小食快綫 (Moved) New Location

點解可以做到粒粒雞蛋仔都係空心既❓ 大埔地鐵站店店員態度差，手摸完垃圾桶又處理食物俾我，吹漲以前都好d 既，而加樣樣食物都變差。唔見意大家去大埔地鐵站個間買雞蛋仔。

心血來潮，突然想食碗仔翅…呢間就最方便不過~放工時間特別多人，要排隊先買到…碗仔翅，有好多菇同木耳，略嫌少了粉絲…味道也不錯~另外，要了煎釀三寶…魚肉比較黏，口感有點奇怪…稱不上好味，最好食應該是紅腸吧，如果有得揀都唔會再黎食三寶…

今天去完大埔攞料，回家前走到人頭湧湧的大埔墟火車站輪候，目的是想買一份煎釀四寶去「氹氹」我快要餓扁的肚子呢。太多人排隊搵食，我想這間小食店年中都賺不少了。我選了紅腸﹑青椒﹑豆腐和魚肉球。首先試青椒，看到它青青翠翠的表面，咬下去卻有很重的菜青味…是不是未熟呢？但明明炸好了放在櫥窗上。心裡很狐疑…這還不止，那塊釀在青椒窩裡的魚肉，咬起來很韌，沒有彈牙感，很差。小妹心想：莫非這間的魚肉水準不行？便趕快去KO碗裡所有和魚肉有關的食品。最可惡是「炸魚肉球」，小妹咬下去的感覺：如同嚼臘。很差！我未曾試過這種魚肉黏著牙齒的噁心感覺。沒有爽口感，即是想將魚肉球咬開兩邊，都要用牙去扯開咁，痴線！魚肉毫無味道。很傷心買錯了。然後是紅腸，也是有一層魚肉黏在紅腸上面的。不幸的是這魚肉又老是黏著牙，不幸中的大幸是魚肉薄薄地只佔一小部份，我還吃得到標準紅腸味道和感質。但整體感覺已打了折扣了。最後是豆腐，被之前這幾款破壞感覺了。這個普普通通，不提也罷了。

夜收工諗住買野食，見到Snack epress有腸粉賣，好過無得食，點知未食就一肚氣佢地無指明左手邊賣腸粉燒賣，右手邊賣炒面，人人都唔排隊行埋去叫，邊個知有分呀！行到去等咗陣，到我咪叫「唔該腸粉4條」，跟著個阿姐好快咁話「你排錯隊，下個食乜呀！」但我前一位先生係買腸粉。我即刻轉要炒麵，阿姐問「甜醬辣醬要唔要」我已經大聲話要，但佢好快咁包好份麵仲乜醬都冇，拎咗台面$10就即刻下一位。咁既態度，幾好食都唔再幫襯，可況個麵又油又冇味，早知7仔買杯麵好過

Havent had fish shao mai for a long time so decided to get some.This snack shop is located inside the MTR, so the food is not exposed to the traffic pollution or second hand smoke.Their snack selection was ok, however the service was a bit rude.I ordered two portions and she only heard one, so when I asked for another portion, the staff got annoyed.As for the soy sauce, she put about a ladle of soy sauce in it!!

是晚放工，老公仔送我回大埔收工收得較晚，未放工肚子已餓得打鼓了到了港鐵站的Snack Express買個煎釀三寶十元六件,算是抵吃點了有矮瓜,紅腸,豆腐和魚旦今次的炸魚旦口感較韌，似乎落多了漿豆腐賁是大件，鮮炸起，吃時要小心辣到豆腐外脆內嫰，值得一試，是三寶中之最其餘的，以這個價錢來說，其實也不錯值得一提，這裡的衛生環境較一般的小食檔口好，大家吃了也少了份擔心在旺角東港鐵站也有分店，下次經過也不妨試試!

放學時，在中大火車站附近沒什麼好吃，PS. 中大有不少好吃的東西，只是火車站那頭沒有，於是變成一個站到大埔吃東西。我男朋友買了一個炒麫，我買了燒賣。我吃了一口炒麫，OMG，難吃到不知怎麼形容 ！！！ d 麫勁油 !!! 又無味 !!! 好似咬住 d 無味的野食緊油咁 !!! 我o個時有叫過我男朋友唔好食, 但佢費是浪費都照食，雖然他的覺得勁難食！真是唔知點解炒麵都可以整得咁難食 !!! 燒賣其實 okay, $7/8 粒, 味道正常。不過 d 人講得 arm, 間店買嘢食的人都唔太排隊咁, d 呀姐又唔知邊個黎先, 都可能會有 d 受氣。D 炒麵真的很難食 ！！！！！！！！！

lee度解決咗好多經大埔墟鐵路站o既人o既需要 喺十多年前火車站隔離條行人隧道有好多流動小販 經過被整頓後已不復見 難得而家有間賣小食o既出現 真係一大樂事 最重要係全香港冇一個鐵路站會有中式小食賣 來來去去都係西式嘢 我覺得中式美食有好多值得推介 但祟洋o既人太多 lee度d煎釀三寶都好出色 足料之餘又好味 怪唔得成日都排長龍 我最鍾意佢d炸魚旦 超好味

