協奏坊西餐廳

Sonata Western Restaurant
166
19
15
8-min walk from Exit E, Causeway Bay MTR Station continue reading
All Branches (2)
Telephone
21278828
21278838
Introduction
Sonata Western Restaurant serves a wide range of international cuisines buffet style. They offer almost every cuisine desiredfrom fresh seafood and sashimi to beef and desserts. continue reading
Opening Hours
Today
07:00 - 23:00
Mon - Sun
07:00 - 23:00
Payment Methods
Visa Master Cash AE WeChat Pay
Other Info
Online Reservation
Alcoholic Drinks
May Bring Your Own Wine Details
Cake-cutting Details
Reward Dining Points
10% Service Charge
Restaurant Website
http://hongkong.rosedalehotels.com
About
協奏坊西餐廳
氣氛熱鬧的協奏坊西餐廳,由早、午、晚餐均提供誘人的創意西式和亞洲美食,還有特備國際主題美食菜單和自助餐午餐及晚餐供應。

讚好酒店Facebook,即收到酒店最新優惠及推廣
成為酒店Facebook粉絲,緊貼酒店最新資訊,為您及您的摯友提供開餐的好聚點。
About Reward Scheme
Review (222)
最近因社會出現的狀況,外出吃飯的意慾確是有影響,相信該有的博客和司儀活動也是呢,幸好早前跟T到了協奏坊西餐廳吃了一頓頗豐富而有驚喜的自助晚餐,好好聚聚之餘,CP值是高得令人難忘呢!老實說,自助餐食物款式可能未是最多的,是甚有麻雀雖小,五臟俱全之感~貫切iki寫自助餐的風格(是的,這一陣子就是寫了很多有關自助餐的 哈),特意介紹十大自助餐的必食項目吧!麵包蟹 作為一名懶鬼,選了不用剝殼的麵包蟹蟹蓋,蟹膏甘香而不苦,有比想像中的要好,特別一提的是魷魚也是做得不錯呢。 冬瓜盅 外表是一個霸氣的金色盅(有點重量的),內面有蝦似廿,也可挖出可又一口的冬瓜肉呢~入口是陣陣清香感~ 皇帝蟹腳蒸蛋白 目測看是普通的蒸蛋白,可是經T推薦後便知道是好東西,走的是和風路線,看上去多白很滑,驚喜的內面是皇帝蟹腳而不是蟹柳,確是有吃得出來分別,是令整體的鮮甜度倍添呢~ 法式紅酒燴牛面頰 看上去牛面頰已是相當對辦,肉質是比想像中還要腍身~ 日式芝麻雞翼 滿佈芝麻的雞翼,是相當的脆身香口~炸薯絲蝦 跟其他炸物擺放在一起的,外表就是捲了一絲絲炸得香脆的薯絲,吃時這層口感也分外突出。 櫻花蝦炒野菜 吃了那麼多肉,想要吃菜也是必然的吧~ 簡單便是最好,能吃出菜最根本的甜。 芝士撻 甜品中有小巧的芝士撻,是驚喜,還做出了中上的水準。牛油撻皮脆減,雖沒流心效果,可是軟心的效果已足以令人大滿足了吧~ 芒果千層班戟蛋糕 來到甜品的部分,款式也附合預期中的,當中有兩款想要特別推薦的— 芒果千層班戟蛋糕,忌廉輕巧幻滑,一層置一層的,多吃也不膩口~ 抹茶大福 老實說,賣相是很普通,可是吃過後是會連聲說好吃的吧! 抹茶味道突出,糯米皮軟糯,餡料飽滿~ 說到價錢的部分更加超抵食,假如15天前預訂的話,星期一至星期四成人是$258+10%($283.8);小童是$198+10%($217.8),真心抵食!協奏坊西餐廳 網上訂座即賺里數   網址: https://s.openrice.com/QrbS0dR8600~uGE4CAA 地址: 銅鑼灣信德街8號香港珀麗酒店2樓 電話: 21278828 continue reading
(The above review is the personal opinion of a user which does not represent OpenRice's point of view.)
