協奏坊西餐廳

Sonata Western Restaurant
229
37
18
Exit B, Olympic MTR Station continue reading
All Branches (2)
Telephone
39198228
Introduction
Buffet with fair price and plenty of seafood. continue reading
Opening Hours
Today
06:30 - 23:00
Mon - Sun
06:30 - 23:00
Payment Methods
Visa Master Cash AE UnionPay WeChat Pay
Other Info
Online Reservation
Alcoholic Drinks
Phone Reservation
Reward Dining Points
Delivery
10% Service Charge
Restaurant Website
http://kowloon.rosedalehotels.com
About
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和半自助餐。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
About Reward Scheme
Review (320)
Level4 2019-10-03
893 views
今時今日,$300內既價錢可以係酒店食到晚市buffet,真係買少見買。今次呢間酒店餐廳做緊芒果龍蝦主題,早15日預訂一口價都只需$268,價錢唔算貴,而且食評唔差,所以提前15日book左同屋企人試一試。凍海鮮有5款:蟹腳、麵包蟹、小龍蝦、凍蝦、凍蜆我地主攻蟹腳同麵包蟹,前者已經完全溶雪,肉質ok,海水味同蟹味比較淡,refill速度快,到完場都唔怕無得食。後者勁多膏,多到食一隻已經覺得滯(圖片中間果件就係蓋上既膏,好大舊)!! 由於出邊經常得番d蟹身係度,所以想食蓋既人會覺得refill速度慢。凍蝦就無乜蝦味,彈牙度亦一般;凍蜆完全無味;小龍蝦無試。沙律選擇好多,撈好既有5款,另外仲有少少沙律菜供客人自己撈。餐廳其中一款主打沙律係「香芒龍蝦鮮果沙律」,龍蝦肉比較少,芒果味亦唔算出眾,比較似雜果沙律,味道正常。我地試埋其他幾款沙律,整體味道都唔錯,d菜都新鮮爽口,而且瀝水瀝得好。日式corner提供4款刺身,包括帶子、三文魚、赤身吞拿魚、希靈魚,幾款刺身都稱唔上鮮甜;壽司、前菜小食,吉列炸蠔、芝麻雞翼。炸蠔雖然厚粉,但蠔唔算細,而且幾juicy;芝麻雞翼新鮮熱辣,外層香脆,肉質嫩滑,必食。湯品中西各一款,周打湯、雪耳海底椰湯。由於我唔好飲湯,所以無試到,口渴就飲奶茶、咖啡、檸茶、檸水。肉類方面,西式既代表有「炭燒美國黑豚肉」、「燒牛柳」;港式代表「燒味拼盤」,內有叉燒、燒鴨、燒排骨。黑豚肉調味唔錯,而且有少許炭燒味;牛柳燒得岩岩好,中間位肉質嫩口;大啡菇簡單調味,燒到好juicy;燒味拼盤中叉燒同排骨比較乾身,但燒鴨皮仲脆,而且好有油香~其他熟食仲有「鮑汁花膠炆鴨掌」、「黑松露忌廉意粉」、「意大利飯」、「和風豆腐牛肉鍋」、「酸菜魚」、「蟹肉扒節瓜」、蔬菜等。仲有一個明為「燒龍蝦尾喇沙米粉」corner,其特別之處,係無職員企位,要食就要自己落手落腳整,實行真正既「自助餐」!!~由於今個月係芒果主題,所以有唔少芒果為主既甜品:西式有「流心芒果芝士撻」、「芒果拿破菕」、「芒果千層蛋糕」、「芒果日式芝士蛋糕」、「芒果朱古力卷」,另外仲有Tiramisu、班蘭蛋糕、自製pancake、雪糕等;中式既有豆腐花、椰汁西米露、芋圓。咁多款甜品中最值得推介既有香濃既芒果芝士撻、油lulu既焦糖燉蛋、香濃軟綿綿既班蘭蛋糕、脆卜卜既拿破菕,而媽媽最中意滑溜既豆腐花同千層蛋糕。唔推薦既係無味又硬既芋圓、無蛋香既pancake、芒果味蓋過芝士味既日式芝士蛋糕。今晚全場大概8-9成滿,即使人多、小朋友多,但都唔會覺得好嘈吵;環境又唔會好迫好狹窄;食物選擇比想像中多,質素亦唔差,如果以$268呢個價錢,我覺得食得過。題外話:本人book枱時問左職員收費,佢覆我由於提早15日訂枱,所以價格係$268。結果,我地食完埋單先知因為第2日係假期,所以酒店只可以做到提前10日預計既優惠價(即$308)。當日仲有幾枱客人都有呢個情況,有部分客人指係openrice個網站見到promotion係寫$268,職員只能表示廣告出錯。我地仍然對此耿耿於懷…..😣 continue reading
(The above review is the personal opinion of a user which does not represent OpenRice's point of view.)
