協奏坊西餐廳

Sonata Western Restaurant
180
34
17
Exit B, Olympic MTR Station continue reading
All Branches (2)
Telephone
39198228
Introduction
Buffet with fair price and plenty of seafood. continue reading
Opening Hours
Today
06:30 - 23:00
Mon - Sun
06:30 - 23:00
Payment Method
Visa Master AE Cash UnionPay
Other Info
Online Reservation
Alcoholic Drinks
Phone Reservation
Reward Dining Points
Delivery
10% Service Charge
Restaurant Website
http://kowloon.rosedalehotels.com
About
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和半自助餐。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
About Reward Scheme
Review (259)
好耐之前食過呢度嘅自助晚餐,真係好抵食,只係放題嘅價錢就得到酒店嘅享受。咁啱weekend想食自助午餐,諗起呢一間協奏坊,一問之下原來自助午餐只係$118,大小同價,工聯會會員仲有免+1優惠,可以由12點食到兩點半,真係超級抵,喺Facebook訂位好快又回復值得一讚!12點未夠就黎到,未可以開始食但係就可以坐低同周圍睇下先,其實環境好乾淨地方都好寬敞,因為唔滿座😂擺放食物的地方其實唔大,首先由熟食開始介紹。炸嘢有三款,炸雞超好食熱辣辣。仲有幾款唔同嘅熱盤,當日有朱肋骨,炆牛面肉,煎比目魚(推介),點心,福建炒飯同埋意粉。雖然選擇唔太多,不過全部都好味,緊有一款啱你食!當日仲有忌廉湯同埋中湯。酒店最搶眼嘅就係一個超大嘅沙律吧,真係黎食沙律都抵啦,仲要食材唔求其,有羽衣甘藍架,其他配料仲有蟹柳,鷹嘴豆等等,一啲都唔行貨。冷盤海鮮方面有青口同埋峴,都OK。刺身有三款,其實我淨係鍾意食三文魚,所以三文魚係新鮮嘅。去到甜品方面,又係覺得好驚喜。有椰汁糕桂花糕,涼粉,紫米露,生果,豆腐花等等,佢仲可以等你自己mix and match,仲有芋圓同珍珠係隔離等你自己加,自由度非常高。👍🏿另外仲有幾款唔同嘅蛋糕同埋pancake機,特別推介芝士蛋糕同埋焦糖布甸。飲品係任飲,有兩份果汁同埋奶茶咖啡檸茶。總括來講,真係放題都食唔到嘅價錢得到酒店嘅享受,食下沙律飲下果汁都抵,而且職員服務態度超好,收碟速度好快,同埋因為同行有小朋友,佢哋都好貼心。 continue reading
(The above review is the personal opinion of an user which does not represent OpenRice's point of view.)
Level4 2018-09-09
6733 views
餐廳提前15日預訂平日晚市自助餐就可以以$288/人埋單,因此我們早在八月已經訂座。餐廳環境不錯,乾淨俐落,服務員都好有禮貌,食物更新得頻繁,雖然唔係好高級,但都似酒店用餐的感覺。用facebook讚好可以贈飲凍金柑橘檸檬蜜,有少少薄荷葉清涼開胃,酸甜程度剛剛好。人均一份的原隻冰鎮日式璣煮鮑魚會首先上枱,鮮鮑魚都幾大隻,厚肉爽口彈牙好入味,而且腸臟個d全部已經清理好,好乾淨。海鮮區有青口,蜆,海蝦,小龍蝦同長腳蟹麵包蟹,幾種海鮮都算新鮮,我自己就食蟹食得最多。旁邊仲有一杯杯沙律,方便懶人食客直接拎返自己位食。蟹腳好多肉,又方便食,就咁剪開兩邊,成條蟹柳就出左黎,蟹肉鮮甜唔散,咸咸地食唔停。蟹蓋仲正,啲膏多到爆炸,啖啖甘香好滿足,如果唔係怕膽固醇過高同埋肥,應該會食到飽為止。