小蓉麵家

Open Now

Now Closed

呢一個星期天，疫症依然，真係出街食都睇時間睇地方，本人比較緊張⋯⋯都係以安全至上😝 所以，晚餐都早啲食，揀小人啲嘅地方，揀枱與枱放得無咁密嘅食肆去食。今次，我倆搵到呢間，裝修舒服，價錢正常，我倆又不太餓，所以揀了食麵😁細蓉加油菜，還是茶餐時段，加六蚊就有油菜👍🏼 女友就叫咗黃金魚角。細蓉到先，正常味道，唔算太細碗，六蚊嘅油菜都好正常，唔會大碟😝跟住女友碗黃金魚角都到，魚角就咸咗少少，一般仔😛

那天塞車塞了很久😣，在巴士裡餓得肚子咕咕咕。於是一下車便去搵食了。小蓉麵家座落於太子站附近，位置很方便，門面看起來也很企理新淨，於是便進了店一試。點了碗牛根麵，麵來得很快，不用五分鐘就來到了。牛根炆得很淋，麵卻很爽，份量不算很多，但當是下午茶就是非常足夠☺️。湯底看起來有點油，可是吃起來也不會太膩，瑤上蔥花和炸蒜，更添滋味。價錢經濟實惠鄰桌的人客點了炸雲吞，看起來也很吸引 不過自己食一份炸雲吞實在是太邪惡和熱氣了 下次跟男朋友來再嘗嘗

I was planning to have a quick dinner before heading home, and i chanced upon this small wanton noodles store named Siu Yung Noodles. It was located at Boundary Street, few minutes walk from Prince Edward MTR.They served wanton, dumpling and ball noodles, be it soup or dried version. Besides that, they served appetizers and drinks as well. Iced soya bean - It was smooth and sweet, with strong soy bean taste. Fried shrimp wanton - It was fried till the skin was soft and crispy, and the fillings i

在附近Happy hour🍷完左順便係附近食啲野再返屋企我朋友見到呢到裝修幾新就坐低左兩個人食到飽一飽呀就係經過呢間店，見佢裝修好新淨企理新裝修既雲吞麵店🍜用中國風枱又有啲中國風既牆紙Menu簡單易明⭐️雙拼都幫你想好配搭岩曬我呢啲選擇困難症患者😂❤️凍豆漿$1️⃣1️⃣不過不失既豆漿食雲吞面都應該要配返杯既❤️炸雲吞$2️⃣9️⃣炸雲吞份量唔多不過熱氣野真係每人兩粒都差不多推薦❤️蠔皇冬菇$3️⃣3️⃣有四五粒冬菇大大粒仲加埋生菜好入味　會想用黎送白飯❤️牛腩河$3️⃣0️⃣大大碗牛腩河，佢既牛腩好嫩，湯又唔會太咸不過河粉份量太多，下次要叫佢比少D先得~❤️雲吞魚角麵$3️⃣4️⃣呢個雙拼有兩粒雲吞加幾塊魚角湯一定要加腩汁，好味Ｄ

今日經過太子想食麵於是去左男友平時打波會同隊友去食嘅依間麵家門面裝修幾套特別木+紅磚感覺懷舊打開餐牌 選擇都好多 湯麵/撈麵/淨食/小食連飯都有 而且價錢超級抵經過一輪選擇困難樣樣想食+覺得價錢好抵之後叫左成檯嘢食男友嘅櫻花蝦撈麵+牛腩 佢話依度嘅牛腩同雲吞都係必食推介撈麵少少辣配埋櫻花蝦同芝麻零舍香口惹味牛腩好淋 口感一流因為想食餃子又想食雲吞同牛丸揀左好耐最後男友話三樣叫晒 所以叫左碗水餃牛丸麵再加碗淨雲吞 辛苦佢個肚仔了水餃皮薄餡靚 手打牛丸質感同味道都一流最正係個鮮蝦雲吞咬落香口又彈牙最後當然唔少得晚餐必備嘅上湯浸菜同埋男朋友想食嘅炸魚皮叫左咁多嘢連埋嘢飲埋單都唔洗$180 真係超值而且全部食得晒乾乾淨淨 一D都冇浪費全靠平時訓練有素嘅男友之胃同埋D嘢真係好好食

