蛇王娟

Open Now

Now Closed

難得肥仔連假，小公主游完水就去 🐍 蛇王娟 食翻碗 #大蛇羹🍲 $75..🐍梗係要加 #檸檬草😚❤️ 有冇人同Vienn一樣中意落多d🤣 梗係要 脆卜卜🥠. ..🐍記得唔要埋，同老闆講要 #湯🥣啊❣️..蛇羹夠哂足料，有蛇肉、木耳、川芎仲有雞絲！同平時食開有筍同埋冬菇好唔同...最中意係蛇湯任添，雖然寫明要另收費，但都會問要唔要湯同埋唔會另外收費...當然大家唔好做醜陋的香港人啦...仲有滷水小食、雞翼同埋菜...如果大家唔想食大蛇，細蛇又未夠飽就不如叫個套讓有埋糯米飯，夠哂飽腫又暖胃正所謂冬天唔補好易老❤️😍

公司喺牛頭角，有次收工同為食同事講起，大家都想食蛇，上google就搵到宜安街有，試過之後，食蛇去蛇王娟已經係我嘅不二之選。蛇羹足料，配埋薄脆同檸檬葉堅好味。蛇湯雖然無湯料跟，但飲得出有藥材味，應該都真材實料。糯米飯有臘腸、花生同蔥，唔會太鹹，糯米亦煮得啱啱好，唔會太軟或太硬。$65套餐有蛇羹、蛇湯同糯米飯，今時今日呢個價錢食到咁多嘢而且好味仲想點？呢款套餐喺其他地區收緊$120，仲要全日供應，所以堅係真心推介。如果唔食蛇佢亦有其他客飯提供，所以就算有朋友同事唔食蛇都可以一齊去，客飯都一樣抵食。

剛剛去買左碗外賣，買前問會唔會有骨，娟姐話無骨的（咁問係之前買過又係外賣，裏面有蛇骨，我食過好多次都無骨重非常好食，上次當自己黑仔！）但今次返到家食食吓竟然又中蕉，係一推骨喺入面，好在我小孩話唔喜歡食我就自己食！！！如果佢食到有事我真係唔知講乜好！！！！！其實呢間真係ok好食嘅，重有蛇湯送。

今日返工經過觀塘難得黎到E頭經過蛇王娟就當然入去蛇一蛇食碗蛇羹保持到水準真係幾好食,熱辣辣咁蛇肉都幾多,幾滑身,口感好好仲有其他肉吊下味咁另外D脆脆都係好關鍵夠晒脆好好食

觀塘近年重建市區計劃，裕民坊一帶都起了很多新落成住宅區了，附近很多小店都搬遷了，所以買少見少，有機會真係要食多幾次呢間「蛇王娟」，一年四季都照開，最出名當然是蛇𡙡同糯米飯蛇𡙡足料，勁多雞絲、木耳、蛇肉，蛇𡙡又唔會水汪汪，夠晒「杰」身，唔錯唔錯糯米飯又夠軟糯，花生同蠟腸夠多，加埋蛇湯，飲完夠晒驅寒，一個細既套餐只係賣$65，大既套餐都係賣$100，$65食到三樣野真心抵，據聞呢度滷水小食滷水雞翼同拼盤都唔錯，俾食客咁多選擇

行緊街嘅時候，見到前面有間舖頭好多人係度排隊，八卦吓問前面嘅人係做乜，原來食蛇嘅，舖頭名叫蛇王娟又抵食又唔貴，我又排埋一份，坐底睇完餐牌，叫咗一個套餐包括蛇羮和蛇湯，蛇羹嘅味道唔錯，蛇肉都好多，蛇湯嘅藥材味好濃陏，整體上都係抵食嘅，食完嘢再行過。

晚上經過觀塘，想試下食蛇，入了一間蛇店（蛇王娟），店内装修比較簡漏，像一些大排檔，餐牌上有蛇羮A 餐及B 餐，大蛇羹和细蛇羹的分別，一百元與65元，㸃了個A 餐，大蛇羹一碗，糯米飯一碗，蛇湯一碗可以再添飲，味道唔錯，但鸡肉太多覆蓋了蛇肉，糯米飯则炒得不錯，比一般酒樓水準還好，蛇湯味道夠香濃，只是坐得不太舒服。總括而言，如果晚上不想吃飯也是一個不錯的選擇，店内餐牌還有鹵水併盆、鹵水鸡亦、盅頭飯、油菜等等。

大年初一，一早食咗晚飯，無聊落官塘行個圈，我家姐話我未幫襯過蛇羹，話帶我去試吓！都好飽，但又想試吓，我地叫咗兩個B餐，$65，有蛇羹、蛇湯、糯米飯蛇羹相當足料好好食加少少檸檬葉絲更加畫龍點睛增加香氣都唔肚餓仲要食糯米飯原本諗住實食唔落，點知越食越好食，糯米夠𡁻頭，非常惹味本身怕藥材味嘅我，家姐都叫我飲一啖試吓先！點知飲一啖都覺得幾好飲，成碗飲哂哥哥仔仲不斷話蛇湯可以添！主動問我地幾次要唔要再飲但實在太飽，無再飲清成咁就知好唔好食啦

