球哥燉湯 (Closed)

今晚晚餐沒有頭緒……行下行揀間在上環開業，健康住家菜「球哥燉湯」。店子以住家靚湯作招徠，吸引一群饑渴的客人。室內裝潢簡約，給你一個家的感覺。老闆球哥會親自招呼客人，與客人們閒話家常，親切的服務態度真有住家的味道。店子供應18款燉湯都以家傳方法燉製， 包括無花果排骨、木瓜雪耳排骨、白菜豬肚、美國花旗參雞……等。價錢 $54~66不等，而家煲過湯都唔平所以這個燉湯價格都不太過份。 店子用排骨熬3小時作主湯，再加入各款材料燉6小時，因此每盅燉湯都味道香濃而且火候十足。筆者點了【西洋菜陳腎排骨燉湯 $54】，湯料豐富有排骨、腎西洋菜及粟米。味道超甜，正宗住家靚湯。除了住家湯外，這裡的小菜都非常不錯。餐牌簡單，分為3大類: 健康小炒、煲仔菜及蒸&炆餸類。價格有如酒樓，但勝在免茶免加一。【籠仔北菇蒸滑雞飯 $98】呈上時充滿荷花菇香味，蒸雞時咇出來的雞油雞汁渗入飯中，令飯充滿雞味菇味，再加入店子把飯用蛋炒香後才蒸來增加味道及層次感。這個籠仔飯中雞及冬菇份量都不少，絕對是真材實料。【清蒸黑立 $168】球哥親自去街市挑選，不鮮不食。材料新鮮，加上火喉及時間恰到好處，令條黑立的肉剛好離骨，肉質鮮甜;

今天中午想吃燉湯，所以專門來到上環這家餐廳。作爲午餐來説，味道很好，但是價格相對較高，所以只能時不時來淺嘗即止。店鋪不大，就在橫街中，客人絡繹不絕，也看出連外賣的訂單也非常多。坐下后立刻選了午餐中的蒸魚和豬肺白菜湯，店家非常有心思地提供了配紅飯或白飯的選擇。不久魚和熱辣辣的湯都送到桌面。蒸魚味道濃鬱，分量亦不少，而且感覺比較新鮮。而豬肺湯一如既往地非常足料，基本1/2都是白菜、菜乾、豬肺和排骨。選擇豬肺湯也是因爲屬於自己在家做起來難度係數較高，亦比較需時的老火湯。這家店的豬肺洗得異常乾净，吃起來讓人很放心。整體而言味道很不錯，該店常年暢旺有它的吸引之處。

八點鐘叫外賣, 阿姐同我講要等20分鐘，那麼我站在餐廳里等， 凳都冇得坐. 這不是問題，因為我明白佢真係好忙 。等咗30分鐘後，我問差不多了嗎?佢竟然同我講啲嘢食根本未開始整，因為前面有大單。 你冇得咁大個頭就唔好戴咁大頂帽。 我訂的時候，你不講? 我未試過等半個鐘連個一個餸都見唔到， 他只好退錢，一個對不起都不講。離譜。

近排成日食煎炸野，喉嚨都開始有啲唔舒服，今日開完會舊老闆就話要帶我去飲番個燉湯潤一潤喎，呢間燉湯有好鬼多選擇👍，中午仲有set添，都幾抵架，附近返工嘅靚OL有福了，可以成日都咁滋潤😊。大家都知我其實唔多鍾意飲中式湯嘅，但今日真係有需要潤一潤，所以我就揀左蘋果🍎雪梨🍐排骨湯，潤得嚟味道偏西式，清甜到似糖水咁。清清地再配番個薑粒蛋炒飯，個飯勁多薑粒😍，炒得非常乾身粒粒分明，超合我口味👍。今日個lunch set有營養得嚟又滋陰😋，話哂女人唔補就好易老嘛😝，如果日日都可以食補嘅話分分鐘可以還幼十年添呀🤣🤣🤣！

今天，我皇上很有誠意來上環跟我吃 Lunch， 他很喜歡喝湯的（但又對‘味精湯'十分敏感），無奈我這個‘ 無飯奴婢’ 不懂入廚 ，沒辦法也要出街喝，今天就搏一下。平日行過見到 蘇杭街有間 ‘球哥燉湯’，見到排長龍，今天難得 皇上說跟我吃， 不論有沒有味精也去試下。我皇上叫了 ’鴨腿湯飯+虫草花淮山百合雞汤’， 我就叫了 ‘魚香茄子+ 赤小豆扁豆粉葛鯪魚豬骨湯’。喝了一口，味道 ok， 不像有味精，也不鹹，湯的份量也很足。 那‘魚香茄子’味道沒有小菜那種‘魚香茄子煲’這麼濃烈， 合我口味 （年紀大還是少吃鹹) 哈哈，但我配的 ‘紅飯’ 就有點干，很硬；我皇上的 ‘鴨腿湯飯’， 湯也 ok. 鴨腿就老了少少；整體來說都 ok，下次可再吃。謝謝。

