Video
1-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
23366338
63823683 (WhatsApp)
Opening Hours
Today
11:00 - 22:30
Mon - Sun
11:00 - 22:30
Above information is for reference only. Please check details with the restaurant.
About Reward Scheme
Offers
早排響樓上妹記食完飯先發現落一層有另一間裝修甚有玩味性的大牌檔，充滿懷舊元素但又幾新潮，環境舒適好多。呢期餐廳搞緊High冧啤酒節活動，多個本地啤酒品牌買二送一（任選不同品牌口味都得，送價位較低者），有獅子山啤，香港啤酒公司，Heroes，Moonzen，少爺，蜜月等等超過30款選擇！① 孫悟空琥珀啤酒 $60② 玫瑰紅茶季節啤 $57③ 鹹檸啤 $51雖然唔鍾意劈酒狂隊啤，但同朋友吹水都會飲翻一兩杯。我試左孫悟空有啲桃味，唔會太甜，幾易入口。而鹹檸啤亦都溝得唔錯，飲落幾清新。食物方面有好多選擇，佐酒小食都唔少，串燒，滷味打冷，小炒，川菜等等真係一次試唔晒。④ 大廚脆皮鹹豬手 $168豬手件件都好厚切，啖啖肉又唔會太肥，加埋脆皮真係佐酒一流！點埋個黃芥末再提昇一個層次。⑤ 懷舊雞蛋焗魚腸 $98呢啲買少見少既懷舊菜，雞蛋唔會太老，魚腸魚膶分量多但不覺油膩，配飯好好味！⑥ 沙嗲金菇肥牛粉絲煲 $128又一個撈飯絕配，沙嗲汁夠濃，無論食粉絲定撈飯都咁正！如果天氣再凍，食呢煲一定暖入心，因為影完相食完碗飯，呢煲小菜仲係熱辣辣。
continue reading
去日本旅行返黎搵老友派下手信，加上小弟就黎生日老友話請我食飯，平時食飯大多數都係日本餐同西餐，咁日本返黎就當然唔食日本餐啦，網上見有介紹呢間係尖沙咀既室內大排檔好似幾多野食，環境都幾靚，就預先book位黎試下啦。坐底睇環境算幾大，都有d卡位坐到6人，位與位之間都有d距離唔會好迫，所以算幾舒服，我地3個人都安排坐到張6人卡位，所以都坐得舒服，睇下餐牌都有唔少款式小菜，仲有d串燒類，價錢都唔算好貴，落單係用QR code，我地就可以慢慢睇慢慢點。蒜蓉燒生蠔落單5分鐘左右就到了，上菜速度好快，食落口新鮮熱既，唔係整定，蠔都算幾肥美，蒜蓉量都唔少。雞泡魚乾平時日式居酒屋既佐酒小食，燒過既魚乾幾香口，係好似細塊左少少。滷水墨魚拼鵝腸墨魚口感唔錯，鵝腸腍左dd無平時滷水檔買既咁爽口，有兩大塊豆腐鋪底。大廚脆皮豬手豬手皮脆肉唔乾，成隻豬手份量唔少。串燒拼盤有扇貝有海蝦有燒白鱔，仲有豬牛雞各2串，扇貝好大隻，蒜蓉都足，如果再加少少粉絲就正啦，海蝦肉質好厚實，其中1隻硬左dd，2位老友都唔食蝦益晒我，燒白鱔皮脆肉嫩，仲加左少少燒汁，豬牛雞串燒就正常發揮無咩好講啦。避風塘白飯魚白飯魚都幾大條，炸得夠脆，送酒1流。蒜蓉燒茄子呢個茄子燒既火喉差少少，有d位未燒得夠熟略為難夾，調味係唔錯的。蒜蓉炒菜心呢個唔記得影相，菜心幾大條幾甜，炒得唔錯。整體上食物質素唔錯，環境都舒適，呢段時間訂位仲有85折，有機會可以再黎食，多謝2位老友請客。
