167
63
18
2-min walk from Exit B, Kennedy Town MTR Station
continue reading
Telephone
28196190
Additional Information
1800-2200 外賣自取9折
Opening Hours
Today
05:00 - 22:00
Mon - Sun
05:00 - 22:00
Public Holiday
05:00 - 23:00
Public Holiday Eve
05:00 - 23:00
*lunch: 1100-1500; dinner: 1800-2230; dim sum: 0600-1600/2130-0600
Above information is for reference only. Please check details with the restaurant.
在堅尼地城睇完早場毒舌大狀，已是十二時半。戲院傍，便是這一間尚囍飯店。非常出名煲仔飯，點心等等。去到時，非常多人，沒有枱。侍應便寫張紙仔，叫我們在出面等。也不是等了很久，大約十五分鐘左右，侍應便叫我們行入去到最尾。因全飯店都是人，我們便問其中一位店員，我們的枱是在哪裏呢？這位店員（穿全黑的，應不是製服，也應該是該店舖比較高級的員工，可惜態度非常差，亦非常冇禮貌。很"寸"地回覆我們, "哪一個是人叫你們入嚟的，你們便去問番他吧"!!! 一些想幫你的感覺都沒有呢！我們終於知道我們的座位，一張大圓枱，全是搭枱的，是香港茶樓的特色。我們便點了一個素玻璃蒸餃，鹹水角，再加了一個臘腸潤腸排骨煲仔飯。等了十分鐘左右，先上點心。鹹水角，還是熱的，皮炸得剛剛好又不是太甜，熱辣辣，應是即叫即做。蒸餃的玻璃皮，點心師傅是有水準，可以看穿餡料，是蒸得剛好，餡料都很多，又是一個讚。再講這店出名的煲仔飯，這個煲又不是太大但又不是太細，每煲都有飯焦，夠火力，煲得剛剛好，有飯焦但飯焦又不是黐底，又不是太硬，的確有師傅名不虛傳的功力。講食物的質素，我覺得是可以比美高級食店。當然這店是做街坊生意，食店內的座位和佈置，當然不及一線高級的飯店，也不可以說是坐得舒服，應該是食完便走這一路線。這兩點也是可以接受的。剛剛過了三年的Covid, 全港食店的生意是非常難做的，這店可維持到現在，也算是捱得住？可惜一經過艱難的時期，剛剛才回復正常，服務態度又變得那樣差？真是不可思議？我不知道這位穿黑衫的員工是什麼人，如果只是一位打工的員工，那可以算是"倒老闆米"! 希望可以改善一下服務的態度。但如果這位黑衫的女士，是老闆之一，那便冇辦法了。
continue reading
朋友話想食煲仔飯, 但係咁岩撞正星期五, 間間煲仔飯都大排長龍唔想排好耐隊之後又要等好耐先有得食, 所以走咗去食嚐囍, 除咗有煲仔飯之外, 仲有小菜同埋點心, 咁樣等緊煲仔飯嘅時候都有少少野醫肚<椒鹽九肚魚拼椒鹽鮮魷>鍾意香口嘅朋友一定要試吓呢個椒鹽九肚魚拼椒鹽鮮魷, 即叫即炸味道一流九肚魚肥美滑嘟嘟, 鮮魷彈牙爽口, 椒鹽調味冇得頂<芋絲春卷>嚐囍嘅炸物都係相當唔錯, 芋絲春卷同樣香口, 鍾意芋頭嘅朋友一定愛<松露腐皮卷>但係我哋都有中伏嘅時候, 雖然腐皮卷炸得好香脆, 但素食吸油吸得好犀利, 大食妹覺得有啲油膩<小籠包>第一次食呢度嘅小籠包, 估唔到有驚喜皮薄多汁, 質素唔錯<臘味滑雞煲仔飯>食完啲點心終於到咗今晚嘅重頭戲, 臘味滑雞煲仔飯不愧係經典嘅煲仔飯, 香口唔油膩米飯粒粒分明, 果然臘味滑雞係長青款<白鱔排骨煲仔飯>但嚐囍最出名嘅其實係呢個白鱔排骨煲仔飯, 爽口嘅排骨, 配搭肥美白鱔, 再用豉椒調味, 滿口嘅香港風味