來到9月尾,已經感到點點的秋意,上星期我就來到九龍珀麗酒店協奏坊西餐廳品嚐「夏日盛宴」海鮮自助晚餐,捉緊夏天最後的尾巴。餐廳環境寬敞,樓底夠高,充滿空間感,坐得舒服自在,店員勤快收碟執拾,食物refill 速度亦夠快。冰鎮海鮮盤源源奉上鱈場蟹腳、麵包蟹、藍青口、小龍蝦及凍蝦等,選擇豐富。香港人吃buffet 最在意就是要吃到回本,於15天前預訂九龍珀麗酒店buffet,成人優惠價每位$268,價錢經濟實惠,回本之餘又可食盡海上鮮,海鮮控必能大飽口福。要數必吃的話當然是麵包蟹,蟹蓋儲滿豐富的蟹膏,甘香軟滑。魚生刺身即叫即切,肉質油潤而軟滑,帶出鮮甜的魚味。還有多款壽司選擇。冬瓜盅夏天正值冬瓜當造季節,渾圓厚肉又多汁,而且在高溫酷熱的天氣下,來一碗消暑湯品清熱祛濕就最合時。湯頭清澈沒甚麼浮油,而且調味比較輕手,味道份外清甜。泰式烏頭配搭辣椒、芫荽及青檸等多種香料,帶出烏頭本身的鮮香。烤肉則有牛肉、豚肉及香腸可選,滿足各食肉獸。雞骨腸以豬肉製成香腸,再連接著一根雞骨,一咬開腸衣就爆出肉汁。日式芝麻雞翼芝麻雞翼外皮炸得夠香口,大隻厚肉,肉質嫩滑。炸物之中,炸薯絲蝦亦是值得推介,以馬鈴薯切絲代替厚厚的炸漿,入口更加脆卜卜,包裹裡彈牙的蝦肉。青咖喱雞以大量椰漿和椰奶煮香的青咖喱,辣度不高,不會過於油膩或重口味。新加玻黃咖喱青口青口吸滿濃濃咖哩汁,夠入味之餘,也不會太辣,連我這種吃不了辣的人都覺得容易入口。喇沙湯米粉伴龍蝦尾湯底先用上蝦殼、乾蔥、香茅、馬拉盞、辣椒等香料慢火炒香,加入椰汁熬製而成,伴以炭燒龍蝦尾,滲出陣陣椰香和微微辣勁。吃完這麼多肉食之後,也可吃點沙律平衡一下,款式亦算多選擇。龍蝦芒果沙律選用彈牙爽口的波士頓龍蝦,配上芒果及多款鮮果,色彩繽紛,以鮮爽味道把味蕾喚醒。胡麻醬雞絲沙律胡麻醬充滿濃濃的麻香,芝麻味惹味濃郁,特別醒神開胃。甜品款式不少,當中多款甜品均以芒果為主題,包括芒果流心芝士撻、芒果木糠布甸、芒果拿破崙餅、班蘭椰汁香芒糯米飯等等。蛋糕款式有意大利芝士蛋糕、芒果忌廉班蘭戚風蛋糕、芒果千層班戟蛋糕、日式芒果芝士蛋糕、芒果忌廉黑森林卷,肯定可滿足各芒果迷。雖然已經吃到十成飽,不過吃甜品的又是另一個胃 芒果拿破崙餅一層疊一層的拿破崙酥皮香脆中滲出輕盈的牛油香,再加上「樹上熟」的鮮甜芒果肉和香滑的吉士忌廉,充滿層次的滋味在嘴裏一次綻放。