Su Casa (Moved) New Location

石門係新興出名多野食, 人流又多既商場係食街個邊, 撞岩十幾年前係銅鑼灣食過既蠔吧, 既然係哩度重遇, 點都要重捨一下舊味道南非蠔入口近幾年少之有少, 餐廳仲做緊買一送一, 梗係要試一試, 果然南非蠔, 蠔味同甜度, 都係我最鍾意既仲有非常有蠔味既蠔湯, 比一般生蠔更加有蠔味, 應該十分足料, 每一啖都齒頰留香, 不過如果怕腥既就要考慮清楚喇招牌菜必食龍蝦意粉, 當日仲做緊減價, 唔叫都對唔住自己, 不過居然個意粉先係主菜, 香濃幼滑既感覺, 相對龍蝦反而就遜色左少少海鮮墨汁意大利飯, 一向食意大利飯我都可能會UN胃, 不過佢個墨汁真係好吸引, 所以放肆一次每款海鮮都好彈牙, 但稍為淡口左, 應該係因為D味落晒去個汁度, 食落口真係好濃味, 不過飯粒比出面再硬左少少, 要咬得再爛D先敢吞今次用餐已經超過左以前記憶中既味道, 好在有緣自然會相遇

年輕人對呢間餐廳食物讚不絕口，部份是套餐但大多數是散叫的，水準也不錯，唯一有待改進的就是凱薩沙律和牛油檸檬雞翼。不算物有所值⋯⋯其他生蠔、炸𧐢和套餐所有食物都有很高水準。👍🏻環境裝修普通但服務員很細心講解並且提供一些建議令客人感覺化算相對便宜。。上菜時間比較慢，可能有太多前菜選擇所以食完前菜之後都飽了一半😅第一次到這間餐廳以為環境不是很吸睛，但食物絕對是高水準..炸蠔送過來的時候還是熱辣辣的。牛肩胛肉味濃而且沒有梳打粉醃過，很實在。七成熟剛剛好。一口氣已經吃完。大滿足😋相信下次如有機會的話會再來光顧

沙田石門一直比人印象都係工商區🏢，近年進駐唔少有水準嘅餐廳。Su Casa環境清新舒適，坐位寬敞舒服，可以悠閒嘆返個Lunch。除咗傳統西餐，都有提供兒童餐👧🏻，適合一家大細嚟放鬆一下。Fact check過先知，Su Casa同位於銅鑼灣嘅西餐蠔吧Casa Pennington係同一個Group，唔知食物質素如何呢🤔~————————————————👅經典肉醬長通粉 ($68)👍🏻茄醬味道似外國口味偏酸少少，肉醬份量相當足夠，長通粉都吸晒蕃茄味🍅，旁邊仲有芝士粉增加香味👅沖繩黑豚薄片洋蔥溫泉蛋飯 ($78)👍🏻黑豚片口感柔嫩，有肉味之餘又無腥味🐷，如果有多啲醬汁撈飯就好👅菠蘿有機奇亞籽綠茶👍🏻隨餐奉上嘅餐飲，可以揀凍/暖，加入一絲絲菠蘿果肉同Superfood奇亞籽🍍，味道清新，一大杯咁多又真材實料👅檸檬牛油雞翼 ($78)👍🏻雞翼都幾大隻，表面有少少炸嘅感覺，一咬就有肉汁，牛油味好香濃🧈，不過有牛油就當然油膩啲，最後都忍唔住食咗3隻👅自家製甜品 (+$18)👍🏻當日係藍莓芝士蛋糕🫐，口感輕盈，餅底唔太結實，份量一小片啱做飯後甜品————————————————🚩總結：味道同份量都係