作為一名健身教練, 今日食番d地道野之前係太子上堂見到依間小蓉麵家好似新開無耐, 門面幾有傳統feel, 今日係附近做完野都成9點, 快快趣去醫肚。牛腩飯依度個牛腩係另上, 碗入面裝左滿滿既牛腩, 蘿蔔, 仲有d腩汁浸住, 中意佢咁樣另上, 比起平時碟頭除左更企理好睇之外, 仲可以中意淋幾多腩汁就淋幾多, 唔洗浸住哂d飯味道方面更加係出色, 牛腩夠腍身又有少少脂肪, 口感好又濃味, 蘿蔔都不得了, 完全入哂味又甜而且一d渣都冇牛腩撈學生見我食個牛腩咁正又話要食牛腩撈, 見佢個麵上面d牛腩都冇欺場, 至於碗湯同平時一樣都係咸味較重, 所以用黎淋下碗麵黎撈就ok。炸雲吞見依度既招牌菜除左牛腩仲有就係雲吞,又想叫個香口野, 就試試佢, 超好味! 雲吞皮十分之薄脆, 蝦肉熱辣辣, 食到唔停得口!清湯芥蘭健身教練都要注重番健康, 每日都要食蔬菜, 整個清湯芥蘭清一清先, 芥蘭唔老, good仲有枱上面有樽餐廳自製既醃蘿蔔, 簡直生色不少呀, 酸maymay咬兩粒好過癮最後飲埋杯豆漿同紅棗蜜就飽到嗝一聲去賣單啦, 兩個人食咁多野都係百五蚊左右, 絕對可以話係平價美食呀

同媽咪去花墟買花，行到差唔多梗係要食下午茶啦，媽咪鍾意食粉麵，經過呢間鋪頭，剛好有粉麵飯食，見到裝修好新淨啵，而且全部都係木製既枱同，有一種講唔出嘅懷舊感覺🤗🤗枱上面仲放有一瓶醃蘿蔔，其實依家唔係好多鋪頭有得食呢啲，我勁鍾意食囉，真係唔客氣啦，呢度嘅醃蘿蔔整得好出色，我真係食咗好多😋😋蘿蔔牛筋飯，牛筋同飯分開上，一睇牛筋份量勁多，絶不吝嗇🤪重重的膠原感喺度呼喚緊我😊😊急不及待食一夠蘿蔔同牛筋先，蘿蔔配牛筋，牛筋煮得非常軟淋及入味，蘿蔔入口綿化，清甜，重點牛筋口感軟滑，配埋嗰汁，真係超級送飯呀❤️五香牛筋撈麵，牛筋又係份量好多，炆煮得相當軟腍入味，配埋秘製既五香腩汁，撈埋爽滑既麵一齊食，擺落口真係多層既享受，重點係個撈麵既湯底好正，簡簡單單嘅組合❤️下午茶時段，加$6就可以有一碟菜，我揀咗食菜心，呢個下午茶真係好豐富，有飯有麵又有菜。久違了的寧靜，配上好耐冇聽過嘅收音機聲，我喜歡呢種感覺🤗

超級好食 非常值得推薦既麵食店同埋有配菜 就係白蘿蔔浸左醋之後好爽口 酸酸甜甜咁 十份開胃次次黎親都會食牛腩 或者餛飩牛腩好入味 餛飩都好正麵底更加唔係講 好爽 好彈牙位置上都算緊 太子站行幾步就到

呢日lunch time俾大媽同事捉咗去太子排新開蛋糕店，佢話順便帶我去食好西😋。佢喺呢區屹立多年，話周不時都會嚟呢間位於界限街交界嘅麵舖。正值午餐時份，所以坐滿人🥺，好彩啱啱有人走，抹埋枱就坐得。麵舖裝修都幾骨子，富有中國風，同平日港式嗰種好唔同。環境四四正正，座位闊落，又乾淨👍。單併麵食大部份$30，雙拼麵食或撈麵就$35，另外仲有賣小食。我要咗柱侯牛腩撈麵($35)，走蔥，有碗湯另上，不過我從來都唔知碗湯係點食😂，但就咁飲都幾清唔錯。至於碗麵，望落唔覺大碗，但食落發現麵量比平日嘅多，可能有1.5倍之多！牛腩有好多嚿，有少少筋，唔會得瘦肉。而佢個撈麵就更出色🤤，因為好爽，全部煮開哂，唔會有未開麵餅，加上無梘水味。同事就要咗鳳城水餃粗麵($30)加紫菜($5)，麵我無試，水餃🥟有3隻，我就試咗隻，隻餃好大隻好多餡呀，食到原隻蝦肉🍤！下次我會嗌呢樣。另外我哋加咗3款小食，我唔知原來碗麵咁大，好彩大媽擦得，可以包底🙈。每樣小食平均都係$29，同碗麵差唔多價錢，性價比唔高。不過3樣都好食的，其中我最鍾意炸雲呑，果然係招牌！炸招牌雲呑，有4粒，我開頭以為係酒樓春卷皮嗰種炸雲吞，但實際係錦鹵雲

