Studio City Bar & Cafe (Closed)

本來星期日係諗住去cheesecake食tea buffet~~~點知唔記得book位~~~結果食唔到.....超級失望 & 肚餓 之際......周圍兜左一陣~~~見到呢度個門口有一大幅和牛漢堡既poster~~~就膽粗粗咁入黎試下~~~~但入到去~~~又唔係好想試個和牛漢堡~~~結果叫左個第二樣,呢間鋪頭都唔係貴....但質素就麻麻....連杯水都似係普通水喉水......飲落去一陣味......今日餐單.1. 墨西哥辣堡2. 意大利茄子千層麵3. 凱撒沙律總括而言都ok....但真係要好多時間先可以食佢,一入到黎, 等左起碼10分鐘先有人攞水埋黎,同你落單.又等左超過20分鐘先有沙律....食完沙律....又等左10-15分鐘先有意粉.....食完又等10-15分鐘.....如果諗住趕睇戲...就一定唔可以黎呢度食......評分1. 唔辣....都ok 多肉汁....以$60黎講, 算合格.2. 味道都ok....但完全唔係用意大利茄子.....只係普通茄子.....質感差d...有欺騙顧客之嫌...3. d dressing 完全撈唔勺又少.....搞到有d 咸有d 又無味

勁唔掂 去到見餐牌上既晚餐幾好, 所以一心入去一試. 點知.....中招入到去坐低,叫完晚餐後.....一. 等約十分鐘後先有餐湯飲二. 等左差唔多成四個幾字先有第一份晚餐 - 肉丸意粉 份量 : 肉丸三小粒 , 意粉一小撮 [ 兩三口已可食完 ] 投訴後只換來一撮兜亂了的意粉,至於份量呢.....冇變 味道 ?? 唉......三. 呀.. 第二份晚餐終於到啦 , 美國牛仔骨 份量 : 噢... 點解唔見左啲美國牛仔骨既 ?? 到來既竟然係一條牛助條... 薯菜 ?? 大約五六條薯條加一小撮菜...至於其他晚餐骨多過肉囉...食完等於冇食餐飲 ?? 3 杯凍檸茶 及 1杯熱檸茶 變成 3杯凍檸茶 + 1杯凍檸水 ,有1杯凍檸茶就冇冰但凍既兼得一塊檸檬及少了一大啖.甜品 : 芝士蛋糕 .... 好彩還可接受噄到食樣樣都要等 ! 等餐湯,等主菜,等餐飲...... 唉..... 一句講哂 ! 唔掂 !!!想人再幫襯 ?? 難囉 ~~~~

同男友仔行megabox 見到依間有burger burger 惡魔 gogogo !!!!入面既setting都幾ok架 坐得好舒服 d light 好柔和反而個主題 .. [ movie ],,,,就冇咁出... 男友仔 : set lunch ( onion soup + 羊脾 + drink + cheese cake )我 : cheese burger ( with fries ) 我個burgre 正呀~^^~ 塊牛好香好juicy !!! d fries 係thick cut wow yummy !!! 男友仔最鐘意^^ 薯仔怪~!! 佢個set lunch ...哈哈...見個到main dish會... 視覺上不太良好 味道亦一般件cake 係newyork cheese cake 足料~^^~ 好濃郁既cheese味男友仔唔食cheese既 我唯有食哂兩件 肥死!!!!all in all .. burger值得食^^ 真係好味架

