Video
4-min walk from Exit B2, Wan Chai MTR Station
continue reading
Telephone
28691228
Introduction
An izakaya that blends culinary excellence with casual dining, offering both authentic and creative Japanese dishes. Signature items showcase the artistry and unique flavours of Japanese cuisine.
continue reading
Opening Hours
Today
12:00 - 23:30
Mon - Thu
12:00 - 22:30
Fri - Sat
12:00 - 23:30
Sun
12:00 - 22:30
Public Holiday Eve
12:00 - 23:30
Above information is for reference only. Please check details with the restaurant.
About Reward Scheme
Offers
最近工作上既忙碌終於暫告一段落😁同老公去搵好野食慶祝下❤️🍾見到灣仔利東街新開左間日式居酒屋就想試試🇯🇵裝修有日式居酒屋feel🏮以和風木色為主調，佈滿特色海報🧡加上燈光柔和，服務亦好殷勤，整體體驗唔錯💯居酒屋主打各種特色日式酒類及佐酒小食😙呢度既總廚係日藉+擁有35年經驗💗全新推出既菜式有廣島蠔松前燒、海鮮卷、手作北海道產吉列薯仔沙律、自家製芝士豆腐、香脆關東煮蘿蔔等～～全部都好想試呢❣️❥ 板前炙燒日本牛扒 $268勁打卡！！店員會席前用火焰燒牛扒🥩🔥（點呢道菜真係要準備定手機📱）牛扒勁高質🧡外焦內嫩，顏色粉嫩，炭燒味香濃，咬落口有滿滿既肉汁💦食完好滿足💕❥ 日本和牛温泉蛋凱撒沙律 $138份量好多🥰和牛好粉嫩，搭配滑嫩既温泉蛋😍加上清爽既沙律菜，同埋大量既芝士碎🥗成個配搭勁豐富❤️🔥❥ 沖繩AGU豬肉餃子 $68餃子皮薄餡多，粒粒都勁飽滿🥟豬肉鮮嫩，入口juicy！！搭配埋醬油好好食😋❥ 雞肉大葉串燒伴梅子醬 $68雞肉串燒香嫩，搭配酸酸甜甜既梅子醬！兩者平衡得好好，食落唔會太膩，又開胃💕❥ 輕燒日本和牛 $176賣相超靚！！薄切和牛輕輕一燒，肉質柔軟，油花十足！輕燒既方式令肉味更加突出🥩鍾意食和牛既人唔可以錯過🫶🏻❥ 日本和牛炒飯 $128炒飯份量比想像中多🫶🏼和牛入口軟嫩，油脂感重😚炒飯炒得乾身粒粒分明，伴上雞蛋同蔥花，口感味道都好唔錯🥰❥ 蕃薯大福配抹茶雪糕 $78結尾點呢個甜品真係岩岩好☺️大福口感軟糯Q彈，唔會太甜！裡面包住香甜既蕃薯餡🍠配上抹茶雪糕，味道清新💚❥ 四季柑汁 $48清新可口，果味濃郁，好解渴❤️❥ 菠蘿梳打 $48菠蘿味清新又香甜🍍飲落仲有啖啖果粒😙夏日必飲✨🌻
continue reading
