11
1
0
6-min walk from Exit D, Jordan MTR Station continue reading
All Branches (1)
Telephone
94214322
68909728
Opening Hours
Today
18:30 - 23:00
Mon - Sun
18:30 - 23:00
Payment Methods
Cash
Number of Seats
48
Other Info
Wi-Fi
Alcoholic Drinks
May Bring Your Own Wine
Phone Reservation
Delivery
TV Broadcast
Review (12)
Level2 2019-07-30
625 views
收工成班同事去食反一早訂定枱全間餐廳都好爆場勁多人食呀每位$550(蒸蒸日上)蒸氣鍋我地個日食左啲海鮮有刀貝、濟州象拔蚌游水龍躉,蟶子皇五至六頭南非鮑魚生猛海蟹波士頓龍蝦(每位半隻)全部海鮮都好新鮮好清甜蒸比起平時炒嗰啲鮮甜好多黑松露墨魚丸手切頂級牛小排農場走地雞温室野菌籃田園粗粮蔬菜盤食到呢到已經好飽重有個特色獨有綿滑蒸鍋粥每人食一啖再打包點知原來仲有甜品脆皮地瓜丸個個都大叫好味!下次一定會再黎 continue reading
(The above review is the personal opinion of a user which does not represent OpenRice's point of view.)
Level4 2019-05-18
851 views
一改再改嘅 #飯局,呢晚終於成事🥳 喺未齊人之前,大家都忙住試玩近期好流行 嘅 #snapchat,#小秘書 實行做 #照騙 #呃吓like 🤣呢晚 #朋友仔 帶我哋嚟到 #佐敦 食 #蒸海鮮🦞 餐廳以 #蒸蒸日上 為名,貼題得嚟都幾好意頭,雖然地方唔係太大,不過一啲都唔迫夾,而且 #老闆娘 招呼非常周到,不停輪流幫每枱客人睇住蒸煮時間,包保啲 #海鮮 唔會過火👍🏻 我哋今次揀咗個$350(每位計)套餐,基本嘅食材 #魚蝦蟹 當然唔少得,不過全晚至令我欣賞嘅係佢哋嘅 #蒸龍躉,#厚厚嘅魚皮 食落去彈牙㗎🤩 仲有 #脆皮地瓜丸,甜甜地好香口❤️ 大家有機會去幫襯,一定要叫 #地瓜丸 個做 #甜品 呀! continue reading
(The above review is the personal opinion of a user which does not represent OpenRice's point of view.)
Level3 2018-09-08
1904 views
今晚第二次來蒸蒸日上食私房蒸海鮮,好期待! 👏🏻呢間私房菜位於佐敦地鐵附近,交通都幾方便既,雖然樓下入口有少少陳舊 (都乾淨),但一入餐廳內就冇問題,而且仲幾有家庭式氣氛! 呢間既地方唔算好大,得4張枱加埋有間VIP房,聽聞入面有一張12人大枱。一去到D姐姐都好熱情招呼,佢地自家製既甘草紅棗電腦杞子龍眼肉茶好香,即刻飲完一杯再飲去潤一潤喉。佢等我地齊人就開始熱個蒸鍋,先來個蜆 – 好鮮甜好香。呢D貝殼蒸一分鐘就食得,姐姐用timer校個時間所以剛剛好,肉好嫩又好多汁! 正! 佢一夾好畀你就會落海蝦,唔畀佢停! D 蝦係海蝦來,肌肉實淨又彈牙! 之後既粉絲貴妃蚌又係好甜,落左D蒜蓉再提升左個味道既層次! 鮑魚就反而相對地冇咩特別,可能因為比較細隻同佢開左邊,我覺得反而原隻蒸會好D,唔會縮得咁快。龍躉就好大件同份量好多,每人有成3舊,而且肉好厚! 雖然阿爸之前怕只食海鮮唔夠飽,但食到呢度佢已經驚飽得滯! 哈哈,因為佢D份量好足,除左鮑魚之外樣樣都每人有2-3隻! 仲有啲東風螺,比起去街市個啲好大隻!最後一味係海鮮係蟹,6個人畀足3隻我地! 仲有佢地自家製既黑松露墨魚丸,超彈又有墨魚香! 然後更厲害的蒸肉就黎啦,原來仲有手切牛小排同走地雞!!! 個牛完全冇筋,快蒸一蒸已熟左7成,但仲好嫩口 (因為薄切),但牛既香味好重!! 之後既蒸雞真係好滑! 而家係香港已經好難食到雞味重但又新鮮既雞! 另一個亮點就係食完咁多海鮮同靚牛靚雞,呢D精華都落埋去個蒸鍋下面既粥底。我地一早訂枱既時候揀左菜乾豬骨粥,加埋呢D海鮮同鮮肉精華真係不得了!!! 食埋個蒸蔬菜就可以開個粥底啦!!! 雖然好飽,但都忍唔住試半碗新鮮粥! 食剩既我地都帶走佢唔想蹝!仲有個甜品送,佢叫脆皮地瓜丸,外面炸左既皮有少少QQ,應該有少少糯米但又唔會好多變到好痴牙,入面個心係芋頭,嘩! 好香得來唔會太甜! 由於係阿爸生日再送多個公仔壽包! 呢餐每人$330唔駛加一仲有幾多好野食真係物超所值!!!! 真心值得再黎同埋再試其他套餐! continue reading
(The above review is the personal opinion of a user which does not represent OpenRice's point of view.)