真係今天仍有此服務態度.話說上星期六去megabox食飯, 便到各餐廳看看有什麼好食. 見到此餐廳食個扒都ok, 等了15-20分鐘才有位, 約8:30入座, 因之前己看餐牌, 便於清潔檯面時即向男waiter order. order後15分鐘仍未有餐湯, 已經非常肚餓, 再向落單男士查詢, 為什麼咁耐都沒有餐湯, 佢好似好忙碌走來走去查, 我諗唔係嗎"溜單', 再過8分鐘終於有湯(碗湯得1/3碗). 跟住好嘢, 個男waiter再問我們order什麼, 唔係嗎? 我再講一次, 而因知道出嘢好幔, 故即再向男waiter order 餐飲, 又等10分鐘都唔見, 個男waiter已經不咁行到我們附近, 叫另一個女waiter來問我們order什麼餐飲, 我即時七孔出煙, 連落餐飲都溜, 我見隔離檯座下order, 餐湯即到, 而餐具未到, 已經等了半小時, 向女waiter說5分鐘沒有主餐到我們便走,看見隔離檯跟我們order一樣已經食完, 而我得個桔, 終於都是不見. 食飽一肚氣9:10走. 唔使$都唔去, 最火滾是男waiter(以為自己super好叻), 沒有自己跟進, 推其

上星期四晚和朋友一行五人到此餐廳吃晚飯餐廳門外有大大個餐牌話晚餐買四送一及送價值18元的芝士蛋糕勁鍾意食芝士蛋糕的我便立刻被吸引入內嬲爆一：服務奇差－－侍應夠晒多，但個個都好似扮忙，想搵人要杯水都難嬲爆二：portion勁細－－冇o野呀?!而家我比錢食晚餐呀，你比個tea set／兒童餐o既份量比我做乜?!!鴨胸餐得五，六小片；豬肋骨餐得4條骨；肉眼扒餐得一小塊?!!!??!!!嬲爆三：餐飲得半杯－－咁大個女第一次遇見呢個情況!!!我兩個朋友的熱檸茶上台時竟然係半個茶杯份量，係真係半杯，唔係三份二或四份三!!! 梗係即刻叫佢換啦! 乜而家D滾水真係貴成咁呀??嬲爆四：冇芝士蛋糕－－叫佢上芝士蛋糕，佢竟然話冇! 轉咗雪糕! 我真係即刻想x佢，你店外的餐牌即係呃人o拉??!!嬲爆五：埋單博大霧－－講明買四送一，正常o既應該自動波計四個餐；佢就博大霧，諗住我地唔check單，計o左我地五個餐!!簡直係低能!!一句到尾－－唔好幫襯！

Initially wanna grabbed a quick lunch there with my bf before the movie startedwe then ordered 2 drinks ( coke and tea w/ milk), 2 dishes (grilled veggie sandwich and cheeseburger) okay we have waited for around 20mins to get our drinks servednot because they were not yet made, but were being placed at the bar counter for ages after finished without delivering them to us. I have stared at the bar counter for so long and hoping for someone to deliver them to us but eventually we had to asked one

今晚同朋友去咗呢間o野醫肚，見一個晚餐都唔算貴就入去幫襯，我哋等卡位就要耐啲，但係仲有其他客等位，佢哋明明有枱但係我見佢好耐都唔叫人入去坐，等咗約二十分鐘度終於有位，我哋叫咗一個蕃茄忌廉汁海鮮飯，同埋一個香煎魚柳，但係份量出奇地少，餐湯係用個細杯仔裝住的，個所謂海鮮飯只係得一隻蝦、一隻帶子同埋一隻青口加大約幾匙羮的炒飯，煎魚柳就配一舊很小很小的薯仔，如果要配飯要另加20蚊，我哋覺得太離譜所以冇要飯。最後有甜品cheese cake，都係一樣份量很少，但係整個晚餐入面最好味的，奶茶係茶包的茶再自己加奶嗰種，總括嚟講成個晚餐唔好食，最重要係好難食得飽。所以下次唔會再去！

睇完Sex & City之後 就去同為食仔覓食閒日的Mega Box真係好冷清最後選擇黎呢間食個長通粉(冇影到相) 過林同埋個湯就麻麻但個Burger同豬勒骨總算不錯但當然不可以與Ruby Tuesday既Protion來比較價錢都不一樣啦, 所以整體來說是OK了

