116
58
26
6-min walk from Exit B1, Sham Shui Po MTR Station; 近石硤尾街
continue reading
Telephone
27768380
Good For
Group Dining
Opening Hours
Mon
18:00 - 02:00
Above information is for reference only. Please check details with the restaurant.
Recommended Dishes
一行八人到這𥚃食晚飯，因為尋晚先訂位，所以只能安排坐在閣仔，要經過廚房邊再行上一層，衞生情况比較差。咕嚕肉，冇乜汁，肉都脆口但比較乾身。韮菜豬紅，微辣好惹味。椒鹽鮮魷，大大件炸得好脆。豉油皇炒麵，洋蔥好多，炒得比較濕，凍左都幾肥膩。薑蔥魚腩煲，大量蔥段，魚腩也多好香口。瑤柱扒豆苗，這個比較差，豆苗好老，而且好油。金銀旦波菜、芋頭排骨煲，冇試，家人話芋頭好粉好食。加3罐汽水，埋單$875/8位，抵食而且每碟份量也不少，但食完之後比較口渴，而且環境真係好一般。
continue reading
冬天最岩食羊腩煲。睇到呢間好多人排隊，咁就試吓呢間，足足排了一個鐘唷。五人行，叫了一個細煲，好香，羊肉份量都好多，羊味重，但無乜羊羶味，味道適中，少少咸。市面的羊腩煲都跟一碟生菜，呢度就無跟，要另叫。椒鹽九肚魚，新鮮炸起，唔夠椒鹽，淡味咗啲。焗魚腸因為製作過程好麻煩，好多地方都已經冇咗，或者限量好快賣晒。所以每次見到都會嗌，呢間又整得真係幾好吃。焗到好香。蛋唔會好實，魚腸亦都唔少，無苦味。充滿魚油嘅香味。連唔多食魚腸的朋友都不停食。
continue reading
11月終於秋風起有涼意, 步入可以瘋狂食羊肉煲嘅季節, 家父提過小菜王嘅羊肉煲出色, 加埋米紙之前都有報過, 今次試試佢呢家佢地由鐵皮檔做到入鋪, 再由1間變5間, 好彩早少少到, 晚市繁忙時間真係要等位坐低二話不說就叫一個細羊, 價錢比坊間貴仲要唔包唐生菜, 要菜就當火鍋料, 48蛟起跳, 我地就反而要咗魭魚腩, 試下會唔會魚加羊會"鮮"D羊肉煲 - 雖然係細, 但相當足料, 個鑊滿到差D撈唔到留意返佢地係羊"肉"煲唔係羊"腩"煲, 羊肉係有骨同偏瘦, 唔算係好濃羊味同羊膻, 柱侯醬同其他香料味都剛剛好, 唔會搶咗味或者死鹹; 配料相對比較少D得腐竹同馬蹄, 如果唔係用腐竹墊底拓起D羊肉會更好, 賣相雖好但會痴地同會燶, 一影完相就要撈底夾起最失望係腐乳, 唔知係咪米紙講完有麻油更好, 呢兜落咗海量麻油, 濃到搶哂羊味, 唔適合跟羊或者配料隔離枱小菜都好吸引, 特別係牛油白飯魚、奄仔蟹同枝竹炆原條魚, 下次再嚟試試佢
continue reading
一行五人到呢間小菜王，地點都唔難搵到既，大約7.30左右去到，當日不接受訂枱 ，去前打左電話去問，帶蛋糕有冇得雪，職員答有，仲話免切餅費，點知當日帶左個蛋糕去，多位店員不耐煩叫我等等，喺冇嘢做嘅情況下都唔幫忙拎去雪，比起同區同類型既食肆服務較為遜色。食物方面確是不錯的，同行長輩叫咗焗魚腸，第一次食，好香，入面仲有米粉。花竹蝦都揸得好乾身，好香口。豉汁嘅食物都好惹味。炸物炸得好好。每款食物份量多，order得返嘅時候，阿姐都好識講笑，叫我哋自己裝，跟住就行咗去。由於我個蛋糕冇冷藏嘅關係，食完飯後只係用嚟影相，食唔到浪費了。
continue reading
去到大排檔小炒店，最鍾意就係叫煎炸嘅食物，叫咗幾款椒鹽食物，椒鹽白飯魚，椒鹽九肚魚，簡直係中伏，唔明白點解炸嘢拎到出嚟都唔係超級熱辣辣😢😢，真係有啲失色，不過始終屋企好難整煎炸食物，間唔中出街食下都還可以嘅😆😆
continue reading