新嘉美茶餐廳 (Closed)

上次新年前食過一次，但因為師傅整親隻手所以果次冇漢堡包得熱狗賣，雖然熱狗都好食，但真係好想試佢漢堡！所以今日去之前都打電話問下先，費事去到又冇！今次叫咗奶茶、超級漢堡跟沙律，奶茶好飲，沙律正常唔太酸，個包真心正，包皮好脆，料又多（薯餅、煙肉、煎蛋、番茄、生菜），漢堡扒係手打肉，好juicy唔會柴皮，略嫌煙肉唔夠脆，個包大到一隻手都揸唔哂！埋單$53真係超值！其實最佳配搭應該係薯條、漢堡包、黑牛，但因為今日天氣太凍同埋新年食d嘢太熱氣所以要戒下口！餐廳做到二月尾光榮結業，要試就趁早！

今日綱上登記左到灣仔鵝頸橋附近紅十字會損血.正準時到達.並登記及評估是否可以損血🩸及督手指驗血色指數.當時被評核報告可以損血🩸.但因為我還未食早餐.職員話要我去附近食早餐.食完早餐再歸來給我損血🩸.突然間想起在附近有間懷舊餐廳.於是乎決定去食番個懷舊早餐.當我哋嚟到餐廳門口.入面顧客唔多.枱櫈綠色為主.地方整潔.我哋坐喺四人卡位.啲侍應叔叔都上咗年紀.服務態度真係好好👍.我哋都有睇👀餐牌.我哋揀咗兩個早餐如下：1. 火腿通粉 X1 $38元 配：煎雙蛋及牛油方包. 餐飲：熱鴛鴦.2. 雙拼麵餐 X1 $38元 沙嗲牛肉拼豬扒公仔麵. 餐飲： 熱鴛鴦.註：在等餐的時候在社交平台發現餐廳公告做到2月底.光榮結業.香港又少咗間七.八十年代老字號嘅餐廳.真係越來越少.令人可惜！

上星期三一個人去灣仔做嘢， 經過呢間都叫做有啲名氣嘅餐廳見到門面ok，入面又唔太多人又知道係黄店於是入去食個午飯，餐牌選擇都好多嘅， 於是叫咗個個漢堡包午餐， 但係上餐之後咬落去嗰個漢堡牛肉凍嘅，另外薯條又係凍嘅， 奶茶叫少甜點知仲甜過紅豆沙， 叫待應哥哥換個杯但佢個態度仲話好似話我唔啱咁， 價錢己收得唔平埋單差唔多100蚊， 食物質素差唔好味都唔緊要，因為支持黃店都預咗 ，但服務態度差就絕對接受唔到，永冇下次幫襯。

入嚟簡直係受氣，問個收銀係咪隨便坐又唔答人，跟住我企係度望住佢，佢先比手叫我隨便坐。入到去，嗌咗個茶餐雞髀沙律同單份脆豬，雞髀沙律正常但個脆豬唔脆，合共$65最後，收錢就係嗰個西面阿婆，呼喝我放低啲錢，以後都唔會嚟呢間所謂嘅良心餐廳

見到報導話 2月吳做所以就留意下見熱門就係 超級漢堡🤨諗住都係 噱頭嘢就試一下先😉超級漢堡包包面 有點點脆😯暖暖地入面好多料😲有 火腿，太陽蛋，薯餅厚牛肉漢堡，蕃茄，生菜當中 最出包係 牛肉漢堡扒🤩有肉汁😯 少少既牛肉美中不足既係 有少許筋🥴包底食到 有用牛油上過色建議食法: 切一半食😉易入口又令太陽蛋流黃😋結: $53個下午茶餐包野飲🤨🉐個包中上 水準😋🤨絕對 對得住價錢💰🫶🏼另外估吳到 舊式茶記都食呢種創意只可以做到2月……#新嘉美茶餐廳#超級漢堡包

有時簡簡單單食茶餐廳，就係我哋呢啲OL趕住返去開會嘅必然之選。簡簡單單食一餐，開開心心已經好足夠，尤其係而家疫症情況底下，食完飽飽就最滿足啦😍呢間茶餐廳喺灣仔都屹立咗好多年，品質一向都出色，價錢又唔貴，所以經常見到佢lunch都好多人去食。😎除咗每日嘅午餐精選之外，我都好鍾意食佢個常餐😋😋通常都係叫雞翼辛辣麵，火腿奄烈，仲有一大塊多士，再加一條腸仔，好好味。員工服務態度都唔錯，上菜非常之快，完全唔駛等好耐。

有一晚，練波前，唔想食咁飽。路過一間茶餐廳，只想快快吃完趕去踢波。店員小姐很好人，因為我翻了餐牌很久，雖然沒有快餐，但是正所謂快餐等於午餐，午餐等於晚餐，晚餐又等於常餐。在茶餐廳常餐最平常，不外乎，一個麵、奄列、多士，沒有期望。常餐，先來到的是凍檸茶，然後5分鐘食物分別送上，果然常餐等於快餐。這裡的常餐，不常見，與眾不同。多士，熱辣辣，有牛油，有誠意；火腿奄列，脹卜卜，十分足料；湯麵，可以揀米線，不只是一般的沙嗲，可以選擇豬扒，塊豬扒好大塊，米線份量剛剛好。無論是湯米線、奄列、多士，都超出預期。總評味道：不常見的常餐，與眾不同；環境：小店；服務：服務好，上菜快；衛生：可以；價錢：性價比高。