約咗女同事ET噚日(16-2-2021 Tue)年初五食晏,我哋出嚟睇邊間有開,ET話食呢間,我ok.由於時間都早,所以即刻有位,我哋揀咗$98.00嘅紐西蘭青口龍蝦汁意大利飯同$158.00嘅炭燒美國特級牛肩扒,5成熟,兩個都要暖菠蘿有機奇亞籽綠茶.最快當然係暖菠蘿有機奇亞籽綠茶到嚟,味道始終如一嘅唔會太甜,有新鮮菠蘿肉.紐西蘭青口龍蝦汁意大利飯先到嚟,見到有落芝士粉,龍蝦汁啱啱粘住啲飯,飯內裡就一定係硬;青口嫩滑但冇醬汁伴食.味道: 3.5分然後係5成熟嘅炭燒美國特級牛肩扒,呢個有埋薯菜同上,牛肩扒燒到外脆,肉質又juicy又軟腍,好好食.味道: 5分薯條ok正常冇問題.成篇味道係3.75分,抵食係2.7分上次食評係19年11月27日刊登嘅呢篇: https://www.openrice.com/zh/hongkong/review/%E6%B8%85%E6%B7%A1-e3602963

同事極度推薦嘅一間優秀新餐廳咁啱三個同事都一樣叫咗鰻魚滑蛋飯大概係即叫即整嘅關係 等咗15-20分鐘唔係同事提起都唔知原來有間咁隱閉嘅餐廳坐得唔算太逼 尚可 午市都幾旺鰻魚滑蛋飯 上嘅時候都係暖暖哋 未去到熱醬汁甜甜哋 果然同鰻魚好夾！但如果可以再多啲就好喇 滑蛋名符其實係滑 （雖然無咩香味）鰻魚比較難咬得斷 同埋都比較多骨覺得同枱嗰個小朋友嘅西冷牛扒反而好吸引🥺🥺我哋嘅情況有啲特別 店員願意比多咗出黎嘅一位客人 隔住一塊透明板 繼續比我哋一齊傾偈同食嘢價錢適中 唔會太平或太貴 鰻魚滑蛋飯 88 蚊再加一

慶祝生日想食蠔所以上網做左陣資料蒐集，就揀左呢間餐廳，經OpenRice 訂座，仲可以落埋備注話想甜品寫「生日快樂」，岩哂我呢啲懶人。係石門站出行一陣就到，都幾方便，可能因為我係訂座，所以可以坐係靠邊位既一張半圓形梳化椅，舒服啲，影相背景又冇人，非常好！因為主要想食蠔，所以我地淨係叫左一個晚餐，揀左西班牙辣肉腸什菌菠菜意大利飯，跟埋南瓜湯、菠蘿有機奇亞籽綠茶同細細件是日精選甜品，南瓜湯唔錯，意大利飯軟硬適中，份量剛好。跟餐仲可以加配唔同小食，每個餐每個項目可以加配一次，所以我地揀左精選生蠔同吉列蠔，吉列蠔幾香口，唔會太厚粉，都唔會好油。另外每日都有六款生蠔買一送一，我地就揀左黎自法國既兩款，再加埋跟餐既精選南非就有六隻啦，佢會跟你叫既口味，幫你擺好順時針跟住食就岩，全部都好鮮甜，同埋都幾大隻，絕對可以再黎食！！！另外我地仲叫散叫左意大利芝士餅，酒味幾香，仲寫埋字，影相好靚～（唔記得左單獨幫佢影相，所以冇相睇）

某日適逢女兒放假，中午時兩人到附近開餐。行到石門區見有一西式餐廳，名字頗為特別，是西班牙語“歡迎”的意思，既然歡迎我們，於是就入內一試。店內佈置簡約舒適，座位也不覺擠迫，原來餐廳有親子套餐，不過不適合我們。餐廳亦有重點是蠔吧，雖然今天不打算食生蠔，但見加配吉列廣島蠔3隻只是$18，相當吸引，當然要試試。另外我點了鮮茄豬肉醬長通粉 ($68)，女兒點的是日推介意粉是煙鴨胸意粉 ($58)，隨餐還附送凍菠蘿有機奇亞籽綠茶，價錢十分實惠。我的鮮茄豬肉醬長通粉除了免治豬肉及蕃茄仔外，還有些雜菌，上面加有芝士粉，茄醬味道及濃稠度適中，屬於性價比高，抵食又好味。女兒的煙鴨胸意粉有多件的煙鴨胸及彩椒，炒得很好，份量也不少，五十多元還有飲品，真是超值。吉列廣島蠔3隻熱烘烘的出來，咬開仍有煙冒出，還有沙律菜伴碟，也很不錯。今天不飲咖啡，改飲較為清淡而健康的凍菠蘿有機奇亞籽綠茶。

