413
23
7
6-min walk from Exit D, Central MTR Station; 港鐵站D出口 continue reading
Telephone
29051668
Introduction
The fried chicken specialty chain store originates from Korea, with over 70 branches within the country. Choose between fried or baked chicken with different flavours, or simply pick the signature fried chicken with cheese bread. Dip and wrap the chicken with creamy cheese sauce to enjoy the dish. continue reading
Opening Hours
Mon - Thu
11:00 - 23:00
Fri - Sat
11:00 - 01:00
Sun
11:00 - 23:00
Payment Method
Visa Master Cash UnionPay Alipay AlipayHK
Other Info
Spot payment
Review (466)
Level4 2018-11-06
1615 views
萬聖節前夕,狂歡之前都要食野架😆就來到中環蘭桂坊附近既呢間韓式炸雞🍗大大個logo好易認😳喺門口見到呢個三重雞鍋套餐,就已經比佢深深吸引左🙈三重雞鍋套餐$398(2-3人食都ok)叫得三重雞鍋 就係有三種唔同口味嘅雞🐔分別係有韓式炸雞,春川辣雞同埋安東燉雞炸雞方面,外皮金黃香脆,裏面肉質滑嫩,而且仲有肉汁☺️真係幾方便建議點埋醬汁食,會更加惹味🤩春川辣雞,真係有啲香辣,鍾意食辣既朋友話幾好👍🏻而我最鍾意嘅就係安東燉雞,有啲酸酸甜甜嘅感覺,而且食落又唔熱氣,裏面仲有粉絲,配上濃郁嘅安東醬汁,好快就清晒😆❤️套餐仲包埋可以自選三款配料,分別揀咗韓國魚餅,娃娃菜同埋芝心年糕🤩最推介係芝心年糕,煙煙銀銀得來裏面仲有芝士,好好味🧀😋另外套餐仲包左兩杯野飲😝其中一杯我就叫左凍既桂花茶,清甜解渴🌼紫菜薯條🍟類似shake shake薯條咁,紫菜味香濃另外仲叫咗個水冰面,酸酸甜甜咁樣,調味都足夠,麵都幾彈㗎,不錯🐷 continue reading
(The above review is the personal opinion of an user which does not represent OpenRice's point of view.)
Level4 2018-11-01
1114 views
Happy hour時段的蘭桂坊,大家放工gathering 的地方。今次主要唔係分享呢d,係分享行多幾步就見到的韓式炸雞餐廳Sodam chicken 🐓餐廳空間不多但大家反而享用聚在一旁chill一番。成盒膠手套放在枱上,可以隨時換一個新的用,減少再次問侍應拿的尷尬。今次點了2人炸雞套餐雙併無骨炸雞🍗辣味較芝士出色,橙紅色醬汁極有韓式辛辣風味,一口咬下去時,酸味未退而辣味湧入,男朋友說那種辣是有雙重味道,好有趣!反而芝士味因爲是芝士粉,味道不會很濃,不像是食芝士炸雞。螺肉伴冷麵小小一份,但這菜色很重要,因為食了第一輪炸雞之後會很想點濕濕的食物食,像水冷麵一樣重要的道理。冷麵並沒有有因為去水而太黏身,和重味道的螺肉醬汁夾在一起食,好match!!! 椰菜新鮮爽口,增強到口感。比幼薯條幼比粗薯條粗的中型薯條,哈哈。少數是沾芝士粉而不是芝士醬,反而成為餐廳的獨特菜色。滿滿的芝士粉沾上每一條薯條,好適合芝士控,配上雙絕紫菜粉,好正呀!套餐加$25就可轉飲品為Apple cider。少少賣相的變化頓時可以令客人心情upupup 淡淡的麥芽香,但入口後麥味持久而甘香,好適合配炸雞食!埋單每人$280左右,地點、餐廳格局、食材,全部中上。好適合同朋友聚會食雞chill 一chill! continue reading
(The above review is the personal opinion of an user which does not represent OpenRice's point of view.)
Level4 2018-10-19
1057 views
星期五放工落咗中環老蘭,唔係去飲酒,而係去覓食。呢間開係雲咸街嘅Sodam Chicken係食韓國炸雞,由於醬汁款式種類繁多,因而吸引唔少人泥食炸雞。為咗試多幾味,我同友人一齊柯打咗一份二人炸雞套餐,除咗可以雙拼兩款口味無骨炸雞,仲有兩款自選小食加兩杯飲品,絕對係經濟實惠嘅好選擇。柯打無耐,最先到達嘅係飲品:蜜桃水果茶及提子特飲。水果茶相對上比較清甜,十分解渴,底下頗多椰果肉,可以用長羹潷起食;而提子特飲則係份量上比較大杯,食辣雞時就非常適合,至於味道猶似小時候吱吱冰嘅味道,相當有趣。其後到達嘅係螺肉伴冷麵同雞軟骨餃子。先講雞軟骨餃子,總共有5隻,肉餡夾著雞軟骨,外皮再炸得金黃脆口,岩哂鐘意食炸野嘅朋友,另外仲有一碟甜酸醬供點蘸餃子。而螺肉伴冷麵就無咁熱氣,但係菜單上有寫明偏辣口味,辣嘅源頭最主要係正中心嘅螺肉冷盤:辣醬混合螺肉、青瓜、椰菜蘿蔔絲及黑白芝麻。能接受的微辣,口感較為爽脆,間中帶芝麻嘅香,不俗。但建議唔食得辣可以一小注冷麵一口冷盤慢慢食,辣度會較易於接受。最後大佬登場:雙拼無骨炸雞,口味分別有辣味同檸檬柚子。先講辣味,食辣之人都對於呢個辣度無所適從,由於該辣度係慢慢湧現,兼持久力驚人。感覺就似比人用拳頭不停地打,而且力度從未減退,故之然係相當威力強勁,能挑戰嘅人絕對要試!再講番檸檬柚子,簡直就係一個差天共地,形成大大對比,味道甜帶些微酸,對於唔岩食辣嘅大人細路泥講係唔錯嘅選擇。此時先食得出,雞肉唔會炸得太老,炸漿唔會太厚,感覺幾正宗。總結整體不俗,對於辣方面都幾推薦食得辣嘅朋友試下個款無骨辣味炸雞,會有種腦袋被放空,意想不到嘅效果,幾過癮。 continue reading
(The above review is the personal opinion of an user which does not represent OpenRice's point of view.)
