93
3
0
3-min walk from Exit A, Causeway Bay MTR Station continue reading
Telephone
26028268
Opening Hours
Today
Closed
Mon - Sat
12:00 - 14:30
18:30 - 21:30
Sun
Closed
Public Holiday
18:30 - 21:30
Payment Methods
AlipayHK Alipay Cash
Number of Seats
28
Other Info
Wi-Fi
Alcoholic Drinks
May Bring Your Own Wine
Cake-cutting
Parking Details
Phone Reservation
Delivery
10% Service Charge
Spot payment
Vegetarian
Review (109)
Level3 2021-07-04
1822 views
食得太多肉類,轉轉口味食素都係唔錯嘅選擇,今次去咗銅鑼灣嘅私房菜素喜館!素喜館店面雖然不大,但裝修簡潔,令人感覺放鬆。私房菜形式由廚師發辦,我們就靜心等待美食!前菜醋漬冬瓜,入口酸酸的,很醒胃,脆餅配上橄欖香草蛋及另一小食秋葵串,接著是日式蕃茄沙律,都是炎炎夏日的不二之選,新口味新配搭!綠色蔬菜濃湯感覺上可以清清腸胃,黑松露芝士炸薯球,配搭出色,兩個口味天衣無縫!主菜是韓式泡菜米形意粉,米形意粉在外面比較少食,外觀似意大利飯,但多了意大利粉嘅煙韌口感,加了韓式泡菜,增加了風味,不是一般素食的味寡或只有煎炸來增口感!最後是奇亞籽椰奶凍鳳梨雪芭,真係好出色,外貌平平無奇,食一口就會了解廚師的細心及食材嘅配搭,真係要比Like👍! continue reading
(The above review is the personal opinion of a user which does not represent OpenRice's point of view.)
Level3 2021-04-07
3012 views
素食私房菜的確是我第一次吃,可能因為好期待所以覺得不是想像中咁正!前菜:清清地🥢不錯黃姜小米濃湯:說是濃湯可是一點也不濃,反而覺得好稀😌藜麥豆腐蛋捲:是蛋卷嗎?不是炸春卷嗎?但本人愛香口野,所以喜歡吃蘑菇茄子大通粉:麻麻地😔微暖嘅一碗粉 continue reading
(The above review is the personal opinion of a user which does not represent OpenRice's point of view.)
我其中一位最好嘅朋友就嚟要出國進修,呢晚就同佢餞行,我專登揀咗一間🥦素菜館同佢食,因為佢近年開始茹素。我上網搵完一輪,揀咗位於銅鑼灣登龍街嘅「素.喜.館 」。由於訂咗位,店員秒速安排我哋入座。餐廳主要由一位男店員負責樓面,佢超好人同超有禮貌😊,大大提升整個用餐體驗。餐廳嘅餐牌好簡單,就係得一個每位$275(免加一服務費)嘅晚市套餐🍽,全部項目已經Set好哂,由前菜到甜品都有,好豐盛。咁嘅設定好似食日式料理廚師發辦👨🏼‍🍳,但呢度係素菜版。先嚟前菜小食四款嘅第一款:酸辣四季豆。佢真係好適合作為全餐第一樣放入口嘅菜式🈴。因為酸辣味好出,好開胃,但又唔會難接受。之後就一次過上埋另外三款3️⃣前菜小食。桂花蜜漬小蕃茄🍅,兩粒去皮蕃茄仔好甜啊,好好食,完全唔酸,不過桂花香就唔算太突出。蛋黃醬拌橄欖脆餅🥨,四款小食之中佢最好食,兼最養眼。脆餅上面有蛋黃醬沙律蛋連青瓜粒,再上面就應該係南瓜蓉加橄欖。成個組合無論味道定層次口感都好豐富!焗釀燕麥鮮冬菇🍄,冬菇焗到微微燶邊好正,釀燕麥就呈金黃色,造型同煎釀魚肉三寶好似,個人認為仲好食啲添,因為無咗魚肉嘅腥味。烤焗紅菜頭柚子沙律🥗,沙律個擺盤幾靚,有啲似藝術品。沙律落咗柚子,味道變得清新,亦都中和咗黑醋嘅酸。不過紅菜頭應該唔係菜名所述嘅經烤焗,食落同一般嘅無分別,但並唔影響沙律嘅味道。鮮淮山甘荀湯🥕,湯品正正常常,可能淮山唔係落得太多,所以食唔出佢嘅蹤影,亦未覺滑潺潺嘅感覺。不過都可能因為佢仿效淮山麵嘅造法,有其成份同精華,但就並非保留佢嘅味道同形態。湯嘅顏色同味道令我聯想起南瓜湯,但細心品嚐會分到係甘荀,因為無南瓜咁多渣同甜。跟湯嘅餐包幾有誠意,大塊麵包好鬆軟🍞,餅乾條就好脆。