時新快餐店 (Closed) View

近幾年，懷舊風吹得熱烘烘。人人都來懷舊一下舊有特色食店。讀書時候經常到這間吃它的漢堡包和最愛的炸薯條。現在，久不久又來懷免一番。雙層芝蛋漢堡包比以往的好像細小點，但內裡餡料份量沒有減少。不過因為太多餡料關係，吃的時候比較狼狽，不能一口吃到整個漢堡包。而醬汁也很多，吃完雙手總會沾上。漢堡味道帶有傳統像媽媽般製作的懷舊味道，確實與現行的連鎖快餐店有一定分別。炸薯條現在已經攀升到17元了，粗厚波浪紋薯條被炸得熱烘烘，但略嚴灑得太多調味粉，吃完真的想馬上買汽水喝。懷舊風流行之下，愈來愈多人找尋舊時的味道，但無奈現在有很多歷史食店終也敵不過業主的無情加租。這些店，已經是買少見少了。

喺紅磡做咗咁耐野，成日都想去時新朝聖下。但係上網睇過好多食評都話係麻麻哋，遲遲都唔敢試。今日lunch咁岩經過，就叫左個雙層漢堡芝士蛋包，加個薯條同汽水！嗯，要為時新平反一下，我個人覺得都幾足料喎，食完個包都飽左一大半。味道可以嘅，亦都欣賞佢個牛肉漢堡撈埋左啲洋蔥一齊整，但係真係有啲散，唔夠實淨。個醬汁都好味嘅，多到食完成隻手都係汁！薯條都幾脆，又唔會過鹹喎。整體其實係過得去嘅，如果話想懷舊一下都不妨一試。但係試完之後，下次我就寧願比多$50食Triple Os個mushroom burger喇！

勁耐無食，今日經過時新，見唔多人排隊就食，比起之前加價之餘，塊漢堡細咗勁多!!!我唔食牛嗌豬柳漢堡，塊漢堡完全縮晒水，味道依舊好味，不是份量就少咗好多。薯條d 鹽好求其又唔均勻咁灑係面，出名咗就乜都變晒

今早諗住仲係假期，十一點零鐘去買兩個漢堡飽會唔使點排隊。入去收銀位置前面已經有一個女士買緊早餐，到我時，我開口落柯打: 一個豬扒包，一個…隨即得到眼前穿著制服嘅阿伯話: 等陣當然，之後五分鐘一直無理眼前嘅我。期間我留意到堂上食客鴉雀無聲地等待食物放上廚枱上，然後猜想是自己的便上先拿取。廚房內同樣死寂，店員流水作業工作，落柯打收錢個阿伯依然愁雲慘霧，齋睇樣仲以為去咗對面大酒店。見眼前食物一盤一盤被拿取，我再次向阿伯提出: 一個豬扒包阿伯眼尾睥一下: 等等不知不覺我背後已排咗三個人，未計算店外有多少人排隊。幾分鐘後，眼前已不知第幾盤食物被拿走，我向阿伯講: 外賣阿伯: 要咩我: 豬扒包，可唔可以唔要沙律漿要其他汁，有冇其他汁阿伯: 咁你要咩汁，講啦(態度極惡劣)隨即好習慣地抆張餐牌出嚟，仲發我老脾話: 你唔係睇好晒先至入嚟買嘅咩我罸企咗成十分鐘，只係用幾秒問嘢，阿伯發我脾四，嗱！我係客嚟㗎，比錢買食物買服務，唔係比你發洩，唔通你做完兩個包劈响地下我又執去食呀！你唔願做就咪打開門口做生意囉，生意接唔晒就唔好接咁多，量力而為。我爆佢: 你咩態度？我就唔買，睇你幾時執幾好食都假啦，今日呢度其他

在紅磡見完客，一個人又不是太肚餓，所以就決定來這一家久違了的餐廳，時新快餐店。進到裏面，都有點忘記如何下單，就簡單點了一份最大份的漢堡和汽水。不到1分鐘，他們以快速煮完。賣相其實算是十分吸引。自家製的漢堡包，多數都是非常油， 但我覺得還好，因為只要第一口傾斜吃， 多餘的油分就會滴到碟上。我不知道可以選擇醬汁，要在下單時一起叫，有咖喱和茄汁選擇。話說回來，自家制 沙律醬其實已經很特色，牛肉有一點打夠散，但和沙律雞蛋芝士等很合。

作為一個香港人 居然一直都未黎食過 真係慚愧 好彩朋友帶我黎試下朋友一直都話佢平，抵食，望一望個餐牌um..漢堡價錢係抵，但薯條就偏貴我地叫左一個芝士蛋漢堡，芝士漢堡，炸薯條同炸雞脾芝士漢堡係朋友，無試。薯條: 新鮮炸出，脆卜卜，外脆內軟但落得太多鹽，食果陣要撥番走啲鹽，而且價錢真係貴左啲雞脾: 炸得好脆，但調味太醎…都係少食多滋味我自己要左個芝士蛋漢堡值得讚既係，個秘製沙律醬真係好多又好好味邊食邊流出黎漢堡扒夠厚，juice 又好味為個包加左唔少分數個包都唔求其，有烘過架唯一係個蛋出問題…個蛋係凍架

Attended a ceremony nearby and was recommended to try this burger. We ordered double burger with cheese and it tasted like what my mama cooked for me - very home and local.

