92
102
14
Good For
Family Style Dining
Opening Hours
Refer to the park opening hours
Above information is for reference only. Please check details with the restaurant.
Signature Dishes
Recommended Dishes
去迪士尼玩，《火箭餐廳》可以說是我們一家人最喜愛的飲食點。尤其是當我們玩到入夜，準備睇埋煙花先走時，這《火箭餐廳》絕對是唯一的飲食選擇。因為，餐廳的只中一個半露天餐室，係一個欣賞迪士尼煙花既絕佳觀賞點。又可以食野，又可以睇煙花，一舉兩得啊。而這一次，特別撰文報導的原因，就是因為餐廳開始要配合 Marvel 既園區主題，推出了一系列既 Marvel 主題餐，貪得意，就買晒黎試下。Marvel 主題，主要有三個套餐。一個是 Spider Man，一個是 Hulk ，仲有一個係 Captain Marvel。我心想，遲下開埋 Avengers 館，相信整個明日世界區，會變成一個純 Marvel 主題的樂園。首先介紹的，是蜘蛛俠小食拼盤。這，真有點像美式 diner 店的大大份美國 junk food 餐。有亞洲式的炸餃子，有亞洲式既串燒，有美國式既雞翼同薯條，非常之豐富。味道上，就是一貫美式煎炸食品的味道，好味道但不健康。變形俠醫雙層牛肉漢堡。首先，我要說，我真係唔明點解 Huck 是變形俠醫，而 Dr. Strange 係奇異博士。因為 Dr. Bruce Banner 是科學家，而 Dr. Stephen Strange 係一名醫生。當年翻譯既真係出晒錯。說回這變形俠醫雙層牛肉漢堡，是一個綠色的漢堡包，餡料有一大片蕃茄，一片芝士，洋蔥等等的。而說得上是 Hulk 的主題漢堡，就是個包要夠大份，兩層牛肉的漢堡，超飽。Marvel 隊長牛肉漢堡，之前食過就知道，那紅色的包包同之前 promote 既 Iron Man 漢堡一樣。之不過，漢堡包既餡料就是不同的。因為 Iron Man 的是豬肉扒加一片菠蘿，Captail Marvel 的明顯是女士 size 的芝士牛肉漢堡，同樣是肉味香濃，餡料豐富，好味道。呢次主題的食物都算唔錯。而且這是樂園內開得最夜的餐廳之一。每人花百多元，一早霸返個靚位，邊欣賞煙花，邊享用晚餐，樂也。
continue reading
這家漢堡店通常都好容易搵位，因為內裏亦都夠多位，外邊的桌子亦都非常多，每每都可以容易在外邊搵到位😙雖然外邊多數比較炎熱，不過你嚟到迪士尼樂園，一味只顧往室內的位置走有空調的座位，其實都冇乜意義，反正外邊又有風扇🌄而且可以聽到外邊巡遊的唱歌聲音，以及強勁的節拍，不是更有氣氛，更有歡樂的妙韻嗎。🎆🎼🍔看一看餐牌，看不到以前平平無奇那款好味的漢堡，已經變了一款綠色另一款紅色的漢堡，不過這款粉紅的，吃內有沒有什麼特別味道，相信是紅菜頭用來調色吧。雖然加了價，以及漢堡包加了顏色，不過包的質地還算不錯，另外，中間牛肉的調味也是和之前的差不多，這次洋蔥看來沒有那麼多，蘑菇亦都不太多，不過芝士以及調味汁，都差不多的味道，帶點牛肉香，不算太乾的漢堡，味道還算不錯，亦都夠大個，當然，它都收你百幾蚊嗰餐。另外薯條，份量都和之前比較屬於差不多的份量。薯條大大盤，炸起夠香夠脆，調味都不算太鹹，原來內裹薯肉份量不算太少，還算是相當不錯的。🍟不過炸雞就沒有第一次來那麼正斗，雞夠大塊之餘，外皮夠香脆，內裏肉汁極多，和jolibee 炸雞可以一併高低；這次的炸雞，外皮亦都同樣香脆，只不過內裏肉汁沒有那麼多而且有些雞肉比較鞋，雖不算難食，不過不算是質素極佳的炸雞。雖然用year pass有折扣，不過標價成百四蚊個餐， 都的確令人有點兒卻步，不過這次應該會是近期最後一次來這兒，而且這天比較唔熱🤭在此回味一下這個快餐都算是不錯的
continue reading
逛完迪士尼又玩又攝，肚仔終於喊交啦！我哋就行咗入一間餐廳，準備開餐！🍔第一擊就係牛肉漢堡呀，牛肉餅好厚實，夾埋熱辣辣嘅芝士，咬落去啲肉汁四溢，夠晒juicy！又或者你鍾意魚類嘅話，魚柳漢堡都唔會令你失望。嘅魚柳大得驚喜，配埋好夠味嘅沙律醬，嚟講真，完全冇得頂！魚肉鮮美，外皮香脆，啖啖肉感，一啖嗌過口仼腦正！講笑啦，點可以唔講吓薯條呢？薯條真係得喎，金黃酥脆，啖啖香濃薯味，一口接一口，好難停手呢！😋漢堡賣相唔洋氣，不過喺呢度食嘢，你又唔會期待咩米芝蓮大菜嚟㗎；簡單既組合，都夠晒滿足你個肚。正所謂「好食唔繁複」，我喺呢度既體驗就係飽肚又開心。落肚之後，又有力氣去玩雲霄飛車喇！🎢總結，呢間快餐店講求嘅唔只係食物質素，仲包括食客嘅整體體驗。要我描述就係：簡單、快捷，而且美味到令人微笑！下次同屋企大細去迪士尼，記得要考慮埋呢間餐廳喇！
continue reading
香港最有聖誕氣氛嘅地方一定係迪士尼樂園🎄✨為咗玩盡一日當然一早入園🥳不過樂園嘅餐廳收費都唔平 每個餐平均$150 所以大家最好食咗早餐先入去💗不過喺KKday或Klook經常會有餐飲套票 入園前記得買定😜通常會包餐廳+小食 非常化算大概玩到中午時分肚餓 喺明日世界火箭餐廳食快餐🍔🍟每次呢個時間餐廳一定爆滿 記得要同朋友分頭行事一邊等位 一邊排隊買食物😎兒童餐大約$100 正常餐大約$150 都係普通嘅牛肉漢堡包、炸雞、薯條汽水等等 食飽飽繼續玩🥳
continue reading
嚟到2023年嘅最後一日，揀左十幾年無去過嘅迪士尼倒數😆，亦係迪士尼第一次攪倒數活動。當日雖然非常多人，但倒數完都只係迫左幾個字就出到園，比想像中好😏。難得入樂園，預左會玩一整日，亦預左要去樂園嘅餐廳食野。喺無乜選擇嘅情況下，揀左間漢堡店。Marvel隊長牛肉漢堡套餐 $140本身以為紅色嘅麵包只係得個樣，但估唔到原來真係有味道😯!! 原諒我講唔出係咩味，只可以講我麻麻地😂配料除左漢堡扒同芝士外，仲有少量洋蔥絲同蘑菇片。略嫌漢堡扒太鹹🤢，而且煎到幾乾身，食完要飲番多D水先得。變形俠醫雙層牛肉漢堡套餐 $165同紅色個包只差$20，但多左一塊好鹹嘅漢堡扒、芝士同煙肉，如果細食嘅話兩個人食一個包都應該可以頂到出市區食宵夜😂我哋一致認為，綠色包比紅色包好食😏魚堡 $145呢個我無食到，無評價。
continue reading
You may be interested in