SOYmart by 豆乳狂人

Open Now

Now Closed

之前經過呢間「豆乳狂人」，見到櫥窗放咗好多款唔同嘅豆漿已經好想試，今日趁住出荃灣食飯，就一於買黎返屋企做甜品。叫得豆乳狂人，主打當然係豆乳同豆花，但亦有粢飯及不同小食賣，好適合三五知己坐低慢慢嘆。仙草豆花 :來得呢度又點可以唔試下佢地嘅豆花呢？豆花好幼滑，有香濃豆味，仙草口感Q彈，味道唔太甜，食落感覺清爽。多芒楊枝甘露 :一打開蓋已經見到超多芒果，加埋柚子肉及大西米，味道唔會太甜，入口椰奶味好香，份量十足下兩個人share食都足夠。個人特別喜歡佢個包裝，容器夠晒硬淨唔駛驚倒瀉。煙韌之選 :除咗芋圓外，仲有珍珠同小丸子，每樣都煙煙韌韌，配埋底層嘅豆乳布丁，一軟一韌口感好過癮。6°輕豆乳 + 7°特濃豆乳 :太太喜歡喝豆漿，所以分別買咗輕豆乳及特濃豆乳俾佢試。兩者中佢更喜歡特濃豆乳，口感較濃稠，豆香味更濃郁，無糖更能突出豆乳鮮味。十勝紅豆豆乳 :有好多紅豆，飲落微甜，紅豆味唔會蓋過豆乳香味，兩者好夾。.SOYmart by 豆乳狂人地址：荃灣大河道100號海之戀商場2樓2036號舖

主打豆乳 ~ ✨SOYmart by 豆乳狂人✨✅豆乳並沒有添加消泡劑，味道鮮甜，營養保留較高✅芋泥豆乳❤️濃厚豆乳配上香滑綿密芋泥，微微甜✅桃膠豆乳 ❤️桃膠配上豆乳，養顏又健康，豆乳味好濃，桃膠份量好多，啖啖啜到彈牙桃膠✅牛油果🥑鰻魚玉子粢飯❤️粢飯大大份，上手熱辣辣，軟糯糯米配上清新牛油果🥑，甜口厚厚玉子，香口肉鬆，脆口油炸鬼，清爽青瓜絲，焦香鰻魚，啖啖口感豐富，加上鰻魚汁夠哂惹味。✅多芒小丸子▶️西米、芒果汁、特調椰奶、鮮芒果、小丸子❤️大大粒芒果🥭，食落香甜，配上煙韌小丸子同粒粒西米，啖啖滿足😌✅滋潤之選▶️芋泥、桃膠、西米、特調椰奶、芋圓、黑糖❤️黑糖調味，食落唔會太過甜膩，材料各有特色，芋圓煙韌彈牙，桃膠滑溜爽口，芋泥軟滑，粒粒西米，真係啖啖滋潤。

幾次經過都見有人排⋯今次就諗住試下～食評話避風塘豆腐好食～豆腐係脆嘅但同避風塘味係完全融合唔到，d豆腐完全沾唔到味粉，完全無味🤧牛油果吉列蝦青瓜絲粢飯～唯獨食唔到蝦肉同牛油果外⋯其他配料係食得出嘅，但就唔係咁對得住個價錢😅狂人粢食係OK嘅，油炸鬼夠脆。兩樽飲品就不過不失，個人覺得雖然飲豆味重要，但好似無咩甜味又少少寡🙃

🍽️多芒楊枝甘露 $48一打開個蓋就見到好足料呀！裏面有大量芒果粒、柚子肉同西米，個椰汁特別好香，每食一啖都好有口感😋由於芒果依家唔係好當造，所以芒果唔係特別甜，不過唔係好酸嘅！而且個杯嘅容器好實淨同好靚，可以洗乾淨再重用，夠哂環保♻️🍽️桃膠豆乳 $38裝豆乳個樽係可以加熱同循環再用♻️，所以好環保！而且啲桃膠多到佔咗個樽一半添呀😋桃膠煮到腍得嚟又有啲爽口，連埋豆乳一齊飲好有咬口同好味😋🍽️芋泥桃膠小丸子 $45芋泥控必點！超級足料呀🤤成個容器有1/3都係芋泥嚟！而且芋泥好軟綿，甜度適中，唔會太甜又唔會太淡😆上層嘅豆乳味濃得嚟飲落又清清地，另外2/3放滿小丸子同桃膠，桃膠食落去滑捋捋，小丸子食落去好煙靭，連埋芋泥一齊食好夾😋