茶記要搵黃店唔易架~成日心心念念想食西多士, 星期日行完山就衝去食止止癮😛🤭 仲要係咖央西多~~💬咖央西多 - $40我巧鍾意!!! 雖然厚度就冇乜特別, 不過咖央唔會太甜好香椰香, 加埋溶化既牛油~甜甜哋甘甘哋 😋😋新鮮熱辣真係好好食!! 係價錢$40偏貴少少💬 雞扒公仔麵餐 配蘑菇粟米奄列- $53 加香草蕃茄湯+$5其實係特色常餐A轉咗茄湯, 個茄湯真係冇得頂~~~係好濃既蕃湯唔會好味精好口渴, 仲有少少香草, 配埋 煎香咗嘅雞扒好夾! 最後, 我係飲哂啲湯既 嘿嘿美中不足嘅係 ..佢奄列用嘅罐頭蘑菇, 不過茶嘅係咁㗎啦, 呢個價錢仲想點😋🤫兩樣我都想回頭食~~🥰 佢仲有香蔥芝士撈丁我都想試!!!!

12月頭，公司安排上堂，早咗到場地，所以去食個早餐先😇。個餐連飲品唔駛5分鐘就到，快過快餐店。隻蛋流心，火腿正正常常，雞扒都叫大塊，不過唔熱嘅，而且好多油係碟，茄汁豆更加係凍嘅。麵包冇食，見都烘得唔錯。唔駛三個字就食完個早餐。

呢間新嘉美個老闆娘極度不友善，佢時時刻刻都係黑口黑面，有一次重好冇禮貌咁叫我執番好d餐牌，d餐牌放咗喺枱面上！老實講我係客人嚟架唔係妳d員工呀！執拾餐牌嘅責任應該係妳自己執或者叫妳d員工執，唔應該叫個客人執的！請妳平時要有些笑容吧。

今日輕食快餐午餐 附近見到有間茶記有位入去開飯!一個蒸肉碎滑蛋加常餐扒麵就解決午餐!蒸蛋加豉油蔥花肉碎 入口蛋味濃 口感滑溜如豆腐一樣 撈飯最佳小菜又滑又香牛油方包加蛋奄列加扒一丁  麵包烘到香脆可口抹上牛油更添香氣夾埋隻蛋奄列食味道剛剛好! 雞扒煎得香脆咬開雞扒夠厚身有肉汁 公仔麵係用一丁特別好食麵條唔會煮到太過淋失去咬口 CP值高味道唔錯評分8/10消費$100新嘉美茶餐廳灣仔摩理臣山道26號地下G/F, 26 Morrison Hill Road, Wan Chai

一推門進去，已經有職員迎面行來招呼坐入卡位，感覺良好。沒有華麗裝修，地方整潔明亮。食物很多選擇，午飯時間，選擇了午餐B，粟米班腩飯，灣仔區$55連湯和凍飲。總結：食物OK大部份員工都殷勤有禮

成日見到d朋友分享去新嘉美食漢堡包，今次終於輪到我喇超級漢堡拼薯條$50 (包凍/熱飲)*一上檯就心心眼😍個漢堡包有差不多4吋高個包係用牛油芝麻脆包，外面脆脆、水裡鬆軟入面有六層，分別係煎蛋、煙肉、薯餅、手打牛肉漢堡、蕃茄同生菜值得一提係個牛肉漢堡都有成寸厚，好足料，咬落juicy，齒頰留香試過將個口擘到最大，係啱啱好咬到成個包一啖嘅😂薯條 薯條係即炸嘅，而且係我最鐘意波浪型薯條，加分！*下午茶 2pm新嘉美茶餐廳 (灣仔)灣仔摩理臣山道26號地下

超級漢堡包蕃茄、火腿、煙肉、薯餅、雞蛋、漢堡牛肉、生菜！真係冇得輸、見到真係未食都已經好吸引，食咗更加不得了，仲可以加薯條或沙律配飲品變成套餐！能夠隨心所慾的嘅事唔多，呢個漢堡真係滿足你好多好多嘅要求，做人最緊要開心滿足

之前成日聽人講新嘉美茶餐廳嘅下午茶好抵食，今日終於有機會黎朝下聖😍😍漢堡包配薯條$40嚟到就梗係要叫佢最出名嘅漢堡包下午茶😍😍塊肉大大舊，又多肉汁，而價錢又一d都唔貴，好抵食，薯條又充滿薯仔，又唔會炸得太濃，而重點係茄汁任點❗️❗️❗️❗️❗️炸雞肶配薯條 🍟$40炸雞肶 都好食，香口又唔會太燶👍🏻👍🏻👍🏻👍🏻但當然比較起上嚟就漢堡包好食好多，所以嚟到都唔使諗叫漢堡包啦❗️❗️❗️❗️❗️❗️❗️