Shelly Cake Express

同男朋友入去南丫島 見到網上面好多人話好好食冇睇Menu就入咗去試吓 諗住都唔會貴得去邊 點知一入去 嚇死我 78件蛋糕 可以買到Lady M 咁我以為會好大件同埋好好味啦細件都算 豆腐芝士蛋糕冇豆腐味冇芝士味 玫瑰烏龍芝士蛋糕 整到成個巴斯克咁 仲要話最低消費係$90 話好人唔收我哋 跟住就開始佢嘅人生課程 吚吚哦哦鵝到停佢唔到 最後俾咗$158 食咗兩嚿唔知乜嘢 同埋嘥咗好多口水 講啲嘢又九唔搭八 冇咩事都唔會再去搵佢 早啲退休都可以🙏🏻…Read More

到達南丫島後 上OpenRice看看附近有什麼甜品咖啡店好去 看到這間好評如潮經過看到不用排隊就進去進去之後好有家居的感覺 位置不多 就像在朋友家作客一樣 看到價錢牌$78 1件蛋糕 心想應該幾好食先會係一個咁樣嘅環境定呢個價位 最後叫咗一件$78嘅豆腐芝士蛋糕 一杯$40 lady Grey 從一杯$68自家製雪糕新地豆腐芝士蛋糕嚟到賣相都OK 第一啖食落去只有失望豆腐芝士蛋糕太甜豆腐味係有，但係唔香濃芝士味完全搵唔到蛋糕質地完全冇口感餅底完全冇牛油香味同埋超級散覺得自己整嘅，應該會好食啲雪糕新地揀咗荔枝味 超級甜同埋有大量假嘅荔枝香精味質地就係雪葩冇咩特別覺得有啲Over price 總括而言就係太貴，唔好食環境亦都唔適宜坐好耐個人嚟講應該唔會再去…Read More

中秋節假期熱辣辣，行到頂唔順入去坐，叫咗三款蛋糕，期望最低係豆腐味，但竟然最好味係豆腐！唔膩，杏仁豆腐感覺。天氣熱一流。另外叫咗Oreo味，但細路仔兩下食晒，我都唔知咩味道。斑蘭蛋糕，幾特別啦！不過都係豆腐驚喜啲。另外叫咗杯美式，有果酸香，唔係星巴克嗰種死苦。飲完唔夠喉叫第二杯。有心機做的小店格局，好細間，但坐得好舒服，唔會覺得俾人趕，寧靜地享受小島風情。總括嚟講幾滿意，價錢唔算平，但以咁嘅味道，咁嘅環境，我又覺得唔貴。下次都會再幫襯。…Read More

之前一去南丫島就一定會去買一件他們的signature豆腐芝士蛋糕帶回租住的地方，現在他們在太古城誠品有Pop up Store趁機買多一件，除了豆腐芝士蛋糕還有他們的斑蘭芝士蛋糕。豆腐芝士蛋糕一定好食，豆腐味重一點都不膩，斑蘭芝士蛋糕有驚喜，更好食，味道濃郁，好香斑蘭味，趁他們還在太古城，一定要多試試不同口味。…Read More

生日前就plan 定去南丫島 見到雜誌介紹都好想去睇下食下好在天公作美 都算好天 無落好大雨先去得成食飽左就行去店食甜品見小店都係得三張枱 所以都明白點解要寫明最低消費 小店生意難做難得一場黎到一定要食招牌豆腐cheesecake 不用配coffee 都好夠味 又不太甜 好豆腐 軟綿綿 必食 老闆娘介紹餐牌 建議我地由淡味食到濃味 由上至下咁睇menu 忘記了影cake menu 呢個Oreo cheesecake 一睇都知足料 就咁食係偏甜 因為有焦糖醬 所以係要配coffee 一甜一苦 好鬼夾 男朋友都不知不覺間食左好多 平時他不好甜吃 Drink menu 老闆娘recommend Americano 先嘗試到豆既味 我地就先叫左一杯try try 果然係要叫多一杯 配cake 真係有配搭過既原來二人共256 元 沒有限時 可以傾吓 食下cake 嘆吓咖啡 人生樂事 同老闆娘傾計 原來小店做左十幾年 真係不容易呢…Read More