協奏坊西餐廳

Sonata Western Restaurant
233
37
18
Exit B, Olympic MTR Station continue reading
All Branches (2)
Telephone
39198228
Introduction
Buffet with fair price and plenty of seafood. continue reading
Opening Hours
Today
06:30 - 23:00
Mon - Sun
06:30 - 23:00
Payment Methods
Visa Master Cash AE UnionPay WeChat Pay
Other Info
Online Reservation
Alcoholic Drinks
Phone Reservation
Reward Dining Points
Delivery
10% Service Charge
Restaurant Website
http://kowloon.rosedalehotels.com
About
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和半自助餐。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
About Reward Scheme
Review (324)
Level4 2019-11-07
2568 views
家人說很久沒有食自助餐了,提議這天來到協奏坊晚餐。我們訂了6:30pm,早了少許到達,還沒有開始buffet就影到一些還沒有開動的整齊食物相。可以開動了,先飲一碗青豆蓉餐湯暖暖胃。青豆蓉湯不會很濃,但有陣陣的豆味,不會很creamy,也食到少許豆蓉保留口感。冷盤先來點長腳蟹。一如既往,蟹腳新鮮肉質爽,溫度和鹹度適中,讓人一隻又一隻的拆殼繼續食 如果拿不到蟹腳不用擔心,餐廳會一直refill蟹腳,不吝嗇。第二轉再encore蟹腳,不會因為拿出來的先後或批次不同而令味道不同。藍青口有淡淡海水味,蜆肉質偏軟則普通。其他冷盤沙律方面,這裡會提供已經幫客人用醬汁拌好的生菜沙律。如果不喜歡,旁邊也有提供普通的生菜和其他醬汁選擇予客人自己拌。我取了些拌好的生菜沙律,沙律醬很多,蔬菜新鮮。另外有酸酸辣辣的牛肉粉絲沙律和龍蝦沙律,味道清新,後者就只有少量龍蝦了。一道我喜歡的冷盤就是意式茄子。烤過的茄子帶有香味,再製作成冷盤加上意式黑醋十分開胃,encore了好多遍!另外每人會奉送一碗喇沙龍蝦湯米。喇沙味道濃,麵吸收了味道也變得濃郁,食完都有點飽。龍蝦有半邊,卻沒有甚麼味道肉質也不算新鮮。這頓buffet都是主力食冷盤,不錯,而熱食就正正常常吧。甜品方面也有不少選擇。自助餐的冷盤贏了不少分數,$268的dinner buffet還有長腳蟹食,大家可試下 continue reading
(The above review is the personal opinion of a user which does not represent OpenRice's point of view.)
Level4 2019-10-30
1987 views
