協奏坊西餐廳

Sonata Western Restaurant
198
35
17
Exit B, Olympic MTR Station continue reading
All Branches (2)
Telephone
39198228
Introduction
Buffet with fair price and plenty of seafood. continue reading
Opening Hours
Today
06:30 - 23:00
Mon - Sun
06:30 - 23:00
Payment Method
Visa Master Cash AE UnionPay
Other Info
Online Reservation
Alcoholic Drinks
Phone Reservation
Reward Dining Points
Delivery
10% Service Charge
Restaurant Website
http://kowloon.rosedalehotels.com
About
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和半自助餐。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
About Reward Scheme
Review (281)
Level4 2019-03-17
5 views
約咗舊同事食生日飯,由於佢要早啲番屋企湊細路,於是我地就約喺佢屋企附近食。大角咀而家有各式各樣嘅不同食肆,細看之下,原來連酒店buffet都有,慶生食buffet都係一個不錯嘅選擇👍九龍珀麗酒店嘅協奏坊西餐廳而家做緊"戀上法日海鮮自助晚餐"主題,平日自助晚餐HKD398一位,週末HKD428一位,但而家做緊早鳥優惠! 提早十日訂枱只係需要HKD298一位咋!餐廳環境唔錯,空間大,樓底高,坐得舒適,傾計一流,仲有電視睇添。香芒龍蝦沙律,啖啖鮮果同龍蝦肉,開胃好味!冷盤海鮮種類多,有蝦,蜆,青口,蟹,長腳蟹,龍蝦仔,款款新鮮!各種不同嘅新鮮沙律,望落每款都新鮮好吸引,仲有生果同埋各款焗酥皮小食。喜馬拉雅山鹽板燒,有薄切牛肉同牛舌,即叫即燒🤤紅酒燴牛面肉,三文魚頭麵豉鍋,熱辣辣味道唔錯。仲有台式百香果蜜桃茶,可以自己調配彩色椰果粒粒。多款壽司任君選擇。仲有個鵝肝煎得外脆內軟油香十足,好味推介👍🏻熱盤選擇亦都唔少,當中我最鍾意食清酒煮蜆,同長通粉😍有沖繩苦瓜炒蛋,日式芝麻雞翼,雞骨腸。除咗有西式甜品,仲有芋圓,豆腐花食。自助pancake機,各款蛋糕果撻,仲有Movenpick,真係一次過滿足多個願望👍🏻 continue reading
(The above review is the personal opinion of an user which does not represent OpenRice's point of view.)
Level4 2019-02-18
2221 views
情人節過後第三日揀咗呢間餐廳補祝,浪漫氣氛就唔會有㗎喇,不過餐廳嘅裝飾就充滿新年氣氛。餐廳唔太大,簡單嘅設計,唔會太逼,空間感唔錯。服務方面職員人手幾充足,收碟快,有禮,而且自助區嘅碟拎上手仲係熱同辣手,感覺乾淨。雖然地點唔太就腳,食物款式唔多,但味道都可以,質素平均,價錢方面真係抵,早15日訂座,每位可享$298嘅優惠,三百蚊唔使,不過冷氣好大全程都好凍。海鮮吧有麵包蟹,蟹腳,龍蝦仔,青口,蜆,蝦。麵包蟹質素係少有嘅好,啲膏同蟹肉一啲唔乾唔硬。蟹腳肉多新鮮,鹹淡適中。龍蝦仔同蝦都唔錯,蜆同青口有啲淡。刺身只有三款,都可以嘅,壽司以自助餐嚟講算係咁。前菜都幾精緻。雞翼一般,大板燒同壽喜燒都受歡迎。豬鞍肉同西冷都好味,西冷顏色吸引,咬落一啲都唔韌,豬鞍亦係完全唔鞋。焗蠔好大隻,不過縮得好勁,都可以。每枱會有一份豆腐海鮮鍋羊腩煲嘅羊肉炆得唔錯,不過汁唔夠濃。咖喱雞應該全部都係用雞批,唔辣,椰香味重。牛油汁比目魚個汁好味。黃豆豬骨湯同蕃茄湯。甜品味道一般。飲品有咖啡同果茶,右邊係楊枝金露,見好多人都係杯裝代替碗,我又有樣學樣。Movenpick雪糕有三款味,係自助形式,大球細球自己決定。 continue reading
(The above review is the personal opinion of an user which does not represent OpenRice's point of view.)
Level4 2018-11-27
8604 views
家庭聚餐食自助餐都幾好,咩都有得食,唔洗順得哥情失嫂意呢晚我地就去左大角咀既酒店二樓食buffet~~~而且食物種類都幾多下啵今期呢度而蟹做主題,所以好多菜色都來蟹,連蟹粥都有得食而冷盤 壽司刺身呢d例牌野就一定有既食物質素平均黎講都ok woooo仲有個即煮既鮑汁海鮮蟹肉天使麵,見到幾得咁,所以都拎左碗同屋企人share其他中 西 泰式既食物都有試下,仲有大大粒蝦餃添啵甜品可以自製班戟,迷你細細塊咁都幾盞鬼,整完加球雪糕一齊食,正除左西式甜品,中式甜品都有架!!!自己就幾欣賞個熱豆花,香滑之餘仲可以加埋chewy既三色芋圓添我地提早訂位,每位288,三百有找,計落相當化算 continue reading
(The above review is the personal opinion of an user which does not represent OpenRice's point of view.)