昨晚又去megabox消費兼食飯, 今次係食咁多餐最不知所謂的一餐.兩大一小, 星期日晚6:40搵飯食, 本想去CPK, 但見呢度dinner set有risotto, 嘩! 仲要只係$54/set, 又無咩人! 唔使諗, 三位唔該入到去, 安排左個卡位比我, 不過見到檯底好dirty, 有垃圾 ~ 雞翼骨同tissue, 有d倒胃, 你話我奄尖都係咁話喇. ok, dinner set 有5款, A) 焗魷筒意大利飯, B) 煎XXX魚柳, C)XXXX , D) 朱仔骨, E) 牛扖. 價錢係 $54 - $7x我地order左A) + B) & 一客 cheese burger $4x. 先黎兩個用小coffee mug載住0既茄膏餐湯, 湯杰, 無 soup spoon provided. 跟住黎個cheese burger, 賣相ok, 有薯條伴碟, 個包都烘得脆. 不過塊漢堡牛中間係唔熟0既. sorry, 我真係唔知呢d係咪叫真正0既漢堡, 但我食唔慣, 有半件漢堡我放棄左再黎個魚柳, 賣相都唔錯呀, 只係個portion 細d, 配菜同塊魚都好味, 同老公sh

昨晚同男友去megabox睇戲, 見仲有d時間, 兼且到憑ticket stub食野會有20% off, 所以咪試囉... 唔知呢間野係咪新開架呢.... d人好似個個都係新人甘, 唔係唔記得呢樣, 就係唔識呢樣..... 甘都算喇 男友門口見到個有和牛burger食, 咪打算叫個試囉....嘩, 個burger簡直係mini burger黎架...平時我d 西式restaurant食burger, 呢burger邊到會甘細架???收人$99 一客, 個burger同ruby tuesday o個d mini burger差唔多, 又冇o羊料窩...... 所謂既salad伴碟得個幾塊菜仔...... 非常失望 個platter都叫做ok... 雖然我都唔覺有d o羊甘特別..... 不過算啦.. 如果佢地個所謂"和牛"burger都係甘.... 個platter都應該冇甚麼驚喜....一句講晒, "澳洲和牛" 一d都唔特別.....又唔覺好好味..下次唔會再去呢到食~!!!!!

六月十四日(星期六)同老公食睇完<破天 慌>之後就過左黎食dinna!因為入左UA club,有50蚊coupon可以用埋!同埋呢度既comment都唔錯!叫野食果陣真係幾無奈!佢地推介既野食賣哂!叫左兩次都係咁!最後都叫到:1)凱撒沙律,ok啦!!都係d菜加埋麵包乾同salad唔會難食!2)香辣蒜片銀魚柳欖油炒天使麵:真係幾無奈...見唔到銀魚柳....叫waitress黎,佢地話o係個汁度-.-!!!!!.......好唔clear 既description 呀!,不過都算幾好食gei得d天使麵同埋冬菇!3)欖油鮮蜆炒意粉,d蜆真係幾大隻同新鮮,不過個意粉真係好唔掂,冇味gei!!!!!!><conclusion,呢度megabox有咁多好野食,eg Riso, Sora Ta Te Mo,喜百合,Mado,Cheesecake Cafe,CPK同埋太興等等(其他有待發現),呢度係唔會再黎架喇!