Level4 2019-08-04
2089 views
其實而家比較少食自助餐…一來貴…二來會食到好飽(師佬心態...)…不過朋友話去而朋友之前試過話唔錯又價錢合理…咁就呢間啦…去到見到都full house...咁起碼野食會夠新鮮…立下眼…場面當然唔會好華麗啦…不過都企企理理…食物區唔算大…行左個圈有海鮮…沙律…熟食…刺身同甜品區…不過叫做要有既都有…去攞野食先…先拎少少沙律菜…呢度就少菜選擇…醬汁都唔多…不過d菜都叫新鮮…唔會碎濕濕咁之後就試海鮮…我拎左魷魚…蟹腳…凍蝦…魷魚味道唔錯…同唔會韌…凍蝦夠大隻同好爽口…出面好多蝦肉會比較削…蟹腳味道夠鮮…唔會太鹹…蟹腳同蝦都攞左兩轉之後就到刺身…雖然選擇唔多…我就叫左三文魚…八爪魚同北寄貝…三樣都好新鮮…味道鮮甜…而且每次都切4件…一d都唔會孤寒…總共攞左3轉之後見到有蓮藕湯…食完凍野暖下個胃先食熱野…呢個湯好夠味…夠哂火喉之後就去攞d熟食…見到有個位放左鹽板話喜瑪拉亞山鹽…有豬肉同西冷…當然唔執輸…豬就正常啦…個牛就真係幾好味…牛肉味濃又夠腍…其實好味既牛加d鹽調下味就夠見到有鵝肝多士…雖然細細件…鵝肝味濃多士夠脆…其實細件仲好…食太多會漏之後就攞左芝麻雞翼…長通粉同鰻魚炒飯…呢兩個主食都有驚喜…好多時出面都好少食…不過朋友試左ok我先攞…鰻魚飯首先有好多鰻魚…飯夠乾身…粒粒分明…味道好好味…長通粉個汁都好濃…每條通粉都掛哂汁…而且煮到軟硬適中啱啱好…之後就甜品…其實甜品種類算多…不過唔太好甜野…我就試左綠茶大福…牛奶布甸…仲有豆腐花…樣樣都不過不失…要提下服務真係唔錯…收碟快…出去攞水時無哂水…之後主動幫手斟左水俾我地…整體真係唔錯…雖然無貴價野…不過食物質素同服務對得住呢個價錢… continue reading
(The above review is the personal opinion of a user which does not represent OpenRice's point of view.)
之前來到香港珀麗酒店協奏坊西餐廳細味戀上法日海鮮自助晚餐。餐廳環境寬敞,座位之間不會排得太擠,店員勤快收碟執拾,坐得舒服自在。冰鎮海鮮種類亦不少,有蟹腳、青口、小龍蝦、凍蝦等,想不到二字頭價位的buffet會有麵包蟹供應呢!蟹蓋儲滿豐富的蟹膏,甘香軟滑,不過每次refill蟹蓋時數量亦不多,想吃的話就要手快了。魚生刺身即叫即切,肉質油潤而軟滑,帶出鮮甜的魚味。最特別就是有即叫即燒的喜馬拉雅山鹽板燒牛脷及安格斯肉眼,我自己就尤其喜歡油脂分佈均勻細緻的安格斯肉眼,肉質鬆軟富油香,簡簡單單以鹽調味,更能突出濃郁的肉味,滿口瀰漫著牛脂香氣,卻又不會太肥膩,我也忍不住encore了好幾轉。法式田螺焗酥盒將焗烤田螺及黑松露薯茸釀入鬆化的酥皮,可說是經典的法式美食。香煎鴨肝油脂豐腴,軟綿順口,與脆卜卜的多士互相輝映。而且還有好幾款熱辣辣鍋物,材料以海鮮為主,包括日式清酒煮蜆、法式海龍皇煲和三文魚頭麵豉鍋。和風炸物有炸天婦羅、日式芝麻雞翼,炸得夠香口,沖繩苦瓜特色炒蛋吃起來苦味稍淡,是初接觸苦瓜的入門菜式,退火消暑。日式鰻魚炒飯有不少切粒鰻魚,真材實料,炒飯炒得夠乾身,粒粒分明。個人尤其推介照燒鯖魚柳,沒有太多的魚骨,配上甘甜燒汁,魚身夠入味。吃完這麼多肉食,也可吃點沙律中和一下飽膩感。雖然已經吃到十成飽,但吃甜品的又是另一個胃 甜品方面就大多是日式為主,紫薯撻造型精緻,但紫薯味就略嫌偏淡。十勝紅豆抹茶瑞士卷質地綿柔,可惜對於我這些綠茶控而言,茶味就未夠濃郁。綠茶大褔包得圓鼓鼓,不過略為甜膩了一點。主題甜品不算太出色,反而葡撻甚有驚喜,酥皮造得層次分明,入口鬆脆表面鋪上焦糖,內裏燉蛋口感軟滑,蛋香濃郁。這部自製班戟機按下OK鍵,等1-2分鐘便有熱辣辣班戟新鮮出爐,方便快捷,可以加入不同配料自己D.I.Y一下。最後吃得再飽也不要忘記還有瑞士名牌Mövenpick雪糕任食!飲品亦有果汁、咖啡和茶水等自斟自飲。 continue reading
(The above review is the personal opinion of a user which does not represent OpenRice's point of view.)