芒果流心芝士撻一口一個熱烘烘,以忌廉芝士製成的餡漿夠creamy,芝士味甜中帶酸香,芝味滿瀉。伯爵茶法式焦糖燉蛋焦糖糖衣燒得香脆,下層的燉蛋入口綿柔,滲出含蓄的伯爵茶香。芒果木糠布甸將脆口餅乾碎混入彈滑的芒果布甸,滿口都是芒果的香甜。設有自助班戟機,只需按個掣就有新鮮班戟出爐,可以加入不同配料D.I.Y一下。最後吃得再飽也不要忘了任食雪糕啊!吃到中途時還有芒果估重量活動,有得食又有得玩,只要估得最接近芒果重量的食客,便可獲得免費自助餐卷乙張。 continue reading
(The above review is the personal opinion of a user which does not represent OpenRice's point of view.)
Level4 2019-09-20
1617 views
2019年9月18日 星期三終於黎到一星期既一半,辛苦左幾日,當然要同女朋友食返餐好既,我一早已經訂左呢間酒店嘅自助餐buffet,網上睇落去價錢好似幾經濟,又有長腳蟹食,心諗可以一試無妨由於我哋早左開始時間到,所以客人當時唔算太多,空間感都幾大,仲見到有大枱添我哋今晚食嘅就係呢個夏日盛宴,加埋一每人$300都唔洗一去到食物區就見到好多唔同種類既海鮮,當中長腳蟹條條都好大,拆開有好多海水而且肉質好厚實。麵包蟹就有勁多蟹膏,食到好滿足。至於蝦係咁多海鮮我覺得最好既,蝦肉夠彈牙得黎又易拆殼沙律都有好多個選擇,而且仲可以自選唔同嘅醬汁,我最鍾意嘅胡麻醬啊!!估唔到自助餐都有冬瓜盅食,好有老火湯嘅感覺,裡面都幾足料同場仲有印度薄餅同蝦片可以點青咖哩添!!黎到自助餐當然唔少得有炸物,今次有炸芝麻雞翼同炸龍蝦丸,炸得好香口刺身方面有幾款,分別係三文魚、吞拿魚、帆立貝等等,厚切得黎都幾新鮮甜品方面主要係以芒果做主題,最鍾意係芒果拿破崙,酥皮做得好出色,芒果肉酸酸甜甜,好有清新嘅感覺仲有芒果糯米飯同豆腐花可以食,豆腐花可以配上唔同顏色既芋圓,煙煙銀銀,食得好滿足 continue reading
(The above review is the personal opinion of a user which does not represent OpenRice's point of view.)