小朋友要喺石門學跆拳道，就試下附近嘅餐廳，見環境唔錯乾淨企理就揀咗尼間。因為小朋友要食飯所以揀咗鰻魚玉子炒飯。嘩～估唔到咁大碟，分量足夠兩個大人。我哋仲叫左牛肩扒，以$158黎講，好抵食，肉質juicy又有牛味。之後+$18要Latte,雖然$18好d貴，不過好過去Starbuxxx 要$3x, 真心覺得唔錯，重點係尼道好有抗疫意識，入門口就遞搓手液比你，坐底又遞紙袋比你放口罩，真心講有好多餐廳都做唔到咁既服務。值得支持，加油 💪

京瑞廣場有個很不錯的PLAYHOUSE, 今日帶小朋友黎玩。透過OPENRICE訂左呢間餐廳LUNCH, Su Casa係一間兒童友善餐廳, 佢地預備左填色紙顏色筆比小朋友油顏色又送貼紙, 好少餐廳咁有心。我哋冇影低到Menu，上網睇返，餐廳星期日提供既套餐叫"Holiday Special", 套餐包括是日餐湯，蒜蓉包同一杯菠蘿有機奇亞籽綠茶。（睇返張menu仲有一個自家制甜品，但無比到我地❌）我哋另外加配左$48生蠔。主菜叫左西班牙辣肉腸什菌菠菜意大利飯同軟殼蟹明太籽忌廉扁意粉。生蠔 - 新鮮好味。是日餐湯 - 我地估係椰菜花忌廉湯, 味道普通。蒜蓉包 - 我地無食, 兩塊都比我仔據為己有, 味道應該不錯。菠蘿有機奇亞籽綠茶 - 非常好飲, 甜度適中, 食到菠蘿粒粒。西班牙辣肉腸什菌菠菜意大利飯 - 味道麻麻, 唔夠味, 重點係我食到好大陣芝士既騷味。軟殼蟹明太籽忌廉扁意粉 - 呢個非常滿意, 忌廉味道濃郁, 軟殼蟹新鮮即炸, 外層酥脆啖啖肉, 一個人食曬成碟真係非常邪惡。                  

食物質素對唔起個價錢！侍應一副收工樣，未食完就收碟！餐飲由一開始落order, 到上甜品先到！真係冇下次！唔係住附近，唔洗專登過嚟食🥱石門有大把選擇，呢間真心麻麻⋯⋯

以西餐廳而言，set dinner 價錢頗便宜，但仍然不值這個價，食物太難吃cp值極低我們二人叫了兩個set dinner 和鴨肝多士，只有飲品味道正常。鴨肝多士：鴨肝多士overcook，沒有油香味，而多士不脆並且很乾，像放了一個星期。黑松露意粉: 廚師好像把鹽和糖掉轉了，意粉甜得像甜品加了一大堆芝士粉都蓋不了那陣甜味，令整個菜式味道太奇怪，不推介！亦欠缺黑松露香，無需要用百幾蚊去食香蒜白酒蜆肉意粉: 試完黑松露意粉，本身已經對白酒蜆肉意粉冇期待。但估唔倒，在沒有期待的情況下竟然還會失望蜆肉臭，意粉像白烚一樣我們馬上跟餐廳反映説完全沒味道，之後換了一盤。但是意粉還是很乾，味道像吃水煮意粉，真的沒有下次是日甜品: 一放進口便知是用最便宜的朱古力製作，毫無誠意。蛋糕味道死甜，口感差，忌廉發得不夠。