榴槤愛好者一定不能錯過，又有讓人「榴槤」忘返的創新甜品在港誕生：SOYmart by 豆乳狂人的全新限定系列-榴槤篇！ 排隊的時候一直在糾結到底是選榴槤、多芒，還是經典豆花，最後意志力敗給「限定」的宣傳字眼，哈哈~幸好最後沒選錯欸！超推薦 比起傳統普通豆花或手搖飲料，這間價錢小貴，不過份量十足，口味創新，而且店內滿多自選坐位，環境優閒舒適，可以當成甜品小店的價位來比較。 店内連垃圾桶也是統一走都可愛繪本風，好治癒喔～如果堂食的客人，記得需要自行扔垃圾，別把飲料或食物留在桌椅上喔。 ▪️超煙靭榴槤奶蓋($80) 一揭開蓋，榴香四溢。頂層是超足料的D24榴槤果肉，入口有如奶油般絲滑醇厚。滿滿的榴漿配上滑溜的豆腐花、煙韌得白玉丸子、黑糖珍珠、地瓜圓和芋圓，層次 相當豐富。 建議食法：先品嚐幾口榴槤肉，然後再把它們略為攪拌，那就可以吃出兩種不同濃度的榴槤豆花味噢！ 下次想試試其他經典豆花系列，畢竟榴槤款式是新推出的款，店家還有7.6特濃豆乳、豆乳茶、香濃豆乳雪糕、狂人豆花…全部都想試試欸～

本人對於所有豆製品嘅抵抗力都係零🤩每次經過海之戀都一定會買豆乳狂人種類多 每次都可以試下唔同款今次食完晚飯 諗住搵個地方飲糖水吹下水於是就來咗豆乳狂人 貪佢出面有位坐 唔會趕人走1️⃣三色芋圓豆花豆花份量超足芋圓口感煙靭唔會太硬撈埋啲豆漿令到個豆花更加滑身2️⃣和風七味脆皮木棉豆腐新鮮熱辣辣炸起外脆內軟每一舊炸皮都沾有七味粉暖笠笠好好味 3️⃣酥炸雞軟骨份量又係超多好脆口食唔停口4️⃣牛油果鰻魚玉子粢飯呢個配搭簡直無敵！全部都係我至愛粢飯超大份入邊啲餡好足料不過就略嫌啲粢飯太乾身總結鍾意豆乳嘅人必食佢嘅小食都好出色🥹

🤍特濃可可豆乳 $28比我想像中好飲😍朱古力味濃得嚟🍫但依然好杰身好重豆味🫘初初飲仲好驚佢同朱奶冇分別但 佢朱古力味同豆味都共存到🥹值得一試🤤-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌗🌑

去海之戀商場，竟然發現呢度都有豆乳狂人！之前已經去過沙田河畔同埋樂富分店，記憶之中豆乳好出色👍🏻但係最出色係粢飯，入面油炸鬼仲係脆㗎🤭不過今日食得太飽，唯有下次再戰其他啦😆一樽樽豆乳有唔同嘅口味，有紅豆、紫米、燕麥、芋泥….等等今日有啲飽，只係買咗一樽豆乳，最後揀咗芋泥口味，芋泥香甜、口感綿密，再配合唔太甜而豆味香濃嘅豆乳，100分🫶🏻不過芋泥太多😹豆乳多番啲更好👍🏻（但我諗普遍人都鍾意多芋泥😆）