五月某個星期六夜晚八點半, 諗住megabox應該唔會好多人, 無訂位就走左去california pizza, 點知勁多人, 唯有留低電話叫個侍應有位call 我地, 我地就繼續周圍睇下有乜好食. 見到呢間野有晚市套餐, 又另外有小食叫, 咁咪諗住試下囉. 可能因為人手極度不足, 門口無人招呼, 唯有自己走入去同好忙既侍應講話兩位, 咁好彩又有兩張卡位埋單, 好快有位.坐低睇下個set menu, 有六款餐, 但個侍應就已經話第一同第二個意粉餐賣哂, 咁我唯有揀第三個煎魚餐, 因為唔係好肚餓, 所以叫多個凱撒沙律, 點知坐左一陣, 個侍應走埋嚟話無沙律, 又要再揀過, 最後揀左炸洋葱圏. 等………等左十分鐘, 連湯都未上, (真係有d衝動想走, 因為california pizza打嚟話有位), 老公問侍應, “係咪有餐湯?點解仲未上?” 問完先有個洋葱湯, 仲同後面遲嚟過我地既一齊上, 唉, 再等……, 終於有野食, 煎魚配薯菜, 不難食亦不特別好食. 再嚟洋葱塊(無錯, 係洋葱塊, 唔係洋葱圏)唉, 算罷, 有野食都要偷笑了, 好彩配埋個他他汁, 都尚算滿意. 套餐還附送芝

呢個係我第一篇食評呀，多多指教！話說為o左睇「史柏力魔法書」巨幕版而入o左九龍灣MegaBox，買完飛入場前想食個lunch。10/F有foodcourt，但我怕同男朋友坐得唔舒服，見到UA旁邊有間幾大o既餐廳d位好闊落下，又可以用UA飛入去食有八折，幾抵咁就試下，起碼唔洗同人迫。後來先醒起之前經過呢間Studio City一次，但果時唔係咁裝修，依家個感覺好懷舊，又美式，仲無Ruby Tuesday果間咁暗，幾有feel。我同男友坐卡位，又大又舒服。野食方面，我叫左個美式小食拼盆，大雜繪好似抵食d，另外仲有我好中意食既墨西哥脆片，唔係度度有得食。男友係食肉獸，點左個墨西哥牛堡，我就要泰式豬頸肉河，有泰國野食喎竟然！小食拼盆好正，尤其是牛雞串燒同美式炸雞翼，係必點呀！下次想散叫tim，因為食完唔夠喉。串燒燶燶地但又好有肉汁，炸雞翼外脆內軟，好入味。其他都ok啦，多返少少生菜青瓜可以清下個口味好d。墨西哥脆片就唔難整得好食，但我幾中意佢比足3個味既醬，感覺幾pro。有傳統既水欖同香料，芝士可以多少少。男友話墨西哥牛堡正，因為佢係八成熟到，keep到d肉味又唔會有血水，份量就中等啦，男友話

星期日，第一次來紅點看電影，完場後，到這裡來個輕便lunch，跟男友各點了一個威夷漢堡、熱狗和蜜運星smoothies，漢堡不用3 分鐘便送上，賣相一流，而且塊漢堡都幾足料，有肉汁，配上菠蘿、芝士、火腿、生菜、蕃茄大堆頭配料，才$30 真的好抵食。可是杯smoothies 真係油麻地，可能生果唔甜，佢本身又冇落糖，鮮味有餘滑溜不足。至於熱狗，真係等咗好耐都未見影，到服務台催催，跟著那位姐姐便將一個腸夾包的熱狗端上，真係唔明白點解要整咁耐，熱狗冇乜特別，反而覺得戲院小食部的製作比這裡更認真。

週六約了一班朋友到megabox睇戲食飯，我與龍就做了先頭陪隊去買票。去到發現人流比初開少好了好多，預先買票其實有點多餘，不過兩口子倒是十分樂意到處搵食，第一站便是戲院旁的UA Studio City Cafe。　我叫了最classic的熱狗($22)，是一貫戲院水準，不過好久沒吃，加上大量醬汁，感覺都幾溫熱好味。龍當然是揀漢堡，口味選了墨西哥辣芝堡($30)；漢堡的辣味不明顯，還好基本功的牛肉層夠厚，而且夠芝味，交到功課。　食物水準不壞，而且地方清靜，相比樓下一眾快餐店，應該是megabox內較好的快食選擇!