隔壁的沙律吧主要有沙律菜同羽衣甘藍做base, 菜都幾新鮮,3款基本沙律醬都夠滿足不同的需要。今次餐廳主題為味歷亞洲,顧名思義有多種亞洲熱食,韓國區有八爪魚沙律,韓國年糕,炸雞,煎餅等。個人最鍾意八爪魚沙律,彈彈的章魚配上泡菜青瓜別有一番風味。泰國區有烏頭魚,豬肉生菜包,龍蝦冬陰公湯,鳳爪等。龍蝦冬陰公湯都幾有創意,第一次見人咁樣整。日本區主要有壽司刺身同炸物,芝士牛肉卷用匙羹裝住好的骰,味道都唔錯,芝士同牛肉好香好夾。涼拌小吃包括帶子裙邊,八爪魚,螺肉,每樣食少少都好夠喉。刺身主要有三款,三文魚,吞拿魚同希靈魚。服務員職場切俾你,每一件都切得幾厚身,三文魚厚同肥美。壽司就係師傅即興整,唔算特別多款,但係基本款都有,不時會更新,唔怕無得食。中菜包括炒飯津白叉燒蝦餃等等,好多種類多到食唔晒,肉鬆皮蛋豆腐好好食,豆腐好滑皮蛋好香,作為前菜會想食多兩碟。特色之一係即叫即整的喇沙麵,師傅即場淥麵,喇沙湯底好香椰奶味,麵質好滑,雖然好飽肚但係都值得一試。食飽飽就輪到第二個胃,甜品種類都算多,每件細細件試多幾款都有quota。必試芒果椰汁糯米布丁,芒果甜,糯米布丁好濃椰奶味,果味奶味比起甜味更重,encore都可以。朱古力撻都好香濃朱古力味,又唔會太甜。整體來說甜品都唔錯,唔會過甜,食一啖就唔想食。近尾聲的時候店員過來提醒我們有新鮮的梳乎厘食,綠綠地色應該係斑蘭味,表面少少脆,裏面好有空氣感,熱辣辣新鮮食係唔同啲。餐廳仲有自助pancake機,太飽無食到,但係睇落幾方便。自己勺的雪糕係movenpick!! 有雪條都冇食到,朱古力味的movenpick好濃朱古力味,濃而不過甜,仲有好多朱古力碎,好有口感。 continue reading
(The above review is the personal opinion of an user which does not represent OpenRice's point of view.)
Level4 2018-08-30
5108 views
因為朋友生日想請佢食飯,之前問過其他朋友有咩餐廳介紹,就介紹左哩間buffet比我,價錢抵食而且質素不錯,就一於同朋友去試下,但發生左一d小插曲,忘記左book枱,好彩去到職員話有位,我地可能太早到,當時食客唔多,buffet亦都未開始。Buffet開始了,每位客人都會送一隻冰鎮磯煮鮑魚,口感煙煙韌韌岩岩好,好正,唔會煮得太耐而太過韌,而我朋友就出去拎左刺身返黎,刺身有三款選擇:三文魚,吞拿魚,希靈魚,三文魚好多油份,好新鮮!跟住當然去海鮮區,有7種食物可以選擇,蟹蓋膏係必食,我食左幾個蟹蓋,蟹腳其實都好鮮甜,不過食起上黎會有少少論盡,食完要洗手。熟食先去左韓泰區,鳳爪好大隻好厚肉,帶微酸辣,生菜包聞到香料已經好香,一樣有點微辣,仲有個冬陰公湯好好飲,值得一試。中式熟食居然有蝦餃,皮簿餡靚,唔會乾真真,仲有東坡肉,都係我至愛。哩個火腿凱撒沙律好好味,食完鹹味既火腿,再食返d疏菜中和返,咁就唔怕食得太膩,如果火腿切大片d就更好。最後食甜品,有M字牌既雪糕,平時在街買一杯都好貴,哩到有得任食梗係食返夠本,有3款口味: 奶凍,士多啤梨,焦糖。豆腐花旁邊有芋圓可以加,夾埋一齊食都幾特別。相中4款甜品右下角係麵包布甸最出色,面層焦糖甜甜地脆脆地,裏面軟綿綿。服務方面,職員人數多,收碟速度好快,而且好有禮貌,就算碟上是淨返湯汁或者食物既殼,都會先問左客人收唔收得隻碟,佢先會收。環境方面,燈光光猛,之後就算每枱都坐滿客人,通道亦唔會好迫。價錢方面,因為我是同朋友閒日慶祝生日,價錢$368一位(未計加一),以酒店buffet黎講好抵食。總括來說,以哩個價錢可以食到酒店級水準食物,絕對物有所值,下次其他朋友生日我都帶佢黎一嚐滋味。 continue reading
(The above review is the personal opinion of an user which does not represent OpenRice's point of view.)