話說又係生日🎂飯系列🤣7月真係食唔完之月😋😋😋😋其實呢間蒸蒸日上私房菜我既一班朋友之前已經食過、但嗰次我咁啱不在港,就唔到時間錯過左,偏偏佢食班死野食完讚不絕口!個個都大讚比起坊間既蒸海鮮,呢間真係高幾班,攪到我話到我生日今次一定要食!😤呢間其實有兩間「分店」,近佐敦呢個架步應該專門招呼大啲既party😯一到埗見個場地放左兩張6人枱、一張大圓枱,一張4人枱,地方都幾闊落,雖然幾枱一食得高興都會嘈嘈地,不過絕對可接受,而且好乾淨企理、完全冇紙箱📦雜物。聽講仲有一間VIP房都係放一張大圓枱,有minimum charge不過夠一枱人一定食到。由於友人一早訂左枱訂左餐(應該要一早揀定,因為佢地要預備材料),所以我其實都唔要有咩食,店員姐姐為我地端上菊花紅棗龍眼肉茶,都十分足料,飲落去好潤喉清甜!然後就問我地可以開始食未。人齊啦就食啦!😋先黎一啲蜆先!姐姐會幫你落窩面蒸,放好timer,夠鐘會幫你上碟!🤗而個粥底亦一早set左喺底,所以訂枱前都要揀定⋯啲蜆蒸左分黎鐘已食得!一開蓋嗰下啲蒸氣好香!肉質鮮甜,一啲都冇過熟、肉又嫩又有汁!唯一我有一隻有沙未咬清,但我見我啲friend嗰啲都冇沙,咁我食左5-6隻都係一隻有沙,可接受!由於太多美食,只能夾埋啲相一齊po🤣第二味係到蒸蝦!好大隻呀!又係蒸幾分鐘就又食得,我地又食又傾我覺得阿姐好似好快手咁,要我地食唔停🙈😆嘩!啲蝦🦐又係好彈牙既肉!又係勁甜!男友話係海蝦黎的,啲肉先會咁結實💪🏼第三味就係貴妃蚌啦!呢個真係不得了,一人一隻蒜蓉粉絲蒸,隻蚌好大隻,唔好講個殻幾大,係隻蚌有差唔多我手掌咁大🖐🏼厚度又唔會太厚,所以肉質甜又有鮮味、加埋少少蒜蓉提升左個香味但又唔會太搶!粉絲索左啲蚌汁!呢個真係滿分💯👏🏼👏🏼👏🏼次後就到花螺,雖然佢偏細隻,但勝在近新鮮同乾淨,了出黎個尾都冇好深色既屎,唔知係咪因為佢夠「後生」定啲水質夠乾淨,講真,食到螺呢,我先點左少少豉油,因為樣樣海鮮都好鮮味!😍👏🏼👏🏼👏🏼下一味係個鮑魚,呢個就相對普通,佢拆左殻切左一掌先同你蒸,所以蒸左分零鐘已食得!不過鮑魚味就唔係話好重、食到暫時唯一一樣有少少野可以挑剔的,就係鮑魚食落口有少少淋左。但鮮味仲好高既~食到呢度其實飽左一半,但其實啲重份量既先而家開始!下一味落既係龍躉!而且唔只有魚,仲有好多菜心同翠玉瓜,所以除左食蒸海鮮都仲有好多蔬菜🥗😂講返個魚,佢切塊件件都好巨、肉質都係個句,真係彈牙又滑又有魚既鮮味😋🌊同埋佢呢個龍躉每人為返有3大件,再加埋D菜,食完呢個魚都真係好飽! 因為其實佢既份量都唔細,我地又帶左支日本既桃酒來送海鮮🥂🍾話時話,呢度自備酒水就當然冇問題之餘,佢地仲唔收開瓶費! 天啊,冇加一冇開瓶費,但其實又可以免費畀埋冰桶、杯等等,仲要其實個姐姐都好好服務!👏🏼👏🏼講到呢度,個姐姐就問我地有冇人今個月生日,如果有就會送多一個壽包 😆不過佢會要你show一show身份証畀佢睇一睇! 仲有生日禮物,呢間野其實都幾良心啊~😂🤤去左個toilet break返來原來已開始蒸蟹🦀仲要加埋佢地自家製既黑松露墨魚丸! D蟹雖然唔大隻,目測就3-4両左右啦,但蒸落好鲜甜! 另外每人都有2-3粒墨魚丸,墨魚味好香,不過黑松露其實就冇咩特別。呢一道菜仲有個亮點,就係佢連埋D豬皮一齊蒸! D豬皮本身好爽口,索埋D蟹汁好甜! 