Level4 2018-10-06
621 views
Sodam Chicken 坐落蘭桂芳較高位置,並且有一扇大窗,可讓客人俯瞰中環的一角,紅男👔綠女👠穿梭其中,別有一番景致。餐桌上早已備妥紙巾、手套,食炸雞必備孖寶!我們點了二人炸雞套餐($398 另收加一服務費)。雙併炸雞分別點了蜜糖芥末味及雙重芝士味倆者味道各有千秋,自己較喜歡蜜糖芥末,因帶甜甜的味道,令人愉快。至於芝士味,則略嫌不夠濃郁。凱撒沙律,全晚的蔬菜來源🍀☘🌿沙律份量尚算適中,蔬菜新鮮。三色薯餅 (粟米、咖哩、紫薯)炸薯餅有三款口味,個人比較喜歡紫薯口味,入口有著淡淡紫薯的甜味。咖哩味道相對濃烈點,但沒辣味,跟日式咖哩味道相似。至於粟米味道則較平實。飲品點了菠蘿汁菠蘿汁略嫌份量較少,加上吃炸物比較易口乾,對飲品的需求更高。蜂蜜檸檬綠茶淡淡的蜂蜜味道,混和著凍粒,透心涼!適合喜愛少甜口味的朋友。礦泉水 $8,以中環消費指數來說,甚為便宜。 continue reading
(The above review is the personal opinion of an user which does not represent OpenRice's point of view.)
早兩日同朋友去中環食飯,朋友推薦話蘭桂芳呢一間嘅炸雞幾正,我上網睇見到佢地既炸雞真的幾吸引!尤其是網上個個都話要食個太陽芝士炸雞,齋睇相覺得勁正!二話不說就book咗枱了!😋我講到明係衝着佢嘅太陽芝士炸雞而去,點知比我見到有個二人套餐,其中包左呢一款炸雞,仲包兩款自選小食同2杯野飲係$398,個太陽芝士炸雞就咁單點都要$198,計算下似乎呢個套餐抵啲喎!我哋就點呢一個二人套餐啦!😋佢先上兩個小食,我哋揀咗螺肉伴冷麵和雞軟骨餃子。伴冷麵有兩坨類似蕎麥面幾爽,中間有啲洋蔥同埋魷魚絲,啲汁酸酸甜甜幾清新唔錯!👍😋不過個名明明叫螺肉拌麵, 但係變咗魷魚絲,唔通係螺肉乾?哈哈,唔理啦好食就得😋個雞軟骨餃子有五件,中間啲雞軟骨唔算好大粒唔會”銀”牙, 煎得幾香口唔錯👍重頭戲太陽芝士炸雞嚟到嘅時候真係俾佢震撼到!同網上相片一樣圖文相符!有八大件炸雞圍住一個裝滿芝士岩漿嘅大圓麵包,真係改錯名好似一個太陽🌞炸雞新鮮炸起外脆內嫩,我先試一下冇點芝士漿的已非常好食夠入味,重點係有雞汁勁juicy!我試吓用炸雞點芝士醬,嘩!啲芝士識拉絲㗎!我同朋友玩到心花怒放,勁大細路😂芝士醬夠香濃,配上脆身嘅炸雞另有一番風味!不過食多幾件真係會漏😅我哋每人四件炸雞真係會幾飽,但係個焗到脆身嘅圓法包都不可以放過😍用黎點埋芝士醬食埋就真心飽了!😋食飽飽我哋再點餐飲,朋友見咁好feel決定點杯特色橙味燒酒飲下,都係加$25,個造型攞滿分,飲落都其實冇乜酒味幾似橙汁,可能唔覺唔覺飲多左就會醉嗰啲😂我就點左杯熱情果特飲加$6,不過杯嘢飲就冇乜特別,中間果肉唔係熱情果反而加咗椰果,感覺不對喎😅。整體呢一餐我都好満意,想食嘅太陽芝士炸雞果然名不虛傳係呢間鋪頭嘅招牌菜,下次都會繼續同朋友再幫襯😋_______________________店名:Sodam Chicken 環境🏝:8/10服務💁🏼‍♀️:8/10 價錢💰:7/10食物質素🍝:8.5/10 整體🙆🏻‍♂️:8/10 地址:中環蘭桂坊雲咸街31號地舖 continue reading
(The above review is the personal opinion of an user which does not represent OpenRice's point of view.)