呢晚喺利東街食咗呢間新開嘅日式居酒屋，主打各種特色日式酒類同佐酒小食，呢晚我都叫咗幾款嘆吓😎板前炙燒日本牛扒係一個幾有觀賞性嘅菜式，因為店員會席前用火焰燒牛扒😮 燒完嘅牛扒仲係好粉嫩，keep住有好多肉汁。側邊仲有茄子、本菇、西蘭花、薯仔同埋粟米做配菜。日本和牛溫泉蛋凱撒沙律沙律面頭有勁多芝士碎🥗 加埋鋪得靚靚嘅和牛片同埋溫泉蛋，整個配搭都好豐富🥩 雞肉大葉串燒伴梅子醬一份有兩串，雞肉燒得幾香口，配埋面頭有紫蘇葉同埋特製嘅梅子醬，食落口唔會太油膩🐥香蔥吞拿魚腩煙蘿蔔卷卷物嘅頂頭有好豐富嘅吞拿魚腩蓉，加上有醃蘿蔔粒，令到整個卷物嘅口感更有層次🐟輕燒日本和牛一片片排列整齊嘅日本和牛，經過炙燒之後，依然油花十足。肉質幾軟腍仲可以點埋隔離略帶酸味嘅醬汁一齊食😸日本和牛炒飯呢個炒飯用上日本嘅珍珠米，都整得幾精緻🍚 除咗面頭幾嫩口嘅和牛片之外，其他配料包括有蘿蔔粒、蛋絲、蔥花等 。是日雪葩呢日係蘋果雪葩，用上原個蘋果裝住幾香甜嘅雪葩🍎 味道幾清新。飲品我地嗌咗兩杯Suntory生啤，仲可以揀黑啤🍻 適合同朋友過嚟飲返杯。同店員傾開先知餐廳係由35年經驗嘅日籍總廚主理，唔怪得啲食物質素咁正啦🤩 大家想同朋友chill吓就要過嚟試吓啦😋
continue reading
🥩 板前炙燒日本牛扒 HK$268・味道：好少可日本牛係既有牛脂香又有好重肉味🤌，入口既有半融嫩滑脂肪，又有牛肉肉香，加埋外皮燒到微微焦脆，出色！蔬菜都係鮮甜🥬，一啲都唔hea。加上個微甜嘅燒焦汁，中和咗牛脂嘅膩口，掂👍🏻！・口感：切到2-3cm幾夠咬口，有拉扯感但唔韌，每啖都咬到肉香加牛脂嘅香味，出色嘅。🦪 廣島蠔松前燒 HK$138・味道：清新帶甜嘅廣島蠔，冇腥味少少甘香，偏清爽唔係濃郁系。配檸檬汁＋明太子醬＋柚子醬，更fresh！又吊到蠔嘅海鮮鹹香🌊，正！・口感：肉質飽滿，好滑溜～🐙 牛油果八爪魚拌山葵醬油 HK$108・味道：呢個好surprise，好新鮮彈牙嘅八爪魚片加好綿密嘅牛油果🥑，加埋唔攻鼻嘅山葵醬油，夏天食好開胃，淡淡山葵香氣但唔辣係幾正的。・口感：一個清新一個濃厚嘅口感，好大對比但好夾。🍢 雞肉大葉串燒伴梅子醬（2串） HK$68・味道：雞皮幾脆口嘅，係雞扒啖啖肉幾juicy，靠梅子醬同紫蘇葉係幾香嘅，但份量可以多啲因為唔夠送咁大嚿雞XD・口感：雖然juicy，但又唔係嫩口㗎喎，有啲黑人問號，不過起碼唔柴😂～🍣 香蔥吞拿魚腩煙蘿蔔卷 HK$78・味道：吞拿魚腩新鮮嘅，冇筋純腩位，但可以揀啲更肥美嘅位會更滿足XD・口感：打到好蓉，但如果留返小小吞拿魚粒，有啲咬口更好！🍛 日本和牛炒飯 HK$128・味道：飯粒飽滿分明，炒得乾身，個人口味覺得再乾身少少，焦香味更重會再香口啲！和牛都係牛扒嗰款🥩，肉香脂香都有齊，加埋蒜片好香🧄，個口食到好臭好喜歡XDXD・口感：蒜片烘得唔夠乾身唔夠脆，所以少少痴牙，但整體good嘅！🍨 海鹽雪糕拼炸沖繩紅芋球 HK$68・味道：入口都幾重鹹香，甜味慢慢出返嚟，唔算好重奶香，真係海鹽味冇fake臭XD！反而個炸沖繩紅芋球🍠，炸得乾身脆口，上枱出晒煙，食落似實心煎堆，內餡紅芋球係好香甜綿密嘅芋香，但個甜味係清甜，冇加奶，食返原本芋香嘅清甜，加雪糕好正😋！・口感：雪糕綿密，唔會好重冰感，唔是雪葩質地，但入口又唔會好似好勁奶香嘅雪糕咁，係清爽的！🍋🟩 青檸泡盛 HK$52・味道：lime cocktail🍸，作為一飲酒就紅到關公咁嘅肚波，覺得都幾易入口，唔會好重酒精味，同時青檸味幾香，微甜，不錯喝！・口感：酒類飲品嚟講佢個份量幾佛心，算大杯的。🍊 四季柑汁 HK$48・味道：出色！個甜味exact7ly係食柑蕊位最甜最甜嘅位，未到澀但就係最甜嘅位，好天然嘅柑香，正🍹！・口感：同時又唔會甜到好漏喎，正！・・・・・・・・・・・・・・・・・・・・🤰性價比：高～🤰9衝度：9衝～🤰結論：平時好少食居酒屋，因為覺得唔抵食，但呢個份量味道都做足畀你，食完係會滿足，覺得食到好西，quota冇嘥到🥰！仲係喺灣仔黃金地段，會再encore！
