39
5
1
3-min walk from Exit B, Causeway Bay MTR Station
continue reading
Introduction
四季禪以烏冬作主打，內設有烏冬製作室，烏冬每日新鮮製造，湯底以多種日本魚肉及日本優質豚肉熬製而成，餐廳供應兩款招牌烏冬，包括讚歧烏冬和京都烏冬，並有冷、熱可選。
continue reading
Opening Hours
Mon - Sun
12:00 - 14:30
18:00 - 22:30
Above information is for reference only. Please check details with the restaurant.
Recommended Dishes
早兩個星期去左呢間餐廳食半自助餐，原先係網上見到咁多好評，仲滿心期待，點知大失所望，如果同一個價錢，我寧願去番café east / grand hyatt食全自助餐 law。因為選擇會有十倍咁多，唔會好似而家咁，貼錢買難受!講番正題，果日星期五我同埋朋友2個人約晚上8時到達，但食物供應嚴重不足，例如﹕煎鵝肝及帶子等食物，由20:00 – 21:00 每次出去拎都係冇，試過有一次煎好約10件左右，但排我前面個女人一次過攞晒，問番唯一個師傅(留意: 煎部係得一個師傅，所以你可以想像可以有幾快出野食)，佢就好晦氣咁話等下啦，要煮左主菜(即係牛) 先到你地d自助餐配菜。所以每人平均要成$500，但整晚只食到一轉煎帶子咋 (係我同我個friend各一隻)﹗由於冇野食關係，到21:15就埋單，呢一刻係完全冇食過煎鵝肝!!!!!!原先諗住黎食煎鵝肝架。不停地有得叫既只有壽司law~~關東煮入面只得返芋絲，但係冇人會refill，十分離譜。甜品選擇只有約4款，同埋質素真係麻麻。只有主菜的烏東叫還可以，但$500食烏東及壽司，我可以去食放題，價錢仲平d。真心，我以後唔會再去呢間餐廳﹗
continue reading
同朋友來到銅鑼灣一帶，又到了晚飯時候，我地去揀左間靜靜地的日本餐廳，名為四季禪，名稱很特別呢！日本菜隨街可見。餐廳不同之處是向上發展，住窗邊位，感覺高高在上，可以望到半個維港景色，十分悠閒、平和，附合禪意，餐廳座位也有不少。我地看過餐牌，都認為日本2人套餐很豐富呢，總是對那個鹿兒島黑豚心癢癢的！！首先係前菜沙律，凍凍地，相當清新，味道很不錯呢！材料有點兒像炒雜菜，生菜爽口且水份充足，醬汁味道亦算吸引。車厘茄鮮甜爽口，一點腥味也沒有，作為前菜，很不錯日本近海鮮魚刺身三款（金木鯛，北寄貝，拖羅），三款刺身帶不同的風味。北寄貝新鮮、爽口，都算肥大肉厚，但味道很淡。金木鯛有著粉紅色的外皮，口切得較薄，彈牙程度比深海池魚更甚，不用點上任何調味料，味道已經很出。拖羅夠鮮甜和肥美，魚油十足，滋味得很，最驚喜係佢一點也不腥，很合我口味，令人一試難忘。 天婦羅盛合粉漿厚度不錯，但略嫌炸得油膩了一點。大蝦夠大份且爽口。舞茸亦都好唔錯，夠脆卜卜。味噌照燒鹿兒島黑豚呢個係main course戲肉啦！！估唔到有咁大份，味噌照燒汁調得剛剛好，一試難忘。黑豚啖啖肉，肉質嫩滑，一點也不鞋口，層次分明，是很難得呢！北海道帆立貝配黑松露照燒汁食落口仲好熱下，温度剛好，炒得不錯。北海道帆立貝半生熟，唔會咬到起絲，口質棒棒的，而黑松露香撲鼻而來，令菇菌生色了不少。三款壽司，排列得十分整齊，視覺效果一流。海膽超級夠鮮味，用材必定是上盛的。牡丹蝦的蝦味唔算重，但好厚肉，肉質肥美，沒有半分雪藏味或腥味，作為壽司，很不錯呢！左口魚邊精瑩通透，係左口魚最肥美的部份，油脂豐富，經過輕輕烤過，有入口即溶的感覺，高級餐廳常見，十分難得，沒有抗拒的理由吧！大蜆湯自家製烏冬一般食開的是烏冬，而呢間加左大蜆，與眾不同。大蜆肉粒粒十分飽滿和新鮮，一點也不霉。烏冬爽口和滑身，怪不得即使食左咁多野，依然仲食得落添。另帶一提，自家製烏冬由日籍總廚親自製造。是日甜品：雲呢拿雪糕配酒果子凍，酒果子凍酒味香濃且淳，很合我胃口。芒果梳打味道正正常常，沒什麼特別之處。甜度適中，相信糖水份量恰如其分，都好夠氣下！
