雙喜樓 (Closed)

同朋友係囍匯做完Gym, 近近地落去飲茶食午飯。環境幾大，囍慶感充足。涼伴黑木耳、燒鵝米粉、泥鯭粥、馬拉糕、爆炒牛柳粒、蒸腸粉、燒賣、燒乳鴿份量細細份，我地5個人食剛好。以燒鵝同燒乳鴿做到皮脆肉嫩。

一間極重口味嘅茶樓，午餐最好預早頂位，否則就要一點半後先有位！酒樓要上一層樓梯先有坐位，坐位不算太多，樓下係接待處，知客好友善！呢間酒樓啲裝修唔錯幾特別，茶壺，茶杯，碗同碟都寫著個囍字好有喜慶感覺，茶壼裏面有一大個茶包沖你㨂選嘅茶葉，所以啲茶葉唔會沖出嚟，好周到！食物方面就麻麻啦，义燒包都Ok! 蝦腸啲蝦唔新鮮，味道仲好咸，基本上唔要豉油都咸，腸粉啲粉皮好厚，感覺一大舊粉，如果大家想食腸粉，我提議叫XO醬腸粉係比較好味啲，因為我上次食過OK 㗎！山竹牛肉又係咸到痴線，啲味道仲好怪，唔知落咗乜嘢好似漿著個口，好難食！稍為好食啲就係珍珠雞，味道唔錯！叫咗碟灼菜，啲油多到好犀利，啲菜應該用咗好多鹽去灼，所以好咸😖！呢度午市同晚市都有甜品送，但係要提佢先比甜品，今日係綠豆爽，味道清淡，不錯，但可能因為送，所以份量好少！如果有血壓高真係唔適合呢間酒樓飲食，除非晚市唔係太多人叫去少鹽少油！

「雙喜樓」表裡內外都滿載喜慶感覺，最適合喜歡想當年既朋友、有經歷既朋友⋯如果黎緊同屋企長輩食飯，不妨可以考慮食懷舊菜，回顧「舊陣時」之後一齊迎接新年！。 「雙喜樓」坐落灣仔喜帖街，驟眼一望，外掛燈籠的設計，應該係街內最有中國喜感的食肆。酒樓以舊茶樓形式在灣仔紮根多年，直至近年斥資過千萬裝修，特色窗花、配上掛畫，於喜帖街內以新面目示人。小編晚上光顧，吃的是手工懷舊粵菜；沒有名貴食材的配搭，卻有賴於廚者的精湛手藝。 舉例而言，當日吃過的啫啫雞煲、炒芥蘭、叉燒、肉絲湯伊麵等等菜式，都屬於大眾菜式，廣泛流傳於市面食肆。然而，如何在「好普通姐」的前設下，作出區別，則取決於味道調教上是否可以更勝一籌。的確，當日席間的餸菜好像比平常的來得細膩，沒有多餘的調味，整體都做到恰到好處。至於特色菜方面，則包括蝦籽柚皮、百花釀仙掌等等。哈哈，值得一提的是最令我印象難忘的是肉絲湯麵，吃過後有點滄海遺珠的感覺。有點遺憾的是叉燒和臘味煲仔飯，火喉好像還差一點點。

假期完畢，又要開工，過灣仔交完文件，順便約朋友去雙喜飲茶。門口和樓梯裝修有中國 feel, 跟個名雙喜好襯。點心唔算貴，2個人叫了5款煎蘿蔔糕唔夠熱和焦，料小粉厚3色腸粉有牛肉腸，蝦腸和义燒腸，完全是凍的，粉皮已開始硬，入口已經唔開胃遠年陳皮牛肉球， 陳皮味淡，反而芫茜味重， 可惜都是唔夠熱。最熱是這一款魚湯鮮竹卷，可能因為是有湯浸住可以保溫， 但腐皮太軟， 夾起中間已經分開兩段！叉燒包皮厚， 餡料半肥瘦豬肉，味道ok, 可惜唔夠熱。就算幾靚嘅餡料， 唔夠熱 ，冷冰冰， 全部扣曬分

經過這個雙囍樓, 勁似外國唐人街的歺館. 本來以為給老外吃的, 因附近也像唐人街. 竟然家中的老人家堅持要試, 那就去吧！店內裝修很不錯，食物比唐人街歺館的點心好吃。今天再度帶友人再試, 沒有特別的不好, 但燒鵝賴粉的燒鵝可以juicy D!

We try coming here for lunch, even made reservation but then when we came, we found out we still have to wait. Then they started sitting people that came later than us. Then 30 mins later, we are still waiting...so we decided to go elsewhere. The point is why even have a reservation system when people came off the street without booking still gets table before you....and the fact that you still have to wait at least 30 mins even though you made reservation. Utterly ridiculous....will not ever go

八十多歲的父母一直很想到利東街逛逛，並試試那處唯一的點心酒樓。於是一早預訂了12:00枱好讓老人家不用在繁忙時間與群眾擠迫。當我們準時抵埗，店內只有一成客人。我們被安排在路口位置，被迫選擇安置老人家坐在較危險的出入口位置或譲怕凉的他們坐在當風的位置。於是我們請部長們幫忙，安排我們到另一張不在路口的五人枱。眼看著眾多的空桌，想應該不會令部長們有什麼為難，但他們卻用極不友善及絕無半點為客著想的態度拒絕另行安排。當我不厭其煩地到到樓下安排订坐的公關小姐處请求幫忙，絕想不到得來的回答是我這要求會令他們的工作很烦所以不能另作安排。结果我们只有失望地往别家去

