緊魚蛋的質地，但又有大豆味！👍🏻而金針菇呢D絕佳配搭更不可少啦！另外不得不提的是餐廳的小食都好好食，有些更是唔輸得過個酸菜魚！👑芝士紅薯波波（$48）超出期望地好食，個紅薯波好煙韌，咬落口軟心，啖啖紅薯甜甜地之餘帶點芝士的咸香，令人想一啖食完再食一口！而呢個菜式都是之前深圳未食過的！🥰💕西瓜椰椰冰粉（$22）另

沙田新開酸菜魚，lunchtime 都多人食一埋坐底，侍應會問客人之前有無食過太二酸菜魚？ 回答沒有的話，侍應會介紹一下餐桌面的食魚測運籤筒和餐桌櫃桶裏面的物品（牙線叉、紙巾等等）。侍應都好有禮貌。每張餐桌的角落都有手機點餐QR Code。 點餐系統方便易用，唯獨菜式不能自選辣度問了侍應，侍應都話無得少辣餐廳有花茶茶飲自助吧店家建議用 3 片醃製過的陳皮配 2 粒洛神花水溫已經係60至70度啱泡花茶，浸泡2分鐘好飲好多飲落鹹鹹酸酸，幾開胃和去油膩感2 人 lunch share1. 工作日午餐單人套餐（小小份酸菜魚、西瓜椰椰冰粉、飯)2. 勁旺毛血旺1. 工作日午餐單人套餐（小小份酸菜魚、西瓜椰椰冰粉、飯)小小份酸菜魚非常熱，表面有一層油鎖住魚湯的熱力魚片連魚皮、薄切得來夠大塊，肉質滑溜溜酸菜有 2 種，一種是黃綠色的爽脆，另一種是淺黃色除了配黑龍江來的米飯，酸菜魚裏面仲有大量粉絲跟餐的西瓜椰椰冰粉可以一解辣味西瓜粒粒食起來多了爽口感口腔有一陣涼快感勁旺⽑⾎旺配料都好豐富，味道好濃郁看那層紅油， menu 寫辣度有辣椒 x 2，無得自選辣度 食落是麻多過辣就算是辣，都唔係個種辣得犀利或

「酸菜魚就一種味道，就用一種魚、一種辣度，不加辣也不減辣」的規矩，香港店同樣由重慶烹飪名廚曹輝其大廚監制，他在中國中央電視台舉辦的全國烹飪擂台賽上獲金牌。我就係為了這種規矩而慕名而來: 太二酸菜魚！今次我去沙田分店，裝修寬闊好有特色服務員態度非常友善，有好多少暗喻，例如舉起兩隻手指店員就會到枱前為客人服務👍🏻而家限定期間著熱辣紅色嘅服飾到店食魚，搵店小二對暗號，就有機會免費食開業限定菜，藤椒捞汁海鲜鸡！撈起撈到風生水起😋海鮮甜雞肉嫩青瓜爽，記得穿着火辣辣嘅紅色物了❤️酸菜鱼，酸菜魚重視酸菜選料工序，僅選用口感爽脆的雲南小葉芥菜，醃製近30天出壇，酸度適中，口感爽脆得宜；配搭緊實細嫩的鱸魚去骨魚肉，入口更彈韌鮮美。酸菜魚可以另外加錢配脆豆腐、红薯粉、粉丝或金針菇 ，或者配上白飯都係唔錯嘅選擇！笑茄茄芝士牛腩，蕃茄薯仔🥔咗香甜被牛腩完全吸收，加上芝士香濃，滿足感十足！喜翻翻砂红糖冰粉和西瓜椰椰冰粉各有特式，一款椰香味濃，西瓜爽口，另外一款红糖加上芝麻花生和小丸子🍡傳統窩心嘅幸福感！📌沙田新城市廣場第1期L2-249號舖九龍塘又一城12月12日開業啟德AIRSIDE店12月23日開業#太二酸菜