如果我告訴你,只需 $268/位(免加一,正價$398/位)便可在一間環境舒適的酒店餐廳內享用到一頓食物質素不俗,食物選擇也不太少的自助晚餐,你會否很有興趣呢?沒騙你,以這價錢的確可以吃到一頓足以讓你捧腹而回,而且應該感到滿意的酒店自助晚餐,地點就在大角咀九龍珀麗酒店內的「協奏坊西餐廳」。雖然可以得到這個「超筍」優惠價錢的大前提是要在星期一至四的晚上光顧,而且要在15天前預訂才可以享受到,但假如一早已決定吃自助餐,那麼就算要在十多日前便預訂又有何妨?更何況這「夏日盛宴」自助晚餐的確是價廉味美呢!比正式開餐時間晚上六時三十分早了點來到餐廳,見未正式開始,就先巡迴一周,看看有甚麼特別吸引的菜式,鎖定目標,準時出擊。法定時間到了,這天我最早拿取的,不是慣常的凍海鮮或刺身,而是夏日消暑的妙品,也是我的夏日最愛之一的「冬瓜盅」。雖然這自助晚餐沒有足料名貴的「老火燉湯」供應,但真材實料,味美清甜的「冬瓜盅」,已足可彌補這方面的少許遺憾,在連盡兩碗之後,讓我心滿意足。饞嘴貓最愛吃魚,這自助餐沒有中式蒸海鮮,但有「泰式蒸烏頭」代替,我這個愛吃魚的饞嘴貓,就來回了兩轉,把不少烏頭魚肉送進嘴巴。「法式紅酒燴牛尾」的牛尾肉厚而腍,而且富膠質,濃味的紅酒醬汁與牛尾是天作之合,也是一道討人喜歡的菜式。至於滑溜溜的「皇帝蟹腳蒸蛋白」與汁液澎湃的「香草炒雜菌」同樣值得一試。愛吃燒肉的話,這兒有「燒西冷牛扒」、「燒豚肉」、「燒牛仔腸」和「燒法蘭克福腸」,不愁沒有選擇。這自助餐雖然沒有生蠔,但各款凍海鮮,好像「麵包蟹」、「長腳蟹爪」、「龍蝦仔」、「青口」、「凍蝦」、「蜆」等,都新鮮甜美,特別是那些膏多有肉的「麵包蟹」,更是我的心水之選。至於刺身方面,這兒的選擇雖然較少,只得三文魚、吞拿魚、希靈魚和每位客人每次只可拿取兩件的「北海道帶子刺身」,但各款刺身都相當新鮮,質素不差。想吃點熱騰騰的東西嗎?一碗香噴噴,熱辣辣的「燒龍蝦尾喇沙米粉」為味蕾帶來刺激的香辣感,應該滿足到你吧!各款沙律中,我最愛的要算是「龍蝦芒果沙律」和「胡麻醬雞絲沙律」,兩者都十分開胃。這自助晚餐的甜品以芒果為主,各式芒果甜品種類非常的多,絕對可以用陣容鼎盛來形容。「芒果千層班戟蛋糕 」、「芒果忌廉班蘭戚風蛋糕」、「日式芒果芝士蛋糕」、「芒果拿破侖」、「芒果忌廉黑森林卷」、「芒果流心芝士撻」、「芒果木糠布甸」、「伯爵茶法式焦糖燉蛋」、「班蘭椰汁香芒糯米飯 」、「芒果椰汁西米露」......把人看得眼花繚亂,一時間都不知先吃哪些才好。這些賣相精緻吸引的芒果甜品,我雖然沒有每款都吃,也吃了一大半,當中我覺得「芒果千層班戟蛋糕 」與「芒果流心芝士撻」最好,而「班蘭椰汁香芒糯米飯 」就較為令我失望。除了各式芒果甜品外,酸滋滋,極開胃的「紅桑子青檸啫喱」我也甚為喜歡,此外,這兒的「自助班戟」也不妨一試。在這兒吃自助餐,還有幸運抽獎呢!前來光顧的食客只要猜中餐廳內一盤芒果連同碟子的重量,並且填在餐廳提供的紙張上再交給侍應,來到自助餐的尾聲,侍應便會在食客面前量度重量,猜中或猜得最接近實際重量的食客,便可以獲贈酒店製作的中秋月餅,我雖然沒有得獎,也替得獎的幸運兒高興。其實,這間酒店餐廳,我以往也曾與朋友、同事們來過噉自助午餐,印象都不錯,不過這次的自助晚餐,菜式選擇多了,而且性價比也更高,著實令人喜出望外。雖然今時今日的香港動盪不安,飲食業即使還未算步入寒冬,西北風早已來襲,但即使在平日晚上,在大角咀這個沒有地鐵站,最近的地鐵站已是奧運站的地區,這餐廳內仍然高朋滿座,坐上接近九成滿的客人,可真是不無道理的。 continue reading
(The above review is the personal opinion of a user which does not represent OpenRice's point of view.)