夜麻麻，因為中午食左自肋餐，飽到夜晚。所以好夜先落街搵嘢食。九點幾太子大部分都早關，星期日同有野攪活動。麗妹同V仔都唔想行太遠，近近地去食小蓉面家。出名是雲吞面大地魚湯底。好傳統嘅廣東話雲吞大大粒蝦同香濃大地魚肉碎。九王加大地魚湯底唔係間間都有啲。因為太滯了。唔多想食面類。就一人叫一個淨雲吞同淨水餃。鮮味肉碎同鮮蝦頗好味😋。欠個酸羅白，佢地話太夜收晒，是有限時間啲。中午有食過都好好味就因為佢有酸甜羅白先想食但晚市無晒。下次再試

前幾日去咗呢間係旺角太子嘅中式粉面店，叫咗一杯紅棗蜜，淨雲吞，腐乳通菜，同埋柱候牛腩河粉。服務員態度很好，上菜時間十分快，大概等了10分鐘就有得食。我最喜歡的是那份牛腩，炆得特別入味，肉質很林，而且牛腩和河粉的份量很多，食完已經飽。雲吞餡多而且很多汁，吃得出是新鮮包的，雲吞湯很清甜。另外通菜也很大份，紅棗蜜甜度適中。鋪頭環境乾淨，服務員還拿了一個自家製的酸瓜給我品嚐，總括來說，食物和服務都很好，值得回頭！

這間不是位於大街的小店，主要做街坊生意。環境裝修精緻，人流不多。價錢合理，食物質素由開業至今仍保持水準。是次點了鮮蝦雲吞河，鮮蝦與豬肉非常新鮮整體份量足夠。而且每枱也有醃酸蘿蔔小食，非常開胃。店裡職員時常與街坊熟客閒聊，氣氛溫暖融洽。當時有位食客伯伯跟店員説，自己來了好多次，每一次也不令他失望。店員姐姐會心微笑，指出小蓉也是做街坊生意，最緊要是食物美味令客人開心，靠的是街坊口卑。除了是食物的美味，吃的是人情味。

中午係太子一帶食午餐選擇好多路過見到小蓉麵家的裝修好古院古香好特別 細心睇睇餐牌發現原來係食粉麵馳名的店鋪桌子 椅子 碗碟都係好有中國風價錢又愈度親民學生哥都付擔到雙拼水餃雲吞麵 $37鳳城水餃大大粒一粒好似2粒雲吞咁大入面餡料好多 食入口好鮮甜而雲吞入面的蝦好新鮮 大大隻配上湯底好出色好食過好多坊間連所式的雲吞麵店另外點了雲吞魚角麵個魚角好彈牙 好好咬口份量又多湯底加上腩汁更錦上添花更出味小食方面點了炸墨魚丸 $26個墨魚丸好彈牙 配上個甜酸醬一流

今晚去左太子食晚餐！經過見到有間餐廳充滿中國古典風味，木枱木凳好有中國傳統特色。最近同朋友經常食西餐，好想食下中式野，於是去左食麵啦！入到去店員好好禮貌，介紹餐廳食物。我叫左雲吞墨丸麵，雲吞大大粒，皮薄，餡料夠哂豐富，每粒雲吞都有大大隻蝦肉架！墨丸好彈牙好鮮甜。湯底清甜唔會好濃好咸，麵質好有咬口。我叫左炸牛丸，見到牛丸就好想食，炸完多一份香口香脆口感，又唔會好肥膩，中間仲有肉汁添。依間餐廳夠驚喜！

呢排工作要四圍去，今日咁啱嚟咗太子，見到間好有香港情懷嘅麵店，一於嘆番個正正lunch。我一個人食唔到太多，但餐牌好吸引，有多選擇，諗左好耐決定食鳯城水餃麵加紫菜, 啲水餃超大粒，真正皮薄餡靚，味道亦咸淡適中，惹味之餘，食完之後都唔會話好口渴，有啲喜出望外！另外想健康啲，就叫咗蠔皇冬菇，人哋話食冬菇對腸胃好，佢啲冬菇好靚，好厚肉之餘仲有清香嘅冬菇味，好味！店主仲好有心思，有自家制白蘿蔔，唔會太甜太酸，建議大家試下，因為正係好開胃。最後嘆返個凍豆漿，成個人心情開朗晒！呢間小店環境舒適、店員有禮、食物質素好，真係要誠意推薦俾朋友。