8
1
1
Telephone
36194194
61625166 (Whatsapp)
Payment Methods
Cash
Other Info
May Bring Your Own Wine
Phone Reservation
Signature Dishes
十三香辣肉蟹鍋 十三香辣雞鍋 十三香辣大魚頭鍋 十三香辣小龍蝦 辣魅麻辣伴麵
Review (13)
Level3 2019-07-14
19 views
之前日頭經過呢間鋪頭,本來諗住夜晚嚟試吓,點知真係令人非常之失望,原來餐廳嘅大部份嘢食都係要預約,所以入到去咩都冇得食,不過我哋都係選擇咗坐低喺度食,餐廳裏面都係得我哋一台客,我哋叫咗個炒蜆雞煲同埋薯條,都真係幾難食,總之對呢間餐廳係十分之失望呢間餐廳其實主打都係食辣野,而且應該係以麻辣為主,餐廳餐牌上面寫住招牌菜式應該係辣蟹煲,但係今日冇得賣,老闆又話遲啲會有小龍蝦食,不過都係將來的事唔係今日,我哋叫咗個雞煲雞煲嘅味道係唔錯嘅,就好似雞煲味嘅擦子膠咁囉,再用返嗰啲辣椒黎炒薯條炒嘅功夫係唔錯嘅薯條係幾趣嘅,不過唔入味囉 continue reading
(The above review is the personal opinion of a user which does not represent OpenRice's point of view.)
Level3 2019-03-13
419 views
今日去咗崇潔街食飯⋯⋯咁梗係唔係食日本菜啦🤭今次係食辣雞煲,你會話,雞煲咋,一街都係,有咩咁特別呀,我話你知,就係有唔同👍🏻呢度嘅雞煲湯汁除咗花椒八角呢啲基本野,仲有薑,蒜,乾椒,風味十足😋食落口先麻後辣,又唔會辣到食唔到,好味到平時只係食幾舊雞就等打邊爐嘅我追住食,仲要食完唔會口乾添另一推介就係佢地嘅熱干麵,呢款麵唔係度度有㗎,佢有啲似意粉,不過咬落彈牙好多,混埋湯汁嚟食無得輸呀🥳🥳更重要嘅一點就係呢度嘅店員會好耐心咁介紹菜式,人性化呢啲野係大集團俾唔到我地嘅,真心介紹你地去試下🤗 continue reading
(The above review is the personal opinion of a user which does not represent OpenRice's point of view.)
Level4 2019-03-02
261 views
相傳要搵好西去食係需要經過九曲十三彎先會搵到,係紅磡區美食好多,寶藏卻真係好少。辣味十三香辣蟹係崇潔美食街入面,一入到餐廳老闆已經熱情咁款待,先係不停介紹店內食物,仲好仔細咁問食唔食得辣,再推介相認菜式。——————————————————————————十三香辣雞煲(小辣) $198十分足料、惹味,差唔多成隻雞既份量,夠3-4個人食!仲可以根據個人口味自由選擇辣度,雞肉嫩而不痴牙,麻而不太辣,岩哂鍾意食辣但唔食得太辣既人;仲有好甜既栗米,係差唔多一條半既栗米量,真係比足料!——————————————————————————農家小炒 $52青椒炒豬肉,鑊氣夠之餘又唔辣,青椒爽口,豬肉帶點肥膏,唯獨有些少油膩。——————————————————————————黃金脆蝦角 $38餐牌寫住6件但比左8件,香脆可口,啖啖蝦肉,大讚!——————————————————————————所有菜式都即叫即整,廚師仲專登走出黎問雞夠唔夠入味,證明餐廳好注重食物質素,值得一試~ continue reading
(The above review is the personal opinion of a user which does not represent OpenRice's point of view.)
記得細個個陣屋企人成日帶我去紅磡崇潔街食野,就係好出名嘅加太賀日本餐廳所在地,依家已經多左好多唔同類型嘅餐廳,今次試下街尾嘅湖北菜😋。本來想點辣魚頭煲,但要先預訂因爲新鮮理由,於是揀左雞鍋,估唔到好有驚喜!麻辣香料好足料好豐富,雞件份量以兩人份量黎講算多,肥瘦剛好唔會太多肥膏,麻香味十足味道好濃郁,愈食愈麻好正! 食完已經好滿足😆如果多人分享可以再叫配料黎個麻辣邊爐一定好正😋 下次要試返魚頭或辣蟹先~。老闆好細心幫我地套好外套以防吸味,又有介紹下招牌菜同問我地辣度如何,好細心~ 店鋪係街尾比較隱蔽,希望大家支持下隱世小店啦😁 continue reading
(The above review is the personal opinion of a user which does not represent OpenRice's point of view.)
朋友介紹呢間隱世小店真係好好好好味! 我本身都係愛蟹之人, 以前成日以為蟹要清蒸或者粥底先好食。 今次食呢個辣蟹煲真係好惹味! 佢有好多唔同嘅煲, 我今次試咗蟹煲同蟹雞煲。 隻蟹好新鮮, 仲有蟹膏。 同煲配料竟然有鳳爪, 開頭覺得無厘頭但原來隻鳳爪吸哂啲汁超好味!另外佢有兩個小食又係必試, 辣薯條同撈麵又係一食就停唔到口!好邪惡。。。。鋪頭雖然唔大, 但都冇話食得耐要趕你走,老闆仲時不時過嚟吹水nice到爆。而且重點係每人兩舊水唔駛。 超抵! 我一定會再嚟幫襯㗎! continue reading
(The above review is the personal opinion of a user which does not represent OpenRice's point of view.)