181
7
2
4-min walk from Exit E, Prince Edward MTR Station continue reading
Telephone
23887797
Introduction
装修带传统色彩的港式粉面店,主打手工鲜虾云吞面。汤头有鲜甜大地鱼味,并配上大量韭黄。鲜虾云吞皮滑馅多。 continue reading
Opening Hours
Today
11:00 - 23:00
Mon - Sun
11:00 - 23:00
Payment Methods
Cash
Review (204)
呢日lunch time俾大媽同事捉咗去太子排新開蛋糕店,佢話順便帶我去食好西😋。佢喺呢區屹立多年,話周不時都會嚟呢間位於界限街交界嘅麵舖。正值午餐時份,所以坐滿人🥺,好彩啱啱有人走,抹埋枱就坐得。麵舖裝修都幾骨子,富有中國風,同平日港式嗰種好唔同。環境四四正正,座位闊落,又乾淨👍。單併麵食大部份$30,雙拼麵食或撈麵就$35,另外仲有賣小食。我要咗柱侯牛腩撈麵($35),走蔥,有碗湯另上,不過我從來都唔知碗湯係點食😂,但就咁飲都幾清唔錯。至於碗麵,望落唔覺大碗,但食落發現麵量比平日嘅多,可能有1.5倍之多!牛腩有好多嚿,有少少筋,唔會得瘦肉。而佢個撈麵就更出色🤤,因為好爽,全部煮開哂,唔會有未開麵餅,加上無梘水味。同事就要咗鳳城水餃粗麵($30)加紫菜($5),麵我無試,水餃🥟有3隻,我就試咗隻,隻餃好大隻好多餡呀,食到原隻蝦肉🍤!下次我會嗌呢樣。另外我哋加咗3款小食,我唔知原來碗麵咁大,好彩大媽擦得,可以包底🙈。每樣小食平均都係$29,同碗麵差唔多價錢,性價比唔高。不過3樣都好食的,其中我最鍾意炸雲呑,果然係招牌!炸招牌雲呑,有4粒,我開頭以為係酒樓春卷皮嗰種炸雲吞,但實際係錦鹵雲吞嗰種脆皮。好食啊,雲吞本身正😋,建議點埋個甜酸醬食。.炸黃金魚角,有5片,炸到黃金色👍。.炸墨魚丸,有4粒,呢樣相對普通。麵店仲有自家製嘅醃蘿蔔,我去到邊都一定會食,開胃嘛。味道唔錯,比較特別嘅係蘿蔔係一片片的,而唔係一粒粒。總括嚟講,呢間麵舖又真係幾出色,價錢比深水埗街邊舖貴幾蚊,但坐得舒服好多,飽啲又好食👍。小食都可以加嚟試下,但2人的話兩樣都應該夠。多謝資深大媽推介,下次再嚟食過😙。 continue reading
(The above review is the personal opinion of a user which does not represent OpenRice's point of view.)
香港人有邊個未食過細蓉❓依d麵家既港式粉麵由細食到大, 一碗已經滿足到我食慾同胃口, 仲有一種情意結太子開左間裝修幾靚既麵店叫小蓉麵家, 門面幾吸引, 今晚就走左入去食碗麵做晚餐原本以為裝修咁新, 價錢比街邊既麵檔貴少少都好合理呀, 但望下餐牌發覺價錢都好平, 30蚊既麵成版都係。家傳牛腩麵一配簡單既牛腩麵帶住濃郁既香氣, 先呷啖湯, 好重腩汁味, 湯頭做得好好! 牛腩軟腍肥瘦比例好好, 麵質爽彈最重要無簡水味, 加埋佢既秘製辣椒油, 多方面配合成一碗靚麵豬手撈豬手有兩件, 爽彈有肉地好好味中意佢個碗好多韮黃既上湯, 香氣加倍!蠔皇冬菇冬菇size中等唔會好細粒, 下面有生菜墊底, 索埋冬菇蠔油好味上湯浸菜又係有韮黃既上湯所以已經好香又清, 浸個生菜清清地健康過食油菜呀紅棗蜜中意養甜飲品既我一見到紅棗蜜就要佢啦, 好少地方有得飲, 好滋潤又好飲兩個麵一個小食一個菜兩杯野飲, 食到飽飽埋單都係百幾蚊, 抵食呀 continue reading
(The above review is the personal opinion of a user which does not represent OpenRice's point of view.)
Level2 2019-11-11
5 views
夜麻麻,因為中午食左自肋餐,飽到夜晚。所以好夜先落街搵嘢食。九點幾太子大部分都早關,星期日同有野攪活動。麗妹同V仔都唔想行太遠,近近地去食小蓉面家。出名是雲吞面大地魚湯底。好傳統嘅廣東話雲吞大大粒蝦同香濃大地魚肉碎。九王加大地魚湯底唔係間間都有啲。因為太滯了。唔多想食面類。就一人叫一個淨雲吞同淨水餃。鮮味肉碎同鮮蝦頗好味😋。欠個酸羅白,佢地話太夜收晒,是有限時間啲。中午有食過都好好味就因為佢有酸甜羅白先想食但晚市無晒。下次再試 continue reading
(The above review is the personal opinion of a user which does not represent OpenRice's point of view.)
Level3 2019-11-09
7 views
前幾日去咗呢間係旺角太子嘅中式粉面店,叫咗一杯紅棗蜜,淨雲吞,腐乳通菜,同埋柱候牛腩河粉。服務員態度很好,上菜時間十分快,大概等了10分鐘就有得食。我最喜歡的是那份牛腩,炆得特別入味,肉質很林,而且牛腩和河粉的份量很多,食完已經飽。雲吞餡多而且很多汁,吃得出是新鮮包的,雲吞湯很清甜。另外通菜也很大份,紅棗蜜甜度適中。鋪頭環境乾淨,服務員還拿了一個自家製的酸瓜給我品嚐,總括來說,食物和服務都很好,值得回頭! continue reading
(The above review is the personal opinion of a user which does not represent OpenRice's point of view.)
Level2 2019-11-07
18 views
這間不是位於大街的小店,主要做街坊生意。環境裝修精緻,人流不多。價錢合理,食物質素由開業至今仍保持水準。是次點了鮮蝦雲吞河,鮮蝦與豬肉非常新鮮整體份量足夠。而且每枱也有醃酸蘿蔔小食,非常開胃。店裡職員時常與街坊熟客閒聊,氣氛溫暖融洽。當時有位食客伯伯跟店員説,自己來了好多次,每一次也不令他失望。店員姐姐會心微笑,指出小蓉也是做街坊生意,最緊要是食物美味令客人開心,靠的是街坊口卑。除了是食物的美味,吃的是人情味。 continue reading
(The above review is the personal opinion of a user which does not represent OpenRice's point of view.)