好朋友快將生日,很想找個地方和他慶祝。講真,平時 gathering 飯局諗去邊度食都已經好煩惱,更何況是好朋友生日,當然不可以馬虎了事!幸好早前有同事去完九龍珀麗酒店「協奏坊」食 buffet,話我知餐廳最近做緊以「滋味蟹宴」為主題的自助晚餐。友人向來勁 like 海鮮,尤其是對吃蟹更是趨之若鶩,所以便即時訂了座,一於以蟹會友。自助晚餐供應時間,由晚上 6:30pm - 9:30pm,到埗後,立即出去外面吧檯看看。先由我最愛的海鮮區出發,冰鎮海鮮共有 5 款式,包括麵包蟹、鱈場蟹腳、小龍蝦、海蝦及青口,全部都擺放得整齊有序。拿了一大碟埋位,咁多款海鮮之中,個人最欣賞就是麵包蟹,蟹肉結實清甜、蟹膏滿載;而蟹腳水準亦不俗,大大條、粗身多肉,鹹鮮十足。海鮮區隔離係沙律吧,內有多款現成沙律,當中包括有雜果沙律、烤南瓜藜麥沙律、天多利牛肉沙律、磨菇菠菜沙律、胡麻醬雞絲沙律、凱撒沙律、紅菜頭沙律等,陣容非常鼎盛。雜果沙律清新又開胃,十分討好;另外南瓜藜麥沙律亦是個人心水,南瓜的香甜加上營養豐富又美味的藜麥,令味道更上一層樓。刺身方面,選擇雖然不多,只有三文魚、吞拿魚同希靈魚三款,但整體質素唔錯,尤其是三文魚,非常鮮美,肉質細嫩,加上夠厚切,極具口感。刺身旁邊還有數款壽司可供選擇,不過由於想留肚吃熱盆,所以只是淺嚐了一兩件即止。至於熱盤方面,既然這晚的主題是「滋味蟹宴」,所以決定先攻幾款用蟹炮製的菜式。先嚐生滾蟹粥,粥底煲得綿密幼細,入口清甜順滑,盡是蟹的鮮味。另外意粉旁邊的蟹黃醬帶子意大利飯亦很值得推薦,每粒米飯都沾滿了濃郁的蟹黃醬,味道甘香豐腴,配上香煎帶子,鮮味無窮。這個北海道長腳蟹鍋,用料亦絕不欺場,最正當然是主角長腳蟹,肉質鮮嫩肥美,加上以高湯一起烹調,令蟹肉變得更香甜。另外呢款法式蟹肉薯餅亦絕對唔可以錯過,薯餅外層煎得非常香脆,內裡綿滑,食落不失薯味,加上每一口均滿佈絲絲鮮甜多汁的蟹肉,滋味倍增。至於其他熱盤就仲有四川酸菜煮魚、馬來咖喱海鮮、蝦餃、燒牛柳、牛仔腸肉、炭燒美國黑豚肉、滷水鴨件、鮑汁花膠炆鴨掌、蟹肉扒節瓜、金華火腿浸津白等。酸菜魚做得唔錯,入口酸辣醒胃,魚肉很好吃,肉質嫩滑,啲酸菜更係一絕,配合湯底,色香味俱全。友人愛吃香口之物,對吉列蠔和日式芝麻雞翼讚不絕口,兩款都新鮮即炸,前者蠔肉飽滿,入口酥化;而雞翼外皮亦炸至金黃,內裡雞肉雪白嫩滑,香口非常。另外和風豆腐牛肉鍋亦做得幾有水準, 牛肉雖然未至於入口即化,但肉質軟嫩,配上甜醬油湯底吃,食味不俗。又到甜品時間,如果鍾意食榴槤的朋友,就一定唔可以錯過呢款榴槤芝士流心撻,撻底熱辣辣,金黃香脆,而且咬下內裡的芝士還會流心,入口散發濃郁榴槤香味!至於其餘嘅甜品,款式就仲包括有:芒果椰汁西米露、芒果拿破崙、黃梅軟心芝士蛋糕、水蜜桃慕絲蛋糕、焗杏仁提子撻、士多啤梨橄欖油忌廉蛋糕、鮮果雜莓果凍、藍莓忌廉乳酪配蜂巢脆餅、啤梨慕絲配焦糖薄脆、椰香焦糖燉蛋、北海道 3.6 牛奶布甸、豆腐花等。橘子燉蛋朱古力慕絲蛋糕非常值得推薦,蛋糕用上巧古力薄脆作為底層,而朱古力慕絲外層則以橘子作點綴,入口清新甜美。另外,還有切件西瓜、菠蘿、哈密瓜、自製班戟、雪糕及多款雪條,每樣都試了一點,著實令人心花怒放。這頓自助餐吃得非常飽足,最開心就是友人很滿意我這次的安排,在此再次祝友人身體健康,越食越靚。如果大家想嚟食嘅話,建議最好 15 天前預訂,星期一至星期四成人每位只是 $268;長者及小童每位 $208,已包括加一服務費,真心抵食。 continue reading
(The above review is the personal opinion of a user which does not represent OpenRice's point of view.)
