Video
Telephone
46450461
Opening Hours
Today
12:30 - 15:00
17:30 - 20:30
Mon
12:00 - 16:30
Tue
Closed
Wed - Sun
12:30 - 15:00
17:30 - 20:30
Public Holiday
12:30 - 15:00
17:30 - 20:30
Above information is for reference only. Please check details with the restaurant.
見到其他人食一早已經好想試吓呢間了難得去到長洲，終於有機會試！🖤土製炸蛋打卡一流嘅小食！一上枱本身係原隻炸蛋，我哋自己切開再影相🤣外層嘅免治豬肉鹹鹹香香，配上入邊流心蛋，真係好好食。薯條配菜都好好食，值得一試👍🏻🖤真。卡邦尼意粉食之前店員會拎住一舊芝士過嚟刨，同時會介紹呢個意粉，意粉汁冇落奶去煮，係傳統嘅卡邦尼煮法。煙肉好香口，醬汁好Creamy，不過面質稍為有點硬🙈
continue reading
呢間位於長洲嘅「是蛋」顧名思義，所有菜式都圍繞「蛋」呢個主角🥚！由前菜到甜品，全部都以蛋為核心元素，正所謂愈簡單愈難做得好，今次試咗幾款出品，食得好滿意～🍄 松露是蛋炒配煎薯餅（$65）呢道菜一上枱就好香黑松露味，而且炒蛋好滑✨ 底部鋪滿煎至香脆的薯餅，望落去可能無乜特別，但煎到脆脆地，再配埋滑蛋，口感一流，仲有陣陣黑松露香，三重享受😆🍳 土製炸蛋（$52，堂食限定）個個都推介呢款（雖然我覺得薯餅更好食😂）即叫即炸，上枱時熱辣辣，外層炸得金黃香脆，入面保留咗流心蛋黃的濃郁滑溜，一刀切開蛋黃慢慢流出🤤 配上香脆薯條，同茄汁一齊食，好熱氣，但好吸引！🌶️ 流心蛋煙肉泡菜意粉（期間限定 $98）第一眼望落以為好少，但好彩隻碟有啲深度😂 泡菜酸辣味配意粉本身已經知好食，而且呢度煙肉份量唔少，混合埋隻流心蛋，食落更滑溜😋 聽講卡邦尼都好好食，下次可以再試！🍮 是焦糖燉蛋（$52，堂食限定）餐後甜品就揀咗焦糖燉蛋，係偏實嘅口感，絕對唔係食空氣😌 面層輕輕焦糖化，帶微苦焦糖香，內裏蛋味好重，味道唔會太甜，食完唔會覺得過膩💛
continue reading
呢間餐廳其實bookmark咗都好幾年，但好幾次泥到都係冇開門，今次難得泥到見到有開門！即刻就入咗去幫襯！但係期望愈大，失望愈大……今次同朋友一行二人，叫咗土製炸蛋、真卡邦尼意粉同埋黑松露炒蛋多士……1. 土製炸蛋原來係有啲免治豬肉包住一隻流心蛋一齊拎去炸，一切開睇落好似幾特別，隻蛋烚到呢個流心程度的確係出色嘅，但外面層豬肉就真係太特別嘅味道，一來覺得好咸，二來應該用咗啲香草去醃豬肉，香草味濃到有啲酸酸地，總之就係既特別又難忘嘅味道2. 真卡邦尼意粉呢碟意粉話係即煮，但泥到已經係凍晒，僅餘嘅蛋黃汁都聚晒喺底，店員有介紹話個汁係蛋黃做，冇加白汁，仲用咗豬面頰肉泥做嘅煙肉，仲會即場喺面前落少少芝士碎，一夾起已經感覺到乾噌噌，一入口除咗乾之外，仲要係冇味嘅，感覺怪怪地，食完第一啖已經唔想食3. 黑松露炒蛋多士呢件多士其實係意粉跟餐加25蚊（包多士同飲品），件多士泥到，賣相唔吸引到相都唔想影，size仲細過一包紙巾，完全同menu圖文不乎成餐最好食係炸蛋隔離嗰幾條薯條同埋飲品（可樂）
continue reading
📍是旦🥚長洲都有好食又有特色西餐廳小店😆真•卡邦尼意粉 $85Real Carbonara （Egg yolk, Guanciale & Parmigiano)食落個醬汁唔似係溝忌廉，係單純用蛋黃同芝士去整令到佢好杰身又香濃👍🏻呢個價錢好有誠意仲有用風乾豬肉去調味，好重鹹香味加分位仲有店員會即場刨啲芝士上面🧀松露是蛋炒配煎薯餅 $65Truffle Scrambled Egg on Pan-fried Hashbrown煎到好香薯仔蛋餅味👍🏻粗切薯仔🥔做底，再加巨型黑松露蛋餅做面呢個好好食都係好有鹹香，不過有少少油
continue reading
💡是溫泉蛋也是薯蓉 ($47) 🥔可愛小瓶既薯蓉, 表面有黑松露同溫泉蛋, 而底下就係自家制既薯蓉😋薯蓉撈勻蛋液同黑松露後, 再配搭麵包 -> 薯蓉非常順滑香口, 同焗好既麵包一硬一滑非常絕配!! 💡 真。卡邦尼意粉 ($85)🍝店員會幫你係意粉上即刨芝士🧀 -> 意粉硬度適中, 而且同香濃既蛋液融為一體, 再加上咸香既豬面頰肉, 味道較加突出, 不愧係招牌意粉之一!!(意粉要趁熱食, 唔係蛋液會凝固喔<)💕食物相當有驚喜同質素, 而且價錢適中, 入到長洲除咗掃小食之外, 依間餐廳一定必試👍🏻🔻可惜店鋪座位較少, 需要排隊, 而且中午3點就會關門, 要一嚐蛋滋味既朋友一定要睇住時間呀~👩🏻🤝👩🏼👬
continue reading
You may be interested in