SOYmart by 豆乳狂人

Open Now

Now Closed

真心覺得好食先會回頭買，買個甜品但要受氣，我個40幾蚊係買甜品，唔係買職員嘅脾氣。攞張單埋櫃檯攞甜品，個女職員一手搶單，再掉隻匙羹落枱面，問佢想要個膠袋，好聲好氣講咗唔該，但女職員入完袋之後大大放落枱面。問返收銀同事有無投訴電話，佢話無要我留低我電話講低咩事。或者上網睇返分店電話再打嚟，咁即係自己舖頭處理？？服務態度真係好影響購買經驗😔😔

豆乳狂人就當然係專賣豆乳，款式同口味都有好多種🤩 有樽裝豆乳、豆乳奶蓋、豆乳茶同豆花，呢到嘅豆乳比一般飲嘅豆漿竭身，飲落豆味好濃郁，好似飲緊漿狀嘅豆腐咁🤣🤣 另外仲有仙草、芋圓、桃膠嘅配搭，唔想食甜品嘅話，另外仲有賣粢飯同小食(不過呢兩樣就未試過啦🤫)•🥢 鮮芋泥豆乳 $32芋泥會沉晒喺樽底，要開蓋用筷子/長飲管攪返勻先飲到，扭實樽蓋成枝咁搖都唔太搖得勻🤣芋泥嘅口感真係好滑，唔攪咁勻嚟飲就有啲啲芋頭粒粒可以咬下～ 豆乳嘅豆味真係好濃，而且偏竭身，飲落好濃厚😍 (飲完真係好飽🫢)•🥢 特濃可可豆乳 $28飲落都有朱古力味嘅，但都係豆味濃啲🤣 雖然係可可味，但唔會好甜，所以飲落都唔會膩😌•🥢 鮮芋泥豆花 $32豆花豆味幾濃，好滑，唔結實易碎，豆花本身唔甜，甜味主要嚟自芋泥，而芋泥綿密，唔會好甜，夠填補返成個嘅甜味之餘食完都唔會覺得好Heavy😍•🥢 三色芋圓豆花 $32芋圓數量好多，有十幾粒，但三色嘅數量唔平均，唔算煙韌有咬口，但又唔淋，中規中矩～ （豆花上面講咗了 🙈）•🥢 Oreo奶蓋珍珠布丁 $52面有一塊Oreo餅同可以自己加Oreo碎，奶蓋都幾竭身，唔會溶晒落啲豆乳到，而且芝士鹹

你老尾奶蓋系列比其他系列粉量少得可憐。價錢差唔多 比咁少料 糖水系列料多奶蓋系列幾倍好你你收人呢個價就比番相等的份量啦飲兩淡就無晒 料少得可憐，邊個負責出品咁百痴的marketing 產品都推得出，只此一次

食飽飯想食糖水，就openrice到揾下，揾到呢間，都係第一次試。叫左個奶蓋豆乳桃膠，超級飽同超級滿足奶蓋夠晒多，又夠香濃，豆乳味好出，正桃膠份量都比得好足，每飲一啖都有咬口整體都唔會好甜，係減肥之選

🥛高質香濃豆乳專門店 — SOYmart by 豆乳狂人呢間豆乳專門店嘅豆漿係每日新鮮即製，採用咗現代化磨豆機代替傳統石磨豆漿機，使用日本嘅熟漿技術，唔單止可以保留黃豆嘅豐富蛋白質，仲令到豆香味道更加濃郁。為食兔一直都想飲好耐，呢間店係長期都多人排隊，就算係平日都多，真係好高人氣！今次咁岩屋企人外賣咗返屋企，終於可以試到啦🤩鮮芋泥豆乳($32）一望落去就覺得好足料好聚手🤣芋泥同豆乳撈埋一齊飲，味道適中，豆味香濃，而且芋泥重打得好綿密！一啲芋泥粒粒都冇，係我鍾意嘅質感呀😍芋泥奶蓋小丸子($42)小丸子好煙韌，食到有啲豆腐花，飲到有奶蓋嘅鹹香味，飲咗三份二都已經覺得好飽肚 ！呢間真係好好飲！如果要喺芋泥奶或者係芋泥豆漿之中，揀一個我會揀芋泥豆漿🥰🧡呢間真係不錯！想再飲多次！荃灣、樂富、沙田呢三間分店都唔太就腳，強烈建議開多啲分店🤣～