continue reading
其實日本料理都是我愛，韓國菜當然都Like，不過要數日本菜，隨街可見。今次同朋友相約CWB食日本菜，餐廳感覺都比其他一般區高級。上到黎已知日本餐廳一概風格都好靚，坐低後加埋個靚景，真係好賞心悅目又relax打開Menu，見到有個二人套餐，但因近日不想食炸野，決定放棄有天婦羅的二人Set。亦有半自助套餐選，但擔心吃不下這麼多，決定轉戰單點路線我自己就點左杯乳酸梳打，味道上就不太重乳酸味，反而梳打佔太重比例，本來預期的是帶點梳打的乳酸，卻變成了帶點乳酸的梳打法國鵝肝，一見到馬上心心眼！😍因為早前吃過美味的鵝肝，結果一試愛上！本抱住不太食內臟的我，居然會瘋狂愛上鵝肝這種美食，所以今次我不多思索就決定點下它本來心想一件鵝肝，應該比我一口就KO，點知上到檯，原來係一分為三，而每塊體積都不算小，可以一滿我所願！伴碟的士多啤梨與蘿蔔絲，用來中和鵝肝的油膩，不過對我黎講，鵝肝最正的油香味係最吸引，所以我原塊食，就最滋味！食落去，油香味濃，而且大大塊又厚的鵝肝，外面煎得剛好，令人難而忘懷的美食，不過還是少吃為可，多吃就壞身子味噌照燒鹿兒島黑豚也是美味非常，不過在此先要提醒一下各位，不喜歡肉羶味的朋友還是別點這個，但對於吃慣肉的人來說，真是必點之一！這個黑豚肉羶味不算非常重，但那羶味與肉味融和一起，非常了得！👍🏻而且燒的醬汁不會過濃搶走黑豚味，外層燒得香，帶點脂肪卻不算肥膩燒黑豚其實還附有一醬汁，不過我個人覺得吃原味最好味，再加上醬汁有點微辣，所以整碟我都係原味燒黑豚照吃無誤，但非常惹味！伴碟配有蓮藕片與日本蕃薯片、一小碟酸蘿蔔絲，我不愛蓮藕，所以沒吃，但蕃薯片像醃過的味道，微酸得黎還有本身甜甜味道，而且好軟林，加上一小碟酸蘿蔔絲醃得都好味，看來餐廳在配菜上的心思都花不少最後係餐廳主打的烏冬，餐廳所聞名的係自家製的讚歧、京都烏冬與上乘烏冬湯，試後有感果然名不虛傳！本想試試他們家的京都烏冬，傾向薄軟的京都烏冬餐廳都只建議凍食，可惜我點的滑蛋松葉蟹肉湯烏冬只有熱食，配的是讚歧烏冬。烏冬一到，只見碗面非常用料十足，洋蔥絲、松葉蟹肉絲、滑蛋，全部滿滿地佈滿烏冬面，而底下的烏冬份量亦十足，我非常建議不大食的女孩子要Share食，否則一定食唔哂！每一啖蟹肉夾住洋蔥絲與蛋絲，配埋湯底，每一口都是甜。烏冬與平時食的略微不同，口感上比較彈牙，冇平時食開的讚歧烏冬咁林。必須提既係湯底，雖然不能仔細嚐到各種魚的味道，但係當中鰹魚的味道非常突出，魚在淆湯中可謂鮮甜濃郁，所以我說在這裡是有名的主打烏冬與湯底也不為過！最後不得不總結，以這個地方再加上這個質素，價錢是非常之抵食，簡直CP值爆燈！✨味道上、餐廳於食物花的心思上，我都是比接近滿分的評價，有點本應天上有的感覺。無論是烏冬、燒物等都是做得比其他餐廳出色，這個是無可否認的。所以我和朋友都共同達成共識，決定下一次都會再黎四季禪，大飽自己口福！其實能找到自己喜歡的餐廳並不容易❤️
continue reading
一個地方，吃了兩次，兩個不同的男孩，兩個不同的感覺。 來到了四季禪，如果你是女孩，你會喜歡A男孩還是B男孩?A是乖乖的慳家男孩，帶他來過吃半自助餐，話化算點，B是那種只喜歡揮霍享受，說吃這類最好的東西不是吃自助餐。 今晚和我這個C來，當然我只是一個朋友，不是你的裙下之臣，你告訴我吃這個半自助餐較化算，因為可能你選A吧。 你就發現這裡的a la carte 很好吃，價錢也化算，只不過她說這裡的半自助餐，非常非常平又非常抵食，因此，她帶我來到試吃半自助餐，她說有感情煩惱，我從她選擇晚飯就知她應該選定了吧。 這裡的半自助餐非常有氣勢，就是刺身部分食到你傻，又八爪魚甜蝦真綢三文魚油甘魚呑拿魚，全部都係不錯的質素，貼近酒店質素。 冷盤的海鮮還有那個肥美青口和蟹腳，我差點以為自己在吃自助餐。 