Video
Telephone
23380061
61332875 (WhatsApp)
Opening Hours
Today
10:30 - 22:00
Mon - Sun
10:30 - 22:00
Above information is for reference only. Please check details with the restaurant.
印象中食過一次，印象麻麻！今日再去幫襯多次，叫左酸辣米線，蘿蔔同腩肉另外叫凍飲，總數61蚊！首先奶茶味道係唔錯，但加上紙飲筒後！飲落好辛苦，飲筒擺耐左更加難吸！浪費左杯奶茶米線黎到，首先湯底同米線真係幾好！但蘿蔔係硬身！仲要係好大力先咬到！另外最誇張就係腩肉，既厚身又好硬.....仲話秘製腩肉...算啦！強迫自己食一舊，我咬一啖牙都痺...同隔離雲貴風同雲川真係差好遠...最後食完米線算，d所謂既餸拎去餵狗....仲要碗野比我搵到舊豬潤..小弟十分討厭內臟...61蚊呢個價錢，呢個食物質素...完全唔掂難怪附近其他米線舖永遠都爆場呢間永遠都小貓3，4隻.....永遠都唔會再黎
continue reading
今日午市時段同朋友一齊去搵野食去到青菱徑見到呢間鋪頭，二話不說即係簡佢因為我地好鐘意食辣🌶️🌶️🌶️🌶️我叫左個招牌酸辣粉（我簡撈粉）小辣🌶️因為第一次食呢間，所以唔知辣度，下次再黎我可以叫中辣了溫馨提示：午市佢好旺場，好多食客，要預時間等位
continue reading
今次去左虹橋搵食🤤🤤🤤周圍都好多細舖，呢間舖頭吾算大，大約有20-30個位置，lumch hour超級多學生黎食，逼到一個點😂😂😂坐底之後，叫左3碗粉試吓，有撈紅薯粉，又有湯，任君選擇😂😂😂可以叫小辣，我吾食得辣叫左小辣😂😂😂辣既程度可以接受😂😂每碗粉既材料都好多🤤🤤🤤好足料👍🏻👍🏻👍🏻而且只係要三十幾蚊一碗，四十蚊都吾洗，超級抵食👍🏻👍🏻👍🏻唯一缺點係店員面黑黑，好趕咁，好似我食嘢吾俾錢咁😌😌服務就吾好提喇😂😂
continue reading
自己本身唔食得辣，亦都好少食酸辣粉，可能因為我屋企人入醫院，想出嚟散吓心食啲可以刺激味蕾嘅食物，喺井財街經過呢一間小店，覺得價錢合理，入到舖頭首先第一下就係比呢一幅畫吸引，望住佢哋覺得好搞笑😆因為外賣，所以就揀咗一個撈麵款，加7蚊要咗一個好似魚蛋咁嘅東西老細極力推，可惜原來得一條，另外，雖然叫做肉醬撈麵，但係啲肉醬好細碎，冇乜咬口，but overall酸味都比較突出嘅，紅薯粉煮得好琳，唔會靭，如果多啲花生有咬口會好啲埋單$42 OK啦
continue reading
虹橋是我經常光顧的食街，其中的「順酸辣粉」幾乎每晚都滿座，今晚就帶朋友來試試湯粉麵和小食。招牌酸辣粉$34，選了米線，小辣。這裏的酸辣湯，酸辣度適中，易入口，不會被辣油嗆到，與其他酸辣粉比較，不會死辣，還喝到湯底的鮮甜味，我是連湯都喝光了。配料的炸醬酸酸甜甜，肉碎十分多，連米粉拌勻吃很有口感。韭菜、芽菜、芫茜、酸菜份量均勻，爽爽的又能吸收酸辣湯味。加了一份螺旋藻$7，像海帶一樣，沒有味道但有海藻香味，份量也很多，與酸辣湯的濃味一起吃，絕配。胡椒豬骨湯粉$34，朋友試過這湯後，大讚好喝！有胡椒，喝得他大汗淋漓，冬天吃更加好味。濃濃的豬骨湯，配料還有豬頸肉，就像多了一個餸，而豬頸肉十分爽口，鹹味適中，很好吃！朋友把米線轉成生菜底，浸在胡椒豬骨湯裏更入味，配料還有花生、粟米，邊吃邊喝，又甜又香。蒜泥白肉$38，份量也很多，這個價錢超值！有青瓜墊底，吸收了醬汁味道，最後才吃剛好入味！這醬汁味道不是平時的鹹和辣，而是蒜香加黑醋味，有涼拌酸酸微甜的感覺，特別得來很好吃。豬肉半肥瘦，切成薄片，拌勻醬汁，很快便入味。特別讚豬皮口感煙韌，咬下豬肉又爽口，好吃得吃個碟底朝天。二人埋單不用加一，才$120，吃到捧著肚子走。這個平靚正的餐廳，絕對是飯堂首選。
continue reading