同屋企人之前食過,協奏坊西餐廳的自助晚餐真係好抵,於15天前預訂珀麗酒店自助餐, 成人優惠每位$268, 這個價錢就可以品嘗酒店級美食, 真是大飽口福 ! 餐廳環境寬敞 ,座位舒適整潔, 店員們服務態度一流, 添加食物和收碟的速度很快,還有要讚一讚餐廳門口有一部濕紙巾機, 非常方便客人。海鮮方面有凍蝦,長腳蟹,麵包蟹,蜆,青口和小龍蝦等等。刺身和壽司提供多款選擇,亦很新鮮甜美。 沙律區有六至七款, 每一款的沙律菜都很新鮮。熱盤有點心蝦餃, 粉麵,冬陰功海鮮,酸菜魚,鵝掌, 日式芝麻雞翼, 炸蠔, 牛肉,豚肉和香腸。 湯類有中式和西式選擇, 青紅蘿蔔湯和忌廉雜菌湯, 兩款味道各有特色。甜品種類很多,包括有榴槤流心芝士撻( 榴槤控必食,熱辣辣好好味), 芒果拿破崙餅, 意大利芝士蛋糕,法式焦糖燉蛋和啫喱等等,真是多不勝數。我最喜歡自助式班戟機, 只需等一分鐘,非常方便。 我自己D.I.Y了一款班戟加朱古力醬和雪糕, 非常好味。今次食得好開心又滿足, 因為是屋企人預早15日前訂枱的關係,就可以有預早優惠每位只需$268 (平日原價成人$398),大家一致認為協奏坊西餐廳是一間價錢經濟實惠又性價比超高的酒店自助餐。😍海鮮冷盤的長腳蟹, 味道鮮甜沒有雪味。 小龍蝦肉質新鮮, 肉質彈牙。 壽司和刺身有幾款選擇, 刺身三文魚和吞拿魚肥美鮮味。 熟食方面, 酸菜魚酸味適中啖啖肉好好味。 甜品我最喜歡榴槤芝士撻, 榴榴槤味香濃, 迷你的芝士撻一啖一個沒有膩的感覺。 還有豆腐花可以添加芋圓, 估唔到這裏做的芋圓質素幾好,口感煙韌, 豆腐花又滑又香。 continue reading
(The above review is the personal opinion of a user which does not represent OpenRice's point of view.)
Level4 2019-10-16
2036 views
秋天已悄悄的降臨正是我最喜歡吃的螃蟹亦壯大的日子,係時候跟牠親密蟹逅一次了!從來討我歡喜的九龍珀麗酒店內的協奏坊西餐廳,近日推出了滋味蟹宴海鮮自助晚餐還要超級抵食!我這個蟹迷當然要約埋好友一起去拆蟹吧! 這個滋味蟹宴海鮮自助晚餐有多抵吃先看看原價收費吧!星期一至四成人$398/位、長者及小童$268/位,星期五至日、公眾假期及其前夕成人$428/位、長者及小童$298/位。 不過我這個精明師奶梗係再食平DD啦!只要早15天前預訂星期一至四自助晚餐,收費只須成人$268/位、長者及小童$208/位還要免加一(供應至十二月),是否抵吃到不得了呢優惠卷按此。 這價錢真心抵但究竟又是否值回票價呢?那要跟車媽媽走一轉喇!打頭陣有冰鎮海鮮區一來就有麵包蟹、鱈場蟹腳蟹迷如我已經好滿意,另外還有新鮮的海蝦、青口、鮮蜆及小龍蝦,選擇不少而且質素尚佳喔! 冰鎮海鮮旁是沙律區內有多款混好的現成沙律,味道也多樣化最合我進行Buffet減肥法! 現成沙律有凱撒沙律、胡麻醬雞絲沙律、香芒龍蝦鮮果沙律、天多利牛肉沙律、磨菇菠菜沙律、烤南瓜藜麥沙律、紅菜頭沙律及新鮮沙律菜,還備有多款配菜及汁醬。 沙律則有餐包籃內亦有多款不同款式和口感的餐包,另備有忌廉野菌湯、南瓜湯兩款中西餐湯可配吃。 餐湯旁更有我喜歡吃的生滾蟹粥,內裡有不少鮮蟹很足料耶!加上花生、薄脆和蔥花真的不得了! 另外還有四川酸菜煮魚涼涼哋吃點辣辣的四川菜式暖在心中呢! 熱葷區內有各國美食供應喜歡什麼口味也有選啦!