continue reading
帶台灣嚟嘅朋友食吓香港地道菜式，一行7人揀咗呢間地點方便佢嘅餐廳。懷舊椒鹽炸鮮魷炸得好香口好脆，裏面嘅鮮魷仲好嫩滑，不過椒鹽味可以再重少少會更加惹味。秘製薑葱蠔煲味道都唔錯，蠔既份量係超級超級，多到食極都食唔晒嘅感覺。星洲炒米粉味道有啲奇怪，唔知係唔係落錯咗調味料，有一種好重嘅香料味，同平時食嘅星洲炒米味道好唔同。雙拼 滷水鵝肝拼鵝片味道唔錯，份量適中。乾炒豬頸肉河其中一個台灣朋友唔食牛肉，問侍應可唔可以轉其他肉，佢話可以轉肉片或者豬頸肉，我哋揀咗豬頸肉，味道唔錯，火候夠，炒得好味！椒腐通菜正常發揮秘製沙律醬燒骨呢個係全餐最好味嘅菜式，外面嘅醬甜甜酸酸好開胃，排骨外面炸得脆卜卜，裏面嘅肉仲係好嫩滑，建議一上枱要即刻食晒。沙嗲金菇肥牛粉絲煲味道一般，沙嗲味唔夠，肥牛偏細塊
continue reading
朋友聚會時，大家都會有唔同口味，所以揀呢間畀大家任君選擇🤣小菜，串燒，滷味乜都有😎🌱脆皮鹹豬手: 份量算多，皮脆肉厚，但有少少肥🌱生燒活白鱔: 有驚喜！肉質非常彈口兼厚身，皮燒到十分脆口，加上燒汁，非常惹味！推👍🏻🌱潮式滷水拼盤: 正常水準，腩肉勁肥… 豆腐墊底，入味程度唔太夠🌱蒜蓉燒茄子: 呢個又係幾出色！辣辣哋好惹味，如果配搭白飯係一流👍🏻🌱蒜蓉燒蠔: 蠔係新鮮多汁，配上大量嘅蒜蓉，無可厚非係抗拒唔到🤣🤣👍🏻🌱潮式蠔仔餅: 炸得脆口，可惜粉漿太多，蠔仔偏少，稍為遜色。 👉🏻溫馨提示: 燒生蠔做緊特價$16.8/ 只。飲品偏細杯，啤酒類好似較抵飲。晚市個場都頗多人，建議預先訂座。最值得係用膳時間無限時👍🏻
continue reading
想去大牌檔食下小炒，同朋友吹下水🗣️又怕坐室外天氣熱又怕衛生唔好，尖沙咀就有間樓上室內新式大牌檔港久新街，牆上色彩繽紛嘅字眼、圓枱、廚房位嘅街市檔口格局都充滿玩味🤪🤪大排檔經典小炒、海鮮、懷舊菜式呢度都有，仲有好多串燒款式🍢全部都好大碟，呢日我哋2個人叫咗5個菜式其實係4人份量🤰🏻建議多啲人嚟啤一啤再分甘同味。呢日見好多係成枱男人一齊圍爐🤣🤣🍗川味口水雞面頭好多蔥蒜，雞肉超級滑，醬汁微辣偏酸，好開胃😙😙🦴脆皮沙田燒乳鴿燒乳鴿亦充滿大排檔風味，食落好香口，肉質唔會太柴😛🦪潮式蠔仔餅大排檔必叫邪惡蠔餅😈蠔餅幾乎有2個人塊面咁大，一定要趁熱辣辣仲香脆嘅時候清晒佢。蠔餅炸得香脆，中間包裹住蠔肉嘅粉漿帶點蛋香。蠔仔份量好多，全部都大大粒好飽滿👍🏻👍🏻🫑豉椒炒蜆煎米粉底超多蜆，每粒都裹滿辣辣地好惹味嘅芡汁。底下仲創新地配以煎米粉底，夠晒飽肚。一邊飲嘢一邊係咁吮啲蜆都幾爽😎😎🍆蒜蓉燒茄子原條巨型燒茄子，鋪滿巨量蒜蓉好香口😙另外海鮮、肉類、蔬菜類嘅串燒款式都好齊全。🥤汽水汽水係玻璃樽裝，而家真係買少見少，夠晒懷舊👏🏻👏🏻人均消費：$250推介指數（10分為滿分）：8分
continue reading