星期六晏晝一個人嚟到荃灣西，唔太肚餓想喺附近簡單食個brunch😁經過豆乳狂人居然見冇乜人😲同平時座無虛席完全兩回事🙀大家如果都想避開人潮可以試吓lunch time過嚟🤣🤣🌯狂人粢飯 ($32)粢飯好大舊😆糯米飯夠煙靭，唔會濕濕爛爛👍🏻用咗大量肉鬆包住油炸鬼，所以油炸鬼保持鬆脆🤩再配上榨菜，爽脆帶點鹹香，多重口感，調味又好夾😋果然係被豆乳耽誤咗嘅粢飯店🤭🤭🍡粒粒仙草 ($45)爭扎咗好耐到底應該飲豆乳好定食糖水好🫣最後都係比滿滿配料嘅芋圓仙草吸引🤣🤣🤣仙草加上粒粒西米同綠豆🫘仲有好多粒煙韌嘅芋圓😍最後淋上黑糖同奶🥰簡單又好味😋📌 SOYmart by 豆乳狂人荃灣大河道100號海之戀商場2樓2036號舖📍其他分店沙田大涌橋路20-30號河畔花園地下28號舖樂富聯合道198號樂富廣場A區1樓1168-1170號舖黃大仙正德街103號黃大仙中心南館地下G10A-G10B號舖將軍澳唐德街9號將軍澳中心G樓G01及G02號舖

🍧🍨🥠令人瘋狂嘅豆乳製品☑️多芒楊枝甘露 -$48一打開就見到好足料，有大量嘅芒果粒、西米、柚子肉。我好鍾意嗰個椰汁，椰香好正，但太多西米，令到個汁比例上吾夠多，同埋芒果可能而家吾當造，所以唔係好甜，但都唔會好酸，整體黎講都係足料好味嘅。個容器都好硬淨，建議大家拎返屋企洗乾淨佢繼續用，吾好浪費。☑️海苔肉鬆脆皮木棉豆腐 -$38一份有10粒，用紙盒裝住，排得好整齊，上面有大量嘅海苔肉鬆，豆腐粒新鮮炸，超熱，外皮炸得香脆，而且做到好薄，上面已經灑左d味粉，就算吾連肉鬆食都好夠味，豆腐再滑d就更好，而家有d蜂巢豆腐嘅感覺。

想當年喺沙田食係最鍾意食佢嘅多芒楊枝甘露同埋芋圓豆腐花！一星期必食3-4次！今日心心念念,所以就算搬走咗，都特登入到嚟荃灣西買番碗楊枝甘露食！點知。。。芒果一望，淺黃色，心諗大獲，實難食！一試一係冇芒果味一係就酸到爆！係酸到入心入肺嗰隻芒果！點入貨架！當我咁啱揀中吾好品質既，啲芒果切都懶得切，仲要大粒到一啖都放吾到入個嘴！大佬切都慳返！唔怪得買咗唔夠一分鐘就攞到碗野啦！全間都𡃁妹，麻煩QC都檢討下！從未試過食糖水食到一半放返低唔想食！好失望！冇下次！以後都唔使心心念念呢間糖水嚕！

經過蔽店無數次, 一直都想找機會試, 最近更聽說粢飯非常美味, 的確好吃的粢飯不易找, 所以想看看是龍還是鳳 😆 此店比較新潮, 有別於一般舊式的豆漿店, 店內清新的裝潢, 加上少量插畫, 明顯是以年青人為目標。狂人粢飯 $32糯米煙韌度適中, 油炸鬼超脆口, 包圍大量肉鬆, 只有幾粒酸菜, 油炸鬼是十分令人驚喜的 🤩 不過肉鬆太多了, 整體味道未夠豐富, 這方面豆漿大王略勝一籌。仙草豆漿 $28看到普通豆漿顯示無糖二字, 已特意點了仙草豆漿, 至少仙草可以豐富口感之餘, 也能提升味道, 果然豆漿真的不夠甜 🙃 朋友覺得豆漿不夠滑, 我則覺得有種漿糊的感覺, 實際上不算差, 但以專門店來說要求就要更高一點。吃完才發現原來有牛油果鰻魚玉子粢飯, 可能這個才是大家推薦的粢飯口味, 下次有機2再試試吧。