今日同同事出去食飯，同事介紹話呢間既燉湯好正，大推！見佢講到咁好就由佢帶路嚟呢間試下。舖頭位置幾近地鐵站，係上環E4出口（永安百貨）行幾分鐘就到。舖面唔大，位置比較少，我地lunch time嚟到見到都幾多人排，排左將近半個鐘先到我地。可以單叫燉湯，亦都可以叫Lunch set，而且每日午市都會有唔同既menu，咁就可以有多啲菜式選擇啦！我地叫左鴨腿湯+紅米飯，另外叫左兩個小菜配紅米飯。鴨腿湯好鮮甜！啲餸菜都唔錯，唔怪得咁多人排。

椰子栗子雞炖湯📍上環·球哥燉湯呢排都冇過海，一路都係港島搵嘢食。呢間燉湯專賣店係上環都小有名氣，我地6點幾到店仲餘一張檯，食勻之後都見到好多人係門口等緊外賣。除左招牌嘅燉湯以外都有煲同埋炒菜，但呢啲湯就係比較普通、家常d嘅啦。用料實在，果椰子栗子雞湯初初端上來我都係發覺果椰子香味四溢，成碗湯椰子都占左一半。不過栗子就少d，只得番兩舊。作為一個栗子控，難免會有少少失望。其實大家都知燉湯，最重要嘅肯定係湯來㗎，所以d雞肉就比較乾柴，畢竟精華都已經走入湯裡面了。不過除左雞肉，仲有幾舊排骨，增添一點油潤。總體來講，都係比較媽媽菜嘅水準。如果要配飯，一碗飯要12蚊，但有白飯同紅米飯可以揀，我都覺得好貴，因為平時係大陸白飯都係免費，至多唔會超過5蚊。湯以外嘅部分就有d失望了，我地仲order左一個黑椒茄子魚塊煲。其實果黑椒氣味都係特出嘅，但就好似冇擺鹽係呢到。可能對一間燉湯店，除左燉湯之外嘅嘢，就唔好太critical啦。

夜晚八點上環放工後的街道變得非常平靜, 來到蘇杭街球哥燉湯,顧名思義燉湯最出名! 入座前稍等一陣間, 好快就有位。門口經送餐app落單, 準備出貨的有兩位。餐牌大約有二十款燉湯, 揀左金銀菜排骨陳腎燉湯, 生炒骨, 籠仔蒸蝦乾蒜容飯。燉湯清甜足料, 份量夠兩個人飲; 生炒骨肉肥肉較多, 籠仔蒸飯即叫即蒸; 蝦乾好靚好鮮味, 有荷葉和碎碎的蛋香, 蒜蓉味較濃, 準備埋單仲送白果腐竹糖水。**整體出品良好, 約一大班人食小菜飲靚湯最啱, 燉湯出色!

每次lunch time經過球哥燉湯都好多人，由於我公司係行flexible lunch hour既policy，所以我選擇避開人潮，今日1:45pm去到球哥飲湯。叫左一個75蚊既套餐，連一盅白菜豬肺湯、一碟菜（全走）同白飯。白菜豬肺湯- 冇咩油，好清甜，豬肺洗得乾淨綠油油，唔青唔苦既菜😼白飯煮得好煙UN除左湯，仲可以叫餸食，而且口味健康，有家的感覺。whatsapp左副圖俾家母，佢都話嘩咁健康既。美中不足係坐得比較迫，1:45pm去到雖然唔洗等位，但都好多人。不過其實lunchtime去邊都迫。。。有得食好食。。。

今晚響上環搵食，行到蘇杭街，突然落雨，而發現附近大部份食店都已收舖，又嚟試新嘢～未知道美味度前，首先了解下有咩食，及咩收費...睇門口餐牌，是一般小菜及一般小菜館收費，ok～🧐小菜同飯係分開叫，無套餐的，都算了，我一向揀食都考慮美味度、及製作食物用心程度、及服務質素，高於價錢...但今次真係頂佢唔順，一見到碟蝦，忍唔住要影張單... $98/4隻蝦😱已經嚇親... 仲要係炒到水汪汪嘅，如果呢個係新派嘅做法，真係新到我未見過～白飯，半碗係飯煲底飯焦... 仲以為自己食緊煲仔飯～再嚟節瓜煲，係節瓜都未熟嘅...🤢同行朋友，急不及待食，未等我手機食先... 但即時報告：節瓜未熟... 我仲以我一貫食家口吻回應，可能係特登煮得爽啲呢...開得舖頭，我唔信咁差... 即試... 生嘅～😳😭已經無心機再影...叫店員換過，一換就半小時... 仲要一食完就即被店員催促埋單～成物差，服務差～🤢🤮

