湘粵樓 (Closed)

因為係觀塘返工，康寧道成條街都好多餐廳，旁邊仲有市政大樓都有好多嘢食，收工見呢間新開，12月收工約成班同事去試呢間湘粵樓，價錢正常普通中菜館價錢收加一，因為係新開張所以裝修都ok，但份量細左啲，如果味道又唔係出眾，份量又唔大，真係冇乜吸引力，好似啲炒菜咁，一斤菜值幾錢？比多幾條等人感覺上幾抵食咪會有客囉，難怪平時都冇乜生意，只要唔太難食，間間中菜味道都差唔多，所以試過一次之後都好難會再有第二次幫襯。

由於本人無辣不歡，但身邊好多朋友對辣又敬而遠之，次次約飯局都幾頭痕，幸好有朋友推介湘粵樓，一次性滿足唔同口味的朋友，湘（湖南），出名辣不怕，滿足三年疫情，返唔到上去食辣嘅慾望，辣得非常爽，非常正宗，久違的味道，推介擂辣椒皮蛋，應該糸雪過，冰冰涼涼，辣辣及皮蛋味道好夾，一口落去，涼，轉頭辣，直接上腦，不過要小心，真糸好辣呀，試左剁椒雙色魚頭，屬香辣醬香，深圳的味道，個人口味覺應該用熱油激發香味，有少少待改進，外婆窩窩頭，媽媽的味道，值得一試……小炒黃牛肉，家常菜，夠鍋氣，好食，粵菜試左咕嚕肉及白切雞，都唔錯，有獨立房間及麻將，一群人聚餐，又多一個好選擇

綱上見到這間食市，一行4人決定去試下。叫左抄萵笋，抄手撕包菜，各68元一蝶。真系好大份量，比市面多一倍，又好味又抵食。椒鹽鮮魷好香口，粉槳好薄～正。豉汁蒸白鱔醬汁好好味，份量都吾細，138元真系抵食，好新鮮，好彈牙。叫左上湯煎米粉龍蝦，米粉好翠口又吸晒d上湯好味道。雖然只有6件煎米粉，但米粉好厚，都可以好飽肚。老闆好貼心，我們又想食芝士麵底，佢送左1蝶芝士伊麵比我地。又送左4個只陳皮清蒸鮑魚，真系招呼好好。值得再去。送的陳皮鮑魚

好耐冇翻大陸食湘菜，最近試咗間喺觀塘新開嘅湘粵菜館，當中嘅水煮魚味道不錯，份量亦都幾足，麻度適量，魚片都幾滑，算對得住依個價錢。本身想試埋湘菜嘅扣肉，不過好可惜已經賣晒，得翻梅菜扣肉，味道與賣相一般，可以接受。紅油杷杷第一次食，甜度適中，食完又唔會太膩，不錯

Menu比較多選擇.有辣有唔辣.好適合一家大細👶🏻👴🏻同一班朋友酸菜魚🐟魚肉夠嫩滑.無骨.夠辣度🌶同酸.麻👍🏻Order左隻 阿拉斯加長腳蟹🦀 職員推薦3種口味. 🦀蟹膏炒飯 。椒鹽長腳蟹🦀。花雕酒蛋白蒸蟹腳👍🏻🦞龍蝦肉夠彈牙.鮮甜。跟埋米粉炸餅 夠鬆脆配埋 佢地自家配製 龍蝦汁 淋上米粉餅面 非常好味😋其他食物都唔錯👍🏻整體：1️⃣0️⃣

新店開張左半個月，搵埋家人一齊試菜，味味餸都好好味，唯欠酒牌要自己買酒。侍應服務都尚算 ok，可能今晚落雨爆場，見門口有人等位，侍應都忘不停手，所以成日都要叫加水沖茶，家人都覺得好食，下次再來試其他餸。