好耐之前食過呢度嘅自助晚餐,真係好抵食,只係放題嘅價錢就得到酒店嘅享受。咁啱weekend想食自助午餐,諗起呢一間協奏坊,一問之下原來自助午餐只係$118,大小同價,工聯會會員仲有免+1優惠,可以由12點食到兩點半,真係超級抵,喺Facebook訂位好快又回復值得一讚!12點未夠就黎到,未可以開始食但係就可以坐低同周圍睇下先,其實環境好乾淨地方都好寬敞,因為唔滿座😂擺放食物的地方其實唔大,首先由熟食開始介紹。炸嘢有三款,炸雞超好食熱辣辣。仲有幾款唔同嘅熱盤,當日有朱肋骨,炆牛面肉,煎比目魚(推介),點心,福建炒飯同埋意粉。雖然選擇唔太多,不過全部都好味,緊有一款啱你食!當日仲有忌廉湯同埋中湯。酒店最搶眼嘅就係一個超大嘅沙律吧,真係黎食沙律都抵啦,仲要食材唔求其,有羽衣甘藍架,其他配料仲有蟹柳,鷹嘴豆等等,一啲都唔行貨。冷盤海鮮方面有青口同埋峴,都OK。刺身有三款,其實我淨係鍾意食三文魚,所以三文魚係新鮮嘅。去到甜品方面,又係覺得好驚喜。有椰汁糕桂花糕,涼粉,紫米露,生果,豆腐花等等,佢仲可以等你自己mix and match,仲有芋圓同珍珠係隔離等你自己加,自由度非常高。👍🏿另外仲有幾款唔同嘅蛋糕同埋pancake機,特別推介芝士蛋糕同埋焦糖布甸。飲品係任飲,有兩份果汁同埋奶茶咖啡檸茶。總括來講,真係放題都食唔到嘅價錢得到酒店嘅享受,食下沙律飲下果汁都抵,而且職員服務態度超好,收碟速度好快,同埋因為同行有小朋友,佢哋都好貼心。 continue reading
(The above review is the personal opinion of an user which does not represent OpenRice's point of view.)
WOW~ 今日寶寶帶我去食Buffet!今年食第二次酒店餐廳Buffet,上次係荃灣食個間麻麻地。但今次哩間就好好多,都幾高值。協奏坊西餐廳就係珀麗酒店入面,近奧運地鐵站。去餐廳就要搭Lift 先上到去。今次Book左枱,2個人都可以坐到張4人枱,最啱就係用黎放滿曬成張枱,慢慢欣賞完先食。由1月到3月,Buffet 主打「台味之旅」自助晚餐。有多款台式既食物、飲品、甜品等等。當然仲有唔少得既指定Buffet 美食喇…事不宜遲,一坐底就出去走一轉,了解下今晚要「消滅」幾多美食。係我思考緊食咩之際,我寶寶一如以往已經衝左去夾長腳蟹、海蝦、青口、龍蝦仔等海鮮。寶寶係拆長腳蟹既高手,只要D蟹腳肉質夠靚、夠新鮮,佢都可以完整地成條蟹肉拆出黎,就好似蟹棒咁。而我當然只需要張開口,唔洗落手就有得食喇!當然,我都有剝蝦俾我寶寶食喇。Sweet~!仲有沙律麵包同埋其他凍食。我就去左「日式美食區」,除左唔同款式既壽司之外,仲有刺身(4款),指定既有三文魚、吞拿魚、希靈魚,今晚仲有大大粒既帶子,十分厚肉,雖然一粒巨形帶子會分成4粒上,但始終都係Buffet,所以就成為左今晚第一款要「徹底消滅」既美食,姐係一定要Encore 喇!日式美食點止刺身壽司咁簡單,仲有既就係日式芝麻雞翼、日式大阪燒餅、壽喜燒。除左海鮮,仲有不同既熱盤。法式海龍皇煲、三文魚頭麵豉鍋、紅酒牛面肉、日式清酒煮蜆、香煎法式煙鴨胸、櫻花炒野菜、日式鰻魚炒飯、牛肝菌忌廉汁長通粉、照燒鯖魚柳等等肉食方面,哩間Buffet 就無主打牛扒,但係就有炭燒伊比利亞豬鞍、牛仔肉腸、法蘭克福腸。今次仲有燒肉添。主打喜馬拉雅山鹽板燒肉,有安格斯肉眼,牛脷。仲有高級鵝肝配上蘋果粒,鵝肝煎得香脆,有別以往配麵包,配上蘋果粒食落會幾爽口,又唔會因為法包太硬太脆口,影響左食鵝肝既口感。其實,宜家先係入正題,就係甜品!有中西式甜品,亦有台式甜品。有自助班戟機、MOVENPICK 雪糕、呠仔糕、焦糖燉蛋、奶凍、布甸、台式愛玉、鮮果。仲有不同口味既蛋糕、撻、瑞士卷。台式主打就有芋圓豆腐花,自助台式飲品等等今餐Buffet 真係CP值超高,因為我地提早左訂枱,每個人頭都唔洗$300。提提大家,哩個優惠做到3月底就無喇,記得想去歎下獎勵一下自己,就要儘快訂枱喇! continue reading
(The above review is the personal opinion of an user which does not represent OpenRice's point of view.)