同幾個好朋友夜麻麻想搵個地方坐吓食吓甜品就醒起海之戀有一間人氣甜品店每次行過都好長人龍今次一行四人叫咗三個甜品分別係1) 超煙靭Oreo奶蓋($48)-呢個絕對係邪惡之選口口嘅奶蓋會令到你一試難忘入邊亦有好多黑白珍珠同時心情亦好矛盾🤣🤣2) 多芒小丸子($48)今次呢個甜品嘅芒果比較酸入邊有好多白玉小丸子西米芒果椰汁等等如果芒果比較甜同凍啲的話會加分好多3) 滋潤之選既芋圓系列($45)呢個就絕對係飽肚之選幾乎係所有配料集中於一身主要會係桃膠芋圓珍珠芋泥椰汁西米….如果食完飯之後過嚟的話千祈唔好叫😂😂😂😂整體味道不錯如果凍啲的話會更好

📍荃灣西海之戀 豆乳狂人 @soymarthk有幾次去Donki嘅時候都會路過依間鋪頭😋😋都好多人(｡ ́︿ ̀｡)上次路過終於試咗！🍵蕨餅白玉豆乳抹茶雪糕抺茶味超濃厚~ 係高級有層次嗰種！另外再配埋我最鍾意嘅蕨餅~ 有兩款蕨餅！黃豆粉同綠茶味都唔錯😍😍🫶🏼✨不過白玉就麻麻 有陣苦味🥲🥲不過價錢都對得住性價比 始終都係好食嘅抹茶雪糕♪( ´θ｀)ノ！路過而且冇乜人排隊嘅話絕對可以一試！📍荃灣西海之戀 豆乳狂人 @soymarthk荃灣大河道100號海之戀商場2樓2036號舖

話說去咗食飯，咁啱經過豆乳狂人，最近都好多人推介緊呢間舖頭，見到唔係太多人排隊，於是乎就買咗7.6香濃豆乳一枝試吓。.因為個人平時比較唔係太好甜，所以尼枝7.6香濃豆乳好適合我，因為係無糖嘅！如果係螞蟻嘅朋友都唔需要擔心，你可以喺買單嘅時候叫佢補糖漿俾你，咁你哋可以因應自己嘅口味，再加入適當嘅糖分量。.講番個味道先，真心覺得好濃烈嘅豆乳香味，因為你會飲落去相對起比出面嘅豆漿"杰撻撻"少少，唔會太水狀，飲起上嚟嘅口感都幾順，感覺幾天然，未試過嘅真係可以試吓，唔錯😆

試咗豆奶烏龍茶布甸，芋圓豆腐花，吉列豬扒粢飯同埋原味粢飯。呢間餐廳喺海之戀商場入邊，都有啲位可以坐，但都幾多人排隊下，我哋夜晚九點幾去到，都要排一陣先買到。粢飯開頭以為原味會好食啲，點知原來吉列豬扒都幾夾喎，最主要佢有啲沙律醬係入邊，冇原味嗰個咁乾，同埋吉列豬扒包左係粢飯入邊都仲有啲脆。本身想試抹茶珍珠，點知抹茶賣晒，所以就叫做烏龍茶珍珠，原來烏龍茶味都唔錯喎，幾夾佢個豆漿味。豆腐花都算係招牌，揀咗佢果然冇錯😆下次會再試吓佢其他嘢食同嘢飲😃

每次行街經過都好想試下呢間餐廳，但每次都好多人排隊😭今日見到條隊唔係太長就即刻去排下🤓🐷奶蓋芋泥小丸子第一啖飲落係啖啖既芋泥(天然嘅芋頭味道)🥰之後就食到煙韌嘅小丸子，令到口感更加豐富，隨之而來嘅就係濃濃嘅豆香😍！反而個奶蓋就遮蓋左少少既豆香味🥹🥹~所以下次應該唔會叫奶蓋了😅（分數：7/10）🐷多芒楊枝甘露呢個楊枝甘露夠晒足料😋勁多芒果喺入面😍，甜度適中，仲有大大粒西米同埋唔澀嘅西柚😊，非常值得一試！呢碗野個份量都好足料😚，食一碗都飽飽地🤭（分數：8/10）🐷狂人粢飯落單嘅時候店員已經講要等10分鐘左右，不過為左食好嘢，當然冇所謂啦🤣🤣。呢個係即叫即整架👏，夠晒熱辣辣，yeah😚。糯米粒粒分明有口感，每食一啖都可以食到中間嘅餡(油炸鬼卜卜脆，加埋榨菜肉鬆芝麻)😋😋，真係好高質🤣，而家嘅上海舖頭買少見少，好耐未食過咁好食嘅粢飯啦🥹🥹（分數：9/10）環境方面落完單就等叫number，可以搵定位坐底慢慢等☺️。呢度嘅冷氣有啲大，有7成嘅位置都比較當風💨💨，加上我地本身坐緊個風口位，等既時侯覺得愈坐愈凍(肥人都頂唔到5分鐘)🥶，最後我哋搵左個唔係當風嘅位坐，但係都覺得凍🤣🤣。食完野之後，記得自