Level4 2018-08-22
3840 views
想平平地食個自助餐,揀左嚟呢間酒店,我地大半個月前已經訂位,因為用Coupon之後只係$288,家人享有長者價(60歲以上就當長者喇)仲只係$208,個價錢已經包左加一。睇過啲食評都唔錯,但唔會期望太高,畢竟只係二百幾蚊。上嚟二樓,環境舒適,用白色為主調,我最鍾意就係白色架喇,令到個環境感覺倍大。每人送一客嘅冰鎮日式璣煮鮑魚,冰涼多汁又彈牙,唔會韌,作為第一道菜,so good~自動濕紙巾機放左喺近門口位置,可以自己去攞,好方便。清潔完就開動~~刺身只有三款,味道唔錯,問姐姐可唔可以俾三文魚腩我,hehe,成功,厚切,好美味!凍海鮮方面有青口、麵包蟹、蜆、海蝦、小龍蝦、長腳蟹,麵包蟹竟然有蟹膏,比較少食到;長腳蟹多肉,但都幾咸吓。最重要係全晚不斷REFILL,長食長有,唔駛爭。寫住係中式老火湯,但味道似羅宋湯,好奇怪囉。中式點心有蝦餃,都幾晶瑩剔透,蝦肉夠爽口。照燒牛肉芝士卷味道唔錯,可惜係凍嘅,如果用火槍燒熱佢,令牛油味更出,芝士半溶,咁就更好食。燒鴨、叉燒都係過瘦,外皮亦唔夠香。仲有其他野食:MOVENPICK雪糕任食,記住加埋脆脆雪糕筒。甜品選擇唔少,我最鐘意係Tiramisu,朱古力味濃,咖啡味亦濃。普通熱飲都有:成為粉絲,就會有杯特飲添。但我鍾情咖啡,咖啡機可以揀即磨咖啡或者Cappuccino,當然要嘆返杯啦。二百幾蚊咁唔錯嘅質素,算係咁啦,好評! continue reading
(The above review is the personal opinion of an user which does not represent OpenRice's point of view.)
Level4 2018-08-20
3928 views
朋友生日一於同佢食餐buffet慶祝下呢間酒店既buffet 唔洗$300有找,都真係幾抵食每人會有一碟冰鎮鮑魚送鮑魚夠哂鮮味海鮮方面有長腳蟹,蝦,蜆,小龍蝦,扇貝Refill速度都幾快長腳蟹稍嫌有點鹹但肉質是ok的蜆夠鮮味熟食方面今次主題係亞洲海鮮,有好多個亞洲地區的代表美食,例如有韓國既泡菜煎餅,泰國既酸辣鳳爪,新加坡既喇沙等等雲吞雞有原隻雞落去煲,湯好甜,雞肉質鮮嫩,refill都幾快各款壽司同刺身刺身都算新鮮,三文魚夠肥美,油脂分佈剛好凱薩沙拉🥗呢杯沙律確係唔錯一杯杯咁分好,麵包粒好脆菜都夠新鮮即製喇沙呢個喇沙唔太辣岩哂我雖然唔辣但係喇沙味好夠濃麵係即淥,配上蝦同魚片等配料一流豆腐花豆腐花好滑呢度最特別既就係有各種味既芋圓同珍珠配料可以自己加芋圓煙煙韌韌咁好食Movenpick雪糕係我最鍾意既焦糖燉蛋味呀仲有筒裝食 好脆好正 continue reading
(The above review is the personal opinion of an user which does not represent OpenRice's point of view.)