已經好耐無嚟蛇王娟食蛇🐍，或者始終太忙掛，又或者係嚟到會諗起好多好多嘢，點解當初會過嚟食嘅原因...不過問我九龍邊間食蛇🐍正🤔我真係只識答係蛇王娟🐍今日收爐嘅我當然要同🐷隊友食番餐好嘅就作為團年飯未夠7點入到去已經坐滿曬人，只聽到有人要揀位坐，而老細好細心咁請其他食客幫忙調位俾佢坐。我哋叫咗個A餐同B餐，仲有加多碟菜，兩個餐嘅分別係碗蛇羹大碗咗應該有2/3碗😍，仲送埋蛇湯同埋有糯米飯。食完個餐真係感覺好正，好多料，唔會好似某間咁味精，真材實料，蛇羹又唔會好似某舖咁咬到好攰🤭，而糯米飯都好正，蛇湯相信落咗好多料，飲落清甜而招呼又好👍

香港既冬天又濕又凍 冬天又點少得食蛇！今次同男朋友行過觀塘，見到沿路都唔少食蛇既店舖。最後簡左蛇王娟，比其他店望落比較寬敞，坐得舒服啲，食都食得開心啲！入到去坐低左之後好快就決定好食咩。蛇羮套餐選擇唔多，只有大小兩款，而套餐既分別只係在於大碗及細碗蛇羹，而糯米飯和蛇湯係同樣大小。如果唔想食咁多蛇既食客人可以選擇單點蛇羹或經濟客飯，會送蛇湯一碗。最後我地兩個人要左一份大蛇羹套餐同細蛇羹套餐。食物好快就送到，蛇羹望落足料唔會太稀，有唔少蛇肉，而且頗大塊，但細碗相對蛇肉比例較少。食蛇羹一定唔少得檸檬葉同薄硊，但我地發現唔係每一枱都有，有啲唔方便。食完蛇羮之後，我地各人都食左糯米飯，臘腸份量都唔少，但炒得唔夠乾身，呢點可以改善一下。最後食完糯米飯，飲咗碗蛇湯。蛇湯味道唔錯，但係因為放左好耐嘅關係所以稍為有點凍。最後老闆都又再送多一碗俾我哋，非常貼心。總結，蛇羹味道唔錯，足料又大份。糯米飯太乾身方面可以改善一下，二寫湯可以喺用膳完畢後先奉上咁樣保持溫度會比較好尤其是冬天。

舖位於官塘斜巷上，舖內裝修殘舊，多客時連舖後巷都坐滿人。主打蛇羹蛇湯，亦有客飯、小食。蛇羹套餐分A或B，分別於A為大蛇羹，可2人分吃，但可能要加客飯比較夠飽。B餐有細蛇羹、細糯米飯、細蛇湯。一個人吃都相當夠。細蛇羹：用平常家用飯碗盛上，雖說是羹，但還是過份稠得很，又傑又肉很多，十分漿口而仔細看以肉絲為多，與蛇肉比例約為2:1左右。雖則材料非常豐富，但全是肉無幾多湯水的蛇羹未必一定好食的。唯加埋檸檬葉和薄脆一起吃，味道才增值些。細糯米飯：有臘腸潤腸脆花生，糯米飯較乾身，有靱度。細蛇湯，樣貌平平無奇，飲得出淡淡藥材味，而眼見大窩蛇湯有陳皮、紅棗、𣏌子等材料，唔怪得唔苦啦！熟辣辣飲落全身都暖苙苙。個人覺得比蛇羹更出色。

某日工餘時间經過觀塘宜安街，見到前面有間舖頭，排晒長龍，原來係一间食蛇羹嘅店舖，我都唔執輸排埋一份，睇吓係咪值得咁多人排隊先，坐底就叫咗嗰B餐，包括有蛇羹，蛇湯，同埋一個飯，可以選擇要 糯米飯，豉椒排骨飯 ，或者雞翼飯，任選其一，蛇羹都有好多蛇肉，蛇湯都好飲，值得一食，但飯就普通咗啲，下次要試吓对面嘅蛇王寵先得。

今晚走去蛇王娟買細蛇羮套餐($68)無論堂食定外賣都排晒長龍😐仲多人過對面蛇王x無人排隊😑咁多人排隊買返屋企食仲快😑點知買完行到半路啲湯倒瀉晒成袋都係湯返去蛇王娟叫老闆娘整過湯俾我😒回到家食啲蛇羮同蛇湯仲熱但糯米飯凍晒了😫無同我走蔥😢食晒已經飽飽

呢幾日天氣凍左，就想食返碗蛇羮補補身。宜安街有兩間蛇羹鋪，揀呢間因爲之前有朋友介紹。同埋呢家好家庭式，有人情味。鋪頭闊落，入面坐得比較多人。有套餐，有散叫。如果想當正餐食，叫套餐有蛇羹，蛇湯，糯米飯，好夠飽，好抵食😬一個人食就叫碗細蛇 ($40)👍🏻好足料，啖啖都有蛇肉，咬落有口感。當食碗碗仔翅，但有蛇肉食，呢個價超值呀😂不過味道較淡，以前食濃味啲，可能要撞啱手勢😝仲有蛇湯送🥰真係好抵食。如果兩個人食，建議叫一碗大蛇($75)已經夠食。大大碗，份量應該有兩碗半嘅細蛇。如果怕唔夠飽，可以叫個套餐，有個糯米食就更加飽肚蛇王娟除左食蛇，仲有其他飯餐同小食。之前落單，娟姐問我要唔要埋滷水雞翼，十五蚊四隻，好抵，下次想食小食可以試下😝

咋晚嘅生日飯，飲酒飲多咗，朝早起身有啲頭痛，見時間尚早，可以训晏啲，点知一訓就訓到12点幾，早餐都未食，就落咗樓下嘆碗 食蛇羹蛇王娟係觀塘都係老字号，我都成日落嚟食， 因佢有蛇湯任飲，蛇羹嘅蛇肉又多，味道都好正，又有脆脆添加，早餐連午餐一齊食，都幾好，食完走去馬會做兼職。