1
2
0
7-min walk from Exit A, Causeway Bay MTR Station; 日善街入口
continue reading
Telephone
57211250
Opening Hours
Mon - Sat
15:00 - 23:00
Sun
Closed
Above information is for reference only. Please check details with the restaurant.
近期試過好幾間芋圓或仙草，這間最令人失望。早前試的太安樓美姐及深水埗康瑞都給我不錯的印象。打算試試這間SKM，如果不俗的話，我放工後可以過來食一碗。沿著摩理臣山道走到新嘉美茶餐廳，見甜品款式價錢和報導都一致，雖然門面是有些不同，但茶餐廳都有SKM標誌，應該是一樣的。＊仙草八寶＊仙草大件，不過仙草味並不突出。芋圓及蕃薯圓偏腍，沒有Q彈感，味道亦不濃。甜度尚可。整體令人失望。38元價位偏高，應該是地段關係。之後確認過甜品是SKM Dessert提供的。仙草八寶未及預期，有機會的話試試其他，可能會扭轉印象，亦期望改良的仙草八寶。
continue reading
上完堂係灣仔，好耐未食過糖水，同老公揾去試下呢間新開小店。試咗三款：夠薑番薯加芋圓，杏仁雪耳圓肉同主打宇治抹茶焦糖燉蛋,全部都真材實料，水準之上！香港應該多D呢類良心特色小店
continue reading
星期五嘅晚上，預咗同好鍾意食芋圓嘅老牛食完飯要去食芋圓，一早搵咗呢間試吓。位置的確隱蔽，唔係熟呢頭嘅要留意吓仙草八寶 ($38)非常足料，啲料多到差不多鋪滿成個碗，有仙草凍、蕃薯圓、芋圓、西米、紅豆、蓮子、薏仁及珍珠。仙草凍夠水漾又嫩滑；薏仁及西米軟熟；紅豆偏硬有起沙口感；蕃薯圓及芋圓粒粒都好四正，好有蕃薯及芋頭嘅味道，愈咬愈有味道，但可惜結實過龍，粗嚡咗啲而且煙韌度不足，冇咗嗰種一咬開就彈牙嘅口感，但慶幸外層冇黏糖漿，唔會得個甜字；反而珍珠就非常彈牙，有啲黑糖味又不過唔會過甜呢度除咗芋圓之外，仲有其他中式糖水，仲有唔同味嘅creme brulee如綠茶、好立克、柯華田等，幾有新意！不過呢度可能喺茶餐廳附近，油煙味激重，希望可以改善吓抽風系統。另外呢度係非常友善嘅，例如嗰晚我見到隔離檯食緊炒西蘭花，以為呢度有得賣，老闆娘話想食嘅話喺隔離茶餐廳買過嚟食得㗎喇，下次自己帶其他野入嚟食都OK好欣賞呢度對甜品嘅熱誠及服務態度，今次對你哋嘅芋圓係失望，不過喺你哋改良咗芋圓及蕃薯圓之後，我會再試多一次，到時再寫多一篇俾個好評你哋啦
continue reading
都係睇左星島飲食街先識得嚟咋，雖然位置都唔太就腳，但Happy Friday 哩啲繁忙時間，起碼唔洗等位先啦！甜品種類唔算多，但都幾特別，又中式又西式仲有台式！ 最後我先試咗個仙草牛奶，超好食呀，一來黑白配嘅顏色，望落咁靚已經心心眼，二來大大碗食落仲好飽肚，仙草仲好難得喺香港食到呀！老闆娘好親切，傾兩句計，感覺成間深宵食堂咁！
continue reading
今日同老公放狗經過日善街先發覺原來嗰度開咗間有台灣仙草同芋圓食嘅甜品店，間舖位置非常隱蔽，如果唔係佢門口有宣傳燈箱真係好容易走漏眼。我老公好鍾意食仙草芋圓，但係灣仔區冇呢類甜品食，所以即刻衝咗入去。店主好友善為我地介紹主打甜品，唔駛諗老公點咗仙草八寶，有仙草芋圓蕃薯圓加埋八種配料，我就試法式焦糖燉蛋再加棉花糖topping。老公話仙草八寶做得好好，甜度適中，仙草滑溜透心涼，芋圓有芋頭香，加埋紅豆、珍珠、蓮子、西米及洋薏米等，口感豐富，佢食完竟然再encore 多碗！我個焦糖燉蛋就好香滑，棉花糖燒得啱啱好，散發一陣焦香，同名店出品有得揮。店主重硏發咗好立克、阿華田及抹茶味燉蛋，下次一定要試。睇嚟呢間隱世小店日後將會係我倆飯後嘅must-go place。
continue reading