黑松露芝士炸薯球🥔,炸薯球炸得香脆,無吉列皮咁硬同咁乾身,兼且唔油膩,齋講外層已經無得輸。點知驚喜陸續有來,咬開之後發現薯球入面有好香嘅黑松露同拉絲濃郁芝士🧀,同薯仔層好夾,好美味。綠色全蔬腰果仁耳朵粉🍝,終於等到主菜登場喇,份量不多不少剛剛好,因為前面都已經食咗唔少嘢,但唔食番啲澱粉質又好似爭緊啲😝。耳朵粉口感煙韌,有Q彈嘅感覺,而且每粒粉均沾滿菠菜蓉,好健康。不過我自己就唔太鍾意加咗堅果🌰,因為同Pasta口感唔夾,無啦啦有啲硬物,但同時我又明白唔落Nuts會好寡,加上唔知可以落乜。以上純粹個人意見啦。伯爵茶朱古力奶凍🍮,呢個奶凍甜品無得彈,外表平平奇奇,以一個迷你玻璃樽仔裝住。🍫朱古力嘅部份集中係奶凍面頭嘅朱古力粉,伯爵茶味嘅奶凍先係主角。奶凍口感細滑,入口即溶,伯爵茶味濃而不澀,亦唔會過甜,出色!養生黑豆茶🍵,茶就係全晚最失色的,因為好淡,沖緊都仲係唔夠味,水咁嘅色,後尾好奇打開發現應該關黑豆落得唔夠多事🙈。不過整體對晚餐都唔大影響嘅,有少少美中不足而已。題外話,餐廳晚市做指定晚餐,午市就有各種多國菜嘅套餐選擇。環境方面,餐廳簡潔整齊,紅色同綠色嘅牆身令人好舒服💚。總括嚟講,素喜館係一間唔錯嘅素菜館,每道菜色均係色香味俱全😋,就連我呢隻食肉獸都非常滿意。我知道餐廳每個月都會轉餐牌,有機會想再幫襯試吓。其實素菜都真係可以好好食,而且感覺仲健康啲添,又為環保減炭出一分力♻️。 continue reading
(The above review is the personal opinion of a user which does not represent OpenRice's point of view.)
Level4 2020-10-12
1751 views
相約好友晚餐,朋友想吃健康一點,選了在銅鑼灣的特色多國素食私房菜餐廳素.喜.館。餐廳的晚市套餐,每月會轉一次餐牌,有前菜、湯、主菜、甜品和茶品,非常豐富。先上的茶品為黑豆茶,非常養生。四道前菜分別是酸辣四季豆、桂花蜜漬小番茄、蛋黃醬拌橄欖脆餅和焗釀燕麥鮮冬菇,各具特色。四季豆酸辣醒胃,番茄清香味甜,橄欖脆餅咸香脆口,釀冬菇鮮味多汁。黑松露芝士炸薯球炸得好香脆但不會油膩。裡面有薯蓉和芝士, 還有黑松露, 十分惹味。緊接的是烤焗紅菜頭柚子沙律和鮮淮山甘荀湯。沙律擺搬精美,酸酸甜甜,十分清新。主菜是綠色全蔬腰果仁耳朵粉,煙煙韌韌非常有口感。最後的甜品是伯爵茶朱古力奶凍,奶凍幼滑,啖啖伯爵茶香。總括而言非常有驚喜,素菜也能精緻細膩,別具特色。 continue reading
(The above review is the personal opinion of a user which does not represent OpenRice's point of view.)
Level4 2020-10-08
2226 views
呢間素食私房菜餐廳隱藏於商厦裡面,唔係朋友介紹我都唔知。晚飯時間只提供一個套餐,要至少一天前預訂。每位$275 (免收加一) 嘅套餐究竟有乜食呢?⁣▫️上小食前店員先送來上一壼大麥甘草茶。⁣▫️前菜小食四款▪️柚子醋漬蓮藕▪️日式煮糖地瓜▪️辣汁涼拌秋葵▪️胡蘿蔔小丸子每款小食賣相滿分之餘,以量少多款取勝。四款小食集齊甜、酸、辣幾種味道,配搭幾有新意。⁣▫️番茄豆苗沙律已去皮嘅原隻番茄多汁爽口,上枱時已經切開3件,食嘅時候唔怕啲汁彈到周圍都係😝⁣▫️粟米牛蒡湯▫️炸藜麥豆腐蛋卷胖番紅花醬▫️台式滷香菇飯▫️金羅漢果桂花雪梨凍⁣晚市套餐非常豐富,有前菜、沙津、湯、主菜、飯同埋甜品。估唔到素菜都可以咁多元化,而且味道做到同普通餸菜一樣,尤其係台式滷香菇飯,第一啖食落口真係覺得自己食緊滷肉飯😀 炸藜麥豆腐蛋卷係另一款我比較鍾意嘅菜式。望落去似春卷但一油膩感都冇,食多兩件都唔怕😂店員服務好好,會主動向我哋介紹每一款菜式,亦好樂意解答我哋對素食嘅提問💯⁣由於採用預約制嘅關係,餐廳有充足嘅時間為客人準備每一道菜。嗰晚我哋坐嘅位置係對住個開放式廚房,睇住店員好用心咁準備每一道菜㗎,絕不馬虎。⁣⭐️晚市套餐每個月轉一次⭐️只收現金 continue reading
(The above review is the personal opinion of a user which does not represent OpenRice's point of view.)