6
0
0
2-min walk from Exit B, Wu Kai Sha MTR Station
continue reading
Opening Hours
Mon - Sun
11:00 - 21:00
Above information is for reference only. Please check details with the restaurant.
呢間店都算新，啱啱開業兩個幾月，一路都想試下，直到見到飲食男女篇訪問就決心過嚟試下！😛睇完篇訪問我幾佩服店主嘅熱誠同勇氣，始終開燉湯店唔係容易事，店主為咗附近街坊吃得更健康而開設燉湯小店，我係非常欣賞！😂 難得店主咁有心，我覺得街坊更加要多啲幫襯！店舖都唔算大，有少量座位可以堂食，主要都係做外賣生意！店內有賣滋補燉湯&滋潤糖水。店主見我望住個Menu好苦惱咁，都好細心介紹啲燉湯同功效。對住有選擇困難症嘅我，店主算係好有耐性！所有燉湯都可以加$10轉做套餐，可配白飯/菜飯/米粉，仲送油菜一份。我最後點咗兩款燉湯，兩款湯都轉做套餐。❤️ 原個椰皇燉雞 $59 (另+$10轉套餐)呢款湯好清甜，入面有桂圓、紅棗、杞子&幾嚿雞！因為個湯係用椰水燉，所以啲雞有好濃椰皇味，好正！個湯有少少雞油，但飲落唔會好肥膩，好飲到令人回味🤤 菜飯同油菜都唔錯，加$10分量咁多都幾抵！好食度：⭐️⭐️⭐️⭐️ (4/5)❤️ 玉竹石斟燉竹絲雞 $69 (另+$10轉套餐)呢款湯係期間限定，有養陰補氣，生津止渴作用，亦有養胃效果，真係好補！碗湯非常足料，由底部撈上嚟可以見到啲料有幾多！🤩 湯嘅味道偏甘香，但無中藥嘅苦澀味，我本身少少怕好濃藥材味嘅湯，但我覺得呢款湯係容易入口👍🏻 喺屋企煲住家湯都未必煲得出呢個味道👀好食度：⭐️⭐️⭐️⭐️ (4/5)餐廳推薦度：⭐️⭐️⭐️⭐️ (4/5)佢哋啲湯真心足料，成本應該都幾高🧐 食得出係用心製作！加$10可以轉做套餐其實係幾抵，值得一試！一定會再幫襯！
continue reading
睇報導於烏溪沙站轉彎有家以滋補靚湯作主打的小店，原來甜品都有不少選擇，其中吸引我的是燕窩椰皇鮮奶燉蛋白，唔駛自己開椰皇就有得食，即刻去買個試試先。店員非常友善，仲教我食前放整個椰皇入爐約 7－8分鐘蒸熱，不過最後我要蒸約十多分鐘才能令蛋白中心熱透，熱度足可以提升椰皇的香濃味道。燕窩份量不少，蛋白很滑溜，甜度剛好，感覺很滋潤。等候期間望到原來有木瓜雪耳燉鮮奶，用原隻木瓜來燉，仲有杏仁茶好想試，下次吧。
continue reading