打頭陣有惹味的馬來咖喱海鮮、飽肚的有卡邦尼黑松露意粉、蟹皇醬帶子意大利飯,加上香口的法式蟹肉薯餅、燒牛柳、炭燒美國黑豚肉、和紐倫堡腸我滿意啊~ 而中式的美食包括有蝦餃、蟹肉扒節瓜、鮑汁花膠炆鴨掌、金華火腿浸津白、燒味拼盤,及日式的北海道長腳蟹鍋。 熱葷區後是日式美食專區供應著三款日式小食,有中華沙律、蒜味八爪魚及味附螺肉,三款也是我的*飛彿*。 而刺身則有希靈魚、吞拿魚、帶子、三文魚四款刺身,另外還有數款質素不俗的壽司、卷物等日式可供選擇。 而日式美食中也有熱騰騰的選擇!如材料豐富的和風豆腐牛肉鍋、必吃的香口的日式芝麻雞翼、和脆卜卜的吉列蠔。 鹹食告一段落是甜品出動的時候,甜品區麻雀須小但五臟俱全選擇真的不少喔! 先是兩款口味的雪糕有朱古力和士多啤梨,更連同多款配料可供配搭,如不愛吃雪糕也可以吃雪條啊!有牛奶布甸和香橙味兩款選擇。 生果選擇不多有三款包括哈密瓜、西瓜和我最愛的菠蘿,但已夠滿足我的生果需要!! 而精裝的小杯甜品則有啤梨慕絲配焦糖薄脆、藍莓忌廉乳酪配蜂巢脆餅、鮮果雜莓果凍、椰香焦糖燉蛋、北海道3.6牛奶布甸。 而且更有滑溜非常的豆腐花、和自助班戟機自製美味又獨特的個人化班戟。 原個蛋糕中有粉嫩的水蜜桃慕絲蛋糕、香口的焗杏仁提子撻、鹹香的黃梅軟心芝士蛋糕、酸甜的橘子燉蛋朱古力慕絲蛋糕、柔滑的士多啤梨橄欖油忌廉蛋糕、及最令我驚喜的榴槤芝士流心撻,最後還有鬆脆新鮮的芒果拿破崙、及自混的芒果椰汁西米露!! 而飲品則有自助咖啡機、熱紅茶、水、檸檬及冰水,全部也是任大家無限享用的。 但如果大家喜歡喝其它飲品可揀選升級餐飲無限放送只須$38/位起便可無限享用果汁、汽水、本地啤酒、紅白餐酒,少酒少甜的我還是享受不了這優惠還是乖乖喝水吧! 先來一碟生果是常識吧!西瓜多汁菠蘿香甜太好味了! 再來是沙律頭盤碟和冰鎮海鮮的出場! 沙律頭盤中款式很多我最喜歡紅菜頭沙律,另外三文魚刺身很鮮嫩,加上不錯的壽司吃得超開心。 然後到冰鎮海鮮碟不用問最吸睛的當然是爆膏的麵包蟹!膏香軟滑甘甜美味不已,其它的海鮮也是新鮮好吃。 好友是壽司王取來一碟專屬壽司!我笑說為何他那碟壽司這麼像玩具哈哈。 吃罷凍食來一碗熱辣辣的生滾蟹粥太合時宜了!粥底夠綿亦有海洋的味道皆因內裡有新鮮的花蟹,另外加點花生、薄脆和蔥花吃好滿足耶! 中、日熱葷中蝦餃挺有驚喜,皮爽餡足自助餐來說質素相當不俗,另外清香的蟹肉扒節瓜沒金華火腿浸津白也是我喜歡的口味,而中間那日式的北海道長腳蟹亦鮮香好吃呢! 到外國風味我最喜歡那日式芝麻雞翼,香口肉嫩味道很不俗,另外馬來咖喱海鮮夠惹味真想要碗白飯來欣賞!那其貌不揚的炭燒美國黑豚肉估不到又香又淋挺有驚喜呢 到甜品時間持著好友幫口那放肆點取來多款分享! 甜筒總是討人歡喜!自己加點心思創作出這可愛甜筒非賣品好有滿足感耶! 豆腐花是我自少也喜歡吃的甜品!尤記得小時候晚上會有人担著擔挑,揹上一大桶自製的豆腐花上樓賣,一聽見豆腐花三隻字即刻走入廚房取大湯碗去買,所以我對豆腐花很有情意結,這兒的出品很滑溜而且富豆香真的不錯啊! 還有多款蛋糕和我愛C的榴槤芝士流心撻,甜牙齒又那會不滿足吖!! 不過小杯甜品中的藍莓忌廉乳酪配蜂巢脆餅杯很出色,吸管中有藍莓汁吃時才唧下徒添果香,加上軟滑口感忍不住吃了兩口呢!總括來說以$268這價位吃這頓源源不絕的自助餐,蟹癡如我覺得非常抵食,如果您也是蟹粉絲也不要錯過喔! continue reading
(The above review is the personal opinion of a user which does not represent OpenRice's point of view.)