之前已經食過呢間酒店嘅自助餐, 由於有早鳥優惠, 提早訂位每人只需要二百幾蚊就落到樓, 無論價錢定食物質素, 都會令人一次又一次番兜。 冷盤區首先有兩大盤新鮮沙律菜, 另外配備 6 款醬汁: 凱撒沙律汁、千島汁、柚子汁、芝麻汁、黑醋、欖油尼歌斯吞拿魚沙律 (法國嘅傳統沙律, 以半生熟吞拿魚拌法蘭青豆、橄欖、薯仔、雞蛋、番茄)、無花果水牛芝士沙律 (非常開胃清爽)、龍蝦鮮果沙律 最後當然唔少得海鮮冷盤, 款式都幾多, 有成 7 款: 青口、凍蝦、白蜆、小龍蝦、魷魚圈、麵包蟹、長蟹腳。 長蟹腳好快被清空, 但職員好快就 refill 番。刺身區有 6  款刺身: 三文魚 (夠肥美, 絕對係必食)、帶子 (肉厚味甜)、吞拿魚、八爪魚、希靈魚、北寄貝。估唔到壽司都有成 10 款, 絕對唔可以睇少。小食區日式芝麻雞翼 (雞皮炸到非常酥脆, 肉質仍好嫩滑, 香口惹味)、天婦羅吉烈炸蝦 (外脆內甜)、沖繩苦瓜炒蛋 (味道帶甘, 但一 D 都唔苦) 香煎鴨肝 (一口一啖, 啱啱好)、法式田螺焗酥盒 (田螺大大粒, 入口鬆化, 味道唔錯)、法式芝士蛋批 (法國經典小食, 外層酥脆, 入面蛋香味濃)熟食區中式老火湯 (竹蔗茅根紅蘿蔔湯, 味道清甜) & 大蒜薯茸湯 (幼滑奶白色嘅薯茸湯散發陣陣大蒜香, 口感特別)三文魚頭麵豉湯、法式海龍皇煲 (吸收晒海鮮精華)、日式清酒煮蜆 (蜆肉大大粒, 香氣撲鼻)香煎法式煙鴨胸照燒鯖魚柳牛肝菌忌廉汁長通粉 (好香嘅牛肝菌味, 味道濃而不膩) & 法式紅酒燴牛尾 (牛尾燴到非常淋身, 而且好入味)雞骨腸 (可以好似食雞脾咁揸住個雞骨黎食嘅香腸) & 櫻花蝦炒野菜 (都落左幾多櫻花蝦)日式鰻魚飯 (飯底炒到夠乾身, 鰻魚雖然切粒, 但一樣咁好味)燒西班牙伊比利亞豬鞍架 (肉味濃郁, 肥肉比例適中, 而肉質帶點爽)、牛仔腸、薯角燒西冷 & 煙牛脷 (用左喜瑪拉雅山鹽板, 係天然嘅岩鹽, 令西冷 & 牛脷嘅鹹味溫和, 非常特別)甜品區蛋糕款式夠多, 有香蕉蛋糕 (味道香甜但唔膩)、綠茶蛋糕、藍莓芝士餅 (大愛, 上面酸酸甜甜嘅藍莓醬, 中和番 Cheese Cake 嘅膩, 非常開胃好味)沖繩紫薯撻 (紫薯蓉口感香滑幼細)、北海道3.6牛奶布甸 (奶香味十足)、焦糖布甸、雜果啫喱、木糠布甸、Tiramisu (味道唔會過甜, 而且一 D 都唔膩, 係必食之選)綠茶大福、鮮果拼盤木桶豆腐花 (又香又滑) 、迷你葡國蛋撻 (蛋餡口感嫩滑, 表面烤出焦糖斑, 外皮酥脆得一路食一路掉酥皮碎)、牛油麵包布丁自製Pancake雪條、唧唧冰、Movenpick 雪糕 (有士多啤梨 & 楓糖合桃味, 而且仲可以配埋個 Cone 添)巨型梳乎厘 (每晚大約 8 點左右先出, 只此一 Round, 望上去好輕盈, 而且震騰騰, 入口口感軟綿綿, 空氣感十足)飲品區奶茶、咖啡、檸茶、檸水自助任飲。 continue reading
(The above review is the personal opinion of a user which does not represent OpenRice's point of view.)