又嚟到紅磡，不禁特登走嚟天橋底食個雙層芝蛋漢堡。一年都唔知到此一遊幾多次。終於要為佢提下筆。裏面環境一般般啦，醉翁之意不在境，志在求得一口美味。買完係門口等咗幾分鐘就睇住新鮮即整既包包出爐，真係快快樂樂地食包包食飽啦。最鍾意佢啲肉入面放咗洋蔥，特別香又有口感。兩層嘅漢堡扒加芝士+蛋再加上佢嘅秘製醬料一啖咬落去嘅感覺真係滿足到爆燈啊。當然如果個麵包可以heat一下就太完美啦，不過算啦，已經比其他好太多。三個字：下次見！

黃埔站開通後, 到黃埔覓食變得更為方便。這趟黃埔美食行又怎可錯過到"時新"食港式漢堡包呢! 時新早上11時開鋪, 我們11:15到達, 雖然不用排隊, 但已經有多人光顧了。 這間碩果僅存下的舊式快餐店, 沒有因時代步伐而變改, 十年如一日的店面, 內裡仍然保留了7、80年代舊式快餐廳的典型裝潢格局, 那個年代快餐廳的特色: 褪色鋁質天花、瓷磚牆身跟地台、 防火膠板檯面、固定地板的膠椅、膠板餐牌、牛龜電視、還有那套橙色制服等, 走進時光隧道般的懷舊。雖然是舊, 但整體是乾淨的! 小店採取自助模式, 走到開放式廚房前落單, 再自行找座位等候叫號碼, 自己提取食物, 一如連鎖漢堡包店的流水運作。 雖然有三文治、扒飯等供應, 但作為港式漢堡包始祖, 當然必點上非吃不可的漢堡包這項目吧。數碼年代化下, 對於沒有圖像的輔助, 光看文字頓時患有閱讀障礙之感, 媽我好亂呀! 食物櫃入面的雞脾雞翼賣相頗為吸引, 但對於剛開始運作的胃部接受不了太多, 還是專注於必食項目上。 最後幾經辛苦, 終於選出: 雙層芝士蛋漢堡 $23和雙層芝士漢堡 $21, $2之差就多了一隻煎蛋。 漢堡

我一直對一些懷舊小店特別情有獨鐘，偶爾會光顧這類小店，懷緬一下過去美好的小時光。現今的香港連鎖快餐店遍地開花，又有誰會記得這些僅存在街角，默默地在努力經營的街坊小店？雖然衛生環境比不上集團式經營的餐廳，但這兒多了的是一份濃濃的人情味，是用金錢買不到的。一份招牌芝士漢堡﹑生炸雞脾﹑煎雙腸﹑炸薯條；簡單的幾道小食，卻滿載了童年的回憶和舊時的味道。

咁大個人都未試過食時新 今次到間老店試下兩個人叫左咁多：雖然個雙層芝士漢堡蛋包個size有d細 但裡面都好足料 芝士入口即溶 因為係手打牛肉關係 所以比起一般快餐店既牛肉更'淋'更滑 而家講起都好好味炸雞脾都好多肉 唔會炸到好肥膩 幾滑有機會會再支持老店！

話說係出面食啲非主流快餐店類型既漢堡都要成百蚊一個餐佢地通常都主打即製新鮮 用既都係高級食材所以價錢自然會賣得比較貴 都可以接受但！！！如果有一間即製漢堡 食材又新鮮 價錢仲要激平你唔係唔比次機會佢呀下呢間時新漢堡雖然地理位置好唔方便但仍然有不少人專程又去一試 就知有幾高質啦今日同fd子叫左兩份雙層芝士加蛋漢堡 同一份炸薯條～首先講下個漢堡 真係熱辣辣中間既芝士已經係半溶狀 而且作塊漢堡勁Juicy 再配埋佢既醬汁 真係食到沒哂儀態再黎係我至愛既粗扭紋薯條炸到外脆內軟 （但要小心燙嘴⚠️⚠️）粗扭紋薯條真係唔係邊到都有得食 真係童年回憶黎～

趕住睇演唱會既通常都會過黎食個包，好食好食今次叫左雙層漢堡芝士包，佢既牛肉裡面有洋蔥，加上醃料，黑椒等，真係好香，加埋沙律汁，真係好夾21蚊就食到 食極都會返轉頭再食

見咁多人讚佢個漢堡，今日經過紅磡就去左食。淨叫左個「漢堡蛋包」。師傅好快手唔洗5分鐘就出爐。一打開個包，塊漢堡牛肉勁細塊，仲要冇左一忽，沙律醬勁少佔半個包，好明顯係「求其」出貨。同埋個包偏細，以佢既價錢，會選擇俾多十幾廿蚊食老麥。太多人過份追捧，導致餐廳求其出貨。

排緊另一間食店時朋友去左外賣一個最basic既漢堡，漢堡扒+蛋+芝士。漢堡包皮勁鬆軟。漢堡扒好juicy! 又大塊 熱辣辣。配埋半熟既蛋。蛋黃有小小半熟流心。溶化埋芝士。呢個配搭真係原始漢堡最好味！即製黎講 價錢相對便宜！