Level4 2019-08-20
3075 views
<夏日盛宴>搜羅多款海鮮及芒果主題的甜品,為我們掀開仲夏之旅。提高15日前訂位,更以優惠價$268享用,是多麼的吸引!鮮味停不了,吧枱上有小龍蝦、麵包蟹、鱈場蟹腳、藍青口和大蝦等,令人食指大動。長蟹腳用較剪剪開,見到一絲絲蟹肉,肉質潔白,鮮甜細嫰。打開麵包蟹蟹蓋,以匙羹品嚐蟹膏,啖啖甘甜。藍青口大顆圓潤,口感爽滑。櫻花蝦烏冬充滿日式風情,倒入淡口醬油,蝦粒脆口,烏冬滑身,令人涼浸浸。喜歡龍蝦芒果沙律,鮮甜雜果混合龍蝦肉,入口彈牙,芒果肉令味道更refresh! 另外還有多款沙律:芝麻醬雞絲沙律、泰式牛肉沙律、凱撒沙律等,展開滋味開端。壽司及刺身種類不算多,但師傅refill速度快,我可以狂吃三文魚、吞拿魚、帶子及喜靈魚刺身。食完冷盤想吃熱葷,有熱辣辣冬瓜盅,充滿海鮮配料,十分鮮甜。蟹肉蒸蛋白入口柔嫩,蟹的鮮甜滲進蛋白中,入口順滑。熱食當中,我最喜歡紅酒燉牛尾,肉質軟腍,香氣撲鼻,香濃肉香在口腔慢慢散發。龍蝦汁蟹肉扁意粉彈牙煙韌,每條掛滿輕柔龍蝦汁,啖啖鮮香。還有日式三文魚炒飯、櫻花蝦炒野菜及泰式烏頭等。青咖哩雞及黃咖哩青口,帶九層塔香味,淡淡香辣,把蒜蓉包、炒蝦片沾上咖哩汁,十分惹味。燒肉區有法式煙鴨胸、燒西冷牛扒,粉嫰色肉質,配上燒汁,肉香惹味。燒龍蝦尾喇沙米粉洋溢蝦味和咖哩香,濃厚之餘,不會過膩,加上豆腐卜吸嗦,更加吸引。炸物有越式網紙春卷及炸薯絲蝦等,炸蝦香脆可口,厚薄有致的薯絲包著彈牙蝦肉,沾滿沙律醬,十分滋味! 甜品款式很多,芒果拿破崙、芒果芝士蛋糕、芒果千層班戟、芒果斑蘭戚風蛋糕、椰汁芒果糯米飯等,令人目不暇給。芒果拿破崙夾合奶滑吉士醬,入口清脆,啖啖沁出牛油香。芒果芝士蛋糕口味紮實而偏重,芝味濃郁,順口綿密,十分窩心。最邪惡是芒果流心芝士撻,一咬開酥脆餅皮,滑溜芝士傾瀉而出,誘惑味蕾。3.6牛奶布甸奶味迫人,濃郁的奶香,每啖滑不溜口。山水豆腐花熱燙,自由添配芋圓、地瓜圓,使滑嫰中提升口感,還有果汁爆珠,是嗜甜者之選。最過癮是自助班戟機,按鈕後一分鐘便有一塊圓圓的pancake,再吱上楓糖、草莓及藍莓醬調味,新奇又好玩。最後是任食Movenpick雪糕,有雲喱嗱、法式燉蛋及意式奶涷多款口味,跟據愛好,倒上棉花糖、脆片、朱古力粒的toppings,意式奶涷口味,奶味特濃,洋溢乳酪香,是今餐的完美句號。 continue reading
(The above review is the personal opinion of a user which does not represent OpenRice's point of view.)