小食快綫

Open Now

Now Closed

雞蛋仔⭐️⭐️⭐️⭐️⭐️Snack express嘅雞蛋仔不嬲都好好食，咁啱嗰日冇乜人排隊🤩，雞蛋仔即叫即整，拎上手熱辣辣🔥，仲好香蛋味🥚，外脆內軟👍🏻👍🏻

次次到咗10點幾都好多人排隊，不過好彩姐姐數口清同埋有效率，所以都唔使等好耐，最鍾意佢個碗仔翅夠晒多料，啖啖都係冬菇雲耳，唔會水汪汪。次次叫姐姐俾多醋佢都會俾得足夠！唔孤寒加分，下次會試埋佢個魚肉碗仔翅

拍住胸口，我都算係食過唔少街頭小食，不過今次行過「Snack Express」，簡直係小吃界嘅驚喜發現🎉！想同你講講，啲小食點解可以叫做正到彈起！首先啲「魚肉翅」，唔講不知，食落真係舒服得滯。湯底香濃掛齒，啖啖肉感，魚肉、冬菇同埋肉絲，嚟頭真係唔少喎！溫熱入肚，暖笠笠真係啱晒依個天氣。而家講返啲「生菜魚肉碗仔翅」，味道正宗得嚟又新鮮哂！生菜脆口，魚肉軟滑，一食上癮！仲有「燒賣併魚蛋」，跟住點上嗰抺辣油，哇，好吃到不得了！最後係啲「夾餅」，餅皮煎得金黃酥脆，心揀多醬多油多糖，每一口都夠晒味道滿分！一邊夾，一邊食，想停都停唔到⛔！總結，下次路過，又或者肚餓時，記得行過「Snack Express」，一於滿足下自己嘅味蕾，食個街頭小食大滿貫吧！🍴🥢🍲

話說今日見耐冇食佢，就去買嚟食返下。9點幾鐘嚟到，佢又冇話要排邊條隊，埋到去，個呀姐先叫我排去隔離嗰條排！OK! Fine. 咁我咪重新排過囉…我叫咗一份燒賣，一份魚蛋，同埋一份格仔餅燒賣魚蛋正常，但嗰份格仔餅真係震驚我三觀…凍都算，搽啲醬，搽咗好似冇搽嘅咁少，我都算！份格仔餅玩夾中夾，係咩玩法？？？🙂請大家睇埋我上載啲相就明呀姐!唔該你自己都睇下你到底整啲乜比客食🙂雙重夾餅，新嘢嚟㗎？🙂🙂🙂

有時候將自己行程編得好密，由一個地方去那個地方的時候，都要補充體力。但係坐低食番餐飯，好多時又趕唔切。買個麵包黎咬，又好似好委屈自己。所以食啲又快又岩口味既野，哩度都係唔錯嘅選擇。🍖 生菜魚肉碗仔翅，燒賣併魚蛋加辣油，無論你係幾有錢，相信都一定會鍾意食。而且都停唔到口。🍖 夾餅，熱辣辣嘅餅，再特別要求多醬多油多糖，食完勁滿足。🍖 我地叫左六個碗仔翅，八個燒賣併魚蛋，同一個夾餅，阿姐五秒計好數，神準。

左想右上都諗吾到食咩都係買回家吃好耐無食小吃小吃當下午茶不錯的選擇雞蛋仔等左2mins 熱辣辣新鮮出爐最食落有少少脆2碗碗仔翅材料好足不過今日姐姐將醋落得重手左少少

員工態度惡劣，工作態度又唔認真，經常比錯食物唔止一次，但收嘅價錢仲要係貴嗰個食物嘅價錢，打電話落去投訴，員工態度語氣勁差仲要cut線完全冇禮貌冇品格冇服務冇水準

Snack Express嘅碗仔翅真係世界級！好足料，每啖都係滿滿嘅料，冬菇片大大片，木耳爽口，仲有粉絲嘅多重口感。而且個湯都好香濃，唔會太稀，但又唔會係羹咁樣，剛剛好。加埋麻油，真係好正😍😍，只係$19!魚蛋係陳皮魚蛋，彈牙，好食！$10 有8粒，有辣有唔辣！

媽媽真係好鍾意食呢間碗仔翅差吾多每次過去男朋友到佢都會叫我買番黎俾佢原因佢好足料料：（粉絲、冬菇、肉絲、腐皮）味道吾會太濃好野味加胡椒粉及紅醋後也不失原有味道碗仔翅

前日應承左媽媽係男朋友家回來要買她想吃的今日同男朋友食完午餐就買回來給她吃買的時候我都未叫完姐姐已好心急計好要俾的錢🤣🤣🤣我：吾洗急慢慢黎心想平日應該好多客佢習慣左2碗碗仔翅加一份燒賣吾要辣油

中午出去買昨天訂的新衣啟德又無呢類的小吃店就順便買回去了啟德要是有多點美食就好了吾洗成日都要去到好遠先有得買碗仔翅超足料又可以按照個人口味要求姐姐走麻油2碗走麻油1碗正常一碗已經好飽好滿足

前一晚未過男朋友到媽媽已order想食碗仔翅今日同男朋友食完午餐順便買回來給他們當下午茶麻油、醋、胡椒粉（都可以按個人喜好與姐姐提出）因媽媽吾食麻油（走了麻油）碗仔翅非常足料

本來係同男朋友食的可是去到大快X講明只有外賣不提供堂食男朋友又要番去開鋪最後自己食行左一圏都吾知食咩經過華X結但店員放飯了最後經過小吃店就買了雞蛋仔碗仔翅好鍾意佢夠晒足料

snack express嘅雞蛋仔，又平又靚又正又快，呢間開喺地鐵沿線嘅小食店，質素穩定， 雞蛋仔外脆內軟，唔似得出面有啲小食店嘅雞蛋仔咁，得個殼， 裏面都冇餡嘅，呢間真心好食，keep住幫襯

男朋友今日太忙無時間同我食晏唯有自己搵食啦想起屋企兩老都未食野就順便買了碗仔翅（3碗）其中一碗是走麻油因我不太喜歡麻油說真的每次吃都很足料湯的芡汁也是開得很好燒賣（2份）每次鼓油都是剛剛好不太多但今日重手左，不過鼓油吾太咸還好