海里鮮蒸氣石窩 (Closed)

是咁的，平日夜晚，又適逢係天氣好凍嘅日子，身體會話你知佢好想食乜。周圍都係邊爐，同屋企人嚟嗰快打邊爐。我地8點3到咗餐廳，唔知原來8點半後平啲，職員好好，俾我地坐著先，8點半職員們係咁提我地入單，好好呀呢度服務。地方都幾大，環境都幾好，啲杯碟算係乾淨，職員好細心解答我地嘅疑問。108元嘅邊爐你想點，食物都算多嘢揀，而追加嘅項目唔算貴呀。自助汁醬吧係多嘢可以撈，仲有其他醬可以揀，啱哂我地唔同嘅需要。我地追加嘅項目有安格斯牛肉，桶蠔，海蝦同埋馬刀貝。我地點乜都有上到，無漏單。蠔係大粒嘅，家人表示好味！呢個好大粒嘅貝，好鮮甜，記得煮耐啲。湯底我地要椰子海底雞，佢有俾到起碼半隻雞份量嘅雞我地，雞係好滑，唔係啲頭尾件，有誠意喎。不得不提有得任飲呢點，除左平時嘅汽水之外，仲有呢個閒閒地都30元一揸嘅竹庶水，好好飲，唔會好甜！邊爐必備！整體都好正，服務好，各樣都好，埋單都係600元4個人，抵到喊！P.S. 我地之後個星期日想再食，打去book位，無咗任食，得番散打，呢點留意番。

我同太太初次來，地方寬濶空間夠，乾淨程度合格，我地揀選B套餐，龍蝦，蟶子，蜆非常新鮮加蒜蓉超好味，待應態度欣勤親手逐樣材料同你放入氣鍋蒸，時間到同你分埋上碟比你，有d殘癈餐feel, 白經理態度友善好客，因應你需要而比意見選擇餐款！下次人多一定試咪亞拉斯加蟹！略嫌冷氣少d，如滿座肯定不夠，冬天幫襯冇問題！

第一次上來食，諗住幫襯九點後特價打邊爐，一到九點已經即刻落單，點知一直等一直催，足足等左40分鐘，連個湯底都未上。前後同過四個人講，有一個疑似老闆娘，一直拖字訣，態度差，出來食餐飯，浪費晒大家時間。呢間野明顯人手唔夠，最嬲係你叫人等都要比個預算，唔好一直拖一直拖一直拖。勸想食呢間野既朋友，真係諗清楚先好入去食，野就無得比你食，氣就有排比你受！最後終於明白點解呢間野咁差，隨後有一大班旅行團黎食飯。哦，原來唔做香港人生意，明白晒！

1行12人蒸氣火鍋服務態度超差, 首先上到去話無訂位, Check 完又Check 話無. 明明已經訂左. 最後話唔緊要,有位可以坐.未開始,蒸氣鍋已經壞左,整左15-20分鐘. 叫我地轉8人台, 12人點坐??食物, 龍蝦算OK, 其他野真係唔新鮮.呀姐又無服務企係到睇電視. 全場只有4-5個服務員. 廁所又污糟.賣單時,食物報錯價錢, 呀姐話唔知, 話她負責樓上. 唔關她事. 同經理Check 下又唔Check, 話我地10幾人聽錯價, 自己行開, 真係無禮貌, 無服務. 10幾分鐘后, 經理先行埋來, 道歉話報錯價.垃圾食物+垃圾服務.全晚大把位,唔會滿, 我開始知點解.真係無下次.

我都知一分錢 一分貨但都唔駛咁below average海鮮雖新鮮， 但量少粟米是好食的最後的雪糕未食完已經肚不適仲要不止我一個，同行的2個屋企人， 返到家都覺得肚痛Overall 食物質素一般

原本看到有些食評說食食不新鮮有點担心， 但吃過之後不得不寫個食評給平反。小龍蝦， 鮑魚和蜆都十分新鮮， 難得菜心都蒸得夠稔， 而且沒有苦味。唯一美中不足是門口比較小， 魚缸位置比較濕， 好像不是很整潔， 一個小哥為我們4-5 台服務， 有時候是要自己動手， 但個人認為自己動手也無不妥， 畢竟團購價錢不貴， 比一分錢就不要要求太多總括來說以此價錢得到這樣的食物質素和服務， 十分滿意

1行8人團購蒸氣火鍋變成谷氣火鍋，如果吾係見團購平都未必去試，服務員態度超差，就算係團購都吾洗惡劣成咁掛，入坐時候都講明8人，仲要安排細枱招呼，我地要求要大枱，服務員回應係（你8個之麻）當時全場食飯人不足7枱，絕對有大枱可以提供，團購單上寫明無飲品跟，我地問飲品價錢時候，服務員回應話，(你食團購無野飲喎，要飲就12蚊罐)，雖然叫有人服侍蒸食物，但服務員會咁同你講（你地吾好禁個時間制呀，禁壞左又要同你地轉枱啦）全程蒸完餸無人幫我地處理。但又叫我地吾好搞。咁即係點呢？由經理至部下全場不足4位呀姐。仲要企係到睇電視。我絕對不得不投訴。市面上有好多選擇蒸氣火鍋飯店，但食得咁谷氣既你就一定要簡呢間