我男友都忍唔住同姐姐大讚個豬皮好得👏🏼👍🏼👍🏼話哂都食左7樣海鮮,跟住佢就到肉同菜,先有一道手切牛肉~🐮原來牛肉都可以咁蒸 而且蒸既時間一定要夠短,每邊30秒左右就剛好上碟,而且佢又係好有份量,每人都有2-3塊 一入口D牛肉一D筋都冇,但又有趙勁! 🤓牛之後就有雞,佢呢個什菌蒸滑雞真係好夾,D雞蒸到剛剛熟,一D都唔鞋,真係大膽講句冇牙都食到!🐥😋而且雞味好香,完全冇任何雪味,而且係香港可以食到咁好食既冰鮮雞真係唔多🙈😆係開粥食之前,仲有一味什菜,有南瓜、蘿蔔、蕃薯同馬蹄,樣樣都洗同切得好乾淨,食落都好甜,只有蕃薯比較冇咩味。而且真係跑到上心口了🤓但又唔可以唔食下佢呢個吸收哂所有海鮮同肉既精華既粥~我地揀左菜乾排骨粥,粥底都係要喺訂枱時揀好,今次呢個菜乾粥好啲菜乾味香得來好清甜,雖然食到真係好飽,但點都要試少少,然後食唔哂都可以帶走。最後就有個炸地瓜丸,連埋送既「壽包」,原來係會送一人一粒、而且係公仔一樣架!🙋🏼‍♀️🙋🏼‍♂️有男仔女仔樣,一個蓮蓉一個豆沙但個炸地瓜丸真係不得了,外層係炸粉包蕃薯皮,入面係芋泥!而且個芋泥好香呀!係我地細個食菲律賓運返黎嗰啲芋頭雪糕既香味呀!😍😍😍😂😋🤤🤤🤤真係好好食!幾飽都要食!而且咁飽我地都係再加多幾粒!講真,呢餐飯真係飽到不行了,還好唔太多肉同埋唔油,所以落左枱就唔會話好辛苦🙈🤣一間私房菜做到啲野咁好食、材料新鮮、地方乾淨地點又方便,服務都咁好,最重要係價錢真係好抵食,性價比極極極高!蒸蒸日上,I’ll be back! 😍🤓😋💯💯💯💯👍🏼👏🏼👏🏼👏🏼每位$330(蒸蒸日上)(免收加一,只收現金)噴水貝殼,扎扎跳海蝦蒜茸粉絲蒸貴妃蚌,野生花螺,大蓮鮮鮑魚游水龍躉斑生猛靚海蟹,黑松露墨魚丸手切頂級牛小排農場走地雞溫室野菌田園粗糧蔬菜盤特色獨有綿滑蒸鍋粥脆皮地瓜丸 continue reading
(The above review is the personal opinion of a user which does not represent OpenRice's point of view.)
Level3 2017-05-02
4345 views
是日母親生日,打算找間舒適、健康的餐店吃飯,私房菜是比較合適,我們一行六人點了 $330/人的套餐,食材是新鮮的、原汁原味、沒有加功調味、健康,從食物角度,我給予 85 分。然而,招呼你的一眾婦女員工,就不敢恭維,每一個也板著臉龐,我們訂了 18:30 台,我一人早了 10mins 到,其中一個員工已想急著開爐、還提醒我已經六點半,她們上菜蒸菜也閃電咁快,我本人一向認為美食該要細意咀嚼,要不然也食而不知其味、同時,一家人吃飯也想傾吓計,可是,在這私房菜真的沒有這樣的空間,接著一直吃、咀巴也沒停過,但又想爭取多點時間與家人聊天,所以,一邊吃一邊說話,吃完餐飯,我牙胶都酸軟,其實,進餐是否有時限?真的吃得太趕急,再幾好吃也是徒然~ 再者,也不是好吃到能包容一切的地步,要是這麼急促,我可不用光顧私房菜,美食的享受,該是環境、服務、節奏配合,我可不是在吃澳牛,也不是人人也做到澳牛的風格、而又受歡迎~ continue reading
(The above review is the personal opinion of a user which does not represent OpenRice's point of view.)