-🦄 sᴏʏᴍᴀʀᴛ ʙʏ 豆乳狂人 @soymarthk ・☔️ なみだ色の雨やどり 🫧・🪽 乳白交響曲下鞦韆迴盪 撲朔⚡️ 凝青眼淚色在悄悄躲雨 輕吐・✿－✿－✿－✿－✿－✿－✿－✿－✿－✿－✿・🕊️【 𝓢𝓸𝔂𝓫𝓮𝓪𝓷 𝓟𝓸𝔀𝓮𝓻 𝓹𝓾𝓼𝓱𝓱𝓱𝓱𝓱…】・把豆乳融入生命靈魂 記錄我四訪の豆乳狂人・🤍 7’ 無糖特濃豆乳 ʜᴋᴅ24⚡️ ʀᴀᴛɪɴɢ🌕🌕🌕🌕🌑・多次回購的特濃豆乳飲 沒有最濃就只有更濃輕豆乳已經不能滿足我 那就只好選擇濃稠版它的濃在於其黏稠質感 微黏微膠質的豆乳飲個人很喜愛這無糖版本 更能突顯那黃豆香氣很樸實很簡單的濃豆乳 喝著感覺能慰藉心靈・🍉 奶蓋西瓜波波豆乳 ʜᴋᴅ60⚡️ ʀᴀᴛɪɴɢ🌕🌕🌕🌖🌑・西瓜跟豆乳之配不常見 卻充滿炎炎夏日氣息順滑奶蓋質感輕盈不膩 微鹹香跟豆乳挺合襯漸變的粉白層映入眼簾 底蘊埋藏的可是寶藏豆乳中有不少彈韌珍珠 就真的像西瓜籽似的以假亂真卻真的假不了 珍珠大小洽好又好嚼豆香濃中滲透著西瓜甜 其甜度不高感覺自然西瓜甜沒有蓋過豆乳味 反而能穩當配角角色還額外附上新鮮西瓜串 完整性是再度昇華呢・☀️ 夏日之選 ʜᴋᴅ60⚡️ ʀᴀᴛɪɴɢ🌕🌕🌕🌕🌑・層次感豐

🤩🤩豆乳狂人我由沙田開始食到依家，以前真係會為左食佢地甜品，特登揸車去食。🩷多芒楊枝甘露楊枝甘露係豆乳狂人必食之一，芒果超多超甜超好食，我基本上每次嚟都必點，係我豆乳狂人最愛既甜品。🩷狂人栥飯栥飯每次食都係脆，配料又多，油炸鬼脆卜卜，超級好食，必點。🩷西瓜豆乳今次第一次試西瓜豆乳，因為男朋友中意食西瓜，估唔到都幾好飲，西瓜既甜味同豆乳又幾夾，可以一試。🩷鮮芋泥豆乳Creamy既芋泥加豆乳，我個人超級超級中意，而且又健康啲。🩷夏日之選有齊芒果、西瓜、芋圓、同埋豆花，豐富到不得了，超級好食。#hkig #hkfoodie #豆乳狂人 #芋泥豆乳#soymilk #soymilklover

喺海之戀食完飯，想食返啲甜品。本以為「豆乳狂人」淨係食甜品，原來都有其他輕食，好似粢飯、炸豆腐、炸雞等等。佢哋啲甜品種類有好多，最出名梗係豆乳類系列，多到都唔知點揀，樣樣都想食😆價錢亦相當親民～♥超煙韌豆花 （$45）這款是招牌菜式，上邊一層奶蓋芝士，裏面好多三色芋圓、珍珠，豆腐花好香濃好滑，還點綴咗少許黑糖，全部夾埋一齊食10分滋味～♥奶蓋西瓜波波豆乳 （$60）這個新款式，原來西瓜、豆乳同奶蓋的味道十分之夾，裏面還加了珍珠，味道幾特別，一啖接一啖飲唔停口～♥海棠肉鬆脆皮木綿豆腐 （$38）鹹香肉鬆份量好多，豆腐外層炸得有脆皮的口感，裏面好綿好滑～