在港鐵站等朋友，口痕想吃串魚蛋，小食快綫是唯一選擇。$7有八粒，價錢算合理。我拿了一個五元、一個一元、一個五毫、兩個兩毫和一個一毫，可能真的太散了，所以那位職員收完又再還給我，我便改用八達通付款。那位職員拒收時語氣不佳，服務態度一般。魚蛋用碗盛載，感覺衛生。可惜辣魚蛋完全沒有辣味和魚肉味，質感差，又硬又乾，味道不佳，令人失望。

好耐冇食過生菜魚肉喇，記得舊時食都係7蚊8蚊咗右一碗，嘩！依家食要成13蚊一碗，食完仲係唔飽肚架。但係好好味！宵夜都不能當，我想只能當小食吃。另外既魚肉碗仔翅兩溝要成16蚊一碗。生菜魚肉湯底明顯好味精，生菜和魚肉都各佔碗一半，比例平均。生菜爽口魚肉我想都有4至5成係魚肉。整碗味道和口感都不錯。

時間關係，只有數分鐘時間醫肚。於是走到這小食店，尋找快捷方便的食物。可能因為沒有太大的期望，叫了的腸粉也算不錯。腸粉不會很腍或硬，醬料的味道也不會太濃，是不錯的方便之選。

三月九日 (星期三)今日早放工,我們午餐都吃不飽,連忙趕返大埔醫肚久別了小食快棧多時老公仔想吃令他回味無窮的魷魚鬚但是我們望來望去都不見它的蹤影一問之下,店員說沒有了,也許功夫多多,不再賣了,可惜!!!!唯有吃煎釀三寶-魚蛋,青椒,紅腸和豆腐各樣都有特式,豆腐就特別滑不過炸魚蛋時麵粉用得過多,失去了魚鮮味

講真， 街邊小食水準間間差唔多。位於大埔虛火車站的這間Snack Express的小食款食不多， 只有燒賣、魷魚鬚、煎釀三寶等，魚蛋、牛雜、腸仔欠奉，食物味道似業餘人士之作。如果唔係好肚餓， 我都唔會幫襯。今日大概5:30pm因為趕時間先至幫襯， 點知嗰個紮馬尾嘅阿姐店員態度奇差， 我話要4件煎釀三寶， 都唔知佢真聽唔到定假聽唔到， 竟然俾咗排我後邊嗰個先， 我都無出聲。到俾錢嗰陣， 我用八達通俾錢， 佢哋嗰部拍卡機滿佈油漬， 我正常咁拍個銀包埋去， 點知紮馬尾嗰個阿姐店員竟然好無禮貌咁話 “唔好拍咁大力!”...真係莫名奇妙？？到底邊個先係客？定係佢認為街邊鋪頭仔唔需要講禮貌？我以後都唔會幫襯呢間嘢！請著呢個紮馬尾嘅阿姐真係幫老闆倒米!！

十一月五日 (星期五)是晚老公仔送我回大埔,我覺得很肚餓引領了老公仔到香噴噴的小食快綫本想吃雞蛋仔,但是這裡的味道一般正當想吃久違了的魷魚鬚,店員說已經售罄最後決定選煎釀三寶點了矮瓜,豆腐,炸魚蛋,紅腸這裡的煎釀三寶做得不錯雖然比較油(話明是煎釀三寶,很難做得沒有油的),但是每件都很飽滿和足料特別是豆腐,很香滑,其他也外脆,但都充滿內餡的,絕不馬虎

魚肉燒賣返左澳洲4個月成日都掛住魚肉燒賣, 返黎梗係要買返黎食下, 10蚊12粒唔知係我太掛住D魚肉燒賣定係點, 以前食個陣明明好好味, 今次食完全唔同晒D燒賣腍patpat, 一D口感都冇, 魚肉一D鮮味都冇, 如果唔係有D甜豉油, 真係食唔落口