今日我要介紹一下烏溪沙站新開燉湯店【湯房】因為我去開馬鞍山搵我舅母間診所驗血，順便再去埋隔離鳥溪沙站呢間網上流傳好正的湯店一試。佢呢間店仔細細，主要都係做外賣，不過都有堂食，為左影相，我梗係要堂食，但我地次次影野都叫到成檯係野，所以捉埋我partner Echo 佢去幫手影相同食野啦佢呢度有賣燉湯+糖水，我好鍾意飲燉湯架，但我唔會幫襯楊明，所以要介紹大家飲呢間，正！另外佢D糖水都好吸引，所以都叫哂黎試下～～我地兩個人本來只係叫一人一盅，不過叫完之後佢聽老細講有一個椰皇燉雞好正，於是佢又叫埋.......佢真係癲架！青邊鮑魚日本元貝花膠螺肉瘦肉 HK$89我叫呢款因為佢真係有好大隻鮑魚呀～～～～好正呀！！！！！鮑魚有成隻匙更咁大隻，好足料唔係講笑，咬落去好滑好彈牙，真係好正！但分左半隻比佢食真係好唔甘心，我下次去要自己一人食一隻！我挖起d渣，好多料，仲有瑤柱、花膠、螺片、瘦肉，勁多材料！因為係燉湯，所以d味唔會散走，會焗實哂係個盅裡面，味道好咸香好鮮甜，好濃郁海產鮮味，真係好鬼好飲！！店主話呢款湯係滋陰保養，補血養顏，補腎，好健康呀！雲水菜乾雞腳燉豬肺 HK$69呢款佢裡面有好多菜乾，原來係叫雲水菜乾，佢令到成盅湯都有D微甘苦味，有別於死咸的味，好有新鮮感，我仲食到佢落左少少魷魚乾，所以有少少咸香鮮味，最正係佢落左好多豬肺，好好食呀～～～～ 我好中意食豬肺，因為其實好花功夫，店主話佢地日日去街市買新鮮豬肺製作，啤水啤到白哂為止，好乾淨，絕對唔係簡單菜式，所以我出去飲湯好鍾意試豬肺湯，因為而家冬天止咳潤肺，對身體好好架，勁補勁滋陰～原個椰皇燉雞 HK$59呢款係佢加單的，我覺得佢呢次做得好正確，真心係要試，佢個湯原來用左椰皇水燉雞，飲落去已經好勁椰皇味同雞油香，好清新好濃厚加上圓肉紅棗，有微微清甜，好有層次。呢款椰皇燉雞飲完好開胃好暖胃，飲完特別舒服，清肺止渴，正呀！杞子藥饍燒賣 HK$10/5粒佢收銀處果度收埋左一籠蒸點心，因為見好肚餓所以試左一碗，點知原來佢唔係d頹廢燒賣黎架，係淮山當歸杞子豬肉燒賣！佢口感好綿密，唔會好實淨果種，感覺好鬆軟，咬落有少少藥材味，杞子味好香好過癮，加埋D豬肉好有口感，HK$10有5粒又幾抵食喎，平時出去食d垃圾魚肉燒賣都要啦。講完燉湯，其實佢仲有賣糖水架，真係好想試埋，一場黎到又未食飯，一於食盡佢！糖水方面我首推呢款 鮮奶紅棗燉桃膠 HK$49鮮奶紅棗燉桃膠呢碗開頭睇好似無咩料到, 不過我好鍾意食桃膠所以一於試下。到左我撈上來睇下，嘩嘩嘩！好大舊桃膠呀!!!!!!!!!!!佢裡面除左巨型大件桃膠之外，仲有杞子紅棗，岩哂D女仔食呀~~~~加埋鮮奶味好香好甜，真係超級好味！點解我咁鍾意食桃膠？首先桃膠佢係桃樹上面傷口上面分泌的膠質，所以佢膠質豐富，係保持青春其中一個法寶！而且桃膠可以清血脂，有助排便同舒緩壓力，對於女性黎講係特別有益！同埋佢地甜品係絕對少甜, 聽講無落糖，純粹靠紅棗同埋杞子甜味，真係好清香好正！📝 官方網站www.timbeelo.shop燕窩椰皇鮮奶燉蛋白 HK$49佢呢個燉蛋白用原個椰皇燉，而蛋白唔係溝水，係用原個椰皇水黎燉！真係超級清香呀！佢用椰皇水黎，所以食出黎個甜味真係完全唔同，平時出去食燉椰皇蛋白係用糖溝出黎，呢個真係不得了，好清甜好天然呀~~~~~椰皇燉蛋白都未講完，仲有面頭一大堆燕窩！好誇張好正呀~~~~~我諗好多女仔而家都睇到心心眼了吧? 