「球哥燉湯」是一間街坊小店，一般港式茶餐廳的格局，主打燉湯煲仔小炒。作為燉湯專門店，餐單上有近二十款燉湯供選擇。小編的「西洋菜陳腎排骨燉湯」湯料豐足，味道清潤可口。湯中的排骨連肉帶軟骨，口感帶脆，屬額外的享受。好友的「白胡椒豬肚雞燉湯」內含份量不少的原粒胡椒，口味辛辣，喝畢有一股暖流在體內流竄，屬冬日佳品。「啫啫滑雞煲」以燒熱的瓦煲盛載，啫啫聲響不絶於耳。雞件肉質很滑，亦見入味，加上搶香的薑蔥，全方位提供多元享受。唯一比較奇怪的安排，是在雞煲加入了叉燒。雖然小編喜愛吃叉燒，但仍然覺得以北菇取代更為合適。 「臘味煲仔飯」以蒸籠蒸煮製作，雖然有點貨不對辦，但仍屬冬日時令之選。臘味份量充足，臘腸與臘肉肥瘦口感適中；膶腸味道則不夠濃香。醬油調味佳，連帶與臘味的油份拌勻米飯的味道吸引。 準備結賬之時，店員主動送上兩碗「腐竹薏米糖水」，滑溜滋潤甚富水準。 整體而言，「球哥燉湯」的燉湯蒸飯以至糖水皆有不錯的水準。縱使人均消費有如酒家價，但性價比仍屬合理，可以試試。

寒風刺骨，令人更渴望喝一口熱湯，今天在上環蘇杭街發現到球哥這位湯水好拍檔餐廳類似茶餐廳格局，風格保留少許中國風，牆上掛滿水墨畫作。晚市燉湯有十餘款選擇，主要以排骨或雞為湯頭，價錢可接受。另有多款健康小炒，天天吃也不怕悶一人晚餐簡單點了一盅白胡椒豬肚雞燉湯 $64湯水盛滿燉盅，份量不算少，湯的顏色清澈少油，雖雞味不稱得上十分濃郁，勝在無腥味不會淡如水，白胡椒的辛辣感更添暖意湯料也很慷慨，可以作為一道菜拌飯吃加$12 配飯，想健康一點可以選紅米飯，紅米比例很多，不用擔心質感會很乾很硬難以下嚥，米飯煮得恰到好處，水量足夠，紅米不會過硬，與燉湯和湯料同吃，簡單滿足的健康晚餐最欣賞是餐廳的人情味，非繁忙時段會詢問吃完飯的客人要不要吃糖水，所謂物輕情意重，一碗小小的糖水卻能為人帶來溫暖和感動，何樂不為？

白菜豬肺湯- 湯清甜帶鹹香- 白菜乾清甜帶微微鹹香；豬肺切成小塊，腍滑沒什麼味道，蘸豉油吃添鹹香，若有鮮指天椒定更惹味；排骨極腍一夾即骨肉分離，軟骨一咬即化開且沒渣，討好；還有一件味道鹹鮮的鴨腎，更討好*寒雨天光顧，不慎遺下雨傘，老闆大衣也未及穿上，便急忙追出店外送傘，感激

以為差不多兩點半來到餐廳，午飯人流已散去，但原來好多人好似我食飯時間一樣彈性，餐廳內客人還是滿滿的。搭枱是指定動作，不過坐正正路口位的問題就是坐左幾分鐘張櫈已經比人踢了幾腳。  好彩剛巧有客人離開，我就立即轉位。點知被四眼女店員一聲呼喝：「你坐埋一邊」。無疑這個店員相當無禮貌，令客人感覺難受。 記得舊年和朋友來過晚飯¸感覺很不俗，和今次的經驗是兩碼子的事。時間兩點半，可以點岩岩開始的下午茶餐 $32套餐有 多士、煎蛋、火腿、焗豆配 細火腿通粉味道正正常常，我以為煎蛋是太陽蛋原來是將雞蛋薄煎成一片(可能是為了減成本) 。多士搽滿牛油, 微燶夠香脆。細火腿通粉的湯底如例水一樣無味，通粉太腍欠咬口。 熱奶茶味道有點像用茶包泡煮出來，茶香欠奉，亦略欠奶香滑感。 

由於好想飲豬肚湯，上次未到一點過嚟已經賣晒，所以未夠12點就嚟左，個湯足料好味，飲完出到成身汗，食埋渣都飽飽地，再配個蒜蓉蝦籠仔飯已經好滿足可惜食唔晒個飯唯有食晒啲蝦