阿肥話好耐都冇食過自助餐,叫我搵間新嘢試試,雖然有啲酒店嘅價錢都比較高唔係好捨得食,所以我都幾經辛苦咁喺openrice度搵到呢間叫<珀麗酒店>喺銅鑼灣區反而價錢算好相宜嘅晚間buffet,佢哋現時做緊嘅主題叫做「戀上法日」Fall in love with FRANCE,最吸引之處就係呢期做緊海鮮自助晚餐...嘩!!!發達喇!!!即係魚蝦蟹任拆任食啦!!!晚餐嘅享用時段由六點半至九點半,我哋揀咗星期一收工嚟,所以收費係成人每位$398(另有加一服務費),呢個主題嘅推廣期係去到6月30號㗎已經好耐好耐都冇食過邪惡嘅自助餐,今次可謂不枉之行,入到酒店已經覺得環境不錯,本身見佢價錢咁抵都冇去考究佢係幾多星級,親身體驗過之後個人感覺都認為呢度冇五有四食物嘅種類亦好豐富,除咗一眾法式主角之外,無論日式中式西式都冇缺少,我一邊拎嘢食一邊出去巡迴影相都好幾次呢。法式主角之一:喜馬拉雅山鹽板燒(期間限定㗎),有煙牛脷同埋安格斯肉眼,鍾意食幾多次都得,廚師先生會乖乖咁企喺度等客人落柯打然後即叫即燒,視覺享受之餘仲有嗅到享受,見住佢燒到香噴噴,微微焦香我就拎番埋位慢慢食,肉質鮮嫰,牛味滿滿。牛仔腸;炭燒西班牙伊比利亞豬鞍架:呢啲菜式啱哂好似阿肥咁嘅食肉獸,牛仔腸有條骨好趣緻,另外豬鞍架想食職員就會幫忙切片酒店應有嘅水準都好齊備。令人食指大動,目不暇給嘅甜品類:有日式芝士蛋糕+十勝紅豆抹茶瑞士卷+士多啤梨慕絲+香蕉蛋糕+芒果布甸等等...款款味都冇馬虎,我尤其鍾意十勝紅豆抹茶瑞士卷同埋香蕉蛋糕呢各款新鮮水果+焦糖布甸+提子布甸+朱古力慕絲+北海道3.6牛奶布甸,連綠茶大福呢種日式小點都有,中式甜點仲有桂花糕添。去番主角法國嘢,甜品類仲有迷你葡國蛋撻同埋麵包布丁,兩片金黃色領土喺我面前,又香又吸引。香煎鵝肝+田螺小酥餅同火腿小酥餅都好好味,賣相亦都好高貴精美。法式海龍皇煲+日式清酒煮蜆+三文魚頭麵豉鍋,呢幾款湯物都好有特式,而且酒店職員更換得好快手,一定唔怕冇得食。就連我最喜歡食嘅熱氣嘢炸蝦呀同芝麻雞翼都有...已經好飽喇!刺身壽司區,嚟食自助餐唔食都對唔住自己啦三文魚呀帶子呀吞拿魚呀八爪魚呀唔該每樣都要吖至尊重頭戲當然就係呢一帶嘅海鮮版圖喇,甜蜆+小龍蝦+超大蟹腳+凍蝦+青口,鍾意食海鮮嘅人一定會發癲咁不停來回穿梭,腳軟之餘可能拆殼都會手軟其實仲有好多鏡頭外嘅食物例如意粉呀炒飯呀小菜類呀粟米魚塊呀同埋名牌雪糕等等多到都唔係好記得喇,呢餐自助餐真係抵食夾好味吖 continue reading
(The above review is the personal opinion of a user which does not represent OpenRice's point of view.)