真心好正好養顏，勁多蛋白質，可以補骨膠原呀~~~~超正呀, 真係好好味~~~大推🔥窮遊達人 Mr. Travel Genius🔥原個木瓜雪耳燉鮮奶HK$45呢個木瓜燉雪耳比較正常，無咁精彩，不過佢就好足料，有超多雪耳，又係女性補骨膠原一流，清心潤肺，加上木瓜既熟度岩岩好，一啖入面有齊雪耳木瓜蓉，淡淡牛奶清香，口感好豐富。呢款又係無落糖的，全靠裡面有紅棗杞子木瓜甜味，所以女仔食左唔怕肥呀~~~見佢地D燉湯同甜品咁正，就同老細吹下水啦，老細話佢地鋪頭做街坊生意，有街坊指定一d湯水係佢地menu冇既，佢地都一樣會幫客做架！例如有客人keep住同佢地訂素湯，要無肉嘅，佢地都會特別燉比客人，真係好正~頭先咪話佢地D糖水無糖嘅，有糖尿比較高既客人要佢地做走甜/少甜既糖水，佢地都有幫客人整架，真係好細心好有愛。我覺得佢地好有心，盡量都滿足唔同客人既需求，希望客人食完都會感受到小店既人情味。如果你住馬鞍山線，咁你就有福啦！因為真係可以成日去飲啦~~~如果我住果頭我諗我日日都去買黎飲，性價比真係好高呀！我覺得我最推薦果樣係桃膠糖水呀~~~因為真係好多大大舊桃膠呀!!!!!!我覺得佢整體價錢感覺上都有少少貴, 但食完佢裡面真係超足料，試完真係覺得佢係超值添呀, 究竟有無錢賺架????最後我一個人包底食哂，真係好正~~~~搵日想再去食呀~~~
continue reading
講到食，烏溪沙選擇少得可憐，想搵碗糖水食下都難，不過終於比我哋等到啦！喺烏溪沙站一出巴士站旁邊，開咗間專賣自家湯同糖水嘅小店。鋪仔細細，主要做外賣，有少量企位可供堂食，但係選擇都幾多，服務細心，煮嘅都係老闆係屋企由細飲到大嘅湯水，最緊要係超足料、有水準嘅誠意製作。個人首選係老闆誠意推介嘅蛋白杏仁茶。佢哋冇加米漿、米粉，同出面好多其他舖頭食到嘅杏仁＂糊＂口感截然不同，用杏仁新鮮磨成，冇點加糖，食落有濃郁嘅天然杏仁香甜，啖啖蛋白，喜出望外地超高質，正！另外要介紹嘅係鮮奶紅棗燉桃膠。嗰晚去買最後一碗，返到屋企倒出嚟多料到嚇我一跳！桃膠入味有咬口，鮮奶紅棗加埋一齊滋潤香甜，可能因為係最後一碗，足料到超飽肚！最後介紹，係期間限定嘅桑寄生蓮子蛋茶。佢哋嘅做法同出邊有啲唔同，冇落紅棗，桑寄生嘅味道較出，食落去有淡淡片糖嘅香味，食完即刻暖笠笠。老闆話有時糖水會提早賣晒，如果唔想錯過咗記得預先打電話留返碗啦～
continue reading
寒流直逼，一直想飲碗熱湯馬鞍山呢個沙漠終於有一間滋補燉湯，滋潤糖水店店主係年輕人，疫市下創業真係唔容易原個椰皇燉雞 $59真係原個椰皇送上，熱辣辣，每一啖湯都充滿椰香，鮮甜足料，有雞有杞子同龍眼肉，飲得出完全無落味精，燉足兩小時既湯，果然唔同，飲完好想再繼續飲，岩晒平時夜收工既人杞子藥膳燒賣 $10/5粒，未食已經傳出陣陣藥膳香氣，入口後，同普通豬肉燒賣完全係兩回事，呢粒燒賣都算係人生中數一數二好食，價錢仲要唔貴，經過都買過幾次食，不過好早售罄，想食真係要早一點
continue reading