閒日都幾旺場喎全爆,訂了位都等好耐😑 話上一輪客人未走,安排得唔太好. 好在食物都好快送上,員工會幫客人蒸食物同分食物, 雖然爆場~ 但服務唔錯👍🏻員工都有禮 helpful~ 蒸海鮮原汁原味,唔駛加醬油已經好好味~ 龍蝦好大隻又鮮甜~ 正😋帶子好大隻👍🏻蒸龍躉好滑~ 魚皮充滿膠原😁蒸雞都好味|蘿蔔糕好好味~ 充滿蘿蔔絲👍🏻玉米同菜都好甜😋最後既粥充滿鮮味,雖然好 full 都食左兩碗😁套餐仲每人包雪糕一杯,但我地太飽都食唔落了😝😝

食海鮮就最緊要 “鮮“ ，叫做不過不失，係魚就有腥腥地，可能套餐就爭dd, 量就OL 可能夠，男士就要加其他嘢。服務就好唔得，好心叫佢加水煲個粥底，服務員就聲大大話無問題，叫佢睇下先啦～點知聲大大話唔會既，但是我地堅持，所以服務員都有打開睇點知 “乾晒水“ ，即時加水，服務員仲 “聲大大“ 話（半咸淡廣東話）話乜乜乜（聽唔清），跟住走左。ps, 係未食嘢前不停有烏蠅仔 飛來飛去。

勁少寫食評既我，這間真的不得不寫。家中老細突然想食蒸氣火鍋，因星期六，週圍都爆，就求其入左E間冇乜人的所謂蒸氣火鍋。叫左個2人餐，每位 $298，入到去坐底，經理先話冇聖子，冇蜆，勁想小爆佢 （不能，因有小朋友在）。除左隻龍蝦食得人之外，其他都十分一般，d蠔‘聲’到冇朋友，食不到要吐，因有小朋友，叫左個菜藍，佢老👏🏼，蒸唔熟俾我都算，使唔使咁難食，零甜，最期望d粥，冇味，有乜理由⋯⋯蒸完d海鮮d粥可以冇味，我自己喺屋企打邊爐，最後d湯先係精華，你可以冇味，好👏🏼野 。真係火都黎

海鮮蒸鍋，朋友團購左個六人餐，又去食餐好嘅囉全晚有好幾款海鮮呢蜆，鮮甜，冇沙，Size 細細地，但好好味龍虾，肉爽，有膏，鮮甜無比鮑魚吾un,但Size 細，如果加啲果皮會更好味蒸龍躉，皮煙韌有口感，但肉就有點硬有點鯹帶子，大隻，肉厚，鮮甜還有蒸雞，粟米，馬拉糕，飽飽！唯一係冷氣吾夠凉，食得辛苦左啲啫

最近很多海鮮蒸鍋，朋友團購左個六人餐，浩浩蕩蕩又去食囉人不算多，但冷氣已經覺得吾夠涼全晚最好味的，算是龍虾，肉爽，有膏，不用醮醬料都鮮甜無比鮑魚吾un,但無味，Size 又細蒸龍躉，皮煙韌有口感，但肉就有啲鞋蒸雞，份量很少，但有雞味，肉嫩不過食到一半，已經成身汗啲冷氣真係吾掂，食要自在舒服嘛食得咁辛苦，下次真係。。。。仲有帶子，但已經熱到吾多想食然後仲有粟米，馬拉糕，飽晒！埋單每人$160,抵嘅不過鍾吾鍾意就見仁見智喇

同爸爸食父親節飯，媽媽見到團購咁平就試下，原本對做團購餐廳有抗拒，但卻發現有意外驚喜！6位團購蒸氣石鍋價＄699龍蝦唔算細雙，都啖啖肉花甲清甜，有啲沙，但都好味！鮑魚一般，但唔細隻，有啲乾身龍躉好味，但太多骨雲耳蒸雞一般，味道偏淡馬拉糕鬆軟好味！排骨粥底淡淡海鮮鮮味，可惜職員中途加左水，唔夠綿，但味道唔差另加：和牛切片味道好正，牛味重，入口即溶，但唔平另加：蘿蔔糕超級清甜蘿蔔味，都係推介之選味道：OK，唔係樣樣好味，但都可接受環境：OK，但洗手間比較污糟，無人清洗價錢：全單6位1300, 海鮮餐算唔貴，但散叫的食物好貴服務：有專人幫你蒸野，GOOD！

朋友買了團購券，4個人食，海鮮好新鮮，又有專人服侍，有帶子，鮑魚，魚，蜆，龍蝦，菜，馬拉糕，粥，很美味, 我們調味料都冇落 吃到當中的鮮味，不過洗手間衛生情況欠奉，需要好好清潔，才能留住食客。

去年開始蒸氣海鮮鍋人氣爆燈，一直都心思思想試一試，但價錢一定有返咁上下…，有一日上網見到有團購，價錢相宜就即買，立刻懷着興奮心情約齊朋友去食啦！環境光猛闊敞，坐得舒服，每枱都有位姐姐協助用餐打開個鍋底是煲排骨粥的食材，當食客吃完所點的食物後，軟綿綿的排骨粥會熱辣辣奉上鮑魚仔配上果皮薑絲，味道好夾帶子食落不太新鮮，連帶墊底粉絲麵有陣怪味金針雲耳蒸雞，肉質夠滑但食落無雞味龍蝦夠爽夠鮮，食完真想吃多隻蛤蜊鮮甜龍躉件肉質爽口滑溜馬拉榚蒸後鬆軟香甜菜心,粟米夠晒飲食均衡啦！雪榚一人一杯好滿足（三種味）