continue reading
為咗米芝蓮慕名而來，一行三人星期日來，6:00到取飛7:00先有位，等待期間在外面食過外賣先-薑汁九層糕$26.00，薑汁味好濃九層糕好煙韌超好食。等咗一個鐘入去立刻order三個煲仔飯先，再叫3個點心。一個鐘頭後煲仔飯同兩個餸才到，需然等咗好耐，但煲仔飯真係好驚喜，應該係我有史以來食過最好食嘅煲仔飯。服務嫲嫲環境麻麻。下次一定非繁忙時間到。
continue reading
成日聽妹夫話呢度係米芝蓮……日間飲茶我就試過，晚飯今晚都係第一次...拔兄有一天叫我帶佢去食煲仔飯...主動話去呢間...講就講左好耐卒之今晚去....我地6:40到已排有人龍排隊...原來真係咁旺場..我地排緊時就諗下食乜....我地吾知D飯有幾大煲，所以只諗叫一煲加點心...1. 臘味飯 + 鱔($88+$28) - 潤腸、臘腸、臘肉，D臘腸臘味都好香，冇油"溢"，好食，飯係偏鬆散，吾知係特色還是係正宗....但拔兄話OK喎...我就覺得散咗啲……2. 蒸排骨 ($26)- 芋頭墊底，排骨入味夠腍吾算肥3. 椰汁粟米糕 ($26, 沒有影相)--在出面未食過所以想試下，但原來沒有粟米的.....吾知係比錯定點心紙錯 (仲話新出品)...開頭吃了一件，個糕係滑的、震騰騰的，食完飯再食，件糕開始變水冇左個質感了，莫非離開雪櫃後就吾擺得？...4. 黃金糕 ($26，冇影相)- 我在別家食過，感覺似白糖糕，少少酸比我感覺不太好，但呢度，味道又OK喎，有椰汁味吾抗拒，但一定要趁熱食....我地都覺得個煲仔飯係好味，有驚喜的...服務都OK....
continue reading
即興黎堅尼地城食飯。19:00見到呢間勁多人等位，佢係Michelin Guide 2018-2021，就等埋一份試下係咪好好食。等左1個鐘多d終於可以入坐。我們叫左個大澳蝦乾肉餅煲仔飯、香芋油鴨煲、魚湯鮮菌浸豆苗、清蒸筍殻魚，蒜蓉粉絲蒸蟶子餐廳標榜自己無味精，食落都真係無咩味精既。個湯都算甜，鮮菌唔會話落牛油炒過，無咁肥，份量都多。個蝦干好香，佢既煲仔飯應該係招牌，食落都真係好正。佢既飯係粒粒分明，有d煲仔飯個水米比例唔好就會太爛，佢係剛剛好；因為水米比例ok, 加上火喉既掌握不錯，到底既飯焦都好脆口（我試過食d爛飯既飯焦好痴牙），同埋佢真係有焦香，唔係燶左會苦，佢個煲仔飯既技巧真係好好想食下貝類，得返蟶子，$60一隻，黎到見到係蟶子皇，價錢都算公道，洗得乾淨，大隻又甜，好食我由細到大食既油鴨/臘鴨都好咸又乾爭爭，所以我一直都覺得只係拎個咸香吊味。見佢有油鴨芋頭煲覺得d芋頭應該好香好食，就叫左個。點知黎到個油鴨一d都唔咸，雖然較硬身（始終係風乾野），但都可以食啖啖肉。推返左由細到大油鴨係咸到pk 即觀念，我覺得都真係好好食。筍殻最後先黎。平時少食呢種魚，$198我覺得價錢都可以接受，叫左條。佢蒸到超滑，魚皮無鱗，啖啖肉勁大條。我覺得蒸魚最緊要就係唔好過火，唔好過咸。佢2樣都合格，正總結我覺得佢價錢算公道，真係無味精，份量算多，無茶錢，無加一，味道好食。等一個鐘我覺得都ok
continue reading