Level4 2019-10-03
3259 views
今時今日,$300內既價錢可以係酒店食到晚市buffet,真係買少見買。今次呢間酒店餐廳做緊芒果龍蝦主題,早15日預訂一口價都只需$268,價錢唔算貴,而且食評唔差,所以提前15日book左同屋企人試一試。凍海鮮有5款:蟹腳、麵包蟹、小龍蝦、凍蝦、凍蜆我地主攻蟹腳同麵包蟹,前者已經完全溶雪,肉質ok,海水味同蟹味比較淡,refill速度快,到完場都唔怕無得食。後者勁多膏,多到食一隻已經覺得滯(圖片中間果件就係蓋上既膏,好大舊)!! 由於出邊經常得番d蟹身係度,所以想食蓋既人會覺得refill速度慢。凍蝦就無乜蝦味,彈牙度亦一般;凍蜆完全無味;小龍蝦無試。沙律選擇好多,撈好既有5款,另外仲有少少沙律菜供客人自己撈。餐廳其中一款主打沙律係「香芒龍蝦鮮果沙律」,龍蝦肉比較少,芒果味亦唔算出眾,比較似雜果沙律,味道正常。我地試埋其他幾款沙律,整體味道都唔錯,d菜都新鮮爽口,而且瀝水瀝得好。日式corner提供4款刺身,包括帶子、三文魚、赤身吞拿魚、希靈魚,幾款刺身都稱唔上鮮甜;壽司、前菜小食,吉列炸蠔、芝麻雞翼。炸蠔雖然厚粉,但蠔唔算細,而且幾juicy;芝麻雞翼新鮮熱辣,外層香脆,肉質嫩滑,必食。湯品中西各一款,周打湯、雪耳海底椰湯。由於我唔好飲湯,所以無試到,口渴就飲奶茶、咖啡、檸茶、檸水。肉類方面,西式既代表有「炭燒美國黑豚肉」、「燒牛柳」;港式代表「燒味拼盤」,內有叉燒、燒鴨、燒排骨。黑豚肉調味唔錯,而且有少許炭燒味;牛柳燒得岩岩好,中間位肉質嫩口;大啡菇簡單調味,燒到好juicy;燒味拼盤中叉燒同排骨比較乾身,但燒鴨皮仲脆,而且好有油香~其他熟食仲有「鮑汁花膠炆鴨掌」、「黑松露忌廉意粉」、「意大利飯」、「和風豆腐牛肉鍋」、「酸菜魚」、「蟹肉扒節瓜」、蔬菜等。仲有一個明為「燒龍蝦尾喇沙米粉」corner,其特別之處,係無職員企位,要食就要自己落手落腳整,實行真正既「自助餐」!!~由於今個月係芒果主題,所以有唔少芒果為主既甜品:西式有「流心芒果芝士撻」、「芒果拿破菕」、「芒果千層蛋糕」、「芒果日式芝士蛋糕」、「芒果朱古力卷」,另外仲有Tiramisu、班蘭蛋糕、自製pancake、雪糕等;中式既有豆腐花、椰汁西米露、芋圓。咁多款甜品中最值得推介既有香濃既芒果芝士撻、油lulu既焦糖燉蛋、香濃軟綿綿既班蘭蛋糕、脆卜卜既拿破菕,而媽媽最中意滑溜既豆腐花同千層蛋糕。唔推薦既係無味又硬既芋圓、無蛋香既pancake、芒果味蓋過芝士味既日式芝士蛋糕。今晚全場大概8-9成滿,即使人多、小朋友多,但都唔會覺得好嘈吵;環境又唔會好迫好狹窄;食物選擇比想像中多,質素亦唔差,如果以$268呢個價錢,我覺得食得過。題外話:本人book枱時問左職員收費,佢覆我由於提早15日訂枱,所以價格係$268。結果,我地食完埋單先知因為第2日係假期,所以酒店只可以做到提前10日預計既優惠價(即$308)。當日仲有幾枱客人都有呢個情況,有部分客人指係openrice個網站見到promotion係寫$268,職員只能表示廣告出錯。我地仍然對此耿耿於懷…..😣 continue reading
(The above review is the personal opinion of a user which does not represent OpenRice's point of view.)