聖羅蘭餅屋

Open Now

Now Closed

生日蛋糕！四磅購買之前已經說明壽字體要鐵畫銀鉤但是出品字體宋朝瘦金書/士多啤梨已經加錢要原粒要佢鋪滿側邊點知中間隔住罐頭黃肉桃！同佢講！阿姐黑面我都費事同佢爭拗！

入到去，揀咗三個麻糬波波，俾錢嘅時候睇錯價錢，收銀員已經好唔耐煩，最後都係俾咗錢買，然後發現原來係空心包。真心講句，食物質素好嘅話，態度差當你有性格。名副其實，態度差質素差。

踏入呢間有故事嘅茶餐廳，首先俾一股香濃牛油味撲鼻而來 🤤。我就忍唔住先叫咗份朱古力曲奇，嗬，真係靚仔！每一塊都鬆化得嚟，牛油香夾帶住甜美朱古力味，啖啖脆口，宋咁上口，啖啖惹味，真係搶晒鏡，每一啖都開心到喊！跟住我勁推介火腿芝士包，熱辣辣、香軟軟嘅包表面，咬落去有啲彈牙口感，到咗真材實料嘅火腿芝士層，哥哥，火腿豐腴有嚼勁，芝士咸香牽絲，組合得嚟咁好味，真係令人一試難忘。 😋當然唔少得講吓酥皮蛋撻，鬆脆嘅撻皮配上滑溜溜嘅蛋撻餡，入口即溶，正到爆燈！啱哂嚟一杯絲襪奶茶，享受一個悠長下午茶時光。呢度嘅美食每一樣都有佢獨特嘅吸引力，而家講到咁，我又想返去再食幾件啦！食客們，唔好只係過嚟睇睇，記得嚟一次，保證跑得你再三回味！👍🥳

我入去買個蛋榚仔然後比錢，收銀阿姐個樣重西過西貢／西遊記／西啡李。。。我講唔好意思，唔該，佢完全西面。 攪到我極力回想我係咪之前争佢十億百億定殺咗佢邊個親人，明明我好日都唔會嚟西營盤。。。呢啲所謂老鋪比時代淘汰唔好問點解

西環傳統港式麵包店 路過比佢地門口成堆酥皮蛋撻山吸引住 買咗個試試 簡單記錄下.⭐️酥皮蛋撻$4👌🏻今次溫度唔夠熱 只係暖暖地👌🏻雖然唔係新鮮出爐 但都感到酥皮少少鬆化👌🏻容易食到一地碎 凍咗嚟講其實都好食如果咁啱有新鮮出爐 會大幅加分價錢唔貴 抵食.#hkfunfoodrecord窮遊香港#hkfunfoodrecord_堅尼地城#hkfunfoodrecord_西灣.#聖羅蘭餅屋 (西環)地址：西環堅尼地城卑路乍街118號地下.⭐️評分：味道：3/5環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#堅尼地城美食 #麵包店 #蛋撻 #酥皮蛋撻 #麵包

聖羅蘭餅屋 (西環)西環堅尼地城卑路乍街118號地下今日終於都買到佢嘅糯米糍食！ 依間嘢好有性格，星期日係唔會開門，今日經過發現佢有開，幾飽都好都要買兩個嚟食！ 有好多糯米糍俾大家揀，不過小編淨係鍾意食芒果糯米糍！ 點解咁鍾意？因為佢好煙韌，新鮮出爐，仲要一啲都唔偷工減料好大啖芒果！咁足料嘅芒果糯米糍又真係好難搵到！ 依家麵包舖全部都係新鮮出爐，好快就會賣晒所有麵包，大家有機會經過一定要買過嚟試吓，你就會明白點解咁快就買晒所有麵包星期日可以唔開門！ 芒果糯米糍$5一粒！絕對唔係貴，居民價錢良心企業！ 地點⭐️⭐️⭐️味道⭐️⭐️⭐️ ⭐️⭐環境⭐️⭐️⭐️服務態度⭐️⭐️（5星為最高分）

呢間餅店的港式包點種類多，基本上你講得出都有， 例如酥皮蛋撻丶 菠蘿包丶雞尾包丶燒餅等等， 最緊要係價錢大眾化，酥皮蛋撻4元一個， 我諗而家已經好難搵到。 我最鍾意食佢哋自家製嘅曲奇餅， 地道港式口味， 鬆化而不是很重的牛油味， 而且唔太甜， 餅店售賣芝麻丶合桃丶果醬丶朱古力醬等， 每盒賣35元 , 我覺得原味或者原味加朱古力呢兩隻最好味， 這間餅店成日排長龍， 不過好在收銀姐姐熟手， 所以條龍都去得幾快， 如果想食，留意佢哋只收現金😄。