番工食lunch最開心就係一大班同事去飲茶，可以食唔同野，又可以大圍傾下計。 今次大家試新酒樓， 係喜貼街(而家係喜匯), 都算易揾。 酒樓新裝修，乾淨好坐。 我地10個人，比左張大台我地。 D姐姐係中午時間都好好service, 跟單同出菜都好快。 大家打工仔最怕酒樓甩單，上菜慢。 我地大概叫左18 個點心加窩粥， 每人$135 價錢合理。點心黎講都係果D, 特別好食既有馬拉糕，椒鹽白飯魚， 脆皮波羅包， 咖哩魷魚。 其實呢度都有幾多唔同既小食， 吸引過d點心。 個鎮江水晶肉做得唔錯，味道同肥瘦都岩岩好。同事門都滿意呢間，可以再encore~

話說我朋友的BB百日宴，在雙喜樓開咗兩圍食晚餐。雙喜樓最出名的是乳豬，今次是我第二次去。他的乳豬每一次都冇令我失望，都係咁好食。乳豬一啲都唔肥，亦都非常香脆。其他餸菜都好食，如果想食乳豬，此餐廳是非常好的選擇。

餐廳裝修， 傢俬 及氣氛 都上佳，可惜食物就… 🤔🤔🤔今時今日 酒樓員工少都好正常， 請人難，員工做嘢更加辛苦， 咁啱見到一個心煩嘅阿姐，她大聲說:「都話(乜乜乜…)！」。 雖然唔係同我哋講， 見佢哋咁慘豬 真係飲茶嘅心情都冇了 😆😆😆講返飲茶， 茶葉質素不差，有茶香。 先來一客叉燒， 它是全餐最正常的 😅 油潤而香軟，讚 😄Xo醬炒腸粉，沒有Xo香， 鹹鹹的 比較似豉油王多啲， 而且炒得濕， 口感軟趴趴 😂😂合桃奶黃流沙包~ 內有合桃碎， 奶黃味道不錯但就是吃不到合桃味 😆椒鹽魷魚鬚~ 粉漿厚薄適中，亦炸得好， 可惜太重手好鹹 😂😂燒賣~ 包得唔實還是不夠新鮮？ 過了兩分鐘， 上面的蝦都跌下來了, 而且燒賣皮鬆鬆的 😂😂最後的排骨， 鬆軟軟的，可是亦都鹹~可惜 可惜，希望會有大躍進 💪💪💪飢Point : 3/10#hungermarch #飢詩 #非飢詩

晚飯前3日book了7:30pm - 4位, 我7:15pm到左, 話要等4張枱, 最後8:10pm先有枱比我. 叫左4個餸其中一個肉餅黎極都未黎, 吹左佢3次都每次都話蒸緊, 最後原來話賣晒, 不過唔知點解又話可以即刻蒸, 我話唔好喇, 埋單算數 食物尚可, 不過唔會再去.

今天（8月28日）中午，我地一班同事约五十人去湾仔雙喜樓歡送一位同事退休。在之前，本已與經理book 定5圍，但今天返工時才收到有數位同事因台风後而未能來，臨急與經理溝通，幸得她的通情達理，減為4圍，並安排她下屬大堂女主任和公關主任作緊急調整。可是，一波已平另一波又起。原已不出席的部分同事又臨時出現，致吳主任和她同事需臨急加添圓櫈和碗筷，好彩一切無誤！D餸菜份量充足，非常好味，我同事們讚不绝口！在此特別稱讚经理和各位主任等人員！！

知客姐姐安排的座位睇到厨房出菜, 看到出了很多次义燒餐包,一定有原因!於是點了一碟試,果然有唔錯, 熱辣辣新鮮整出嚟 又唔會太甜 淨係見到個包外表已經好想食 其他點心 都好 做得唔錯 中菜好多時 中伏於鹹得滯 但雙喜樓就沒有喺呢個位出錯 。珍珠雞上菜的時候 ,朋友發現 大部份點心的份量 ,都好似比正常份量少了一點 ,一般有四件的,他們只得三件 ;好似腸粉咁個碟就好長,睇落好似好多咁 ,實份量只得兩條,真係斬埋斬埋就係柴 所以如果趕時間的, 最好叫多一兩碟,唔駛再番單。但勝在地點位置就腳, 同食物水準都好。

今日中午和一班同事去灣仔雙喜樓飲中午茶，我地經常來，平均每星期來一次。每次來時都會提早book位，果位接聽電話的姐姐（reception counter）都好有禮，語氣親切開心愉快，話埋booking number. 上到樓上很快入座，D樓面服務快捷，好快帮手開茶及落單（之前來過一次有位樓面姐姐服務就差D，請她加位加櫈就有去冇回），D點心及煲仔飯又好快上來，熱騰騰，非常好吃！！讚！！下星期再來。

14.05.17-當天母親節來試一試，環境不錯，点了幾款点心，馬拉糕-唔似平時食的味道，叉燒腸-叉燒偏硬，得過且過，棉花雞-唔知点形容......真差極，排骨煲仔飯一般，唔緊要用茶包，但鐵觀音都唔好飲，不再幫襯