放工朋友約附近食飯，去左呢間西餐廳。環境光猛鮮明，set dinner 送西湯，蒜蓉包，包一杯指定野飲（菠蘿奇亞子綠茶）同甜品。我叫左個龍脷柳魚（$188），朋友叫左黑松露野菌意粉（$138），再加$48 兩隻生蠔（廚師指定）。其實呢個價錢有曬頭盤呀 甜品甘，叫做全包。黎到朋友個意粉份量正常，但一啲黑松露味都聞唔到，我碟魚就奇少，諗住厚切一塊或者薄切都有兩塊，點知得一塊好薄，少量薯條同菜....係呢個份量少得可憐，$188 我仲有啲期望...宜家變做失望。好在無叫扒食，一定對唔住個價。因為收工之前食咗個細cake , 唔係一定唔夠。生蠔叫得廚師精選，當然比啲細細隻嘅你，好一般， 叫做試下甘。個甜品唔掂，比普通雪糕都好過呢個cake ... 一啲都唔好食， 見到評價咁高以為都好有水準，點知非常 非常一般，只可以話係正常西餐，但對唔住呢一個價錢。另外，座既空間位置夠，不過張枱好細，如果叫多樣小食都唔夠位擺。一定唔會推薦食，無謂曬錢去試，去沙田新城市食好過.....只針對食物同價錢，服務態度好好，值得一讚！

中秋節前同朋友敘舊下平時去石門都係飲台式野多果日發現譚仔隔離有一間西餐廳又唔需要排隊而且價錢唔貴三個人平均230蚊左右已經食到飽飽我覺得最抵食係dinner set 牛扒味計加一服務費都係$178仲包埋餐飲，另加$18有3隻炸蠔牛扒5成熟岩岩好切落已經感覺到牛扒好嫩配菜係薯條同沙律菜好食過某間連鎖快餐嘅薯條多多聲沙律好新鮮基本上每碟都會配沙律菜令到一眼望落去就好開胃我非常滿意今次菜式令我留下深刻印象，會再去！

第二次嚟食，上次食Dinner，今次試埋個lunch set~🥩炭燒美國特級牛肩扒($158)牛扒好厚身份量一D都唔少，我哋Order 5成熟，肉質好厚實唔多筋，肉汁豐富，表層有明顯炭燒網紋，食落有炭燒焦香，好好食！呢個價錢真係無咩可以挑剔🤤牛扒係跟薯菜，如果想轉飯/意粉要加$10薯菜份量都好夠，午餐$158雖然幾貴，不過呢個份量加塊牛扒嘅質素其實好值得。🍛香煎雞扒墨汁意大利飯($108)烏卒卒嘅意大利飯🦑好creammy，意大利飯做到粒粒分明，飯質做到意大利飯半生不熟，略硬嘅口感！雞扒塊皮煎到好脆，肉質稍微有D散，切嘅時候雞皮同雞肉已經分離咗，不過食落都係肉汁鮮嫩，好好味！🍹菠蘿有機奇亞籽綠茶跟餐會有呢杯飲品送，我哋叫咗暖飲，甜度係由菠蘿而嚟，飲落唔會太甜，菠蘿帶微酸，估唔到配埋奇亞籽同綠茶幾夾( ´▽` )ﾉ🦪愛爾蘭生蠔(由廚師決定當日生蠔產地)呢個係早多個月食嘅時候影落，俾大家參考埋🤣$48兩隻蠔嚟講，呢隻真係好抵食！肉質偏肥大，海水味夠！好滿足！(˶‾᷄ ⁻̫ ‾᷅˵)侍應超細心，見到我哋枱位置較細，主動提出收起我哋個水樽，有需要佢先幫我哋倒水。又主動問我哋係唔係share食，俾多兩

First time visiting this restaurant. I am quite impressed for their good services and nice food! The oyster is very fresh and now with buy one get one free promotion. The steak with fries is very succulent!! Although I am a non beef person, thumbs up for this dishes!! Definitely will visit again!!