今朝路經，諗住買兒時回憶嘅三角形朱古力蛋糕，拎到返屋企，發覺佢個蛋糕體超硬，好似一塊乾咗嘅 餅乾， 從來冇諗過麵包舖會賣隔夜嘢，呢件蛋糕相信喺雪櫃超過五日， 打電話同店員講，佢仲叫我擺喺室溫回暖，個蛋糕就會軟番，我嘗試放係室溫，朱古力就溶但個蛋糕依然實的的， 仲叫我拎畀佢睇， 咁遠，如果唔係經過都唔會去買，呢間餅舖一定blacklist佢，唔會再幫襯， 食物最緊要新鮮，佢可以將啲蛋糕擺咁耐都照買畀個客，直情無良， 心地咁差嘅舖頭及店員 ，唔應該存在😡🤬

There's a bakery in Kennedy Town that is incredibly busy. Like crazy busy. There are huge lines going in and out. People grabbing anything and piling their tray high with bread. When asked what to buy, we're often told anything you can grab at because it's gone. And that is true! Things get sold out fast!Boyfriend decided to be brave and fight himself in! And what did he grab? An egg tart and a coconut tart.The egg tart was fabulous. One of the best I've had. The pastry was flakey. Look at the g

話說上星期聯絡該店說明要訂蛋糕會年三十取，該店店員回覆無問題，今日就去俾錢啦！去到佢貼咗張紙話年三十唔開，問店員即刻，勁多藉口，一時話無接過你電話，一時話張紙貼咗出嚟成個月啦！跟住有個肥x店員不停話唔好理佢啦！唔好理佢啦！我即刻打佢地鋪頭電話証明我無打錯，佢地即刻電話響都唔敢接，之後有個店員就話啦！你蛋糕年三十要你咪而家買聽日嚟攞囉！我話咁我個蛋糕攞返屋企雪成晚之後先攞返出嚟呀！佢仲答我:好奇呀！我地d蛋糕雪成個禮拜都係咁啦！我真係想話之前睇openrice都唔覺佢地咁差，而家完全明白受害人感受，佢地如果係員工應該快d炒咗lee班員工，如果係老細真係祝你間鋪早執早著。

記得兒時住堅尼地城，每日放學婆婆就會帶我去這間麵包店揀第二日嘅早餐麵包，每次都三心兩意因太多選擇了，今日重遊西環，特意黎買最愛嘅朱古力曲奇，一口一塊，牛油味不太重，餅身鬆化，中間一點朱古力已經好好味😋😋一盒20多塊6只係$30都好抵🤭🤭

今日特意收工赶過去堅尼地城，過去購買，怎知 被幾位大嬸以為自己好了不起一樣，擺出一副不可一世的態度。你不能有要求，佢要怎装你就要接受。非常差的一次購物体驗，保證唔會再有下次

 St. Lolan Bakery 聖羅蘭餅屋久未到訪西環 ,上一次無機會試下有咩好食今次經過西環食晚餐,順便去幫襯聖羅蘭餅屋呢種係最傳統既港式西餅麵包店一間比一間少,無新人入行自然消失做個見証,記錄,希望真正香港人既文化不會消失 延續我寫小店系列雖然傳統,但門外賣既西餅也有跟上潮流除了黑森林,芒果忌廉蛋糕外也有單件西餅,布甸杯,咖啡蛋糕,朱古力蛋糕酥皮蛋撻4蚊一隻,另外仲有多款傳統糕餅合桃酥,老婆餅等等款式供應7蚊3件,好平好抵食,仲有豆沙餅 方包,麵包,雞蛋糕,香蕉蛋糕,CUPCAKE丹麥條,雞角,熱狗,豬柳漢堡,芝士條紅豆包,麵包價錢都係由$5~8起麵包唔係空氣包,夠札實,餡料足,用料多買西餅仲用緊最有個性既紙盒~ $5一件西餅合桃蛋糕,班蘭蛋卷,切蛋糕,仲有幾款有忌廉既 蛋糕濕潤鬆軟,大大件都係5蚊咋中間仲有抹了一層忌廉!好過食乜乜古早味蛋糕 班蘭蛋糕卷,大大件,有蛋香,仲有淡淡既班蘭味 半件都有合桃!好足料!合桃蛋糕好香好食

朝早路經堅尼地城，真係唔多鋪頭開，行行下到聯邦新樓，見到呢間餅店，要左個咖喱牛肉煎包，包入面得少量免治牛肉碎、咖喱亦都非常之乾，好彩買多左包飲品，爽下易啲入口一分錢一分貨，價錢合計12.5

老公很喜歡這店麵包和蛋糕, 因為有兒時的味道, 而且售價便宜.  相反我就不太喜歡, 因為這裡的麵包盤和拑, 總是痴住點麵包碎, 或看來有點油.   今天,在這店買了兩個花生醬麵包和一袋花生朱古力, 給了收銀員一張一百元, 找回$46, 吓!點解咁貴既? 看看價錢再算算,真離譜呀!收多了三十元.  我告訴收銀員找少了錢,她就話她旁邊的同事,是她叫佢收$76, 收銀員立即俾番三十元我,也沒有看看袋裡的東西.  你們真是不小心找錯錢嗎?