Video
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
今日去飲早茶，腸粉有條頭髮，都算. 重點埋單時，我用電子支付，收銀態度不太好咁叫我比個code佢掃．之後佢都幾大力咁放部卡機在我手機旁…過咗陣，顯示支付失敗，諗住再試多次，個收銀就語氣不好地話，我試多一次，如果唔得佢唔再做……，啲態度真係黑人憎，之後再試多次我見我部手機顯示成功了，但個收銀又無出聲係咪已經成功過數，我過咗陣話我要返張單.. 佢問我要乜單，嘢食嗰張單定係咩單…之後佢就比咗張嘢食單我，我話想要埋碌卡張單，佢比返我.. 之後就話，要單就講呀嘛….我心諗，俾咗錢唔係正常佢都要俾返張單我嘅咩…佢可以問我要唔要張單，但唔可以假設我係唔要張單…而且都只係叫佢俾返單我…又唔係問佢拎錢… 洗唔洗咁嘅態度呀…服務態度差真係香港飲食業嘅死穴，唔明點解要咁大火氣…市道咁差仲唔收下啲無謂火…
continue reading
左夾夾，右夾夾，約食冬至飯要就幾個party,最終約咗喺粉嶺祥華邨商場的明星晚飯，雖然訂咗枱，但而家啲人咁喜歡返大陸，尤其北區居民，而家啲酒樓跟本唔滿座。我們叫咗幾個小菜。首先係～片皮鴨兩食，片皮鴨微熱，皮夠油香小小脆。涼瓜炆鴨，份量大鴨件多，醬汁夠濃。蒜蓉粉絲蒸扇貝，新鮮，蒜蓉香。清蒸藍瓜子斑，魚新鮮嫩滑，豉油唔太鹹，蒸時間啱。芝士蝦伊麵，蝦大隻爽彈，伊麵彈牙，芝士味唔多夠。椒鹽鮮魷食落似急凍魷魚，係彈牙但無鮮味，無乜魷魚味，個粉漿亦唔多掂，唔酥唔脆。
continue reading
今日係農曆八月十五中秋節，決定去酒樓做節，訂咗枱話八點先有，酒樓7點打嚟話有枱，急不及待出發，酒樓滿座，但沒有以前逼人。先點半席六人餐，再加片皮鴨兩食。片皮鴨係熱皮脆，麽麽皮就有啲厚仲有啲硬，個個剩係食隻鴨，當燒鴨食都ok,係二百幾蚊唔多抵。涼瓜鴨件，涼瓜味甘甜，鴨件有啲老，醬汁適中幾好味。北菇鵝掌，鵝掌大大隻，北菇又大大隻，菇就無乜香味，生菜底豐厚。上湯蝦球伊麵，蝦球爽脆有蝦味，伊麵份量好多。吉列蝦配沙律，吉列蝦大大隻，不過粉就好厚，炸得香脆還可以。清蒸沙巴龍躉，條魚好大條超過兩斤，火喉啱啱好，新鮮嫩滑，。整體味道唔錯，份量比以往大好多，最後食唔晒要打包走
continue reading
食物嘅問題就唔大，味道都係一如既往嘅ok，但係服務真係唔得，執執下嘢跑去隔離檯度飲茶影相，菜上得好慢，上咗四個菜就等勁耐，個男嘅員工唔知係咪經理，揮手完完全全睇唔度，係度睇電視嘅奧運？真心失望氣憤。
continue reading
一早7點幾去飲早茶諗住早d去 大把位 唔洗搭枱入到去 真係8成空位 咁我當然隨便坐啦 但入面既人 唔比我坐低 就一定要我搭枱明明8成空位都唔比自己坐 我係街坊 都唔會再去呢間食 感覺係玩我 服務真的不太好 以後都唔想再黎食野
continue reading