continue reading
一上嚟有個開胃菜沙律係輕燒和牛🥗，即係半生熟嘅和牛🥩，食落去口感唔錯👍🏼，好香濃嘅和牛味🤤，又帶點沙律好fresh嘅感覺🪴。至於個苦瓜炒豬肉🍖，炒得幾香👌🏼，唔會因為苦瓜嘅苦味而嚇怕😅，反而係一個幾好嘅開胃菜🍽️。之後嚟咗個牛柳粒🥩，係全部嘢食之中最貴💸，但反而係最失望嘅😔，啲牛柳肉雖然係大大粒四方形🔲，但係食落相當之韌🦴，裏面好多根🪢，難以咀嚼😖。個飯整到好似大阪燒嘅口味🍙，食落好惹味😋。拉麵有大大塊薄和牛🍜，入口好鬆軟😌，湯底好濃郁🧡。最後甜品海鹽雪糕拼炸沖繩紅芋🍨，絕對有驚喜😮，睇落好似中式嘅甜品煎堆🍡，但食落啲紅芋好軟熟🍠，好香又唔會好甜🍬，配埋啲雪糕🍦，口感一流👏🏼。整體嘅食物質素都唔錯👍🏼，尤其係一開頭嘅沙律同最尾嘅甜品🍧，環境都好有日式風格🏯，只係門口一開個風就幾大💨，所以坐落又未必好安樂😊。餐單輕燒和牛沙律 176.00沖苦瓜炒豬肉 88.00日本產和牛柳粒 198.00日本豚肉麵炒飯 88.00火炙日本產和牛拉麵 138.00海鹽雪糕拼炸沖繩紅芋 52.00是日雪葩 68.00青蘋果乳酸梳打 38.00藍色多瑙河梳打 38.00
continue reading
上個禮拜日同老婆去咗灣仔「笑宴」食飯，慶祝我哋嘅週年紀念日🎉。成日掛住日本旅行，於是搵間日式餐廳止吓癮🇯🇵。餐廳裝修幾和風，木系傢俬配暖黃燈光，坐得幾舒服，仲播住輕輕嘅日本歌，好似瞬間穿越咗去東京咁～🍶 雖然唔算好大間，但枱與枱之間有足夠空間，傾偈唔怕俾人聽到，啱晒兩公婆撐枱腳👫。➡️三得利頂級生啤 💕💕💕💕啤酒泡沫綿密，入口清爽帶微微麥香，冰凍程度啱啱好，飲落去即刻消暑解渴🍺。同老婆乾杯個陣，仲有啲「叮」一聲嘅儀式感，幾有feel～➡️沖繩四季柑汁 💕💕💕💕💕呢杯柑汁絕對係驚喜！酸甜平衡得好好，仲有淡淡柚子香，飲落好fresh🍊。老婆大讚「似沖繩海風吹過嚟咁清爽」，果然係解膩首選！➡️沖繩炙燒豬軟骨 💕💕💕💕豬軟骨燒到微微焦香，肉質軟淋又帶啲嚼勁，醬汁甜中帶辣，好惹味🔥！下面墊咗啲椰菜絲，吸晒啲肉汁，食落更加爽口。➡️自家製汁燒日本雞軟骨肉餅 💕💕💕💕💕呢個真係必點！雞軟骨混入肉餅，咬落「咔咔聲」，口感超正🐔。汁燒醬甜甜哋，仲有啲芝麻香，配埋旁邊嘅椰菜絲，食極都唔膩。➡️自家製芝士豆腐(芥辣醬油） 💕💕💕豆腐滑溜得嚟有芝士香，點埋wasabi醬油，味道幾特別🧀。不過芥辣唔算好攻鼻，如果再刺激啲會更加正！➡️香蔥吞拿魚腩煙蘿蔔卷 💕💕💕💕吞拿魚腩好肥美，加埋香蔥同醃蘿蔔，鹹香中帶啲爽脆🥢。蘿蔔嘅煙燻味幾突出，同魚油嘅濃郁撞出嚟，好有層次感！➡️炸沖繩苦瓜片 💕💕💕苦瓜片切得薄脆，炸到金黃色，咬落「索索聲」好過癮🍤。苦味唔算重，反而有種回甘，點埋旁邊嘅沙律醬，意外地夾！呢餐慶祝飯食得好滿足，每道菜都有心思，尤其係沖繩風味嘅菜式，真係有種「去唔到旅行但個胃去咗」嘅感覺✈️。環境同服務都唔錯，唯一係座位少少逼，如果想靜靜哋傾偈，建議早啲book位📅。
continue reading