卷物，沙律，冷麵，豆腐也是不錯的選擇，我特別喜歡那個秋葵沙律。 熟食我喜歡的有新鮮即炸的天婦羅，還有幾有趣味的蕃薯南瓜餅，還有那個像中式般的蘿蔔炆牛腩，幾款菜式也做得好好。 燒烤部已經有那個煎龍脷柳，然後又有鵝肝多士，這些都是酒店有的自助餐item吧，我也不明白，點解半自助餐都咁豐富，我以為我去了酒店。 不過我告訴你，這裡你會覺得像去了酒店房間一樣，在居高臨下的midtown，望著銅鑼灣的夜景，非常動人，我面前這女孩漂亮聰明也不足夠，還有那麼多男孩愛，人常說人帥真好，我覺得女孩漂亮更好，到那裡也能成為所有人的焦點。 說回食物，佢嘅壽司係任食最正嘅部分，比得起平時我吃的一些omakase名店，就是望著這個美景再配壽司是最識食。 海脆軍艦當然吸引，還有那勁大件又豐沛的蟹柳，帶子雖不是完美但也做得滿不錯，還有腐皮也很好。 最後要推薦的還有那個清酒煮蜆，同壽司一樣我encore左足足四次。 然後就是主菜的時間，我選了鐵板燒波士頓龍蝦，配牛油海膽汁，那件龍蝦在牛油的香氣下，再配海膽汁，可以說是入味到暈，海膽汁就如男孩追女仔般黏身的膏藥，龍蝦肉啖啖吃得出的是鮮味，弱點是份量太少罷。 她選吃的是滑蛋松葉蟹肉湯自家製烏冬，滑蛋配牛肉配得多，你有冇試過咁食法，原來咁樣食對我來說發現新大陸一樣，那些蟹和蛋的相遇如久別重逢，令人覺得欲蓋彌彰，粗而嫩口的蟹肉是叫你吃得快樂的，還有那個非常有嚼口的烏冬，你就看名字冇想過咁好。 平時有前菜自助餐的都是草草了事，或前菜不好或主菜不好，但做到這樣事事圓滿的餐廳真的不多，最重要有環境價錢又不貴，咁罕有你都找到，我想你那位男人都認真不錯，值得唱首你最珍貴。 但是我還是想吃a la carte 的，為什麼我身邊沒有這樣的女孩呢。 by the way 祝你幸福快樂。 四季禅 銅鑼灣登龍街1-29號金朝陽中心2期Midtown 29樓
continue reading
今日約左朋友放工後去銅鑼灣行個街, 食個飯, 充一充電, 6點半收工, 之後就出左銅鑼灣同朋友會合, 一致決定都係食左飯先, 因為大家都太餓既關係, 之後就話睇睇附近有咩餐廳比較好食同有安靜既環境可以放鬆個人甘傾下計, 食飯..之後就選擇左"四季禅"一入到去, 侍應有禮貌招呼左我地入去, 一入到去"哇"左一聲, 因為可以望到半個維港景色, 而且真係比較安靜睇睇個餐牌先, 有幾個選擇, 1. 半自助餐2. 單點3. 套餐我同朋友都比較餓, 想試多D野, 但又唔係幾想食自助餐首先黎左杯飲品, 係最為人熟悉既凍奶茶, 佢係用美式上枱, 即是奶, 糖漿和茶分開, 由客人自己按份量倒茶香奶漓係基本常識, 但呢杯飲品飲上是茶味和奶味剛剛好, 中和了雙方既味道, 既飲到淡淡茶味, 又味到純純既奶味 之後黎左個軟殼蟹牛油果卷, 外層味道非常特別, 有少少似山葵既味道, 一啖咬落, 軟壳蟹炸得鬆脆,和飯配合起上黎真係一啖飯一啖蟹肉,加上新鮮既牛油果, 味道一流之後黎左個網燒鹿兒島和牛 , 上茶聞落去已經好濃既香味, 令人口水三分流我唔客氣啦, 和牛一入口, 做到入口即溶,脂肪和肉既比倒亦岩岩好, 加上少少酸味醬汁, 醒神開胃我地覺得唔太飽, 最後叫左個烏冬黎食, 之間試過唔少明博多太子溫泉蛋自家製烏冬 , 不如又試試呢間有咩特別先上菜時一大隻匙''更''既明太子放係烏冬上面, 實在太吸引, 由於我太心急既關係, 唔小心一下子就倒哂落湯當時同朋友亦同時講出口, ''哎呀'' 哂左啦, 我話唔緊要, 等我飲哂D湯消滅埋佢啦未食烏冬先飲個湯先, 濃濃既湯底已經令人食髓知味, 再試埋個烏冬, 聽講係四季禅自家製, 食落口 爽口彈牙, 一食已經知道係師傅親自手打,的確係一門手藝, 配合埋一小小粒既明太子,食落"卜卜"聲, 十分過癮最後加埋隻溫泉蛋, 蛋黃汁加上湯既配合, 兩者合埋一齊真係好夾!餐廳係高層仲可以飽覽維港景色, 真係美景佳餚集於一身!
continue reading