37
18
4
11-min walk from Exit E, Causeway Bay MTR Station; 客人按職員指示往碼頭集合, 然後由職員帶領到避風塘船上
continue reading
Telephone
81120075
Introduction
Shun Kee Typhoon Shelter is a Hong Kong style restaurant that specializes in serving the freshest and highest quality seafood. A few of their seafood dishes include garlic crab, grilled prawns and soy sauce clams.
continue reading
Opening Hours
Today
18:00 - 22:30
Mon - Tue
18:00 - 22:30
Wed
Closed
Thu - Sun
18:00 - 22:30
Above information is for reference only. Please check details with the restaurant.
Recommended Dishes
對上一次book信記已經係一月嘅事，之後就因為疫情禁堂食所以擱置，差唔多成年之後終於成事💃🏻晚市分6-8pm / 8-10pm 兩個時段，我地放咗工去所以揀後者。套餐唔包飲品，可以自攜飲品唔收開瓶費，我地一行四人預早少少約左去買嘢飲之後就去到銅鑼灣避風塘碼頭等接駁艇家載我地去信記～短短幾分鐘嘅船程我哋已經雀躍萬分，好似去旅行咁，海風吹埋好chill好舒服，相都未影完就已經到左信記。我地一早已經預訂咗四人餐$1680，首先登場嘅就係白灼基圍蝦同白灼東風螺，正常發揮，冇乜大驚喜。跟住就係蒜蓉蒸蟶子王，另外加蒜蓉粉絲蒸大扇貝。蟶子王同大扇貝個size其實唔係好大，蟶子王有少少沙，扇貝未完全離殼，不過蒜蓉豉油熟油同粉絲夠晒香，都OK。跟住灼油菜一碟，清清味蕾再食濃味嘢唔錯。壓軸嘅係避風塘炒肉蟹、避風塘豉椒炒蜆、招牌蟹油炒麵，係成餐飯嘅highlight。避風塘炒肉蟹有水準，叫咗小辣唔係好辣，蟹肉滑嫩又多，重點係佢d炸蒜好正，真係可以空口食佢d邪惡脆脆，攞嚟撈蟹油炒麵簡直一流！避風塘豉椒炒蜆比炒肉蟹辣，豉椒汁比較濃味，係重口味之選，不過嚟到船上食就係食呢種風味！食物一般，炒肉蟹比較出色，但係有幾可會去船上邊食晚飯，適逢就嚟聖誕節沿岸有好多聖誕燈飾，望住個海同好朋友吹吓水敘舊係好chill好過癮嘅體驗，值得一試！姐姐喺船頭逐隻逐隻船跨過將d餸送到去唔同船都幾特別，每經過一次船身都會搖晃，有時都幾暈😂不過都係一個有趣嘅體驗～夏天應該會幾熱，開始入秋呢段時間嚟係一個唔錯嘅選擇！同行有朋友生日，喺船上食蛋糕慶祝生日真係一個特別而難忘嘅經歷💃🏻💃🏻
continue reading
朋友生日🎂初次嘗試上船食飯🍚我哋喺怡東酒店停車場隧道行過去銅鑼灣避風塘,喺海邊行過去幾分鐘就到,坐一架接駁艇仔去目的地,幾分鐘就到達,我哋當日點咗10人餐$3980,嘢食方面有手撕雞,白灼基圍蝦,白灼東風螺,清蒸沙巴龍躉,避風塘豉椒炒蜆,避風塘炒肉蟹,蒜蓉蒸蟶子王,香炸花姿腐皮卷,油菜一碟,韭菜花一碟,招牌蟹油炒麵,我哋另外仲叫咗招牌燒鵝粥,海鮮整體嚟講都好食,招牌燒鵝粥反而有啲失望,整體嚟講環境食物都ok🤤
continue reading
咁大個女未試過係避風塘食飯 覺得食海鮮可以揀流浮山 三聖村 西貢 鋰魚門….大把選擇但咁岩親戚回港探我地 就一於去試下呢啲特色野記得要預先WhatsApp船家訂位 講明食幾多人餐（船家講左 到時想加人頭都加唔到 ）老闆已預早比左清晰指示 係邊度行去上船位置到時會有艇仔去碼頭接我哋 出發當日 路線易搵既 （提醒最好去埋廁所先上船）佢格局係一連十多隻細艇既 每架就一張枱咁 可以容納8個人左右我地一行8人都覺得幾迫。架船搖下搖下咁因全程得兩個呀姐 招呼咁多枱客 佢不停咁係你船頭行黎行去 佢全部海鮮正常水準。因為我覺得新鮮海鮮都幾難整得難食 但最好味係佢既手撕雞同埋炒蟹 同蟹油炒面但佢唔好既地方係 真係想加單都加唔到即係我表弟覺得唔夠飽 想加碗白飯都冇個隻所以建議真係去前睇好想食咩 預返好個份量😎嚴格黎講 未去過既 去下無妨會暈船浪者 要諗清楚
continue reading
讚1 環境係有氣氛 坐係船上面 好似拍緊戲咁2 唔算貴 平均四五百一個人左右3 免酒水費 好啱一班人去食飯想飲勁彈1 菜式味道實在麻麻 炒蝦 炒蜆 蒸魚既功夫都過火2 上菜時間控制得差 等等等等餐飽 3 船一經過就好大浪 暈船浪唔好搏
continue reading
睇咗YouTube 介紹，銅鑼灣避風塘有間海鮮飯店睇咗評價都幾好，WhatsApp俾佢哋預留咗日期時間，都要預先落埋單喺銅鑼灣避風塘天橋底度，有架艇仔會接客上海中心嘅船排開餐天公做美，雖然今日有些少雨，上船嘅時候已經停雨。搭艇仔上細艇度食嘢，有種懷舊風味諗住上船，會有靚景可以睇吓誰不知，上到船係冇景觀可言的😅😅😅算啦，叫做體驗吓接駁船仔嘅視角睇出去係咁嘅樣而上到船係除咗搖吓搖吓係冇咩特別，怕暈嘅人唔好去食，唯有期待啲餸係好食啦😅😅😅今次我哋4個大人，同一個小朋友食飯叫咗個4人套餐同兩碗瀨粉，事先叫埋兩碗白飯入面枱面放咗紙巾、醬汁，同旁邊掛住咗包飲管，船內面空間夠6-8個人坐，有個廁所仔要留意返兩邊人數重量，會側埋一邊（啲餸都好危）如果要嘢飲、手套嗰啲就要提早自備啦上菜時，姐姐會走過一架架船，將餸菜送上枱基圍蝦，白灼都好鮮甜，蝦頭有膏，好食東風螺都係白灼，點少少汁都好食蟶子呢個蒜蓉汁係好味，可以撈飯，蟶子大大隻好咬，冇沙蟹係用一堆爆蒜炒出嚟好味，估係一隻半蟹份量菜都鮮甜好味嘅，份量就少咗啲最後係蟹油炒麵，幾好味叉燒同鴨瀨，正常發揮船上食嘢有限時，8點去食，嘢食唔係上得好快，9點45分左右，姐姐已經催我哋要走嗰吓都幾趕頭趕命，唱完生日歌影咗幾張相，蛋糕都未切，已經俾姐姐趕搭船唔建議任何慶祝活動喺呢度搞😅😅觀感好差總結：要景觀冇景觀，嘢食係好味，未至於要俾咁嘅價錢上船食慶祝千萬唔好上船，真係純體驗一次就夠😅
continue reading