要搵好食嘅粢飯，好難~ 有幸我終於搵到啦👍🏻☺️狂人粢飯 ($32)足料👍🏻👍🏻👍🏻剛剛到手時仲熱辣辣，糯米軟硬適中，油炸鬼食到最後一啖都仲脆嘅☺️太好啦👍🏻👍🏻終於食到啱心水嘅粢飯啦(溫馨提示：拆左外面嘅包裝紙之後，佢仲有兩層保鮮紙，好似拆禮物咁要慢慢拆😆)黑白芝麻豆乳 ($32)芝麻味相當香濃👍🏻👍🏻👍🏻而且佢真係豆「漿」，一啲都唔稀，大大支飲完好夠飽聽聞佢地嘅芋圓都相當出色，下次要試下啦☺️

本人已經是第二次幫襯豆乳產品。第一次買（桃膠豆乳）既時候，已經表明要熱既，但取貨後發現無俾熱，仲要俾錯產品，當時係假期我明白一定會亂會有錯誤，所以都無嘈。因為豆乳豆味十足及好飲，所以再幫襯第二次(桃膠豆乳），當時係平日晚上大約8點，都係要熱既，拎既時候俾左外賣袋，所以就無摸下檢查係咪俾熱，行行下都係想確認係咪熱，點知係凍，算數諗住番屋企先整熱。番到屋企，自行整熱後，一飲，又係俾錯(燕麥豆乳)，可否培訓一下員工，因為俾錯單係最底級錯誤！！飲品外包裝其實可以貼番產品label，避免再出現錯單問題！請檢討！

芋泥奶蓋小丸子係三杯入面質地最濃稠, 基本上都已經唔可以算係飲品, 加上芋泥同小丸子既份量非常慷慨, 當做正餐都綽綽有餘😂唯一想反映既係由於飲品樽用左易拉罐, 而樽口本身已經細仲要用上粗飲管, 所以好困難先可以將芋泥同豆乳攪勻😵‍💫或者轉用返台式飲品個種可以成個蓋揭開既包裝會更好比起芋泥奶蓋小丸子, 紫米豆乳既豆漿係冇加糖, 反而更能夠品嚐到豆香味,👍🏻而且冇左芋泥奶蓋小丸子包裝上既問題, 成樽輕鬆飲完冇難度粢飯係3樣入面最普通既, 飯偏硬,餡料正常冇驚喜。始終餐廳都係主打豆乳，睇黎都係揀返飲品/豆花會比較穩陣~ 

次次經過都見好多人排隊，難得今次平日少啲人就等下，不過都排咗10分鐘左右先買到。其實之前都試過一次熱豆乳，都覺得佢荳味香濃想飲多次，今次再試下佢推介嘅鮮芋泥豆乳，我同朋友一凍一熱咁嗌，熱嘅就要再等多10分鐘，好期待，但係今次覺得有啲淡，荳味唔太出眾，不過都比出邊飲嘅豆漿香甜同濃稠。唔推介飲凍嘅豆乳，味道會更加淡。芋泥都好足料咁痴哂係底，溝混飲都冇乜太大特別，飲唔出特別有芋頭嘅味道，不過都有芋泥嘅口感。

🕖時段-星期六夜晚多人 搵位 落單 同等食物都各要起碼10幾分鐘以上_▫️鮮芋泥系列 - 芋泥桃膠小丸子 $45 芋泥必點! 勁足料 好多芋泥！好多桃膠！好多小丸子！三樣都係我鐘意食的🤍甜甜地 食完好滿足☺️暫時最愛😛 贏了芋圓系列😂_▫️和風七味脆炸雞 $32單骨雞翼 個味有啲似脆香雞翼😍!! 好食！_▫️7度特濃豆乳(無糖) $32 為了特濃而嗌 一飲真係好濃豆乳味 口感超厚重 下次會試6度輕豆乳(可能都已經好夠)😂_🍽環境食完需要自己清理 如果大家去食都要留意😊方便其他人用餐